ጥቅምት 24 መቼም የትም አይደገምም!!
ክብር ለአገር ሉዓላዊነት ለተሰዉ ጀግኖች!!
#ኢቢሲ #ኢቲቪ #መከላከያሠራዊት #etv #EBC #DefenseForce #Ethiopian #Ethiopia #ጥቅምት24

«የማይደገም ስህተት!!»

ሀገር በጋራ እንደትቆም፤ የፈተናዋን ቀን እንድትሻገር፤ አልፎም ነገ ላይ ያልተደፈረ ክብር ይዛ እንድትቀጥል የመከላከያ ሠራዊቷን ያህል ዋጋ የሚከፍል የቁርጥ ቀን ልጅ የለም።

ሕዝብ በሰላም ወጥቶ እንዲገባ እና የሰላም አየር እንዲተነፍስ የራሱን ህይወት አደጋ ላይ ጥሎ፤ የአገር ዘብ ሆኖ በዱር በገደሉ ኑሮውን እያደረገ፤ ታሪክን ያስጠበቀ፤ ልዑላዊነትን ያላስደፈረ ጀግና የሚሉ የክብር ስሞች የተቸሩት፤ ምግባሩም ይህንን የሚገልፀው የኢትዮጵያ መከላከያ ሠራዊት ነው።

ይህ ሠራዊት የህዝቡን ሰላም ከማስጠበቅ ባለፈ ለገበሬው ልጅ ነውና የደረሰ ሰብል ይሰበስባል፣ ያጭዳል፣ አይዞን ይላል፤ ይህ የዘውትር ተግባሩ ሆኖ የኖረ አሁንም ያለ ነው።

በዚህ ለወገን ክብር፤ ለሀገር ዳር ድንበር ራሱን በቀበሮ ጉድጓድ ውስጥ ከ20 ዓመታት በላይ ቀብሮ የኖረ የኢትዮጵያ አለኝታ በሆነው በሰሜን እዝ ሠራዊት ላይ ጥቅምት 24 ቀን 2013 ዓ.ም የደረሰው እጅግ አሳዛኝ ክህደት፤ ጀግኖች በገዛ ወገናቸው ከኋላ የተጠቁበት፤ በደገፉት የተገፉበት ቀን ነው።

ጥቅምት 24 ቀን 2013 ዓ.ም በሰሜን እዝ ሠራዊት ላይ የተፈፀመው ክህደት ሀገርን ጦርነት ውስጥ ከትቶ፣ ለመከራም ዳርጎ ቢያልፍም ዛሬም ኢትዮጵያውያን "ያ ቀን የትም፣ መቼም፣ በምንም እንዳይደገም" በእንባ ያስቡታል፣ ያስታውሱታል።

ያ ቀን … ሲያምናቸው ከዱት … የተዋደቀላቸውን ወጉት፤ ከፊት የቀደመላቸውን በጀርባ አጠቁት...

ያ ቀን የኢትዮጵያን ህዝብ እኩል ያሳዘነ፤ እንባ ያራጨ፤ የማይሆን መጥፎ ታሪክ የተፃፈበት ጥቅምት 24 ቀን 2013 ዓ.ም።

https://web.facebook.com/EBCzena/posts/pfbid02MrQfpYng4AMBVX14NwbNcmCHqa6L5r8KLfpfgL8PZiWXo9FgznBBf3dmTdSMdhetl

የትላንት ጉጉታችን፣ የዛሬ ሥራችን የነገ ትዕምርታችን የ60 ዓመት አዲስ መልክ

በኢትዮጵያ ታሪክ ውስጥ ያለፉትን ስድሳ አመታት የኢትዮጵያውያንን ደስታ፣ ፍቅር፣ ችግር፣ ጥበብ፣ ሃሳብ ያለ ተቀናቃኝ የሰነደና ያስተላለፈ ታሪካዊ መስኮት።

ከአፄ ኃይለሥላሴ ዘውዳዊ አገዛዝ ሂደት እስከ ደርግ አመጣጥ፣ ከኢህአዴግ መባቻ እስከ ማብቂያ እንዲሁም የለውጥ ሃይል እንቅስቃሴን ከአፈጣጠሩ እስከ ብልፅግና ፓርቲ ውልደት እና የለውጥ ሂደት ለህዝቡ ያደረሰ።

ለአፍሪካውያን ስለአንድነትና ስለህብረት የሰበከ….ኢትዮጵያ የሚል ብሄራዊ አርማና ስም ከፊቱ አስቀድሞ ከሁሉም ቤት የሚዘልቅ ሀገሩን ይዞ ተንቀሳቃሽ የኢትዮጵያ ቴሌቪዥን።

ከሮሙ የአበበ ቢቂላ ድል ከሀይሌ ገብረሥላሴ የአትላንታ ጀብዱ፣ ከደራርቱ የባርሴሎና ስኬት፣ ከቀነኒሳና ከጥሩነሽ የቤጅንግ ተጋድሎ እስከ ፓሪሱ የታምራት ቶላ የሀገር ፍቅር ማሳያ ድል ድረስ የጀግኖች ኢትዮጵያውያንን ወኔና አልሸነፍ ባይነት ለህዝቡ በቀጥታ ያደረሰ የሀገርን ደስታን አብሮ የተቋደሰ።

የጥላሁን ገሰሰን ኢትዮጵያ፤ ሜሪ አርምዴን አራዳ በምስል የከሰተ በጥበብ የተዋጀ የሀገሪቱ የመረጃ እና የጥበብ ቋት።
https://web.facebook.com/EBCzena/posts/pfbid0ydqag32kPEEqRQYBkwzS5jdD68f936avNEJTKU6StwPBQZ7tdUkrPkGPSf4SPzWBl

"ሰላማዊ ነኝ" በሚል የህጻናት የስዕል አውደ ርዕይ እየተካሄደ ነው

በዓለም የስነ ጥበብ ትምህርት ቤት የስእል ትምህርት ሲከታተሉ የቆዩ ተማሪዎች ከጥቅምት 23 እስከ 25 የሚቆይ የስዕል አውደ ርዕይ ገርጂ በሚገኘው የዓለም ጋላሪ በማሳየት ላይ ናቸው።

"ሰላማዊ ነኝ" በሚል የተከፈተው ይህ አውደ ርዕይ ህፃናት ዓለም ላይ እየሆነ ያለውን ከማየት ይልቅ ውስጣቸው ያለውን ተስፋና ምኞት በራሳቸው መንገድ እንዲገልጹ ለማስቻል ያለመ መሆኑን ሰዓሊ አለም ጌታቸው ገልጻለች።

አውደ ርዕዩን የጎበኘው ሰዓሊ ወንደሰን በበኩሉ፤ በጉበኝቱ ህጻናት ስለሰላም የሚያስቡበት ሁሉንተናዊ እይታ መመልከት መቻሉን ተናግሯል፡፡

ህጻናቱ ስለሀገራቸው ያላቸውን ራዕይና መረዳት፤ ጥያቄዎችና የመፍትሄ ሃሳቦች የሚያንጸባርቁ የተለያዩ ስዕሎች መመልከቱንም ጠቁሟል።

ወላጆችና ሌሌች ታዳሚዎችም፤ ህጻናቱ ስለሰላም ያላቸው ተስፋና ግንዛቤ ለታላላቆቻቸው መልእክት መሆን የሚችል ነው ሲሉ ገልጸዋል።