🎉 Su resumu de 2024 de Sardware

Is lìnguas minorizadas sighint is camineras issoro andende a manu tenta cun is novidades tecnològicas. Fintzas su 2024 de Sardware ddu podimus contare comente un’annu ricu de ainas e de fainas pro su benidore de su sardu in s’informàtica.

» Leghe·nde de prus:
https://www.sardware.org/2024/12/31/su-resumu-de-su-2024/

🤖🏴
Conca a Android in sardu, gràtzias a Sardware
Is utentes chi tenent unu dispositivu Android cun sa versione 15 podent giai cunfigurare su sardu comente limba

Seberende su sardu dae Cunfiguratzione> Sistema> Limbas> Limbas de su sistema, totu is aplicatziones installadas chi siant a disponimentu in sardu s’ant a cunfigurare in automàticu, e a s’ammustrare in sa setzione Limbas de is aplicatziones.

🎉🎉 Dae Sardware, tzelebramus custa novidade comente unu passu de importu conca a sa presèntzia de su sardu in is dispositivos Android.

💪🏾💪🏾 Però abarrat meda de fàghere e tenimus bisòngiu de totu s'inteligèntzia nostra...

» leghe su comunicadu intreu pro nd'ischire de prus in pitzus de s'istrategia nostra e de comente nos podes agiudare:
https://www.sardware.org/2024/12/23/conca-a-android-in-sardu-gratzias-a-sardware/

Common Voice est un’initziativa de Mozilla nàschida pro imparare a is màchinas comente chistionat sa gente. Totu sa gente! Sa diversidade de is atzentos nostros, difatis, est fundamentale pro lòmpere a una bona calidade cumplessiva de su progetu: prus variedades linguìsticas bolet nàrrere sistemas prus rapresentativos e pretzisos in su benidore!
Si pensas chi is registratziones in sardu tochet a ddas megiorare, crea·ti unu cuntu inoghe e cumintza a collaborare cun nois!
Tenes diversas optziones: podes registrare sa boghe tua, aprovare o refudare cussa de àtere e agiùghere o revisionare testos.

Imbiamus totu sa solidariedade a sa gente de su Paisu Valentzianu in custos momentos difìtziles. Is catàstrofes sunt imprevedibiles, ma sa gestione tenet responsàbiles.

Cras mangianu, Sardware at a èssere in su Linux Day de Macumere! ❤️?

Lìtera pùblica de Sardware a su guvernu #sardu in pitzus de sa bogadura de resursas linguìsticas e culturales dae sos sitos istitutzionales suos:

https://www.sardware.org/2024/07/18/litera-publica-a-su-guvernu-in-pitzus-de-sa-bogadura-de-resursas-linguisticas-e-culturales-dae-is-sitos-istitutzionales/

#sardegnacultura #CROS #limba