قصائد حسينيه مكتوبه
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 1 month, 4 weeks ago
قصیدة في حق امام موسی الکاظم علیه السلام
عالجسرضلت جنازه الناس تتفرج غدت
آه یاوسفه وهضیمه بیهه اهلهه مادرت
ــــــــــــــــــــــــــــــــــــــــــــــــــ
آه یاموسی ابن جعفرکلبي لمصابڬ یون
آه یاصوت السلاسل ابسجنهم ضل یرن
کوم غداره العواذل علیڬ ماواحدیحن
ویلي معصومه اعله فکدڬ صوت عالي اصرخت
ــــــــــــــــــــــــــــــــــــــــــــــــ
ابیاذنب مسجون ویلي ویاجریمه ویافعل
دوم دمعاتڬ جریه عله الراحت عالهزل
مشت وي عدوان وسفه ومشت وي شمرالنذل
آه یاموسی ابن جعفرعمتڬ اشلون ارحلت
ـــــــــــــــــــــــــــــــــــــــــــــــــــ
آه یاوسفه امامي عالجسرباقي طریح
من فعل کوم العواذل کلبه مسموم وجریح
جان کل لیله ابصلاته یذکرحسین الذبیح
یذکرالحوراء زینب یوم میسوره مشت
ــــــــــــــــــــــــــــــــــــــــــــــ
عشت عمرڬ لحظه لحظه ابسجن اظلم یاامام
بین کفاروعواذل بین اولادالحرام
سلمت امرڬ الربڬ وصحت عالدنیه السلام
فاطمه ویلي اعله فکدڬ حیل مهمومه غدت
ــــــــــــــــــــــــــــــــــــــــــ
لیش یاموسی ابن جعفرلیڬ ماواحدرحم
کل موالي وشیعي لجلڬ بجه وعل راس ولطم
والرضا ابیوم المصیبه روحه تنصاب ابسهم
الدنیه مظلمه اعله فکدڬ نورمابیهه صفت
ــــــــــــــــــــــــــــــــــــــــــــــــــ
#تمت بعون الله بقلم ام یاس الساعدیه
نعي
عنده دخول مولاتي زینب ع للشام
وهیه تقول
شفت الخرابه وحیل ونیت
واتذکرت کعداتي بالبیت
یرجع زماني کلت یاریت
ــــــــــــــــــــــــــــــــــــــ
ضلیت اسولف ویه الحیطان
مامن سگف لابیهه بیبان
اجینه وکعدنه عله التربان
ـــــــــــــــــــــــــــــــــــــــ
حطیت راسي اعله الترایب
ذکرت الاهل ویه الحبایب
صارت کعدتي بالخرایب
ـــــــــــــــــــــــــــــــــــــــ
وساده الي صایرالتراب
مسني الهضم والکلب شاب
جرحي تره حزّن ولاطاب
ــــــــــــــــــــــــــــــــــــــــ
حملي ثجیل وهدل متني
اخلاف الاخو الحبل عتني
خان الزمان اشلون ذبني
ــــــــــــــــــــــــــــــــــــــــ
#تمت بحمدالله تعالی ام یاس الساعدیه
#قصيده للام البنين عليها السلام امنيات
يازين العباد وگرة اعيوني
وصيتي بلا دفن يايمه خلوني
ثلث تيام مثل حسين
بلاغسل وبلا تجفين
على التربان خلوني
على التربان خلوني
ــــــــــــــــــــــــــــــــــــــــــــــــــــــــ
وصيه يمه أوصيكم وگلبي ينوح
ماريد اندفن خلوه الجسد مطروح
عالتربان ويواسي عزيز الروح
وياوسفه النحر مومثله مامذبوح
تمنيت النحر مگطوع
وهم مثله برمح مرفوع
على التربان خلوني
على التربان خلوني
ــــــــــــــــــــــــــــــــــــــــــــــــ
تمنيت الخيول الداسته ابصدره
تدوس اعله الجسد كمدلل الزهره
ولچن ابسط امالي التجر حسره
ثلث تيام جسمي يضل عالغبره
يعابد ابسط امالي
اواسي وليدي الغالي
عالتربان خلوني
عالتربان خلوني
ــــــــــــــــــــــــــــــــــــــــــــــ
توصي ام البنين وتنعه محزونه
وهي أبساعة الموت وحالهه شلونه
ياحسين الگلب ماهدات شجونه
الجسد يمه الجسد ماريد يدفنونه
جثتي لاتواروهه
وبلدمعات غسلوهه
وعالتربان خلوني
عالتربان خلوني
ــــــــــــــــــــــــــــــــــــــــــــــ
غسلوني بدمع من مدمعي الدامي
على وليدي الحسين المنذبح ضامي
خلصت العمـــــــر متكدره بآلامي
من بعد الحسين اسودت أيامي
سوده صارت ايامي
من ذبحوهن احلامي
عالتربان خلوني
عالتربان خلوني
ـــــــــــــــــــــــــــــــــــــــ
?تـمــت بتـــوفيــــق الله
?بـٲنامــل شاعرة ٲهـــل البيت عليهم السلام
زهـــراء الحــــربي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه ?
?ونسال الله التوفيق والقبول
وٲسالكم الدعاء?
سلام عليكم حبايب اني امكم ام علي اعتذر منكم راح اغيب كم يوم بسبب صار خلل بل تلكرام الخاص بيه وانحذف عن قريب ارجع لكم ?
ختمه الأموات ????? ايها الناس اذا فارقت روح بني ادم بدنه نوديه بثلاث صيحات يا ابن ادم هل تركت الدنيا ام الدنيا تركتك هل قتلت الدنيا ام الدنيا قتلتك هل اجتمعت الدنيا ام الدنيا اجتمعتك واذا وضع على المغتسل نودي بثلاث اين بدنك القوي ما اضعفك واين لسانك الفصيح…
دعاء ختمة الميت ((بسم الله الرحمن الرحیم) ------------------------- يقرأ بعد سوره يس?? دعاء ختم القران وتصدیقه ?? صدق الله العلی العظیم وصدق رسوله الامین الکریم ونحن علی الذالک من الشاهدین والشاکرین والسلام علی المرسلین والحمدالله رب العالمین ربنا تقبل…
قصيدة سريعة....لذكرى وفاة السيدة الجليلة ام البنين ع
حزام شدي باللطم...لام البنين الليلة
لطمي واعدلي لطمتج
خليها تسمع ونتج
بالضيج هاي الحضرتج
المدمع عليها انسيله
--=<<<{{♡}}>>>=--
نلطم الليلة اعليها
العين دم نجريها
وبت حيدر انعازيها
لمها تون واذليله
--=<<<{{♡}}>>>=--
لام الكمر شدن حزم
ماتت الليله بالهظم
ما حضر شيال العلم
نعش امه ماجه ايشيله
--=<<<{{♡}}>>>=--
انريد لطمه امعدله
لام البطل لطمج حله
الليله الجليله امحمله
تبجي وتون العيله
--=<<<{{♡}}}>>>=--
يحله اللطم لام الكمر
ام الجلاله والفخر
الكلب من عدها انفطر
دوم السبط تبجيله
¢¢¢¢¢¢¢¢¢¢¢¢¢¢
✍? لحاجه_ ام علي الساعدي
https://t.me/tsgcyg
لطميه لام البنين تخاطب زينب (ع)
✿┈┈┈•• ••✦♡✦•• ••┈┈┈✿
يزينب ردتچ وياي ساعات المنيه
عفتيني ورحلتي وماعندي بنيه
ردت ويه المغسلات
بچفوف الجليلات
تغسلني العقيله وتجر ونه عليه
✿┈┈┈•• ••✦♡✦•• ••┈┈┈✿
ييمه بساعت الموت تمنيتچ حضرتي
يزينب ويه الاحباب عفتيني ورحلتي
ردت ويه المغسلات وحسبتچ مثل بتي
تعاي ولحگي بيه
ومدي چفوف اديه
انه اوياج زينب ونتنه سويه
✿┈┈┈•• ••✦♡✦•• ••┈┈┈✿
ونتنه سويه وضيم وهم غطانه
حاربنه دهرنه وحزن مافارگانه
يوم المر على حسين يازينب عمانه
عميت وماشفتكم
بالمنازع ردتكم
عد راسي تگعدون والدمعه جريه
✿┈┈┈•• ••✦♡✦•• ••┈┈┈✿
ردتج يالحنينه عد راسي تگعدين
مثل ونت حبايب عليه من تونين
ساعه الونه اليه وساعه الونه لحسين
يزينب واسمع الصوت
وتهون سكرت الموت
بصوتچ لونعيتي بونات الشجيه
✿┈┈┈•• ••✦♡✦•• ••┈┈┈✿
ماعندي حبايب بس انتي يزينب
خداچ الموت مني وگلبي بنار يلهب
من اذكر مصابچ ويوم حسين اصعب
اشوفنچ اگبالي
وصيحنچ تعالي
اريد اتوادع وياچ يمه بهالمسيه
✿┈┈┈•• ••✦♡✦•• ••┈┈┈✿
تعاي اتوادع اوياچ بعد اعيوني الاثنين
خافن قصرت يوم برباكم اه ياطيبين
اريد اسمع جوابچ بحك گطعت الجفين
اتباره الذمه وياچ
يزينب وحك عيناچ
الهد حيلي وعماني ذبيح الغاضريه
✿┈┈┈•• ••✦♡✦•• ••┈┈┈✿
يازينب تمنيت بعزاي انتي التگومين
محزنه ولابسه اسواد و للمغيسل تطبين
ماتم والعزه ايصير وبيه انتي التلطمين
لوجوچ المعزين
هاي امي تگولين
خداچ الموت مني ومالحگتي بيه
✿┈┈┈•• ••✦♡✦•• ••┈┈┈✿
*✍? المله ام زينب كربلاء*
https://t.me/tsgcyg
قصيده لام البنين ع {معتازه جناز}
اليوم ام الــولد معـتــــازه جناز
ماجــوها وســافه ابعــاد العزاز
❥❥❥❥ـــــــــــــ❁❁ـــــــــــــ❥❥❥❥
معتازه يجـــــــــيها الكافل الليله
مهضومه ودمعهه من دمه تسيله
رادته يجيها الكـــــــــمر ويشيله
ماجاها // جاليش اتعطل
❥❥❥❥ـــــــــــــ❁❁ـــــــــــــ❥❥❥❥
ماجاها الحنـــين شلـون ماجاها
جف الاغراب ليش الــيوم شالها
ياوسفه البطل مالــــــفه وزتاها
يزتوها // ياوسفه اغراب
❥❥❥❥ـــــــــــــ❁❁ـــــــــــــ❥❥❥❥
اغراب التشــيل النعش ياوسفه
هضيمتها هضيمه ام الولد كلفه
ياجرح الولد هــيهـات لو يشفه
مضمومه// علتها وماتت
❥❥❥❥ـــــــــــــ❁❁ـــــــــــــ❥❥❥❥
علتها الحنــينه عله مــضمومه
من يوم الجفوها وهيه مالومه
ضلت بالغرب تنطر و مهضومه
تعباها // يــــفراگ الشالوا
❥❥❥❥ـــــــــــــ❁❁ـــــــــــــ❥❥❥❥
تعبـــت والتعب يـنــزاح بالملگه
وهمه ماجوها وطــالـت الفـرگه
عاشت من بعدهم لجن مختنگه
مخنوگـه // من شوگ الحملوا
❥❥❥❥ـــــــــــــ❁❁ـــــــــــــ❥❥❥❥
للشاعره غدير الحساني
لطميه لزهراء ع عن لسان حال زينب ع والإمام الحسين ع
يحسين هاليلة البجه يحلالي ويحلالك
يحسين كون امي تجي وتشوف حالي وحالك
...........
ياريتها اليله تجي وتوكف على اعتاب الدار
وعيونها تشوف شجره وعلينه يحسين اصار
وتصد عله دموع الحسن مكسور كلبه ومحتار
هاليله كون امي تجي من الكبر تتعنالك
.............
تتعنه وتشوف الدمع تارس يخويه عيونك
وتصيح يالب الكلب يحسين يمه شلونك
جاليش ذبلان الجفن والحزن غير لونك
هاليله كون امي تجي وتكعد يخويه كبالك
..........
هم تكعد ونلتم سوه ونسمع عذب جلمتها
ورواحنه لينه ترد من ننضر الشوفتها
جاوين نلكاها بعد ونشكي حزن فركتها
هاليله كوم امي تجي ويبرد جمر دلالك
..........
يحسين نتكابل سوه وخلينه نبجي عليها
عالباب نكعد كل مسه وعيونه نجريها
ياخويه هم امنه ترد والدهر يرجع بيها
هاليله كون امي تجي يامن فده لخيالك
..........
جاكون كل ميت يرد وترده هاي العبره
اتمنه امك ياولي يوم الطفوف تحضره
وتشوف حالي وحالتك يوم الطحت عالغبره
تمنيت كون امي تجي وتلم باديها اوصالك
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم القصيده من كتاب المآسي الفاطميه الجزء الثامن عشر
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 1 month, 4 weeks ago