البارحة شفت رجال بالبياع و ظِل يحچي وياية هواية ، چانت وحدة من حچايته انهُ ؛- (( الانسان قائم على اربع رجلينات ، القيم ، الخُلق ، الاخلاق والفضائل ، عمو هنّ ذني كُلهن سامعين بيهن بس نعرف شنو معناهن؟ زين نعرف شنو الفرق بين الخُلق و الاخلاق؟
باوع ابني ، الخُلق هو التهذيب و التربية ثم الادب وذني الاشياء التلاثة يحتاجن اربع دوائر علمود يكونن متواجدات بالإنسان والي هي الدائرة الاُسرية ، دائرة المدرسة ، دائرة المجتمع من ثُم دائرة الدولة ، في حال كانن متواجدات بوقتها راح يكون الفرد العراقي بيه خير ، اماً بالنسبة للاخلاق يا عمو فهي بحد ذاتها قائمة على الخُلق وانهُ شلون تستخدم الخُلق علمود تختار النَجِد (النَجِد يا عمو هو الطريق السالك او بما معناه طريق الخير ، ربنا يگول "وَهَدَيْنَاهُ النَّجْدَيْنِ")
إذا بالتالي ان تكون بالطريق الصحيح من تكون ذا أخلاق ويمتة تكون ذا اخلاق من تكون ذا خُلق .

البسوا هيدفون واسمعوها