كل واحد يرسم قدامه هدفه ويسعاله ويدير كل جهده في سبيله مهما يكلفه الأمر، صح الطريق حتكون واعرة وحيكون قدامك هلبا عقبات وحيجو ناس يحبطوك وناس يشوشوك وناس يتشمتو فيك وقت تعثر ومع هذا في ناس حتكون معاك وحتدعمك وحتشجعك وهادي الدنيا وهادي الطبيعة البشرية الموجودة في كل العالم

المهم كل عثرة تفيق بعدها وتكمل والشي لي انت تبي توصله وراسمه سيوره يجي يوصل لأنه كل يوم يكمل يعني ينقص من الفترة الزمنية بينك وبين هدفك

وخليك ديما مرن وماعمرك تخلي طريق وحدة بس توصلك لمرادك مرات تتسكر طريق تمشي تخش زنقة لي بعدها وتكمل مرات تلقي زنقة تانية احسن تختصر منها الطريق وهكذا أهم شيء المرونة في كل شي تديره في حياتك

العثرة لي تصيرلك مرات تحسها صعبة ومحتاجة منك تحمل وصبر وخطة بديلة باش تفوتها وتكمل المهم ماتخليهاش تسيطر علي مشاعرك وتركيزك وتخليك تقول انا عييت ولا أنا فشلت ولا أنا مش قادر نتحرك، صدقني توكل وكمل وكمل وكمل وكمل لين تفوت هالعثرة وترجع للسكة الصح

مهما يصيرلك خليك مؤمن بالقدر لي ربي كاتبه ليك حيصير تبي ولا ماتبيش لأنه حاجة إلاهية مكتوبة مش حاجة نتحكمو فيها وكلها امتحانات من الله فا نقولو الحمدلله مهما كانت حلوة أو مرة، لو كانت حلوة نشكروه ولو كانت مرة حتي هيا نشكروه ونعتبروها امتحان دنيوي يخفف علينا من بعدين

نسأل الله أن يرزقكم الشيء لي تتمنوه وتبوه وتبو توصلوله وتكونو حاجة تفتخرو بيها ويفتخرو بيها ناسكم وعيلتكم وتكونو فخر حتي لبلادكم

#فيزياء_طبية_تكميلي_2005
وماتنسوش تديرو دورة علي أسئلة النصفي لدفعة 2005 مهمة ✅

#جامعة_طرابلس
#المرحلة_التمهيدية
#العلوم_الطبية
جدول الامتحانات الاستثنائية لطلبة العلوم الطبية

إنالله وإنا إليه راجعون
البقاء لله تعالى وحده

" يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جنتي "

و الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجعون

بقلوب مؤمنه و طاهره انتقلت الى رحمة الله اخت صديقي وزميلي وخوي محمد رزق

اللهم اغفر لها و ارحمها واعفو عنها و اجعل قبرها روضه من رياض الجنه ولا حفره من حفر النار برحمتك يا عزيز يا جبار

#طلبة_الامتحان_الاستثنائي
الفيزياء العامة داخلة بالكامل اما الفيزياء الطبية داخلة جزئية النووية بس يعني الكهربائية لا

يعني نفس المقرر الداخل في الامتحان الفاينل لي فات ✅

حنزلكم في المنصة حل اسئلة الفاينل الماضي واقروها كويس ✅

باذن الله تفتكو منهم وتتخصصو زي ماتبو ??

#تذكير_فيزياء_طبية_الفصل_الثاني
محاضرة(4) جزئية النهائي نزلت في المنصة ✅

#تذكير_فيزياء_طبية_الفصل_الثاني
محاضرة(3) جزئية النهائي نزلت في المنصة ✅

#فيزياء_طبية
بالنسبة لمجموعتين الصريم مزال مفتوح فيهم التسجيل A B
بالنسبة لمجموعات الحضور في زناتة A B C D وصلو للعدد الكافي ومغلق التسجيل فيهم
غدأ أخر مجموعة جديدة "E” تنفتح بعون الله لجزئية النصفي وحتكون :
[ كل سبت واثنين واربعاء ] من 12-1
والبداية غداً من الصفر، بالتوفيق للجميع ??