У рамках нашага праекта «На беразе» выйшла яшчэ адно відэа — запіс дыскусіі «Пра рэкі і горад»!

? Гэтым разам мы абмеркавалі:

〰️ Ролю рэк у беларускім фальклоры і жыцці: як рэкі ўплывалі на штодзённае жыццё і культурны ландшафт Беларусі?
〰️ Сучаснае горадабудаўніцтва: што ўлічваюць архітэктар_кі і праекціроўшчы_цы пры стварэнні генпланаў гарадоў, у якіх ёсць рэкі?
〰️ Праблемы рэк у постсавецкіх гарадах: якія выклікі сёння стаяць перад вадаёмамі ва ўрбанізаваных зонах?
〰️ Будучыню беларускіх рэк: які патэнцыял у нашых рэк і якія крокі трэба зрабіць, каб яго рэалізаваць?

Спікер і спікеркі сустрэчы:
? Анастасія Цуркоўская — архітэктарка, спецыялістка па водна-ландшафтным праектаванні.
? Зміцер Савельеў — архітэктар, рэстаўратар.
? Зінаіда Ляшонак — урбаністка, архітэктарка.

Паглядзець відэа і падзяліцца сваімі думкамі можна ўжо зараз. Вось спасылка.?

YouTube

Дыскусія «Пра рэкі і горад» | Серыя анлайн-размоў «На беразе»

Ад узнікнення першых гарадоў да сённяшняга часу задача ракі ў маштабах горада ўвесь час змянялася, адны і тыя ж рэкі мелі розныя ролі: транспартна-грузавая артэрыя, крыніца вады для вытворчасці, парадны праменад. Удзельні\_цы дыскусіі: Анастасія Цуркоўская…

? Зусім хутка адкрыюцца новыя станцыі менскага метро, дзяржаўнае прадпрыемства «Сталічны транспарт і сувязь» вынесла на абмеркаванне праект змен маршрутнай сеткі мікрараёна «Мінск-Свет».

У чэрвені была апублікаваная першая версія праекта. На падставе заўваг у ліпені ў праект унеслі змены, але зрабілі гэта ціха, без абвяшчэння, маўляў, змены тэхнічныя, проста выправілі памылкі на мапе.

Цяпер для абмеркавання апублікавалі дапрацаваны варыянт змен у маршруты. Вельмі падобна, што ў гэтым вераснёўскім варыянце ўлічылі паасобныя, магчыма, масавыя, заўвагі і прапановы ад актыўных гараджан і гараджанак.

Змены ў маршрутах можна паглядзець на мапе.

? Як мы бачым, мясцовыя жыхары і жыхаркі даволі актыўна абмяркоўваюць гэтыя змены: на сайце з апошняй версіяй праекта больш за паўсотні каментароў, сярод якіх сустракаюцца і тыя, што ўхваляюць асобныя прапанаваныя змены, і тыя, што актыўна гэтыя змены крытыкуюць. ?

Нам падаецца, што істотным мінусам з'яўляецца адсутнасць зваротнай сувязі ці тлумачэнняў ад «Сталічнага транспарту і сувязі»: незразумела, што яны ўлічылі, чаму менавіта гэта і якія прапановы яшчэ разглядаюцца, бо водгукі збіраюцца не толькі ў каментарах, але і ў тэлеграм-боце і не бачныя нікому, акрамя аператара перавозак.

‼️ Проста цяпер ідзе працэс абмеркавання змен у маршрутах, заклікаем вас таксама выказаць сваё меркаванне, каб пажаданні большай колькасці пасажыраў і пасажырак усё ж такі былі ўлічаныя. Прапановы можна пакідаць на сайце ці ў чат-боце «Сталічнага транспарту і сувязі».

#урбаннавіны

? Не верыцца, што на гэтым тыдні скончылася серыя нашых анлайн-размоў «На беразе»!

Вялікі дзякуй усім, хто быў з намі і падзяляў з намі любоў да беларускіх рэк у гарадах. ?

А для тых, хто не змог далучыцца, у нас ёсць выдатныя навіны: запіс першай лекцыі «Пра рэкі Балтыйскага басейна» ўжо даступны на нашым YouTube-канале!

Марыя Зарэчная распавядае, як трансгранічнасць уплывае на беларускія рэкі, з якімі праблемамі яны сутыкаюцца і як змяняюцца, а галоўнае — што чакае іх у будучыні.

Абавязкова дзяліцеся сваімі думкамі і пішыце, пра што яшчэ хацелася б паслухаць у кантэксце беларускіх рэк! Нам важна ведаць меркаванне кожнай і кожнага. ?

І, вядома, сачыце за навінамі: зусім хутка мы апублікуем відэа з цікавых дыскусій пра рэкі і гарады. ?

YouTube

Лекцыя «Пра рэкі Балтыйскага басейна» — Марыя Зарэчная | Серыя анлайн-размоў «На беразе»

Кіраванне воднымі рэсурсамі — гэта складаны і шматгранны працэс, асабліва калі гаворка ідзе пра трансгранічныя рэкі. Рэкі не ведаюць адміністрацыйных межаў, і ва ўмовах змены клімату як ніколі важна глядзець на рэкі як на цэласныя сістэмы ў межах іх басейнаў.…

? 4 цікавыя факты з артыкула «Сядзібна-паркавыя комплексы Беларусі пасля 1991 года: узлёт ці падзенне?»!

1️⃣ Савецкая ўлада адмаўляла дваранскую культуру і стыль жыцця, адпаведна, і сядзібна-паркавым комплексам знаходзілася новае прызначэнне. Там маглі размяшчацца школы, бальніцы, санаторыі, праўленне калгаса, заводы і вытворчасць, турмы, ваенныя аб’екты і інш.

2️⃣ За сваю гісторыю архітэктура Беларусі эвалюцыянавала, перажывала змену ўсіх еўрапейскіх стыляў: рэнесанс, барока, класіцызм, гістарызм, эклектыка, мадэрн.

3️⃣ Асабліва ўразлівымі застаюцца сядзібна-паркавыя комплексы і іх фрагменты, не ўключаныя ў Дзяржаўны спіс гісторыка-культурных каштоўнасцей Рэспублікі Беларусь. Праца гэтая вядзецца вельмі марудна, асабліва неахотна — у выпадку дрэннага стану прапанаванага ў Дзяржспіс аб’екта. ☹️

У 2014 г. у ім налічвалася 173 аб’екты, якія прадстаўлялі сядзібна-паркавую спадчыну краіны. Аднак, паводле падлікаў толькі ў Берасцейскай, Менскай і Гарадзенскай абласцях знаходзіцца больш за 1000 такіх аб’ектаў. У даведніку «Сядзібы Віцебшчыны» толькі па Віцебскай вобласці падаецца інфармацыя пра 287 сядзіб.

4️⃣ Складана сабе ўявіць, але ў 2023 г. у Дзяржспіс была ўнесеная толькі добра захаваная сядзіба Бонч-Асмалоўскіх у аграгарадку Блонь. Ні мясцовыя ўлады, ні супрацоўнікі музея, размешчанага ў сядзібе, не былі зацікаўленыя ў наданні такога статусу. Зроблена гэта было па ініцыятыве грамадскасці.❤️‍?

➡️ Больш цікавай інфармацыі пра тое, як складаўся лёс культурнай спадчыны Беларусі пасля набыцця краінай суверэнітэту, знойдзеце па спасылцы.

Артыкул таксама выйшаў на ангельскай. Дасылайце замежным сябр_ам ці кал_егам, якім гэта будзе цікава!
?«Belarusian manor and park complexes post-1991: flourishing or fading?»

*❗️ *Ужо сёння! *❗️***

Сустракаемся, каб паразмаўляць пра рэкі і набярэжныя беларускіх гарадоў.
З запрошанымі эксперт_камі абмяркуем бягучы стан, найлепшыя сусветныя практыкі і патэнцыял набярэжных беларускіх гарадоў.

? Чакаем вас а 19:00 па Менску ў Zoom!
Далучайцеся паслухаць і задаць пытанні падчас размовы. ?

? Рэгістрацыя па спасылцы.

Калі вы ўжо рэгістраваліся на адно з мерапрыемстваў у серыі анлайн-размоў «На беразе», больш запаўняць форму не трэба, на пошту вы атрымаеце запрашэнні на ўсе сустрэчы.

?‍♀️ Выправімся на шпацыр разам? Мы верым, што беларускія гарады ўмеюць здзіўляць, і хочам вам гэта паказаць!

І ў нас ёсць класная нагода — нашыя «Урбан-шпацыры» з'явіліся ў мабільным дадатку UrbanLegend, каб вам было яшчэ зручней даследаваць гарады Беларусі.

Самы нямецкі куток Менска, эксперыментальнае савецкае горадабудаўніцтва, цагляныя заводы, другая Асмалоўка і незвычайныя скульптуры з мазаікай — усё гэта загадкавы раён Мухля ў Менску, куды мы прапануем пайсці на экскурсію!

Усё, што вам патрэбна — гэта слухаўкі, тэлефон і трохі часу.

? Далучайцеся да вандроўкі афлайн, калі вы ў Беларусі, або анлайн з любой кропкі свету.

Дадатак UrbanLegend пакуль даступны толькі на Android, таму вось яшчэ некалькі спосабаў паслухаць экскурсію:
? На нашым сайце
? У тэлеграм-боце @ULegendAppBot

Добрага шпацыру!

Адчуваем сябе вельмі задаволенымі пасля ўчарашняй дыскусіі пра беларускія рэкі і гарады. Дзякуй вялікі ўсім, хто да нас далучыўся! ?

А цяпер мы рыхтуемся да трэцяй і апошняй сустрэчы ў рамках анлайн-размоў «На беразе». Вас чакае размова пра набярэжныя — найбольш каштоўныя і папулярныя сярод гараджан_ак прасторы горада. ?

Добраўпарадкаванню гэтых тэрыторый надаецца асаблівая ўвага, і традыцыйна яно асацыюецца з бетанаваннем, стварэннем брукаваных сцежак і актыўных пляцовак. Але набярэжныя — гэта не проста грамадскія прасторы, іх унікальнасць вызначаецца наяўнасцю ракі, прыроды, што дадае адмысловыя патрабаванні да іх добраўпарадкавання.

❓ Дык што ж такое сучасная набярэжная — актыўная грамадская прастора ці месца яднання з прыродай у горадзе?
❓ Які патэнцыял у набярэжных беларускіх гарадоў?

Адказы на гэтыя і іншыя пытанні пашукаем разам з Настассяй Андруковіч, ландшафтнай архітэктаркай, сузаснавальніцай Менскай урбаністычнай платформы, і Паўлам Нішчанкам, архітэктарам-горадабудаўніком.

? Калі і як?
3 верасня, аўторак, а 19:00 па Менску, анлайн у Zoom.

Далучайцеся да размовы і даведайцеся, як зрабіць набярэжныя нашых гарадоў лепшымі!

? Рэгістрацыя па спасылцы.

Калі вы ўжо рэгістраваліся на адно з мерапрыемстваў у серыі анлайн-размоў «На беразе», больш запаўняць форму не трэба, на пошту вы атрымаеце запрашэнні на ўсе сустрэчы.

? Жыхары скардзяцца на смецце каля кафэ, ЖКГ абяцае скасаваць дамову арэнды з уласнікамі, калі смецця не стане менш, уласнікі кажуць, што іх дыскрэдытуюць, і спрабуюць ратаваць сітуацыю.

Мы ўсе разумеем, што, каб вакол было чыста і каб нам было прыемна карыстацца гарадской прасторай, смецце трэба прыбіраць. Але заўсёды ўзнікае пытанне: хто за што ў горадзе адказвае і хто мусіць прыбіраць гэтае смецце? *?***

❓ Як гэта працуе ў жылых раёнах?

На этапе праекта робіцца разлік колькасці буйных сметнікаў на колькасць патэнцыйных жыхароў, а падчас эксплуатацыі жылых раёнаў абслуговыя кампаніі (у тым ліку ЖКГ) удакладняюць, колькі разоў на тыдзень павінен прыязджаць смеццявоз.

❓ Што адбываецца з вуліцамі і рознымі грамадскімі ўстановамі?

1. У выпадку буйных крам і рэстаранаў праектуюцца асобныя ўваходы, дзе размяшчаецца пляцоўка для разгрузкі тавару і кантэйнеры для смецця, якія належаць дадзенай установе.

2. У выпадку маленькіх крам і кавярняў такія разлікі загадзя не робяцца, бо невядома, якая менавіта ўстанова адкрыецца ў гэтым месцы. Гэта тычыцца і сітуацый з адкрыццём новых устаноў у старых будынках.

*? *Сітуацыя, якая адбылася ў Гародні з шаўрмічнай, сабрала бінга праблем са смеццем:

1. Установа прапануе ежу з вялікай колькасцю аднаразовага посуду, паперы і г.д., што, у адрозненне ад звычайнай кавярні, прадукуе вялікую колькасць смецця.

2. Базавая гарадская інфраструктура не разлічаная на задавальненне такога кшталту патрэбы.

3. Гарадскія ўлады не гатовыя дапамагаць вырашаць праблемы, але, на жаль, гатовыя забараняць карыстацца гарадскімі сметнікамі.

❓ Што можна было б зрабіць, каб такіх сітуацый не ўзнікала?

З боку ўлады:
Распрацаваць адэкватныя рэкамендацыі для вулічнага грамадскага харчавання, у тым ліку для тых устаноў, ад якіх застаецца вялікая колькасць смецця (напрыклад, усталяваць дадатковыя сметніцы), і прапанаваць простыя інструменты для рэалізацыі гэтых рэкамендацый.

З боку ўстановы (кавярні, рэстарана):
1. Зменшыць колькасць смецця. Замест пластыкавых кубачкаў прапаноўваць шкляныя і г.д., што часткова вырашыць праблему і зробіць установу больш экалагічнай.

1. Прадумаць інфраструктуру, у якой людзі самі змогуць выкідаць за сабой смецце: паставіць зручныя сметніцы, якія змогуць задаволіць патрэбы кліентаў.

2. Павялічыць колькасць рэсурсаў (людзей/працоўных гадзін) для своечасовай прыборкі смецця.

❓ Якая сітуацыя зараз?
Кафэ ўсталявала закрытую сметніцу, каб вецер і птушкі не разносілі смецце, і актыўна сочыць за падтрыманнем чысціні прасторы (гэта ўжо два з трох пунктаў нашых парад ?). Гэта вельмі файны прыклад реакцыі бізнесу на праблему.

? Хочацца нагадаць, што так ці інакш усе мы жывём побач і разам паляпшаем ці пагаршаем гарадскую прастору. І для таго, каб усім нам было камфортна, трэба гаварыць адно з адным і быць гатовымі да змен.

#урбаннавіны

❗️ Чакаем вас сёння на першай сустрэчы ў рамках анлайн-размоў «На беразе» пра беларускія рэкі і гарады!

Разам абмяркуем рэкі Балтыйскага басейна, трансгранічныя падыходы да кіравання іх воднымі рэсурсамі, уплыў рэк на будучыню беларускіх гарадоў, а таксама пастараемся адказаць на вашыя пытанні.

? 19:00 па Менску ў Zoom.

Далучайцеся! Рэгістрацыя па спасылцы.