🏘 Людзей менш, а гарады растуць: падвохі горадабудаўніцтва — новы выпуск у межах праекта «Размаўляе на ўрбаністычнай».

У ім распавядаем пра:

— Як працуюць генпланы ў беларускіх гарадах: павялічэнне колькасці замест якасці
— Будаванне дамоў для неіснуючых людзей
— Як ігнараванне існуючага кантэксту прыводзіць да эканамічных складанасцяў
— Альтэрнатыўныя падыходы да развіцця гарадоў пры скарачэнні насельніцтва: сучасныя прыклады

Глядзіце па спасылцы ўжо зараз: https://youtu.be/J8kJNw5XkpM.

YouTube

Людзей менш, а гарады растуць: падвохі горадабудаўніцтва | Праект «Размаўляе на ўрбаністычнай»

Чарговы выпуск у межах праекта «Размаўляе на ўрбаністычнай». У ім распавядаем пра: — Як працуюць генпланы ў беларускіх гарадах: павялічэнне колькасці замест якасці — Будаванне дамоў для неіснуючых людзей — Як ігнараванне існуючага кантэксту прыводзіць…

Не так даўно віцэ-прэм’ер беларускага ўрада прапанаваў зносіць у гарадах хрушчоўкі, якія патрабуюць капітальнага рамонту, пакідаючы толькі падмурак для новых будынкаў. Гэтую ідэю было вырашана «лічыць прынятай».
Мы пагутарылі пра гэта з адным беларускім медыя і адказалі на пытанні наконт магчымага зносу. Працытуем асноўныя тэзісы нашай размовы.Нагадаем, што ў 1960-я ўзвядзенне хрушчовак — шматкватэрных будынкаў без «архітэктурных празмернасцяў» — было справакавана жыллёвым крызісам, выкліканым вайной і ўрбанізацыяй. Будавалі хрушчоўкі з разліку на кароткі тэрмін, каля 50 гадоў, але тое разлічвалі з «запасам трываласці».

У хрушчовак насамрэч шмат недахопаў: дрэнная рэпутацыя кватэр-«бабушатнікаў», адсутнасць ліфтаў, маленькія кухні, дрэнная энергаэфектыўнасць, адсутнасць нармальнай прасторавай арганізацыі раёнаў; часта самі дамы і інжынерныя сеткі ў іх знаходзяцца ў дрэнным стане праз тое, што іх не даглядалі і своечасова не рамантавалі.

Усё гэта нараджае ў галовах чыноўнікаў памылковую думку, што «танней знесці, чым рэканструяваць». Але амаль ўсе пералічаныя праблемы можна вырашыць рэканструкцыямі, капітальнымі рамонтамі, перапланіроўкамі, камунікацыяй з мясцовымі жыхар_камі.

Чаму лепш рэканструяваць, чым зносіць?

1️⃣ Пагроза зносу будынкаў не дасць людзям вольна аздабляць свае кватэры ці рабіць рамонты: калі чакаеш, што праз 3-5-10 гадоў дом знясуць, дык навошта рабіць нешта са сваёй кватэрай. Камунальшчыкі таксама перастаюць даглядаць дом, які плануюць знесці.

2️⃣ Калі замест пяціпавярховікаў збудуюць 20-павярховыя дамы, сацыяльная інфраструктура, разлічаная на пяціпавярховікі, можа не справіцца з большай шчыльнасцю забудовы.

3️⃣ Пагроза зносу будынкаў — вялікі стрэс для людзей, якія там жывуць. Ва ўмовах недаверу паміж гараджан_камі і чыноўнікамі пагроза застацца наогул без жылля ці атрымаць горшыя ўмовы дакладна выкліча ў людзей страх.

4️⃣ Руйнаванне будынкаў і высяленне людзей разбурыць кам’юніці, якія складваліся паміж суседзямі і суседкамі гадамі. Акрамя таго, многія з гэтых людзей ужо уклалі шмат сіл у тое, каб палепшыць свой двор, азеляніць ці мадэрнізаваць яго.

5️⃣ У еўрапейскіх краінах шмат прыкладаў таго, як падобныя старыя будынкі рэканструявалі і рабілі вельмі сучаснымі і прывабнымі. Напэўна, і мы так можам.

6️⃣ На сёння няма ніякага пацверджання таму, што зносіць і будаваць новае танней, чым рэканструяваць. Тут трэба ўлічваць вялікую колькасць грошай на непасрэдна знос, кампенсацыю, вываз і ўтылізацыю будаўнічага смецця.

Blizko.by

В Беларуси могут начать сносить пятиэтажные «хрущевки»

Лукашенко идею одобрил

🚌 Калі здараюцца непрыемнасці з грамадскім транспартам, якім мы штодня карыстаемся, узнікае натуральнае жаданне разабрацца з праблемай. Часам пасажыр_кі і журналіст_кі дакладна не ведаюць, хто вінаваты ў тым, што здарылася, і, адпаведна, да каго звярнуцца па вырашэнне праблемы. 

Нават у гарадах адносна далёкіх ад Менска вінавацяць і звяртаюць увагу не на тых. Напрыклад, з пачатку кастрычніка перасталі ездзіць маршруткі рухам Вілейка-Менск. Журналіст_кі спрабавалі разабрацца ў сітуацыі. У артыкуле выдання kraj.by вінавацілі, што “«Минсктранс» не дает нам разрешение работать в регулярном сообщении”, а ў першай версіі тэкста «Мінскай праўды» пісалі, што “пришлось добираться на маршрутках OBS и автобусах Минсктранса (автопарк №12)…”

Сітуацыя заблытаная, але ж гараджан_кам патрэбна спраўная транспартная сістэма. Дык што рабіць, каб вырашаць праблемы ў працы грамадскага транспарту? Куды звяртацца, каб ваш запыт быў атрыманы профільнай установай? 

*✍️ Мы паспрабавалі разабрацца і склалі для вас алгарытм дзеянняў. Заходзьце ў наш Тэлеграф-артыкул, каб азнаёміцца з нашай інструкцыяй па транспартных зваротах!
Калі ў вас засталіся пытанні ці з'явіліся новыя — пакідайце іх у каментарах, паспрабуем разабраць у наступных тэкстах! 🤝*

Telegraph

Куды звяртацца па транспартных пытаннях?

Пачнем трошкі з заканадаўчых актаў ***👀*** Калі да арганізацыі трапляе зварот недатычны іх дзейнасці, то згодна з п.3 арт.10 Закона Аб звароце грамадзян і юрыдычных асобаў, арганізацыя можа: 1) пераслаць гэты зварот у арганізацыю, якая непасрэдна займаецца пытаннямі…