نزله حماسيه للسيده زينب (س)

كيد كيدك يايــزيد   آنه زيـنب
اله اسويكم عــبيد   آنه زيـنب
      عندي هـيبة حيدره
      ازماط سبع الگنطره
           آنه زيـنب
▪️▪️▪️▪️▪️▪️

آنه بنت القلع خيبر و بأسمه كل هم ينجلي
خاف متعرفوني ياهي آنه بنت حيدر علي 
الخله اهلكم بالحرايب تفر من هيبة هلي
لسان حيدر آنه زينب و فنه صوته اليعتلي

آنـــه ردادة زلــمكم   آنه زيـنب
اله اطشرنه جمعكم  آنه زيـنب
      ابـد مــا ارجـع وره
      ازماط سبع الگنطره
            آنه زينـب
▪️▪️▪️▪️▪️▪️

اگطع لسانه اليگلي انحنيتي من السبي
القصر عليكم اطيحه و اله البسكم عبي
آنه اخت الگمر هاشم و جدي الطاها النبي
اله اشـلع عيونه بـيدي لو نـظرلي اجنبي

راح اشدنهه العبايه  آنه زينـب
راح آخـذكم سبايه  آنه زينـب
       دوم ابــقه امخدره
      ازماط سبع الگنطره
           آنه زينـب
▪️▪️▪️▪️▪️▪️

ابن مرجانه من اجيته گتله وين ارجالك
ليش تتراجف اعضاك و خفت من خيالك
اي رجوله بيك ماكو و هذي آنه اگبالك
اليوم راح اگطع نسلكم و راح اشاهد حالك

ماتخــوفنـي الزلـم  آنه زينـب
آنه زينـب و النعـم  آنه زينـب
     علــي گايـلــهه تـــره
     ازماط سبع الگنطره
           آنه زينـب
▪️▪️▪️▪️▪️▪️

يايــزيد ويه العقيلــه شجابك اتوازيني
اسعي سعيك و ماتگدر تمحي دمعة عيني
مو ذكرنه تريد تمحي و هالحچي يكفيني
ابد ماتمحي ذكرنه و لا حرف من احسيني

اله اهدمــنه القصــر   آنه زينـب
يبقــي ذكري للعــمر   آنه زينـب
      ماكو مثـلي اي مـره
      ازماط سبع الگنطره
            آنه زينـب
▪️▪️▪️▪️▪️▪️

راح اسمي لكل تذكره بكل لطم و اقرايه
و تعتني لحسين اخويه من كل ارض مشايه
اب ياعقيله كلهه تصرخ و تجي عنايه
موش خادم آنه عندي.. خدم عندي اهوايه

راح العـنـك بكـل زمن  آنه زينـب
راح ازيحن كل المحن  آنه زينـب
       راح اندمـك عالجره
       ازماط سبع الگنطره
             آنه زينـب
▪️▪️▪️▪️▪️▪️

_كلمات خادم الحسين_
_محمد الحايي_

https://telegram.me/tercheyeh

ذكري وفاة مولاتي ام المصائب

ابهيده و نعش زينب من تشيلونه
            ــــــــــــــــــــــ

يشـيال النـعـش بهـداي وياهه
ايديهـه مزورگه الشـمر خلاهه
مصائب الزمن ام عون راواهه

جـرح بـمتــون زيــنب لاتلچــمونه
ابهيده و نعش زينب من تشيلونه
            ــــــــــــــــــــــ

بقت بيــن الغـرب و تريــد دفانه
تنادي وين اخوي حسين ماجانه
و جفنهه غمض و بالشام حزنانه

تره كلـمن يمـوت اهـله يحضرونه
ابهيده و نعش زينب من تشيلونه
            ــــــــــــــــــــــ

ردت طارش يــروح يخبر العباس
و يگـله اخــتك تـره بأخـر الانفاس
بس شمات اشوفن انه هاي الناس

بقــه نعشــي غريـب و مايـلاگونه
ابهيده و نعش زينب من تشيلونه
            ــــــــــــــــــــــ

فاتحــتچ تــضل و اقــرايه يوميه
نوب انعه عالضيمچ نوب ع رقيه
تضل للمــوت زينب مصيبتج بيه

و مأتـم كل عـزه بسمـچ ينصبونه
ابهيده و نعش زينب من تشيلونه
            ــــــــــــــــــــــ

كلمات خادم الحسين :
محمد الحايي

https://telegram.me/tercheyeh

( مـعاناة زینـب )

هذه حالی   من المصائب گلبی مهموم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

زینب آنه و خلص عمری بکربله و درب العذاب
بغربه هـسه آنه وحدی و الکفل عن عینی غاب
گـبل مـوتی خل اسولف بـعد کل هـذه المصاب
الاخـو عالغـبره عـفـته حسـین شیباته خضاب

هذه حالی   کافـی یخوتی کافی النوم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

کربلـه شمـخـلیه بـیه کله مــنهه الـبیه صار
الکفل عالشـاطی عفـته ضامی و دلاله حار
ضیعـتهم کل اخوتی و الخـیم محترگه نار
و الـهضیـمه بهـیمـه آنـه و مابـقتلی اَیه دار

هذه حالی    العدو اعله ایتامی ایحوم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

حسین دامـی ماعرفته شیبته اتراب ویه دم
طایح اعله رمله عاری و نابت بصدره السهم
و المصـیبه الأعـادی ابخـیل سـحگـته الشهم
و آنـه مسبیه و سلیـبه بگلبی احسن چم ألم

هذه حالی   ذبح اخـوتی ابالی مرسوم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

الشـام کل ناسـه تأذی لـمن من عـدهـم اجیت
بالخرابه انشلع گلـبـی و یضـربونی لو حچیت
تمنیت تحضرلی اخوتی و لایشوفونی بچیت
وســفه تالــی زینـب آنـه هـچ بالغــربه صفیت

هذه حالی   غاب منـی الگمـر و نجوم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

احچی الحـاله الاخـیره بالخرابه شلون انام
ابغــربتـی چنـی احـسـن ضایـعه و بلاخیام
مـظـلم الشـام و یأذی و عـینـی ابـدأ ماتنام
عیونی راحن ما اشوفن ارحم بحالی یشام

هذه حالی   چنـهه تاکـل گلـبی الهموم
هذه حالی   ارد اسولف ضیمی هالیوم

آنه الغریبه    آنه الغریبه
➖➖➖➖➖

کلمات خادم الحسین :
محمد الحایی

https://telegram.me/tercheyeh

قال الامام الصادق : ( حدثّوا شيعتنا بما جرىٰ علينا ) طور تحیرنی و تذکرنی _ ملاجلیل الکربلایی صعــب وضعـی انکـسـر ضلعــی علـه اخـدودی الـدمـع یجـــری ➖➖➖➖➖➖➖ یفضه گومی سندینی انوحن و الجرح یصعب أونن گمت ٱنه و انحب یفضه و الگلب…

قال الامام الصادق : ( حدثّوا شيعتنا بما جرىٰ علينا )

طور تحیرنی و تذکرنی _ ملاجلیل الکربلایی

صعــب وضعـی انکـسـر ضلعــی
علـه اخـدودی الـدمـع یجـــری

➖➖➖➖➖➖➖

یفضه گومی سندینی انوحن و الجرح یصعب
أونن گمت ٱنه و انحب یفضه و الگلب عطب
یوجعنی الضلع و الخد یمی محسن مخضب
دفع بابی النذل یاناس و اشوف ولیدی امترب

الـدمـع یـذرف الـضلـع یـنـزف
ورا الــحـایــط وگــع طـفلــی

➖➖➖➖➖➖➖

انادی الباب لاتـدفعـه آنی فـاطـمه الـزهــره
و أن اسـمـع ینادینی ذبلت وردتـی بحسـره
بلارحمه کسر ضلعی و اجتنی اعله الوجن سطره
ابکل قوته سطر خدی و احسن خدی چالجمره

بـحــرگ بابــی بــده امـصابـی
الـهـجــمـو اکـســـرو گـلـبـــی

➖➖➖➖➖➖➖

یفضه منکسر گلبی و آنی ادمـوعی اجریـهه
ابـد مــاچـانـت ابـالـی هـچ یـصیر تالیهه
زغیره زیـنب ابـنیتی بحـسره انـظـر اعلیهه
تنادی فاطمه یمـه ابدمعتهه و بـواچـیهه

العـمــر ضایــع الـحـزن شایـع
و مــایــسـکـت أنـه نــحـبــی

➖➖➖➖➖➖➖

عینی لمن انطگت طفت بالعتبه چـن شمعه
اشوف اولادی ایونـون و آنه اهمل الدمـعه
عصرنی المایخاف الله و کسر خاطرهم بصفعه
أنه اسمعهم یگلوله اعله اُمنه الباب لاتدفعه

وگـع کــل حیل بـتـوالی لـیل
و آنــه اِفــگــدت صــبــری

➖➖➖➖➖➖➖

اَنه زغیرة عمر لکن بحرگهم حرگو احلامی
یفضه و الدفعنی حیل احس بنحلة اعضامی
بکـثر مایـدفـع اعـلیه شفتهن ماتن اجدامی
ظلمونی و آنه الزهره بظلمتی راحن ایامی

هـده اصـوابـی الأهـم حجـابی
مـــن خــوفـی یـبــس دمـــی

➖➖➖➖➖➖➖

کلمات خادم الزهرا :
محمد الحایی

https://telegram.me/tercheyeh