Хатолар ҳам Сенга айлади яқин,
Ким не хато этса қўлингга тушди.
Шайтон “оёғидан чалдим” демасин,
Тойилиб тушса ҳам йўлингга тушди.

Олов эдим, чўғим титарлар энди,
Борим битти, йўғим титарлар энди,
“Ким?” деб қарочўғим титарлар энди,
Кўзимнинг қушлари гулингга тушди.

Йилларга ташаккур, эзиб кечдилар,
Тоғлар, чўкканимни сезиб, кечдилар,
Дарёлар кўзимдан сузиб-кечдилар,
Баридан кечмаклик қулингга тушди.

Шукр дедим, боғим қорга тўлса ҳам,
Шукр, туғилса ҳам орзум, ўлса ҳам,
Шукрким, дард бермоқ учун бўлса ҳам
Дилоромнинг оти тилингга тушди.

Уйғотдим Қуёшни, бошини силаб,
Артдим хира тортган само ойнасин.
Бошни уриштириб булутлар билан,
Йўлини кўрсатдим адашса насим

Ва ерга чизаман Ойнинг расмини,
Майсалар расмини соламан кўкка.
Кўзимни осмонга бериб тураман,
Кейин ёмғирларга тўлади ўпкам.

Қўлимга оламан эрка тошларни,
Кафтимдан сув ичар худди қушлардек.
Тилини топаман шамолларнинг ҳам,
Худди минг йил бирга ёрга учгандек.

Бир ишқ кезинади томирлар аро,
Руҳимга бегона бўлган баданда.
Мен бунинг барини яшадим ахир,
Ишқ камол топаркан ёлғиз одамда.
27.01.2025.

Aziz Bek şe'ri
Aziza öqidi

SHOİRGA TEGMASLİK KERAK YOKİ TEGMASLİK KERAK...
D. E.

Nozimjon va A'zamjon Jabbordan tabrik?❤️

Esimda maktabda 6-yoki 7-sinfda o’qib yurgan paytlarimda direktorimiz a’lochi bo’lganim uchun Dilorom Ergashevaning “Hech nima diydorga yetmaydi” kitobini sovg’a qildi. Shu kundan boshlab bu kitobga oshiq bo'ldim, uni qo’limdan qo’ymasdim.
Hayolan kitob muallifi bilan suhbatlar qurardim. Oradan yillar o’tib shaharga bordim, to’garakda o’sha ayolni uchratdim-u qotib qoldim. Hayolimdagidan, kitob muqovasidagidan ham go’zal va nurli chehradan ko’z uzolmasdim. Sho’x-shaddod qiz uning qarshisida bir og’iz so’z aytolmasdim. Shu-shu ularning yoniga sabab-besabab boraverdim. Undan qayerda gapirish va gapirmaslik, qanday yashash, shoirlikdan avval odam bo’lishni , yomon yozmaslikni o’rgandim.
Dilorom Ergasheva men uchun ulkan yurak, tugalmas bardosh timsoli. Unikidek mehr, unikidek qalbni hayotimda boshqa uchratgan emasman. Hech kimga o’xshamaydigan umrni yashayotgan ustozim, bilaman tug’ilgan kunni noshonlashni uncha yoqtirmaysiz, nima bo'lganda ham tug’ilgan va tug’ilmagan kunlarni ko’p-ko’p yashavyering.
Sizning borligingiz qalbimizga katta taskin. Sizni siz bilgandan qadar ko’proq yaxshi ko’ramiz. Siz tufayli o’z oilamizdan tashqari yana bir oilamiz ya'ni ko’plab opa-uka, aka-singillarga ega bo’ldik. Hammasi uchun tashakkur sizga.

И З Ҳ О Р
Дилором опанинг бир шеърларини қайсидир телеграм гуруҳига  юбордим.
- Ким бу аёл?
- Устозим бўладилар.
- Ҳаа , шеър ёзишни шу кишидан ўрганганмисиз?
Одатда энсамни қотирадиган саволларни  шунчаки жавобсиз қолдираман.  Бу сафар ҳам шундай бўлди. Лекин ўзим билан ўзим суҳбатлашиб кетдим. Чунки савол берган аёлга бу жавобларни айтишдан наф йўқ.
Дилором Эргашевадан шеър ёзишни ўрганган ўрганмаганим эсимда йўқ, тўғриси. Лекин бошқа жуда кўп ҳаётий сабоқ олганларим рост. Ўқувчилик давримда опанинг олдиларига бориб, битта музқаймоқ еб келсам ҳам албатта ёзардим. Опа менга бошқа устозлардан фарқли ўлароқ илмларни ўргатдилар:
Қачон йиғлаш, қачон кулишни,
Қандай севиб, қандай нафратланишни,
Ҳар доим фақат Аллоҳга таваккал қилишни,
Кўпчилик ақлига сиғдира олмайдиган даражада ботир бўлишни,
Ҳар доим ўзинг бўлишни, кўнгилга қарши чиқиб бошқага эргашмасликни,
Адабиётни, санъатни, гўзалликни ҳис қила билишни,
Ҳатто ота-онанг ҳам ўргата олмайдиган оқибатни...
Энг ҳайратланарлиси, бу сабоқлар сўз билан эмас, фақат амал билан ўргатилган. Бу сабоқлар рўйхатининг охиридаги уч нуқта нафақат уларнинг давоми борлигини, балки яна Сиздан ўрганадиганларимиз кўплигини билдиради.  Худо узун умр берсин. Ҳали Сиздан ўрганадиганларимиз кўўўп, опа!

"Ижод гулшани" гуруҳида
“Дўстлик” ордени соҳибаси, таниқли шоира #ДИЛОРОМ  ЭРГАШЕВА билан қилинган мулоқот ёзуви.

Ижодий учрашув ташкилотчиси - Зулфия Султон.

Суҳбатни Назокат Баҳодирова олиб борган.

19 сентябрь, 2024 йил

https://t.me/Nazokat_Bahodirova