#تراث **ندبة لصاحب الزمان روحي فداه

ما الجرحك مرهم اوعلتك دوه
الاّ يبن العسچري اتزم اللّوه
ــــــــــــــــــــــــــــــــــــــ
حيث جرحك ما وجد مثله جرح
اولا مثل دمعك امصب وادي سفح
لا وحگ ونّك وهو الچبدك ملح
ركن ما للدين ظل اله اودوه
ــــــــــــــــــــــــــــــــــــــ
ما بگه للدين غير اسمك رسم
وانته عن وجه الارض بعد النجم
ماتراك العين يولا بالحلم
يعرض اخيالك اللّي يغش الضوه
ــــــــــــــــــــــــــــــــــــــ
اوهالمراسيل الجنابك وارده
بالعتب تشجي اوتفسر الجامده
ما تحييها ابمناده اولا نده
اولا يبشّرنه منك يوم الهوه
ــــــــــــــــــــــــــــــــــــــ
ماسمعنه غایب ابعمر الدهر
غاب مثلك لا رساله اولا خبر
تدري شتگول الديالم والخزر
ما الصاحبكم گضه الوعد النوه
ــــــــــــــــــــــــــــــــــــــ
عده اويتهزّون حين اليسمعون
نندب اوننخاك يانور العيون
احنه نتناحب وهم يتضاحكون
من كثر طغيانها اوزود الغوه
ــــــــــــــــــــــــــــــــــــــ
آه يبن الحسن صدر الوسع ضاگ
وابركت بهمومنه اظهور النياگ
ياشهر ياحول تغزي اهل العراگ
اوبالغري تصبح اوتمسي ابنينوه
ــــــــــــــــــــــــــــــــــــــ
اوتگف لاچن آه بمچان الخيم
اوتذكر اشما صار بيها اعله الحرم
يوم ابن حامي الحمه راعي الشيم
ودّع اوللموت واليهن نوه
ــــــــــــــــــــــــــــــــــــــ
آه من حامت علی احسين النسه
تحن لاچن الضمایر یابسه
نادته یمصابك الما ينّسه
زینب اوسبّاح مهجتها التوه
ــــــــــــــــــــــــــــــــــــــ
ياعمدنه اوسورنه اوالنه ستر
وبحماك ابنيت لعيالك خدر
يبن والدنه شلك نيّه اوفكر
گال الفراگ اوفلا غيره هوه
ــــــــــــــــــــــــــــــــــــــ
كسر خاطرها اوصدع منها الگلب
اومن چبدها اعيونها گامت تصب
چیف رايك يبن چشّاف الكرب
ابهالأطفال المالهم غيرك سوه
ــــــــــــــــــــــــــــــــــــــ
بچه اوجاوبها اورجع للعين صب
يختي يرعاكم عگب عيني الرب
غضب لاچن ركب مرتاح الگلب
مثل ما يرتاح مفتون الهوه

الحاج المرحوم عبود غفلة**#اللهم_عجل_لوليك_الفرج

مفجع
اعانك الله يا أباعبدالله ?****

#تراث **آنه أُم البنين إلفارگوني
لدرب حسين تتربه إعيوني
يـوم المشو عني إو ودعوني
خمس إسهام چتاله رموني
ما خالفو رايي إو جفوني
وإبنصرة عزيزي أمِّلوني
إو وصّيتهم ما ظن نسوني
بيّضو وجهي إو نومسوني
إنچانهم حيين إجوني
إو لو بيهم الگوم أفجعوني
وفّيت للزهره إديوني
مصيوب گلبي إو ضمّدوني

أنه أُم البنين إلبيهم الزود
صوارمهم تعفر بيض الخدود
ولو هزت سمرها إتفصم الجعود
الواحد بألف بالميدان معدود
ترابع سور خدري من أربـع حدود
طلاسم بيهم الناموس مرصود
لچن دهري رماني إبسهم محدود
وعبدألله إلعليه الگلب ميهود
والخله دليلي إبنار موگود
فگد عباس راعي العلم والجـود
ثكله وبالنحب ما علي منگود
فگدت ألأربعه والعگل مفگود

بالأربعه يحسين ضحيت
ظنيت سالم ترد ظنيت
وإبنصرتك يحسين وصيت
عينت بنيني إو زهوة البيت
عباس وإبدمه تحنيت
وديت والكربله إشوديت
إو ينگلب مسره الفلك مدريت
وإجروح خمسه إبگلبي خليت
جرحك ضهدني إو ثكله ظليت
إو عن البنين ألأربعه إرضيت
إو برضاك أنه للزهره وافيت
حگ العليه إو ذخر خليت

الشاعر المرحوم الشيخ
كاظم منظور الكربلائي

(325)**#اللهم_عجل_لوليك_الفرج

#تراث **تخميس للأبيات

المنسوبة لأم البنين في نعي أولادها

لهفي لثكلى واصلت بالحنين
أيامها يا صاح حيناً فحين
تندب والأحجار شجواً تلين
لاتدعوني ويك أم البنين

(تذكريني بليوث العرين)

لن اكتفي بالنعي ان أنـدبا
نوراً بوادي الطف عـني خبا
لمن مظوا عند اشتباك الضبا
اربعة مثل نور الرّبى

(قد واصلوا الموت بقطع الوتين)

لي غير فخري في الدّنا ما بهم
و تربح الجـنـات مـن بـابهـم
وكل فعل الخير من دابهـم
كانت بـنُونَ لي أُدعـى بهــم

(واليوم أصبحت ولا من بنين)

لا يرتضى الرحمن من ساءهم
وخاب مــن تـابع أعدائهم
حر الظما مذ فت أحشائهم
تنازع الخرصان أشلائهم

(وكلّهم أمسى صريعاً طعين)

ما حدث التأريخ أن أدبروا
في الحرب مـهـا نـارها تسعر
فكيف قلبي كـسـره يجـبر
يا ليت شعري أكما أخبروا

(بأن عباساً قطيع اليدين)

الشاعر المرحوم
الشيخ محمد سعيد المنصوري

(322)**#اللهم_عجل_لوليك_الفرج

#تراث
قصائد تراثية لسيدتي ومولاتي ام البنين روحي فداها

(1)آنه  أم البنين و دهري ذبني
(2)أم البنين تنادي .. يبني ويروح الـهادي
(3)لاَ تدعونّي ويكِ أمَّ البنينْ
(4)يناعي المدينـه مـن تصـلها
(5)گصد بشر ابـن حـذلم للمدينه
(6)ابوذيات
(7)عگب ذبحة ولينا اشْصَار بالله لا تنشديني
(8)بَگصى المدينه ام البنين اتصيح بالويل
(9)آنه أُم البنين إو فاجده الحيل

ربط القلوب بإمام زمانها ومعرفته
هو الحل الوحيد للنجاة في كل شيء#اللهم_لين_قلوبنا_لولي_أمرك#اللهم_عجل_لوليك_الفرج

#تراث **يَحِقُّ لِمُقِلَّتِي تُهَمَي الدُموعا
عَلَى مِنْ رضّضوا مِنهَا الضُلُوعا

يَرُضُّ ضُلُوعَ فَاطِمَةٍ جِهَارَا
و يُدَخِّلُ بَيْتَهَا حَطَبًا و نَارَا
عَجِبْتُ لِمَنْ إذاَ شَهِدَ المغارا
يَفِرُّوا و يُحْرِقُوا الْبَيْتَ الرفيعا

هِيَ الزَّهْرَاءُ فَاطِمَةُ الْبَتُولُ
و مَنْ أَوَصَّى بِنِحْلَتِهَا الرَّسُولُ
أَيَغْصِبُهَا و لَا أَحَدٌّ يُقَوِّلُ
اسأتَ بِبِضْعَةِ الْهَادِي صَنِيعَا

لَقَدْ حَكُمُوا بِلَيْلٍ أَوْ نَهَارِ
بُكاها لَا تَقِرُ بِلَا قَرَارِ
فَكَيْفَ قَرَارُهَا و الحُكْمُ جَارَي
عَلَيْهَا و هِيَ لَمْ تُطِقْ الهُجُوعا

لَقَدْ هَجَمُوا عَلَيهَا و هِيَ حَسْرَا
و قَادُوا بَعْلَهَا بِالْحَبْلِ قَهْرَا
و أَلَقَوْا حَمْلَهَا بُغضَاً و كُفْرَا
قَضَتْ و فُؤَادُهَا أَضْحَى مَروعا

فَمُذْ قَادُوا عَلِيًّا بِالنِّجَادِ
عَدَتْ مِنْ خَلْفِهِمْ و الْحُزْنُ بَادِي
أَلَا خَلُّوا اِبْنَ عَمَّيْ أَوْ أُنَادِي
و أكْشِفُ لِلدُّعَاء رَأْسًا وَجِيعَا

دَعَتْ مَا صَالِحٌ هُوَ و الرَّسُولُ
و نَاقَتُهُ أَجَلُّ و لَا الْفَصِيلُ
مِنَ الحَسَنَيْنِ أَوْ مِنِّي فَقُولُوا
إِلَى الْأَوْثَانِ قَدْ عُدْتُم رُجُوعَا

فَمَالَتْ دونَهَا فَغُدَى عَلَيهَا
بِضَرْبٍ مِنهُ سَوَّدَ مُنْكَبِّيهَا
و أَوَدَعَ حُمْرَةً فِي مُقْلَتَيْهَا
وَ قُرْطَاهَا بِهِ اِنْتَثَرَتْ جَمِيعَا

فَأَخْرَجَهَا عِلْيٌ للبَقِيعِ
بِأَوْرَاقِ الاراكَةِ والقُروعِ
تُقِيمُ هُنَاكَ نَاثِرَةَ الدُّموعِ
عَلَى مَنْ أَوَرَثَ الدُّنْيا صُدوعا

أَتَى نَحْوَ البَقيعِ بِهَا فَلَمَّا
رَأَى قَطْعَ الاراكَةِ كَانَ ظُلما
بَنَى بَيْتًا إِلَى الاحزانِ يُنْمَى
لِتَبْكِي وَسَطَهُ الْهَادِي الشَفيعا

السيد المرحوم صالح الحلي

(320)**#اللهم_عجل_لوليك_الفرج

هدية لقلب ابو صالح
المُقطع على مصائب أهله
ومن ذنوبنا ?*?*

الصلاة على محمد وآل محمد** #اللهم_صل_على_محمد_وآل_محمد

#تراث **بضعة الهادي ومصایب بابها
حيرّت اهل الألباب ألبابها

باب لا چن للمصايب غدت أم
نار بسمار وعصر هشم عظم
تجّمع أعليها وهجم جمع الظلم
وسقط المحسن عصر بعتابها

يالها من باب مجموعة قدر
بين جمع أسلام ورتدت كفر
بالوصي حامي الحمه غدروا غدر
ما صدر گبله ابشريعة غابها

باب محجوبه أبجلاله أمن الوحي
ونورها لا ينطفي أو لا ينمحي
ومنه الهل الرّده أبد ما تستحي
أبنار حرگتها ولهب لهابها

باب ما نسم الهوه عليها يمر
الا بستئذان يصدر له الأمر
حتى ضي الشمس يو نور البدر
حين يوصلها بأمر وهابها

والهتك حرمة الباب اللي يشع
نورها ويضوي السماوات السبع
اثنين لاچن كونو ألهم رَبع
أمة الأنكرت نص أكتابها

والذي ينكر الآيات الكتاب
من كهول ومن شيوخ ومن شباب
هذا ما يحترم للمختار باب
مشرك وملحد نذل مرتابها

هالذي من انوه يحرگها الضعن
ربعه گالوله انتبه لا تنفتن
فاطمه بالدار جاوبهم وإن
وهل النصيحه انفضحت أبأربابها

باب مهيوبه بأسم سيد الرسل
وسم الأعظم الها حارس متصل
فنه يتجسر وفنه اللي يصل
احدودها وحتى الأملاك أتهابها

لاچن الحكمه الذي هيه اسمحت
السامري الأمه وزمرته اتجسرت
النورها نار العجل من احرگت
باب اسرار النبوه احجابها

باب حصنها الأله بإحترام
حيث مهبط للوحي ابكل الايام
غرض صارت للرماح والسهام
الف وسفه من الأليمه احسابها

باب حرمتها على كل مسلم تجب
هيبة الله استارها ونوره الحجب
شلون ملباري على الامه يغضب
من احرگتها التدعي أمن اصحابها

أمنو من حيث ما الها رجال
توگف أتدافع وتفتك بالأنذال
لو الها أنصار چان أصبح محال
توصل وتجسد عليها اجنابها

من عگب عين النبي يوم الهجوم
يوم شر بالظلم مايشبهله يوم
ولعد هذا اليوم ما واحد یگوم
يطلب بثار السقط وصوابها

بالگلوب اصوابها خلف الهم
ونگلب بسمارها بالطف سهم
خله گلب حسین برض الطف خذم
وچبدته جمر المصايب ذابها

وگع من المهر لاچنه اشوگع
جسمه من كثر الطبر صاير قطع
عليه عچله ارماح ما الهن طمع
بيه عسلان الفله وذيابها

الشاعر المرحوم الشيخ عبود غفله

(319)**#اللهم_عجل_لوليك_الفرج

#تراث **لشهادة سيدي ومولاي الإمام العسكري صلوات الله عليه

شمّامة الهادي الحسن يجذب الونه
فوگ الفرش وسموم خصمه مرّدنّه

ابنفسه يجود وذاب گلبه ابحر السموم
واولاد ابو طالب عليه گلوبها اتحوم
هذا يجر ونّه وهذا الدّمع مسجوم
وامّا الاجانب غدت في حنّه ورنّه

كهف الأرامل واليتامى والمساكين
كلها عليه اتنوح ظلّت مالها معين
بعدك يَبو محمَّد ترى متيتّم الدين
حامي حماه ابهالمرض شيّال عنه

اصفرَّت الوانه و ونّته صارت گصيره
ماله گرابه و عيلته صارت ابحيره
وسفه برض غربه يموت بلا عشيره
ما بين اعادي دين ما عدْهم محنّه

غمّض العين ومدد ايده وغابت الروح
واتْزلزلت بس مات سامرّا من النوح
وصاحب الغيبه مْن المصيبه الگلب مجروح
ونّات ابوه اشْعبن گلبه وجَرحنّه

باشر ابتَغسيله ابو صالح وسجاه
وبالمغتسل بيده حما الاسلام خلاه
وچفّنه وفوگ النّعش حطّه وصاح ويلاه
اتشفّت يبويه اگلوبها العدوان منّا

يابوي إلي تالي الزّمن نهضه و غارات
واستاصل العدوان و استوفي الثّارات
من يوم حيدر والضّلع والغاضريات
والجسر واللي شتتونا عن وطنا

الشاعر المرحوم ملا عطية الجمري

(313)**#اللهم_عجل_لوليك_الفرج