اليوم وأنا راجع من سوق القات وكيس القات في يدي جالس اقلبهن وابسر كيفهن .. اشتي أدري هل المقوت برمني والا انا برمته..

المهم وصلت لاما قدنا قريب البيت.. دخلت من حارة قلت علاسب أختصر الطريق.. وكانت هذه الحارة ملان غنم بيرتعين .. وصاحبهن الراعي جالس طرف الحارة في مكان ظلال..
المهم جزعت وأخترقت ذلك القطيع وأنا سارح في علم الله جالس أفكر بعمق في مستقبلي..

مريت من وسط الغنم وأنا منهمك في التفكير..
مادريت الا حين سمعت صوت هرولة قادمة من الخلف وضربة قووية في أسفل ظهري هكذا بببمممم لاما اشتل حقي العصب العصعصي! و انبطحت أرضاً وانا الذي لاينبطح الا وسط معركة ملحمية دامية !

قمت تلفلفت بسرعة وماناش داري ايشوه هذا الذي صرعني هذه الصرعة بكلها !
احترفت ابسر وانوه طلي ضخم أسود اللون!
وعادوه بيرجع ريوس ابن الكلب يشتي ينطحني مرة ثانية !!
والراعي كان يصيح لي من طرف الشارع ويطلق بعض التحذيرات اللازمة للخلاص من هذا الطلي الغاضب..

ابسرته بيرجع ريوس وأنا قررت اواجهه.. لإن في هذه الحالة لو هربت ولقيت ظهري للطلي مابلا يزيد ينطحني مرة ثانية..
وقفت مكاني بكل ثبات.. والطلي انطلق نحوي بسرعة عالية .. وهنا ترددت كيف اتصدى له بطريقة صحيحة..
قلت لو قمت تصديت له براسي واتناطحت انا وياه روس
مابلا يوقع عندي ارتجاج في المخ!! أما الطلي لن يصاب بأي ضرر لإن دماغه محاط بمادة هلامية تمتص الصدمات القوية !!
@omnnoقلت خلاص..شاتصدى له برجلي..لكن خفت لا ينبع ويوصل ينطحني في بطني لاما يشابك لي الأمعاء!!

قلت خلاص.. الحل الأنسب هو ان اتصدى له بالثنتين الأيدي..بنفس الطريقة ذي تصدى بها سامي للرمية الملتهبة..
المهم استعديت واتخيلت رأس الطلي كرة قدم وانا حارس المرمى..
وصل الطلي قفز قفزة قوية لاحد ان جمجمته كانت مقابلة لجمجمتي تماماً!!
وأنا نبعت وان قد احنا الإثنين بنطير في الهواء .. أنا والطلي.. ساع الحلقة حق الكابتن ماجد!
المهم باغت الطلي بحركة سريعة.. وصلت دغشته برقبته بالثنتين الأيدي وخنقته بقوووة لاما خليته يفقد الوعي ويقل : هوه هوه .. هوه  هوه !!
وانبطحت انا وياه ارضاً وكنا نتفاحر ساع حق الأفلام..
يعني شويه افحره وشويه ويفحرني.. وهكذا..
لاما في الأخير ثبته تحتي وكنت اخنقه بقوه وهو كان يحاول يتخلص!! وفجأة مادريت الا حين مد يده دلا لاتحت ثربته وخرج مسدس هههههه وطرحه لي في رأسي وقال : انتهت اللعبة.. قوود باي..وبدأ يضغط على الزناط وانا غمضت !! قلت خلاص نهايتي..
بس مادريت الا بالراعي وصل زبط المسدس بحركة بهلوانية من يد الطلي وضربه في رأسه بالعصا لما دوخ!!
وانتهى الفيلم .. ههههههه
عموماً والله العظيم انوه نطحني طلي صدق.. بس حبيت اكتب لكم القصة علىشكل فلم أكشن..

🤣🤣🤣💔

-|

لوما تقول لاي يمني
اووف فف اليوم حمااا قوووي
يرد عليك بسرعه
هذا حمااا الدنيا فڪيف نار جهنم 🌚😂💔

#شعب_قدو_داري_بمصيره .⇣⁽😂💔#ههههههههههههههههههههههههههههه
#𝐎𝐌𝐀𝐑

-|

عمرها 11 سنه وكاتبه
ينتقدوني بشده ويقلدوني بدقه ياجماعه
اليقذي منزل نفس العابها بالأيباد يمسحهن .⇣⁽😂💔#ههههههههههههههههههههههههههههه
#𝐎𝐌𝐀𝐑

-|

فيني كمية نوووووم لدرجة لو خيروني بين مليون والنوم

شاختار المليون طبعاً ??????

تصبحوا على خير

مساء الخير للفاشلين فقط
لأن الناجحين قد رقدوا الآن

تصبحوا على خير ???

ليش كل ما ارفع أصبعي الكبيرة في رجلي باقي أصابعي ينزلين.. احترام مثلاً ?

جرب جرب خذ راحتك ??????

تخيلو. لو به.بنات مقوتات يبيعين قات للبنات

البنت اللي تدخل تشتري قات ظهر وماتخرج الا بعد المغرب مبايعه وتخوار ونزلي تيه وادي تيه
مالها تيه بغره قوووي مااشي رجعيها
ماينفعش تيه مشتيش نزي قووي انا مركبه تقويم
يوووه ماشي يا حبيبتي ما تيه مبودره قووي شمها لاخارج

اخرج لش واحده خلقه ولو غاليه
للمه غاليه قذا سار البرد وامس وقع مطر
اسكه لوسمحتي العلاقيه الروس الحمَار تيك
وابسري لي ملخاخ حمَار يكون مناسب ع مدكا رمادي والمجلس اسود والموكيت خبقي
ماع مشتيش رؤس قد سرت اتعرس بقات رووس وقد بسروني عند العرس
يووووووه. ماللعلاقيه القات هذه. فيها شعر
المهم وتنبش القات كله وتضمره وترجع تقلها خلاص اسكه ادي شويه منش افذبح حق الرازم ماعدبش وقت وانا غطوه شدي البنات ونجي نشتري منش جربه بس تساعدينا ماشي عنخرج من همدان
وحين تبايع هيااا ساعدينا لقينا علاقيه في سيتي ماكس ارخص منها واكبر بثلاث مائه ساعدينا احنا زباين عندكم

والمقوته تقلها عادو اول يوم نفتح وبعدين يا حبيبتي لاتكنش تمسكي العلاقيه ويديش ملان شبس وشطه عتتمولعين سوا
وتيك تقلها مالش وانتي فارحه بروحش اول من يقوت واخر من يقوت قلت ولف
المقوته لو سمحتي اخرجي من الدكان قبل ما افقد اعصابي .

عزيزي العزب يقول لك #فخــــامــة_صــنـعــانـي
عليك ان تحمد ربك ان عادك عزب لعدة اسباب اولها المزوج المستضعف اذا نوى يخزن بالبيت عشان يرتاح ارغمته وزارة الداخليه يخزن عندها !

المزوج اذا نوى يخزن بالبيت لاتصدقش انهو مرتاح حرام مابه راحه يخزن بالبيت ويناول المشرف حقه ابو عصبه يغسل له القات ويقوم المشرف يخصي مالذ وطاب من القات حق الزوج ويزيد يدي لها شويه عشان تجلس تخزن معه ! شويه وقد بتقول له مرته امانه يارجال قولي الصدق عادك بتحبني ! امانه يارجال ليش ماعد شليت لي الفستان هذاك اللي كنت ارويك ذاك اليوم في السوق ! امانه يارجال ليش مسميني بتلفونك (البيت) ! شويه وتقله.يووه لو تبسر فلانه صبغت شعرها وطلعت ساع الفخاخ وفلانه صبغته وطلعت سا الغوار وفلانه قد لها خمسه اعراس وهيه بذيك الفستان ولا رضيت تغيره. اظن ان مابش معاها الا هوه شويه ويدخل واحد من الجهال لاعنده اباه ابسل احي دلبني ومالضي يحليني العب معه ! ?? ويجي الطفل لاعند راسك
يتعلق براسك ويهمس عليك البحشامه لما يجغر ام الطبيعه ! ويجي الثاني يشل عليك القات ويهرب للصاله وانك بتلعب ملاحقه انت و جهالك ههههههههه ! ويرجع بقعته وقد مرته مخدره ! وتدي عليه الهم والغم ! ليش مابتخرجني ليش مابتدخلني ليش هاذيك اليوم واحنا بالسوق ابسرت البنت اللي كانت بالشنطه بالمحل وكان حسك عندها وهي تبتسم لك وانت منسجم معاها ! ليش ماخليتني اسير عرس بنت عمة خالة ابن عمتي البكر ! للمه ماتخليني اسير عند اهلي. وقد كانين خواتي مجموعات هاناك للمه قلت لي ذاك اليوم.ماشي قدام امك وخواتك!المهم وتدي عليه الهامات الطامات الكبرى والصغرى وتذكر كل كبيره وصغيره وهو مسكين يرحم الله وهو يمكنها. اااح ولا داخل

تخيل بس حين تشل التلفون ومرتك مخزنه جنبك مراقبه لكل صغيره وكبيره مراقبه لك حين تفتحه وتتنقل من برنامج لا برنامج وتدقق على محادثات اصحابك.محمد عبده.و عبدالله وسلمان وهولا مش.اصحاب مذكرين. هولاء.مجرد اسامي وهميه.للمزز حقه. للتضليل .على زوجته وفجأه تكتب البنت. اسفه او وينك مشتاقه لك كيف رجال ويكتب اسفه ومشتاقه??ومن هنا يبدأ المحقق كونان حقها يشتغل ومن الربشه يطرح تلفونه مفتوح الرمز ويدخل الحمام !وسعيدة الحظ تشله بغمضه عين اعانك الله ياغالي وثبتك عند السؤال ??
وبعدا النسوان عندهن حس امني فضيع جداً !
تخيلت ياحبيبي العزب ! هيا انتبه تصدق المدهدهين اللي يقلوا. لك اتزوج. خزن وافتهن لحالك ووسير عند خبرتك واسمر وغني لما تشبع عزوبيه ولا يغرك منشورات الخميس
هن مجردد دهده?

#فخــــامــة_صــنـعــانـي

•
?‍?_ياولدي اسير اخطب لڪ؟ •
?_مع يمةة ••?
?‍?_للمة ياولدي معڪ واحدة معينة ♡؟
?_هاذة هي المشڪلة يمه انا بين احبهن ڪلهن عتقدرري تديهن ڪلهن؟ ••?"

#ياغارة_الله_بس?
#حال_الشاب_اليمنيツ.
•