قصيدة لاستشهاد النبي عليه الصلاة والسلام
((وزن عكيلي))

هالليله الهادي يودعونه
حيدر ل يغمضله اعيونه
〰〰〰〰
هالليله الأملاك تحضره
أتون وتجريله.   العبره
حيدر ينحب ويالزهره
بصوت الأحزان يندبونه
〰〰〰〰
هالليله الأملاك لأجله
جرح فراكك بيش نشله
يمثبت الشرع انته واصله
نهجك عمدا ايغيرونه
〰〰〰〰
نادت ياعزنه والينه
ياناشر شرع الله ودينه
هاي الأملاك تواسينه
وحيدر بالهادي يعازونه
〰〰〰〰〰
يادين الله وياشرعه
حيدر وينادي عالبضعه
يدري خلافك راح تفجعه
هاي الامه ويعادونه
〰〰〰〰〰〰
فكدك ألم حيل وأثر
بالزهره والعتره وحيدر
يااخر من بشر وانذر
شخصك مابعد يشوفونه
~~~~~~~

قصائد ( المشايه) 

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

نصبوا مواكبهم           يامحله خدمتهم
وعالمواكب والله رفعوا رايه
خدام الحسين وللابد وفايه
يامحلى جمعتهم
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
هالخدم والله اليوم اجوا متحزمين
لخدمه الزوار والله  كلهم حاضرين
جهزوا كلشي والمواكب ناصبين
للابد كالوا والله ماننسه الحسين 
هالخدم كلها حاضره  
والمواكب عامره
عامره هاي المواكب للأبد تدروها
هالخدم لجل الحسين أعمارهم نذروها
هايه مبادئهم             نصبوا مواكبهم
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
هالخدم كل يوم نادوا ياهله
بالمعتني زاير وكاصد كربله
يطلب ويتمنه احنه ندلله
للزاير نقدمله كلشي نوصله
للزاير احنه خدام
بخدمته نبقه أيام
كلشي الك قدمنه ها يالزاير 
انته بس امرنه نكلك احنه حاضر 
يامحلى اسمهم    نصبوا مواكبهم
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
عامره هاي المواكب للأبد
انطوا حسين ورسول الله عهد
خدام والله وابد ماخلفوا وعد
حسين والله هو صارلهم سند
كل الخدم تنهان  
بس خادمك سلطان
يعيش سلطان اليخدمك سيدي تدرونه
بالجنة باجر بالقيامه هم اليحضرونه
حسين قائدهم         نصبوا مواكبهم
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
رايه والله عالمواكب علكوها
وخدمتك يحسين والله مانسوها
هيهات من الذله كلهم رددوها
وزوارك المشايه همه استقبلوها
والنعم من هالناس
التخدم حسين وعباس
وكل واحد ينادي ياحبيبي ياحسين
  أرواحنه ترخصلك انته والادين
أنطوا مناحرهم       نصبوا مواكبهم
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

قصيدة جديدة للمشاية

جتكم المشايه     رايه تتبع رايه
يخدام يخدام

جتكم الزوار ياخدام  الحسين
اتزور ممشه كربله بالاربعين
بالوفه  كلهم نشوف محزمين
عاهدوا وهما العهدهم حافظين
العهد ابو اليمه تظل وفايه      يخدام يخدام

يالخدم للزاير انتو استقبلوه
وبالرجل والهام كوموا قبلوه
واجب اعليكم يشيعه اضيفوه
وشنهو اليريد ويطلبه اتقدموه
ياللي عدكم خدمته اهيه الغايه      يخدام يخدام

رحمه هالخدمه تره من الجليل
خلهه للساكن هنا برض الخليل
شكر تحتاج وحمد ماله مثيل
ل الله وال طه وعلي حامي الدخيل
ومع هذا مقصرين هوايه        يخدام يخدام

ترفرف الرايات اجت سود وحمر
بيد زوار التــــــــــــجي يمكم تمر
ريت باخدام يخلص هالعمر
بخدمة اليمشي لامامي بن الطهر
ونلب امن الله يحقق هايه     يخدام يخدام

لليفكر زين والعـــــــــــنده ضمير
الله خله رحمـــــــــته بهذا المسير
يعني ربنه راضي عن كلمن يسير
يزور بن سيـــد الرسل وبن الامير
وي ملايين التــــــــــــجي عنايه

جموعهم لمن تصل ارض الطفوف
هناك يتلاكون وي زينب نشوف
للضريح اويــــاهم اطب وتطفوف
ومن بعد يرحون يم راعي الجفوف
الطايـــــــــــــــح هناك علمسنايه

كلمات
         حسن الجحيشي

بالظعون   طوّح الحادي وسره
والمتون    بيها  ناري إموجره
يعباس يعباس ترضه اروح ميسره
.........................................................
يالعشت عمر الطفوله  ابّين اديه
چنت أحيا بشوفتك  صبح ومسيه
بيك روحي تعلگت يبن الوفيه
وهالسبب خلاني اجي للغاظريه
  ينوماس ..... وأنت گايد ناگتي
  والانفاس... كلها من عطر اخوتي
يالطياب يالطياب  بيكم انه مخدره
يعباس يعباس ترضه اروح ميسره
.........................................................
خويه بعدك گلّـي ياهو الاشتكيله
مابگت غيرك  يبو فاضل وسيله
من بعد خدر اختك المامش مثيله
صفت ما بين الغرب ذيج العقيله
    هالاشرار .عني زاحو  كل ستر
    يشب نار خويه بخيامي الشمر
بالايتام بالايتام   ضلت اختك حايره
يعباس يعباس ترضه اروح ميسره
........................................................
ناده اخوچ اعلا الثره وبلايه چفين
من بعد عين  الگمر بيمن  تشيخين
ريته اخذ عمري وحياتي خلافك البين
ولا اعيش بدينا ما بيها.... انتَ وحسين
   ولا اروح     خويه مابين العده
   بلا  روح     تمشي گوه الفاجده
والعيون والعيون تجري من دم عالثره
يعباس يعباس   ترضه اروح ميسره
........................................................
يل چنت انت النفس يالبّت احشاي
شلون انسه وداعك ولوعة يِتــاماي
واللّٰه مو بيدي يخويه اعذرني من هاي
من نخيتك اعتني لسكينه بالماي
    يظنواي  جتني وتنادي الضمه
چِوَه حشاي  چبدي  يابت فاطمه
ردت ماي ردت ماي   والشفاه  مفطره
يعباس يعباس ترضه اروح ميسره
...........................................
من رحت للعلگمي وناديت ابشري
النفس مثل الجبل صار  اعلا صدري
ردلي ابو اليمه اعلا خده دموعه تجري
ناده راح  ال چنت أحسبه  حزام ظهري

فگدناه ........ يختي شيال العلم  صحت لاه....... گلبي مايحمل الم
يبو الجود  يبو الجود  ظهر أخيك كاسره
يعباس يعباس ترضه اروح ميسره
..................................... .................
هسه حاچيني برحيلي ورايك شلون
عالهزل زينب صفت ياظي العيون
هذي إخْـت الخارجي گامو ينادون
شصبر وسوط الشمر يلعب بالمتون
بلا خوف....... ناده حشمي كافلچ
بلا شوف........وينه خل يفزع الچ
بالحبال بالحبال  گيد إيد اختك  تره
يعباس يعباس ترضه اروح ميسره
••••••••••••••••••••••••••••••••••••••••••••••••
كلمات خادم الحسين

(#حسن_الجحيشي)

(اه  يادرب  السبي)
(فطرت گلب النبي)
عليك راس حسين مر على الرمح
والسبايه عليك يمشن بس عبي

‌ارد انشدك يادرب عنه شتگول،
‌ليش تيهت الشريعه والاصول،
‌ودگت الشام الدفوف ويه الطبول،
‌هاذي زينب بنت علي وبنت البتول،
‌تمشي بيك ميسره )،
‌كل عمره مخدره)،
‌يادرب ماتستحي من النبي)،
‌ض*    (  اه يا درب السبي)،
‌(فطرت گلب النبي)،
‌**‌يا درب ماتستحي ومامش ادب،
‌لوعيت اطفال بنت اشرف نسب،
‌يادرب ماينفع وياك العتب
‌يالصرت وي ال اميه انته السبب،
‌لوعيت اطفالهم)،
‌وعذيبت عيالهم)،
‌غيمه سوده افعالهم ماتنجلي)،
‌**‌ليش يادرب السبي اتخليهم)،
‌تعبت بكثر المشي ريجليهم،
‌ماتخاف ولاتحن عليهم،
‌ذوله اولاد النبي باريهم،
‌(يشتكولك للسما)،
‌(وينزل عليك البلاء)،
(ذوله اولاد الوصي. وجدهم نبي)،
‌**‌(اه يادرب السبي)،
‌**‌شلون الك عين وتصد علىه العليل،
‌وتنظر الحال العقيله اخت الكفيل،
‌يظل يلعن بيك كلما يمر جيل،
‌واظلم اضل دوم وترابك يهيل،
‌بجاه كلمن عنده جاه)،
‌والحبيب الي اصطفاه)،
‌ياخذ بحقهم. ويسمع مطلبي)،
‌**‌اه يا درب السبي)،
‌فطرت گلب النبي)،
‌**‌مرن عليك بحجاب محجبات،
‌ليش تفظحهن تسولف للطغات،
‌يا درب وين الدلائل والثبات،
‌غيره ماعندك ولاعندك حماة،
قصيرت وياهم)،
‌(يادرب بحماهم)،
‌(جاشلتهم فوگ راسك لوحبي)
‌**
كلمات
حسن الجحيشي