Режиссёр: Паоло Соррентино

Анора (2024)

Анора йилнинг энг яхши фильмларидан бири бўлди. Умуман олганда фильм Золушкани эртак эканлигини, у каби ҳодисалар фақатгина эртакларда бўлишини исботловчи картина. Фильмдаги барча қаҳрамонлар комик образда намоён бўлади ва уларнинг ҳар бир ҳаракати кулгингни қистатади. Лекин шу билан бирга фильмни тўлақонли комедия деб атаб бўлмайди. Фильм реалликка жуда ҳам яқин ва айнан шу сабаб билан бўлса керак танқидчиларни олқишига сазовор бўлди. У ҳудди реал ҳаётимиздек — кичик-кичик кулгили, бахтли ва мўжизавий ҳодисаларга бой ва аввалига бизнинг ёрқин келажакка бўлган оптимистик қарашларимиз ортиб боришига хизмат қилади, сўнгра иллюзияга берилганимизни юзимизга солиб, эртакнамо Нарния салтанатига киришимизга йўл қўймай эшикни юзимизга ёпади. Анора — бу мўжизалар рўй бермаслиги ҳақидаги комедия. Унинг ҳаётий эканлиги ҳис қилгач уни комедия эмас трагедия сифатида қабул қиламиз.

Время жить (2024)

Фильмнинг номи бежизга - яшаш вақти эмас, чунки фильм ҳаёти тугашини билган одамнинг яшаш вақти ҳақида.

Онкологик касалликка чалинган аёл кўпчилик тутган ишни қилишга иккиланади. У балки уч йил кимётерапия билан азобланиб яшагандан 3 ой одамга ўхшаб яшаганим маъқул деб ўйлай бошлайди. Албатта у қайси қарорга келганини фильмни кўриб биласан.

Ижодкорлар томошабинни ўйлантира олади. Улар ўзларининг таъсирли ҳикояси билан: сизлар қачон яшашни бошлайсизлар ландавурлар, албатта ўладиган кунларинг аниқ бўлганини билгач яшашга киришсизларми? Балки ҳозирдан ўзингни кичик орзуларинг сари интиларсан, балки ҳозирдан "яхшироқ" инсон бўлиш ҳаракатига тушарсан?

Охирги йилларда одатий ромкомларни янада таъсирли чиқиши учун қаҳрамонларни бирини ўладиган касал қилиш одат тусига кирмоқда. Бу фильм ҳам улар билан битта қовурғадан яралган десам хато бўлмаса керак, шунчаки, озгина бошқача фалсафани ҳам томошабинга таклиф қила олган. Ва яна режиссёрнинг вақт чизиғини "Помни" ёки "Криминальное чтиво" каби фильмларга ўхшатиб оёғини осмондан қилиб ташлаганини ҳам инобатга олиш керак. Бу шунчаки жанр учун ноодатий ва ўз навбатида янги нарса. Балки кимгадир ёқар, кимгадир эса тушунарсиздек туюлар.

Умумий олиб қаралганда фильм менга ёқди. Мелодрама, комедия, трагедия ва энг асосийси ўйлантира оладиган фалсафа бор.

7/10
@kinopub_uz

“День Шакала” киллерлар ҳақидаги энг зўр сериал(ми)?Маньяклар ҳақида сериаллар кўп. Улар одатда бош қаҳрамоннинг руҳий носоғломлигига эътиборни қаратади ва томошабинда “аслида у сизлар ўйлаганчалик ёмон одам эмас” деган фикрни тарғиб қилади. Шу баҳонада биз учун унинг қотилликлари нафратдан ҳам кўпроқ симпатия уйғотади.

Бу сериалда ҳам шунга ўхшаш ҳолат. Шунчаки бизнинг қаҳрамон кайф қилиш учун одам ўлдирмайди, одам ўлдиргани учун кайф қилади (пул оладида чунки). Ҳамма қатори оддий, оилапарвар, уйим-жойим дейдиган, британ армиясининг собиқ зобити. Шунчаки баъзи-баъзида иш юзасидан узоқ сафарларга кетиб қайсидир Европа давлатида, қайсидир катта амалдор ёки миллиардерни ўлдириб туради. Чунки у - профи. Профиларга эса доим бозор чанқоқ.

Бу орада унинг ортидан кимсан ЦРУ, Моссад, КГБ бўлмаса ҳам, обрў жиҳатидан улардан қолишмайдиган Британия разведкази - MI6 профессионаллари овни бошлайди. Икки томондаги профессионалларнинг ўта профессионалча қувлашмачоғи томошабинга завқ бағишлайди.

Эдди Редмейннинг перфомансига айланиб кетган сериал томошабинни қўйиб юбориши қийин. Ижодкорлар киллерни шу даражада “крутой” қилиб тасвирлаганки, уни ҳар бир ҳаракатидан эстетик завқ оламиз. Бу нарсани ўтган йили Финчер ўзининг Қотил’и билан қилганди, энди тасаввур қилинглар ўша крутой фильм 10 қисм давом этсачи?

Киллерларга муҳаббат уйғотувчи, уларнинг аслида биз ўйлаганчалик ёмон одам эмаслигини тарғиб қилувчи навбатдаги пропаганда. Сен уни кўриш давомида қотилни қувувчиларга эмас, қотилни ўзига жон куйдирасан. Ахир қотил унчалик ёмон эмасда! Битта камчилиги бор, ҳар-ҳар замон дунёни энг ёмон одамлари пулга ўлдириб туради, хўш нима бўпти? Ҳаммада бўлиб туради бунақа камчиликлар, деган фикр билан сериални тугатиб қўйишинг ҳеч гап эмас.

Энг муҳими сериал ўзини вазифасини аъло даражада бажарган. Уни бир ўтиришда тугатиб қўйиш мумкин (как раз ҳамма қисми чиқди, менга ўхшаб чўзиб ўтиришга мажбурмассизлар). Сюжетдаги озгина мантиқсиз жойларни сезиб қола олсанг балки таъбинг хира бўлар, лекин уни сезмай ўтказиб юбориш эҳтимолинг катта. Шундай экан сериал — муваффақиятли.

9/10

@kinopub_uz

Одинокие волки (2024)

НИМА?
Замонамизнинг биринчи даражали юлдузлар эшелонидаги икки афсонавий актёр дуетидаги экшн #комедия

СЮЖЕТ?
Тасодифан пайдо бўлиб қолган муаммоларни ҳал қилишга ва доим ёлғиз ишлашга ўрганган икки профессионалнинг тасодифий иттифоқи ҳақида.

КЎРИШГА САБАБ?
Брэд Питт ва Джордж Клуни каби икки буюк актёрларнинг биргаликда ўйнаган фильмини қандай ўтказиб юбориш мумкин деб ҳисоблайсан ва аксарият ҳолатда сен ҳақ бўлиб чиқасан. Лекин бу сафар эмас. Фильм йилнинг энг яхшиларидан бири дўла олмайди, нари борса актёрлар ҳурмати учун аудитория йиғиши мумкин. Умуман олганда бир марталик комедиялар сафига бемалол қўшсак бўлади, уни дўстлар даврасида кўриш ва бундан афсусланмаслик мумкин. Кўришга арзийди, лекин кўрмасанг ҳам кўп нарса йўқотмайсан.
КЎР
Питт ва Клунининг персонал мухлисисан; икки афсонанинг Оушендаги химиясини соғингансан; қорли ҳавони соғинган бўлсанг;

КЎРМА
Актёрлар даражасидан келиб чиқиб кўп нарса кутсанг; қизиқ бўлмаган сценарий қанақа бўлишини кўрмоқчи бўлсанг.

6/10
#тақриз
@kinopub_uz

Старый Генри (2021)
НИМА?
Эски ва қадрдон "Дикий Запад" атмосферасини жонлантира олган, ҳозирги кундаги камёб #вестерн.

СЮЖЕТ?
Одам оёғи етмаган ўрмонларнинг ўртасида яшаётган фермернинг уйига душманларидан қочиб сирли одам келиб қолади. Фермер ҳайрон, у ким томонда бўлиши керак, қувлаётганлар ҳақми ёки қочаётган?

КЎРИШГА САБАБ?
Фильмнинг эътиборимдан шу пайтгача четда қолишига сабаб, менимча унда катта номлар йўқлигида. На режиссёр ва на актёрлар бизга супер-мега муваффақиятли фильмлардаги бош роллари билан таниш эмас. Бироқ бу фильмнинг муваффақиятли чиқишига тўсқинлик қила олмаган. Бош рол ижрочиси Тим Блэйк Нельсон бу кинода ўйнамаган - у шунчаки образида яшаган. Буни илк дақиқаларданоқ тушуниб етасан. Қисқа ва лўнда диалоглар, ташқаридаги нотинч вазиятни ифодалаб берувчи рангсиз пейзажлар албатта сенга эстетик завқ бермай қолмайди, агар сен ўша қадрдон вестерн жанрини соғинган бўлсанг.
КЎР
Клинт Иствудни соғинган бўлсанг; янги асрнинг энг яхши вестернлардан бирини кўрмоқчи бўлсанг; муҳитни ажойиб тарзда жонлантирадиган фильмларни ёқтирсанг.

КЎРМА
Вестерн сен учун доим зерикарли бўлса; кинони актёрларга қараб кўрадиган бўлсанг.

8/10
#тақриз
@kinopub_uz

Ловушка (2024)

НИМА?
Жош Хартнетт иштирокидаги М.Н.Шьямаландан навбатдаги #триллер

СЮЖЕТ?
Бўш вақтларида одам ўлдириш билан шуғулланиб турадиган маньяк ўзининг зумер қизини менаюлдуз қўшиқчининг концертига олиб боради ва англаб етадики бу концерт уни ушлаш учун тайёрланган катта қопқон.

КЎРИШГА САБАБ?
Бу бандни ёзиш айни ҳолатда мен учун жуда мушкул. Чунки фильм ўта нопрофессионал тарзда суратга олинган. Лекин барчаси жуда ажойиб тарзда бошланганди, бир дақиқага ҳам чалғимасдан кўришлик интрига таклиф қилинаётган эди, афсус.
Борган сари қулашда давом этаётган Шьямаландан яна бир - туб. Фильмни кўришга ягона сабаб - бу Шьямаландан бошқа умид қилмаслик. Лекин эхтиёт бўл, уни кўришга бел боғласанг, мантиқни икки соатга улоқтириб туришингга тўғри келади.
КЎР
Жой Хартнеттни фанатисан; ўзбекча теленовелла ва бу фильм ўртасида мажбурий танловда қолсанг; ёмон кино қанақа бўлишини билмоқчисан; ойни охири, мегабайтларим компанияда қолиб кетмасин деб уларни совурмоқчи бўлсанг.

КЎРМА
Жонингдан умидинг бўлса; Шьямаланни дебюти тасодифлигига ишонч ҳосил қилишдан қўрқсанг; ҳаётингдаги энг ёмон икки соатликни қидирмаётган бўлсанг.

4/10 (дастлабки ярим соатлик учун бу ҳам)
#тақриз
@kinopub_uz