**مُبهَم أشـوفك بَس أميـزنَّك زين
عِشرة عُمر ويـّاك عايش يحســين
مِن أشبح عيوني الصور تبدي تذوب
بس وجهك وما تقبل تشوف العين!

………**

19/2/1999 💔**

تيممَت بـ تَراب الموت
مِن شَح ماي دين الله !

نسألكم الفاتحِة والدُعاء
لروح السيد الشهيد.

- عباس خليل السماوي.**

العجيب..💔

الغياب..😭😭💔

العذاب..😭😭💔

ذكريات 💔😭

التغطية المرئية لمجلس عزاء الليلة 19 شعبان 1446 هـ.

#ذكريات
🎤فاضل عواد السماوي
✍️ عباس خليل السماوي
🏠 حسينية موكب الأحزان - السماوه.

أربعين الغَريبة عن الأوطان 💔

#ذكريات **_________

ذكريات
سيرَّن كلهن عليَّه
مِن أجو شدَّوا اديّه
وأسمي صار الخارجيّه .. ها يروحي

ذكريات
مِن اخوي بمهُره راح
وعطره بين خيامي فاح
يمتـه يبن امي اسـتـراح؟.. ها يروحي

الليله كون احذاي اخوتي
ادري بيكم ما تجـوني و دوَّريـت
بـ أربعيني اردود اموتن
هم مثل تشيعي ردَّتك ما اجيت
گبري بفراگك تفـطَّر
لو تجي يسولفلك اشگد عاتبيت
مُرهن وشوف البچنّك
چَي عِفتهن زاعلنَّي وانعميت
يَمكم احسين اشتهَيت.

ذكريات .. ذكريات ..
•••••••••••••

العذاب
مِن يعرفونك باخوتك
تالي بيهم صــار موتك
ويطـلع اول مـره صـوتـك .. ها يروحي

العذاب
يا عِشيره التفزع الهه ؟
المـاتوا وعافـوهه اهلهه
صعـبه يا روحـي شيحـلهه .. ها يروحي

الذكره تذبح صَبر گلبي
بمَسره ضَعني اعله الهِزل واذكـر گعدته
مِن سِمعته يصيح زينب
بـآخر اللحظـات من مـات وشـبَـگـته
مِن لفاني الليل وَحدي
لملَمت حَيلي وخذت ماي وگصدتـه
بَعده يتراوالي نَحره
ودمَّه بيدي اعله العبايه مِن صُبغته
كونه يدري تريده اخته.

ذكريات .. ذكريات ..
•••••••••••••

الغِياب
ما يفارك طيفهَ عينك
وريچـك اتفكّـه ابونيـنك
امچتّف بلوعة حنينك .. ها يروحي

الغياب
اليندفن يم ناس غربه
لا أخـو ولا اهلـه قُـربه
يمـوت مـا مـرتاح گلـبه .. ها يروحي

البارحه وي گلبي احچي
هـا يگلبي ادري مشتـاگ لـجـماله
يلبطيتوا وبعدي اتاني
ميته زينـب والخِدر ضـل بس خياله
مِن ركضت وگلبي يركض
يرجـف ابـن امي لمَن عـاين دَلاله
شابح أنظاره لمنيته
ألـمن ايـجـر النفس مَحّد بقاله؟
هلبّت ايحّن بوصاله.

ذكريات .. ذكريات ..
•••••••••••••

العجيب
عمرك ابلحظه تودّعه
وتعبك امن ايدك تضيّعه
مـو سـهـم گلـبـك تشلـعه .. ها يروحي

العجيب
اشخذوا ما ادري حيره؟
يحدي ضعني الماله غِيره!
الامـيـره تـصـيـر اسـيـره ؟ .. ها يروحي

حتى موتي من يجيني
أمتيّه ومـا يدري ياخذ شنهي مني
روحچ بيا ديره زينب؟
راحت اويه حسيـن لمـن راح عني
تأخرت كلش يموتي
ردّتك بيـوم السمـع چتّاله ونّي
مچتفّه وبالسوك أمرّن
نادم المـوت بوكـتهه مِن عَبـرني
لحّك امك عون يبني

ذكريات .. ذكريات ..

•••••••••••••
عباس خليل السماوي.**

أهوايه اجيك وارد وحَدي
هَيج المطَشَّر حَدر فيَّك تلمَّه

—

- عباس خليل السماوي.