التعلم بالمشاهدة: كيف بنكتسب سلوكياتنا بدون ما نحس؟

تخيل إنك يوميًا بتلاحظ تصرفات ناس معينين—زملاء، مديرك، أهلك، أو حتى المشاهير في التلفزيون والسوشيال ميديا. فجأة تلقى نفسك بتتكلم زيهم، بتتصرف بطريقة مشابهة ليهم، وأحيانًا حتى بتتبنى نفس أفكارهم! الحكاية ما صدفة، دي واحدة من أهم طرق التعلم البشري: التعلم بالملاحظة والتقليد.

تجربة البوبو Bobo Doll

في سنة 1961، عالم النفس الكندي ألبرت باندورا قرر يختبر النظرية دي بتجربة مشهورة سميت بـ "تجربة بوبو". الفكرة كانت بسيطة لكنها كانت صادمة للعالم العلمي وقتها.💙

جاب مجموعة أطفال، ودخلهم واحد واحد لغرفة فيها دمية كبيرة (بوبو) ورجل بالغ مشارك في التجربة. الأطفال قاعدين يراقبوا بس، وما عندهم أي تفاعل مباشر مع الرجل. لكن الصدمة كانت في التصرفات الشافوها: الرجل بدأ يضرب الدمية بعنف شديد، يرفسها، ويشتمها بكلام قاسي. 💙

بعد شوية، أخذوا الأطفال لمكان ثاني، وأعطوهم ألعاب محببة ليهم، لكن فجأة سحبوا الألعاب منهم، وتركوا ليهم بس دمية البوبو، نفس الدمية الشافوا الرجل بضربها قبل شوية. النتيجة؟
الأطفال بدأوا يضربوا الدمية بنفس الطريقة، وبنفس العدوانية اللي شافوها! بعضهم حتى بدأوا يشتموها بنفس الألفاظ السمعوها من الرجل.💙

الدرس؟ الإنسان بيتعلم بالملاحظة، ما بس بالتوجيه المباشر أو بالمكافآت والعقوبات. 💙

أثر التجربة في حياتنا اليومية

الكلام دا ما بس للأطفال، بل بينطبق علينا كلنا، في كل الجوانب:

الوالدين والأطفال..
لو عاوز ولدك يكون مهذب؟ ما كفاية تنصحو بالكلام، لازم يشوفك أنت بتتصرف بأدب. ولو كنت بتغضب بسهولة وتصرخ؟ توقع إنو يتعلم نفس السلوك منك.💙

المعلم وطلابه.
الطالب ما بس بياخد المعلومات من الكتب، هو بيتعلم كيف يحترم، يتعامل مع الضغوط، ويواجه المشاكل من أستاذه مباشرة. المعلم الجيد بيترك أثر دائم ما بس في العقول، لكن في الشخصية كمان.💙

المدير وموظفيه .
عندك رئيس في الشغل بيأخر الاجتماعات ويتكاسل؟ توقع الموظفين يعملوا نفس الشي. عندك مدير منضبط ويحترم الوقت؟ حتشوف الفريق كلو يمشي بنفس الطريقة.💙

المشاهير وتأثيرهم
ليه الشباب بيتبعوا صيحات الموضة والكلام الدارج عند المشاهير؟ لأنو الإعلام بيعرضهم كنماذج، وبطريقة غير مباشرة بنبدأ نقلدهم، سواء كان في اللبس، طريقة التفكير، أو حتى أسلوب الحياة.💙

السلوك مُعدي..
أنت بتتأثر وتؤثر في غيرك بدون ما تشعر. فبدل ما تنصح الناس بالكلام، خليك قدوة حقيقية في تصرفاتك، لأنو زي ما قال باندورا:
"الناس ما بس بتتعلم من تجاربها الشخصية، لكن من خلال مشاهدة تجارب الآخرين كمان." 💙

#منصة_غيم

اليوم السابع من رمضان: الصبر.. مفتاح القوة والنجاح

رمضان مدرسة كبيرة، وكل يوم فيها درس جديد، واليوم السابع بيورينا كيف الصبر مهم في حياتنا. الصبر ما مجرد احتمال للجوع والعطش، لا، الصبر قوة، مهارة، وميزة بتخليك تتعامل مع الحياة بصدر رحب، وتنجح في أي حاجة بتعملها. وخلينا نشوف كيف ممكن رمضان يكون تدريب عملي للصبر.💙

1. الصبر في الصيام: تدريب على ضبط النفس

الواحد لما يكون صايم، بيواجه امتحانات كتيرة، من الجوع والعطش، للمواقف المستفزة، للكسل والإرهاق. الحاجة المشتركة بين كل ديل إنهم محتاجين صبر. يعني:

الصبر على الجوع والعطش: الجوع في رمضان حاجة عادية، والواحد بيحس بيهو أكتر في الأيام الأولى، لكن مع الوقت الجسم والعقل بيتأقلموا، وده لأنك بتتدرب على الصبر بدون ما تحس.

الصبر على الناس: رمضان مرات بيكشف طباع الناس، في زول بيكون متوتر، في زول سريع الغضب، في زول بتضايق من أي حاجة. هنا بيجي امتحانك الحقيقي، هل حتصبر ولا حتنجرف مع الجو؟

الصبر على العبادة: مرات بتحس بالتعب، وبتكون ما قادر تصلي التراويح أو تمسك المصحف، لكن لما تستحضر النية وتقول "أنا بعمل ده لي نفسي ولي آخرتي"، بتلقى نفسك قادر تواصل.💙

1. كيف تقوي صبرك في رمضان؟

مافي زول بصبر ساكت كده، الصبر تدريب، ولو عاوز تقويهو، جرب الحاجات دي:

غيّر نظرتك للصبر: ما تفكر إنك لما تصبر معناها انت مغلوب، لا! الصبر هو القوة الحقيقية، وهو الحاجة البتخليك تكون متحكم في نفسك.

مارس التأني: قبل ما ترد على زول، قبل ما تتصرف في موقف صعب، خد نفس عميق، واسأل نفسك "هل في داعي للعجلة؟". الصبر بيعلمك إنو ما كل حاجة محتاجة رد سريع أو قرار مستعجل.

اختبر نفسك يومياً: حاول كل يوم تشوف موقف يحتاج صبر، وجرب كيف تتعامل معاهو بهدوء، بعد فترة حتلقى نفسك اتعودت على كده.

خليك واعي بتصرفاتك: مرات الزول بيتصرف بدون ما يحس، لكن لما تبقى واعي إنك لازم تصبر وتكون هادي، بتلقى نفسك بتحسن في ردود أفعالك.💙

1. الصبر ما بعد رمضان

الصبر ما حاجة تنتهي مع العيد، لو قدرت تصبر على الجوع والعطش والتعب في رمضان، فده معناها إنك قادر تصبر على أي حاجة في حياتك. لأنو الحياة كلها امتحان، وناس الصابرين هم البنجحوا في النهاية.💙

بعد رمضان، استخدم مهارة الصبر في:

التعامل مع الناس: خليك واسع البال وما تتسرع في الحكم على الزول أو في ردود أفعالك.

تحقيق أهدافك: النجاح ما بيجي في يوم وليلة، لازم تصبر وتجتهد، والرمضان دربك على ده.

تحمل صعوبات الحياة: مرات بتواجه مشاكل كبيرة، لكن لما تكون صبور وعارف إنو كل شي بيمر، حتلقى نفسك قادر تعدي من أي ظرف.💙💙

أسئلة لليوم السابع:

هل أنا بمارس الصبر فعلاً في حياتي، ولا بتوتر من أي حاجة؟

شنو الحاجة البيخليني أفقد صبري بسرعة، وكيف ممكن أتحكم فيها؟

بعد رمضان، كيف ممكن أستمر في عادة الصبر؟

رمضان فرصة عظيمة، وخليك واعي إنو الصبر ما ضعف، الصبر قوة. انت لما تصبر، بتتحكم في نفسك، وبتاخد قرارات أحسن، وبتعيش حياة أهدأ وأسعد.💙💙

#منصة_غيم

نعيما بعد الإفطار ..

في الفطور ما تبالغ في الاكل عشان المعدة ما تتعب.ا شرب موية قدر ما تقدر، الصيام بنشف الجسم والموية ضرورية. الصلاة بعد الأكل بتريح الجسم، والتراويح فرصة ذهبية ما بتتعوض، كان في الجامع ولا في البيت المهم ما تتفوت. المشي شوية بعد الفطور بساعد الهضم وبيخلي الزول نشيط، ما يخليو يقعد يتخمة ويضربها نوم. بعد داك، القعدة مع الأهل والوَنَسه بتحلي الليلة، والقرآن والذكر بزيدوا بركة اليوم. السحور ذاتو مهم، الزول يجهز ليهو حاجة خفيفة مفيدة ويقوم بي بدري عشان ما يفوِّت الفجر. رمضان فرصة، الزول يستفيد منو قدر ما يقدر.💙

#منصه_غيم

**في الصباحات البهية دي:

ف نقاش دار بيني وبين زول بعرفو قال لي:
"الإستراحة آثناء المعركة تعتبر هزيمة"

وقتها زعلت واخدت موقف، بس بعد التفكير لقيت انو كلامو صح، لقيت انو الاستراحة ح تاخد وقت، وانك ترجع بنفس شغفك عشان تواصل لشيء معين عاوز وقت، وقت تكون م قادر اصلاً ترجع زي أول، ورغبتك في الحاجة ممكن تقل لأنك فالنهاية إنسان، وربنا خلق الإنسان ملول وناس كتار ببدو الشيء وممكن يخلو بعد يومين بس من البداية، ف حاول إنك م تنقطع عن حماسك الأول، اي صح بتتعب ومفروض تاخد رست خفيف بس م تخليهو ياخد اكتر من ساعتين، وساعتين زاتها كتيرة في وقتنا الحالي.

ف النهايات...
ربنا يقوينا ويثبت قلبونا ويجبر بخواطرنا ويسهل كل امورنا ويلزمنا الصبر وينور بصيرتنا ويعدل طريقنا ويجعل كل خطواتنا مُباركة وف الطُرق الصحيحة??.

وصباحو الخيري لُطفاً??.#سجدة_علاء.#سُكر.#اسعى_عشان_نفسك.#إنت_محارب_عظيم.**

**في الصباحات البهية دي:

احنا في الميديا عموما لابسين اقنعة، كلنا بدون فرز، ممكن عادي تلقى زول بشير اغاني وطلعات وتشوف انو اسعد كائن، وهو يكون داخل ف ازمة نفسية وم حاكي لزول، وممكن تلقى زول بشير إنو حزين وهو ماف اسعد منو، والميديا بحر الناس التوكسك، اي زول عندو ريد فلاق خاصة بيهو، اول م انت تلاحظ ليها او تعرف انها مسببة ليك ولو ١% ضرر تمشي تخليها، مهما كان الزول منو وهدفو شنو، م حتقدر تعرف معدن الناس لو واقع او مواقع م لم يجي موقف يأكد ليك، حتى اصحابك لو م حصل موقف يثبت مدى صداقتكم هنا صداقتكم شبه وهميه، خلي بالك عليك عشان احنا ف زمن كتر فيهو الغش والخداع وكسر الخاطر وإنت خاطرك عزيز??.

وصباحو الخيري لُطفاً??.#سجدة_علاء#سكر#اسعى_عشان_نفسك.**#إنت_محارب_عظيم

**في الصباحات البهية دي:

لو عاوز تكون قوي في أي علاقة م تتعلق، م عشان شي بس عشان سلامتك النفسية، إحنا في زمن ضاغط وصعب ف م تصعبها على نفسك أكتر، وم تبقى زول لوام، ادي نفسك مساحة في اي علاقة وادي الطرف التاني مساحتو، بس الناس البنتعلق بيهم ونديهم أكبر من حجمهم هم الحيكسرونا "وآسفه للصراحة البشعة دي"، عود نفسك تكون خفيف والمكان ال م مرتاح فيهو امشي خليهو، لأنو الساكت عندك متكلم مع غيرك، والمشغول عندك فاضي لغيرك، والمتغير معاك بادي مع زول جديد، ف م تهلك نفسك وتكون ف منطقة رمادية، وإتذكر إنك يا تكون أكيد يا تكون*?*?**.

وصباحو الخيري لُطفاً*?**?.#سجدة_علاء#سكر#اسعى_عشان_نفسك.*#إنت_محارب_عظيم

**في الصباحات البهية دي:

(وَأَنْ لَيْسَ لِلإنْسَانِ إِلا مَا سَعَى)

يعني لازم سعي؟
ايوه
اسي انت لو عاوز تشرب موية؟ مش حتمشي علشان تشربها؟
لو عاوز تتعلم عشان تكون زول ناجح مش كل يوم بتمشي لمكان تعليمك اياً كان؟

الشغل والدراسة وأي حاجة في الدنيا، مهما كان صغرها ومدى اهميتها عاوزه سعي، إنت سعيت حتلقى م سعيت حتتعب لحد تلقى، وهي الحاجة متعتها وين لو م تعبت عشانها، حاول مره وإتنين وتلاته، إنت جيت عشان تتعلم، وم تخجل إنك تعمل شي وتغلط قدام زول، الزول القدامك دا زاتو لو م غلط م كان اتعلم ووصل، اسعى علشان تريح نفسك ف عُمر معين وتكون مبسوط بالإنت في، وم تعاين لغيرك عشان غيرك تعب علشان يصل??.

وصباحو الخيري لُطفاً??.#سجدة_علاء#سكر#اسعى_عشان_نفسك.**#إنت_محارب_عظيم

**في الصباحات البهية دي:

لمن تحس نفسك ماشي غلط ثبتها، بس لمن تثبتها م تقعد تاكل في نفسك بالأيام والشهور ويمكن بالسنين، الغلط الاتعمل خليك حريص إنو م يحصل، الطريق الغلط الإنت شايف نفسك دخلت فيهو اطلع منو، م تقعد تخت لنفسك مبررات تافه علشان تكمل في غلطك، وقفو وشوف الصح وشوف إنت حتحلو كيف، وإتذكر إنو خير الخطاؤون التوابون، واحنا من أطفال لو م غلطنا م حنتعلم، والدنيا امشيها خطوات صغيرة إنت راضي عنها، أفضل من خطوة كبيرة في إتجاه خاطئ تندم عليها??.

وصباحو الخيري لُطفاً??.#سجدة_علاء#سكر#اسعى_عشان_نفسك.**#إنت_محارب_عظيم

**في الصباحات البهية دي:

من أساسيات البزنس الناجح إنك تعرف تحسب المخاطر، وتكون مستعد تتقبل الخسارة وتتعلم منها، البزنس زيو زي أي مشروع، يوم فوق ويوم تحت، وده العادي. المهم يكون عندك صبر وما تيأس من أول تحدي، وركز على تطوير مهاراتك باستمرار، زي التفاوض والتواصل.

برضو خلي عندك شبكة علاقات قوية، عشان العلاقات هي البتبني فرص جديدة. شيل النصيحة من الناس اللي سبقوك، وأخد شوية وقت دائما تراجع نجاحاتك وأخطاءك عشان تكون أحسن.

خليك وفي للقيم البتآمن بيها، لأنها حتكون الدافع الحقيقي ليك??.

وصباح الخير لُطفاً??.**#سجدة_علاء#سكر#كوين_البزنز#ماركتنج

**في الصباحات البهية دي:

إنت ك زول ناوي تفتح بزنز لازم تعرف إنو في بيئة العمل، العلاقات المنجزة بتكون أساسية للنجاح، لما تكون عندك علاقات طيبة مع زملاء العمل التانين، الحاجة دي بتسهل الأمور وبتخلي التواصل بينكم أسهل.

الشغل مع فريق متعاون ومؤيد بزيد من الإنتاجية، لأن كل واحد في الفريق بيدعم التاني ويشارك أفكارو. كمان العلاقات الكويسة بتفتح أبواب جديدة للفرص والتطوير، ممكن تتعلم من خبرات الآخرين وتكتسب مهارات جديدة، بالإضافة لما تكون الأجواء لطيفة في العمل، بتزيد الحماس والدافع، الحاجة دي بتأيدك لتحسين الأداء والنتائج.

إتذكر إنو بناء العلاقات القوية والمستمرة هو مفتاح النجاح في أي مجال??.**#سجدة_علاء#سكر#كوين_البزنز#ماركتنج