Чарговае папаўненне Спіса экстрэмісцкіх матэрыялаўУ яго трапілі TikTok-акаўнт, старонка ў Instagram і Facebook-профіль Таццяны Хоміч, Youtube-канал «Максим Шабуцкий», а таксама старонка ў Instagram «yana.joj».

*❗️У Беларусі +7 новых палітвязняў*

Гэта Наталля Варабей, Ала Кісель, Наталля Давыдка, Алена Вярбіцкая, Марына Алісеенка, Марк Невар, Аляксандр Лютаў.

Хто гэтыя людзі і чаму праваабаронцы лічаць іх справы палітычна матываванымі ? spring96.org/be/news/116285

Спіс усіх палітвязняў Беларусі ? prisoners.spring96.org

На аўтараў і гасцей белсатаўскага шоу «План:Б» заведзена крымінальная справа

Сілавікі ладзяць ператрусы ў сваякоў удзельнікаў і ціснуць на іх ужо некалькі месяцаў. Цяпер стала вядома, што Гомельскі СК завёў яшчэ і крымінальную справу за дзве праграмы «План:Б», якія выйшлі ў сакавіку гэтага года, піша @belsat.

Нагадаем, ток-шоу выходзіла ў эфіры з 2022 года. Апошні сезон скончыўся ў траўні 2024-ага. Ці будзе працяг — пакуль невядома.

*?Паведаміць пра затрыманне⚖️***Атрымаць бясплатную юрыдычную кансультацыю*?Абскардзіць дзеянні дзяржаўных органаў**✍️Звязацца з журналістамі «Вясны»*

*❗️Былога лідскага міліцыянта будуць завочна судзіць за «здраду дзяржаве»
Гродзенскі абласны суд прызначыў дату завочнага працэсу па крымінальнай справе Юрыя Махнача*. Яго абвінавачваюць паводле ч. 1 арт. 356 КК (Здрада дзяржаве). Пачатак працэсу прызначаны на 23 верасня, Махначу прапаноўваюць з’явіцца ў будынак абласнога суду. Паводле згаданага артыкулу, Махначу могуць прысудзіць ад 7 да 15 гадоў зняволення з штрафам ці без штрафу.

Юрый Махнач — гэта былы падпалкоўнік міліцыі Лідскага РАУС, камандзір роты ППС. У жніўні 2020 году ён публічна расказаў пра падрыхтоўку міліцыі да карных «зачыстак», збіванні затрыманых. Тады ж, 18 жніўня, ён падаў у адстаўку са службы ў міліцыі. А пазней з-за небяспекі пераследу пакінуў Беларусь і выехаў у Польшчу.

Крыніца: Гарадзенская праваабарона

*⚡️Па памілаванні на волю выйшла менеджарка EPAM Дзіяна Завадская, якую затрымалі па вяртанні з Грузіі*

Пра гэта паведамляе @mediazona_by.

Пра Дзіяну вядома, што да затрымання яна ўзначальвала каманду тэсціроўшчыкаў у EPAM. Пасля пачатку вайны яна разам з сынам, якому цяпер 7 гадоў, выехала ў Тбілісі. Але ў нейкі момант вырашыла вярнуцца ў Беларусь, хоць час ад часу выязджала за мяжу.

Яе абвінавацілі паводле арт. 342 КК (Арганізацыя альбо актыўны ўдзел у групавых дзеяннях, груба парушаючых грамадскі парадак) і ч. 2 арт. 361-3 КК (Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу). Які тэрмін прысудзілі Завадскай — невядома.

*?У Беларусі памілавалі яшчэ 30 палітвязняў*

✍️Калі вам вядома пра людзей, якія выйшлі на волю, калі ласка, паведамляйце праваабаронцам на @Viasnainfo