قناة الرادود ستار الصالحي
القناة بأدارة نور الزهراء
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months ago
يازينب يازينب يازينب يازينب
للعقـــــــيله اليوم اون ونحب بأحزاني
مجلس الحوراء صــبح يوم عاشر ثاني
دمعــــتي الأم الخــــدر شيــبت اجفاني
من لهفتي اعله الطم صرت عابس ثاني
يازينب يازينب يازينب يازينب
**
لوقره المله ونعه ابدمعي اچوي اخدودي
وبالطم لم الصـــــــبر اله اگطــــع ازنودي
ارفع ايدي بكل مسه وحچي وي معبودي
ربي اقبل مأتمي وخدمتـــــي ومجهودي
يازينب يازينب يازينب يازينب
*
ابموكبي آنه اتحزمت حضرت زنجيلي
والأقـــامة مجلسـچ أمي بس تدعيلي
عن مصـيبة كربله امن الزغر تحچيلي
ولمن اذكر محنـتچ ابچي اخلص ليلي
يازينب يازينب يازينب يازينب
اليشـــــعر ابنار الهظـــم والألـم ولوعه
يبــقه كل عمــره يون الـچ يالمفجوعه
الليله يم عون شكثر شيعتچ موجوعه
وكل موالي ابمجلسچ دم تهل ادموعه
يازينب يازينب يازينب يازينب
الخادم
كامل السعيدي
لمولاتي العليلة عليها السلام
أربع حياطين وهجر .… شيصير گلبي المختنگ
عافاني ابوي لوحّدي…مو خيمة بس جاي احترگ
راح الضعن روحة ضوة .. اشما يبعد ايقل الهوة
•••••••••••••••••••>>>>>
كون الوجع جوه الگلب.. نندله من اجروحة
بس اليفارگ وجه ابو .. ابروحه الوجع شيلوحة
من سافرو عشت الذبح .. بس آنه ما مذبوحة
هوّ اليصبّح ع الهجر .. المغرب يطّلع روحة
كل لحظة يشربني المرض..عافيتي ماخذها الضعن
ايسموه غريب الماله اهل .. لو مو يعيشونة بوطن
گلبي اويه ضعن اهلي انطوة.. اشما يبعد ايقل الهوة
••••••••••••••••••>>>>>>>
آنه المشة بروحي المرض.. آنه الثگيلة انفاسي
آنه الچنت يم اخوّتي .. فراشة چان احساسي
غير آنه چنت بكل صبح.. افتح اعيوني بناسي
صعدو عله النوگ ومشوا..والشيب يمشي براسي
ادعيلهم بس البچي .. عاشرني اكثر من هلي
وجهة وجهي اعله النجف .. احرس ولدكم ياعلي
ضعن اهلي ماشي لنينوة .. اشما يبعد ايقل الهوة
••••••••••••••••••>>>>>>
ابنية وعليلة ابلايه اهل.. فوگاها وحشة وغربة
البي ذني كلهن يا خلگ.. تلگون جمرة ابگلبة
ابنادم اذا جاسه الهظم .. ايحط راسة بين اركبّة
الراحو هله وظل وحّدة .. حيطان بيته اتشربة
گلبي اعله اخوي اشگد نشد.. چفي اعله كاروكه انطبع
چنت آنه الوليله الصبح .. من وجهه گلبي اولاشبع
النغفة سوة ونگعد سوة.. اشما يبعد ايقل الهوة
••••••••••••••••>>>>>>>
مابيه حيل الحگ هلي .. هذا العمر ما اريدة
المشيول من بيته الهوة .. شم النِفس شيفيدة
لاچمني گلبي امن السفر ..واللچمة مو تعويدة
گالولي اليطب كربلة ...… يرجع رگبته بإيدة
المن بيته يطلع مبتسم.. بالطف ضحكته تنمرد
واليطلع امرتب تره … ايطب كربله امترب يرد
مو كلها نفس المستوة .. اشما يبعد ايقل الهوة
•••••••••••••••••>>>>>>
ارد انسبي اويه التنسبي.. و ارد اعثر اويه التعثر
واتمنى اعاون عمّتي .. و اسندها من ما تگدر
واضلوع الم امن الرمل .. والگه اليضيعن بالبر
والخيمة اطفّيها بإدي .. و اصرخ ب الله واكبر
والرمح ابوي اركض ركض..عطشان ابوي امن الصبح
واميّة اجيب امن النهر .. والماي ارشه اعله الرمح
حار الرمح نحره انچوة .. اشما يبعد ايقل الهوة
••••••••••••••••••••••>>>>
علي هادي الخزعلي
(تجليبه)
مـاتـت بـيـن غـربـه ودمـعـه هـمّـالـه
بنعش ام عـون لا تـسـرع يـشـيّـالـه
----------------------------------------*
ابـهـونـك يـشـايـل زبـنـب الـحـره
هاي الـبـگـلـب مـابـردت الـجـمـره
خاطرهه انكسر لاتـلچـم الـكسـره
لحد اخـر نفس متحمله هالحاله
------------------------------------------*
خـلـيـهـه بنعشهه بـهـون خـلـيـهـه
مـسبـيــه تــره وبـعـيـد اهـآلـيـهـه
الـيـوم الـمنـاحـه واجـب اعـليـهـه
هـل يـوم الـجـفـن دمعاته تحلاله
----------------------------------------*
مـاتـت بالـغـرب تـدريـهـه مهظومه
مـوتـهـه الـسبـي والـشـام وهمومه
ملـچومـه بـقـت هالـحـره ملچومه
هـاي الـمـا رحـمـه الـشـام بفـعـالـه
--------------------------------------*
لمـصـاب الـعـقيلـه انرخص الدمعه
اتـريـد الـمـجـالس والـلطـم فـزعـه
خـلـيـنـه نـنــوح ولـلـخـدر نـنـعــه
وصـوت الـنـوح خله اعليهه يتعالـه
---------------------------------------*
وآفـاهـه الأجـل وخـوان مـايمهـه
وامـهـه فاطمه الجبريل خـادمـهـه
مـاظـنـت غريبه الدنيا تـخـتـمـهـه
وتيشيّعهه الغرب ياهو التجي اباله
-----------------------------------------*
مـجـروح الموالي ومنكسر گـلـبـه
للماتت وحـيـده بـدريـت الـغـربـه
ماعدهـه اخو والـمـدمـع ايـصـبـه
التشيّعه اعزاز روحه بموته هنياله
---------------------------------------*
✍خادم زينب (ع)
الشاعر رعد الجريخي
السيدة زينب عليها السلام
.«««««»»»»»
وينك يابو فاضل الحك الها
الماتت غريبه بدون اهلها
ماتت زركه لمتون
الحك لختك ام عون
«««««»»»»»
زينبكم غريبه ابديرة الشام
مكسوره الاميره كسرة الجام
بقت نار بهدمها من الخيام
من يوم السبي ماكدرت اتنام
عميه اعليك العيون
الحك لختك ام عون
الما غمض ولا ساعه جفنها
«««««»»»»»
يعباس الجنازه تريد دفان
ليش ام عون ما وياها خوان
زينبكم وحدها و ماكو عوان
يدفنوها الغرب من غير عنوان
وانته ماكو اشلون
الحك لختك ام عون
ولا اخوان يمها و ماكو ابنها
«««««»»»»»
وين حسين عنها وينه عباس
تناديكم اختكم ها ينبراس
بديار الغريبه تموت يا ناس
دفنوها بشماته رفعت الراس
عليها اشلون ترضون
الحك لختك ام عون
و بديار الغريبه ابلا كفلها
«««««»»»»»
هاي اختك يعنوان الكفاله
ادتها ابفخر دور الرساله
ذلت عرش اميه و احتلاله
جليله الله خص الها الجلاله
الليله مضلم الكون
الحك لختك ام عون
طش بعدك يبو فاضل شملها
«««««»»»»»
تعال وشوفها مالومه لليوم
السوط امتنها تارك ارسوم
ما تكدر الحره بحيلها تكوم
زينب بالضهاري شافت انجوم
اضن ما بيها تدرون
الحك لختك ام عون
جبل لو شاف همها ماحملها
«««««»»»»»
حسن صالح العيساوي
سامره تشهد اسمه تخلد
والهادي يا ناس يشبه محمد
سمو الهادي
امصيبة الهادي مصيبه. وحيرت اهل السمه
خرج ضد طاغية عصره فلذالك سممه
كل بني العباس اديها. املطخه بفيض الدمه
باجر اگبال العداله. تبدي غاد المحكمه
باطل حكمهم. شفنه ظلمهم
ولجل المصالح. باعو ذممهم
سمو الهادي
**
الهادي عنوان الكرامه. وباقي ذكره بكل زمن
الساجن الدنيه بكبرها. اشلون ياناس انسجن
هذا شيخ الدنيه كلها ادلاله ما لحضه طفن
كل وكت فاتح مضيفه. ويكرم اشلون الحسن
بجفوفه رايه ايه اعله ايه
وحار بصفاته. راوي الروايه
سمو الهادي
*
ارض سامره العظيمه. طهراها بهيبته
الطير عدنه نحسبه زاير. من يحط يم كبته
مدري ليش الكلب يبرد. من اطب الحضرته
اتوجهت لله وشكرته. من رزقني زيارته
يسمع كلامي. ويرد سلامي
وعمري رخصته. الهادي امامي
سمو الهادي
بمرقد الهادي يعالم. صدري كلش ينشرح
ليش اضيع وعندي امامي اترابه ينحط عالجرح
انه من ادخل ضريحه بوجهي كلشي ينفتح
زايله الدنيه اعرفتها. وخدمة الهادي ربح
طوف بمزاره وخذ البشاره
السامره انصحك. انوي الزياره
سمو الهادي
علي الهادي بدمي يسري وهوه حجه اعله البشر
وعالعرش منقوش اسمه. وبالاحاديث انذكر
حارب اصحاب الظلاله. وماكو ضل الهم اثر
جان من يكعد يسبح. ايسبح وياه الصخر
نوره تجله. ويشفه الدخله
والرايد اثبات. عندي ادله
سمو الهادي
تمت
تحسين الخفاجي
انه ابراس السنه واهمل دموع العين
وبچي ابهل مصيبه ومانسيت حسين
محلات الخدامه وبيها رفعت راس
عنواني المحبه وشايل الاحساس
باچر يالخدم يحضركم العباس
وكل خادم يجي مايسأل انت امنين
موعد بالخدامه وشاهد الخدام
مجرد بالسنه تتغير الأرقام
عدنه اشگد مصيبه للأبد آلالأم
دمعات الجفن شاهدنه طول اسنين
عدنه من المصايب ما طفت جمره
ويظل حسين عايش بينه والعبره
نصيح ابصوت ما ننساج يالزهره
صوت من الحزن عشنه الدمع بونين
تظل عدنه العقيده نحچي بالإيمان
ومصدر كل حقيقه يوضح الإنسان
نحييهه السنه بالادعيه وقرآن
هاي المفخره بيها الفعل والدين
ليلي من الحزن ما خلصت الدمعه
واظنهه من المصايب ناحت البضعه
يلم بيه الجرح والنايبه اترجعه
على الهادي حزنه والجرح جرحين
حزني لو اسولف بس دمع وهموم
وليلي بس نعي ياويلي عالمسموم
ننصب مأتم الهادي يظل مظلوم
بني العباس سارت بالحقد لا وين
تعذب بالسجن واجروحه ما تنقاس
وشاهدهه المصايب من بني العباس
صبت كل حقدهه زمرة الأرجاس
ضد ال النبي صار الحقد تدوين
اسولف بالنوايب واسچب العبره
وذكر يا ذبيح المنسحگ صدره
خيل اعداه جالت عالصدر عشره
نار الفاجعه ظلت عجيبه اسنين
تمت بعون الله تعالى الشاعر_يوسف_الفتلاوي
*صيحة القائم .. يم گبر فاطم
يا لثارچ فاطمة .. يا لثارچ فاطمة
بحلمي شفت المهدي واگف يم گبر مبني بذهب
يالثارچ يمي يصرخ صرخة ماليها التعب
غيضة تارس طرف سيفة ايصيح و اينگط عتب
احرگ ابيوته اعله راسة الحارگ الباب ابلهب
المعتدي عليها .. ايده الويها
يالثارچ فاطمة .. يالثارچ فاطمة
و أخيراً اجه الياخذ ثارها وثار الطفل
أولاً يكسر اجدامة الدافع الباب برجل
ثانياً يشلع اعيونه اليضحك بوقت القتل
ثالثاً يقتلع عقلة الهاجم ابلاية عقل
ايطلعه من گبرة .. ايصلبة عالشجرة
يالثارچ فاطمة .. يالثارچ فاطمة
حالف المهدي بظهورة ايجيبهم كلهم سرة
بنار گلبه ايصب عليهم ما يتاني الآخرة
عوج: والأعوج يوادم ما تعدله المسطرة
من بقاية الحطب ذاكه بأيدة يحرگهم ترة
حالف اعليهم .. إله يغليهم
يالثارچ فاطمة .. يالثارچ فاطمة
مركز الكون اعله چفة وسيفة حلال الصعب
صاح طلعوا الكتلوا امي إله احطلهم گلب
صاح انه القاضي الاقضي ومحكمة دم تنصب
الثاني اعرفنه علاجه هذا يتعالج صلب
الهاجم اعله امة .. امن الهوه ايحرمة
يالثارچ فاطمة .. يالثارچ فاطمة
المهدي حصن الله الچبير اليدخل ابحصنه أتمِن
المهدي اشارة امن الله نزلت حوّلت قطب الزمن
جاي ويدلينا وينه الگبر ويسويه وطن
باچر ايخلي المدينة كلها بسم ام الحسن
باچر الحظرة .. توصل الگمرة
يالثارچ فاطمة .. يالثارچ فاطمة
**
غيرة يتلافح بياضة بالجمال الهاشمي
سيّد الايام كلهن يوم ثارة العالمي
باچر لدولة الحجّة كُلُّ كائِن ينتمي
و عالكرة الارضية يكتب هذا كوكب فاطمي
وكوكب الزُهْرَة .. حصة الزهرة
يالثارچ فاطمة .. يالثارچ فاطمة
علي هادي الخزعلي
ابگد مسافات اليسر حنينه
أنزور مرقد زينب اشتاگينه
...
چان مفتوح الطريق إبلا جهد
كل سنه انروحلهه زوار أو نرد
هالسنه أنزور العقيله امن البُعد
الحادي هذا العام ما مر بينه
...
كل سنه ابذاك الصحن نرفع علم
وندخل أمن الباب الاخضر يالخدم
نلطم اعله الراس حفاي الجدم
ذكريات المرقد اتبچينه
...
أمن العراق السوريه انصير ازدحام
امعاهدين ام عون منعوف المقام
صدگ ردت زينب الذاك الضلام
والضريح الناصبه امحوطينه
...
فاتحة زينب منو ايسويهه غاد
لاطبخ لاصوت ناعي بهالبلاد
نحترگ من حقنه وانصبح رماد
من نشوف المرقد امقفلينه
...
بت رسول الله محمدنه النبي
اجنبي ايشتمهه وايسبهه اجنبي
مرتين اشلون زينب تنسبي
مايمسوهه وحگ مهدينه
...
الشمر لو مد ايده نگطلعه الادين
واحنه شيعة علي واجنود الحسين
عالحدود اهناكه جيش امرابطين
وسيف ابوالحمله علي امحضرينه
...
لو نختنه وحيّهم الحوراء تصيح
عله الشام اسيوف بتاره نطيح
اويانه ابوفاضل حمايه اعله الضريح
والخزر مرقدهه نفگس عينه
...
خلو مرقد زينب ايعيش بأمان
احنه ميكظنه زمان ولا مكان
إن چان ياهالناس تنطونه ضمان
ابدينه موسه وعيسه يبقه ابدينه
....
محمد الجماسي
اللهم عجل لوليك الفرج
#أبوذية يحيدر ما يهم العمر ياراك
هلا بالموت كون الچفن ياراك
باجر ياعلي لو صرت ياراك
عليك حسين خل عينك عليه#اللهم_عجل_لوليك_الفرج
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months ago