( ميلاد أقمار كربلاء عليهم السلام )

هنّوا علي والزهره
ابهاي الولاده الكبرى
باحسين اوعلي اوعبّاس الولي
هنّوا علي والزهره

ابهالايام في كل عام الفرح يزداد
في شعبان شع اوبان ضِوَى الأسياد
نور احسين قرّت عين ابن الأمجاد
للعبّاس نثروا ياس اوعلي السجّاد

واستبشرت دنيانه
والتخدمه فرحانه
والهم ينجلي باحسين اوعلي اوعبّاس الولي
هنّوا علي والزهره

يل امحبّين نور احسين ضوى اعلينه
شع نوره اومسروره موالينه
اولعياده وامجاده شرف جينه
والمختار بوالرحمات يبارينه

طه ابفرح ناغاله
منهو بعد يدناله
فاطم هللي باحسين اوعلي اوعبّاس الولي
هنّوا علي والزهره

رابع يوم يجلي اهموم ولا ينقاس
من لجدود غيره اوجود علم واحساس
ضوّى الكون اوبيه مفتون القمر يا ناس
اوهالحره مستره لفى العباس

بالفرحه جات اتشيله
خويه القمر شحليله
هوّه كافلي باحسين اوعلي اوعبّاس الولي
هنّوا علي والزهره

اوبالخامس نستانس ابعلي العابد
انجلى كربه المحب قلبه الحزن طارد
اجا الوالي علي الغالي انولد ساجد
الولي استبشر ابن حيدر ابشكر حامد

اهل السّما ايعرفونه
في هالمسا ايطوفونه
رغم الجاهلي باحسين اوعلي اوعبّاس الولي
هنّوا علي والزهره

نزف بشرى إلى الزهره اولوالينه
في محفلنا ابفرح كلنا تلاقينه
يعالجنا اوحوايجنا من ايدينه
نفدّي له اوننادي له ترى جينه

ننتظر يمتى اظهورك
اتشعشع علينه ابنورك
انتَ موئلي باحسين اوعلي اوعبّاس الولي
هنّوا علي والزهره

تمَّت بحمد الله ومنّه
يوم الأثنين : 4 / 8 / 1446هـ
العبد المقصّر : سجاد ناجي العديل

https://t.me/sajjadnaji2015

(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
ميلاد أبطال كربلاء عليهم السلام
----------------------
هالخلق فرحانه
اومزهره دنيانه ***هالشهر حيوا له
والنّبي هنوا له
سمّعوه هلهوله

في شهر شعبانه ***مولده بواسكينه
له نعلّق زينه
اوشيعته والينه

بالحفل يلقانه ***شقد نحب بواليمّه
قلنا هاي الچلمه
ما نعوف الخدمه

له نقَدْم ادمانه ***اغلى منّ الغالي
ازيارته آمالي
اولصحن هالوالي

شيعته ولهانه ***هالمحب إنشاده
للقمر ميلاده
هذا عم الساده

نوّر الدنيانه ***هالفرح متواصل
يا هلا بوفاضل
حيوا يالله الكافل

مولده وافانه ***زدات النا البهجه
والشدد متفرْجَه
الليله رابع حجّه

منولد مولانه **زينة العبادي
نفسي ويّ اولادي
فدوه حق اسيادي

ما تهمني اعدانه **سيدي بوالشاره
يا متى البشاره
اتشع علينا أنواره

المنتظر رجوانه

حسن الناصر
سجاد العديل
1446هـ

#ندبة_مهدوية

يبوصالح اجيت بلهفة المشتاگ
على بـابـك وگَفت و رايـد النظره

و انت حاشى و الله ما ترد محتاج
إجاك ابجاه امّك فاطمه الزهره

تمَّت بحمد الله و منّه
ليلة الجمعة : 28 / 6 / 1442هـ
المقصّر : سجاد ناجي العديل

https://t.me/sajjadnaji2015

( توسل بالقاسم ابن الإمام الكاظم عليهما السلام )

نخوه نخوه سيّدي يالقاسم ****جينا بالحاجات مدينا الچفوف
وانتَ حاشى سيدي اترد الضيوف
نقسم اعليك بقسم ياهالعطوف
ابحق ضلع الحسين ويّا فاطم ***نخوه جينا لك اومدمعنا جرى
نقسم اعليك ابمصاب الطاهره
زينب اخت احسين ذيچ الصابره
بضعة الكرار هيبة هاشم **دخيل جينا بالحسين او مصرعه
وجاه عباس الوگع عالمشرعه
اللي غايب رده لينا ورجعه
لعيلته رده ولينه سالم **ابقسم جينا والقسم جدًا عظيم
ابجاه امّك فاطمه اوبوك الكريم
شافي كل وجعان مولاي اوسقيم
واحفظ إلنا سيدي كل خادم **نخوه نخوه سيدي بجاه الرضا
كل مريض اليوم شافي له امرضه
بجاه من جثته رميّه امرضضه
اوخذوا زينب عالهزل للظالم *****يا شبل حيدر الساكن بالغري
كل موالي اليوم نادى اوجعفري
يمتى يطلع لينا ابن العسكري
بطلعته ايحل الفرج عالوادم

تمَّت بحمد الله و منّه
الثلاثاء: 20 / 5 / 1445هـ
العبد المقصّر: سجاد ناجي العديل

https://t.me/sajjadnaji2015

( أحوال الإمام علي عليه السلام في فقد السيدة فاطمة الزهراء عليها السلام )

حيدر ينوح دمعه مسفوح
ابفرقة الزهره الحزينه قلبه مجروح ****الله يساعد بوالحسن في هذا المصاب
حين اللي غسّل فاطمه اوعاين للصواب
شاهد صدرها امن العصر يا وسف منعاب
والوجن من ضرب الرجس أحمر اومنصاب

سطره عالعين ابوجه أمّ الحسين
اوشهق شهقه هالولي اتذوّب الروح ****من بعد ما أنهى الغسل سيْد الوصيين
نادى على أولاده تعالوا حسن ياحسين
يا زينب الحرّه با بت سيد الكونين
ودعوها أمكم فاطمه خير النساوين

لفوا بالآه ويلي ويلاه
راحت امنا اومنها بويه المتن مجروح ****تالي حمل نعش الطهر والدمع غدران
شاله معاه المقداد اوعمار اويه سلمان
واشلون حال الدفن روحه وسط تربان
الله يساعد بوالحسن في هاي الأحزان

ايقوم وايطيح مدمعه ايسيح
حاله صعبه اوما يوفّي وصِف وشروح ****عقب الدفن تالي رجع بوالحمله داره
اودمعاته فوق اخدوده بالحسره اتجاره
لن زينب اتصيح اوقلبها بانكساره
باب الزچيّه للحشر ما تطفى ناره

تبقى الاوجاع ويّ الاضلاع
اودم صدرها من أذى المسمار ما ايروح ****راحت الزهره اوصارت العيله حزينه
اوحيدر ينوح اويصفق ايساره ابيمينه
ويقول ظلمه اوموحشه الدنيا علينه
اوياريت عمري قبلچ اتقضّت اسنينه

يلطم الهام ويّ الايتام
اوزينب امن البچي منها الصوت مبحوح ****الله يساعد زينب الحرّه النجيبه
أمها افقدتها اوعالطهر ظلّت كئيبه
اوبالسيف باچر ينطبر ليث الحريبه
اوچبد الحسن تتقطّع ابسم المصيبه

احسين مطروح اوكلّه اجروح
ويلي وامن القفى لن اتشوفه مذبوح

تمَّت بحمد الله و منّه
العبد المقصّر : سجاد ناجي العديل
يوم السبت : 13 / 5 / 1446هـ

https://t.me/sajjadnaji2015

ابوذيات استشهاد السيدة فاطمة الزهراء عليها السلام

شعدد منْ رزايا امي وأَلْمّها
العدو بالسوط ياوسفه أَلْمّها
تجر ونّتها دايم ويَّ المّها
وتنادي ابصوت ياخير البريّه

الجمعة 26 / 10 / 1441هـ

مصايب فاطِمه الأعظم و (أمرها)
والأصعب منها ياويلي و (أمرها)
العصابة لمن الطاغي (أمرها)
تحرگ الدِار عالزهره الزچيّه

السبت 17 / 8 / 1441هـ

https://t.me/sajjadnaji2015

( قصيدة لشهادة سيدتي ومولاتي السيدة فاطمة الزهراء عليها السلام )

يا مولاتي يالمظلومه ***جينه الليله نصرخ جينه
يا مولاتي لا تخلّينا
نقسم اعليچ ابْمهدينه
نريده يحضر لينا يومه ***يا مولاتي ردنه الخدمه
و موته ابمجلس أبواليمه
و كل امْوالي هذا حلمه
يموت بْمجلس للمعصومه ***وفقينا نبچي لمصابچ
لحرگت دارچ ويَّا بابچ
و سيلة دمّچ فوگ اعتابچ
و محسن هالخر ويّا ادمومه ***ياللي ابحبكم الله خصنّا
نشكر ربنا اعلى المنّه
و بالمحشر ندخل بالجنّه
و الشيعي تنجلي اهْمومه ***يا مولاتي كلنا نحبچ
وفقينا نبگى في دربچ
نوصل يا مولاتي گبرچ
و توضح النا كل ارسومه

تمَّت بحمد الله و منّه
6 / 4 / 1443هـ
12 / 11 / 2021مـ
العبد المقصّر : سجاد ناجي العديل

https://t.me/sajjadnaji2015

( توسل بالسيدة فاطمة الزهراء عليها السلام )

نخوه بالزهره الزچيّه
و بعلي حامي الحميّه ***نخوه بالزهره البتوله
وبعلي راعي الحموله
والمحب رايد تجو له
إجِا ابدمعاته الجريّه ***دخيل بالمجتبى ولدچ
ونّته الحْسِين بعدچ
وابضربهم فوگ زندچ
وزينب الحره الآبيّه ***نخوه يافاطمه ابحيدر
والدمع منّا يتحدر
والطفل ياويلي الخر
محسنچ فوگ الوطيّه ***نخوه نخوه يالحنونه
المحب رايد تجونه
ابزينب الحره المصونه
الركبوهـا اعلى المطيّه ***بالسبي للكوفه راحت
العلي يابويه صاحت
السما والأملاك ناحت
تبچي و الحسره شجيّه ***ادخيل ياحيدر ابصبرك
وبالحبل هالفوگ نحرك
شلون للزهراء تترك
كلّه من حبل الوصيّه ***نخوه ابحيدر يازهره
اوحين طحتي على الغبره
والنبي يبچي ابگبره
ينعى ابونْته الخفيّه

لخادم العتره الطاهره
سجاد ناجي العديل
الأثنين ١ / ٦ / ١٤٤١هـ

https://t.me/sajjadnaji2015

( نخوه بالصديقة السيدة فاطمة الزهراء عليها السلام )

نخوه يا أم احسين يالمقهوره ****على بابچ يالبتوله قاصدين
لاتردينا يازهره خايبين
بجاه مولانا أمير المؤمنين
كل مُحب عندچ قصد بانذوره ****نخوه يا أم حسين فرجي شدتي
لاترديها يازهره طلبتي
حاجتي عندچ تراها حاجتي
ابحق ضلوعچ فاطمه المكسوره ****دخيل يازهره اوعليچ المُعتمد
منهو غيرچ نقصد ابوقت الشدد
فاطمه يا فاطمه نرجوا المدد
كشفي الشدّات يا معصوره ****يا زچيّه انصيح والمدمع همول
اقضي الحاجات يا بنت الرسول
اونبغي الباري يبلّغنا الوصول
قبر ابوچ اونشم زاكي اعطوره ****لاترديني ولا اتردي الحضور
يا زچيّه سَهلي هاي الأمور
نقصد البوچ النبي كلنا اونزور
بالمدامع فاطمه المنثوره ****فاطمه والله تعبنا امن الزمن
يمتى يطلع حجة الله ابن الحسن
نعتني مشّايه لچ كلنا ابشجن
اونجي قبرچ فاطمه وانزوره

تمَّت بحمد الله و منّه
1445هـ
العبد المقصّر: سجاد ناجي العديل

https://t.me/sajjadnaji2015

( نزلة في حق كريم أهل البيت الإمام الحسن المجتبى عليه السلام )

ما نعوفك يالأمين
يا مُعزَّ المؤمنينْ ****سيّدي جاتك تنادي شيعتك
حاشا يا مولاي تنسى امصيبتك
سمّتك جعده اللعينه زوجتك
بأثر سمها گطّعت لك چبدتك

ما رعوك الظالمين
يا مُعزَّ المؤمنينْ ****سيّدي ننساك هذا مستحيل
لك نقَدْم الرّوح مولايه قليل
ولو ردت مولاي من عدنا دليل
هالمجالس إلك نعقد يالجليل

انقيمها ابمرّ السنين
يا مُعزَّ المؤمنينْ ****يا إمامي يا نسل خير البشر
اليحبّك نجى والله من سقر
عنده الميزان راجح بالحشر
لانّه متمسك ابدربك يا ذخر

مثلك انحصّل امنين
يا مُعزَّ المؤمنينْ ****سيّدي تبقى منار العارفين
لو ما أنتَ الناس چانوا ضايعين
ابفضلك اوعلمك هديت العالمين
نهجك البيّن لنا الحق واليقين

على نهجك سائرين
يا مُعزَّ المؤمنينْ ****يا ابومحمد سيّدي يبن الرسول
بوك حيدر وأمّك الزّهره البتول
عن مقامك سيّدي شاللي نقول
أنتَ حيدر سيّدي فحل الفحول

بالشدد لا ما تلين
يا مُعزَّ المؤمنينْ ****سيّدي يا رابع أصحاب الكساء
بالصلح أسست ثورة كربلاء
سيّدي لولاك ما قام العزاء
اونبقى في كل عام نحمل للواء

عالشعائر ثابتين
يا مُعزَّ المؤمنينْ ****
تمَّت بحمد الله ومنّه
كربلاء المقدسة : ١٤٤٦هـ
العبد المقصّر : سجاد ناجي العديل
https://t.me/sajjadnaji2015