Хорсун-хоодуот, үтүө үлэһит улууспут бары аҕаларын бүгүҥҥү Аҕа күнүнэн ис сүрэхпиттэн эҕэрдэлиибин!

1999 сыллаахха Сахабыт сирин бастакы Бэрэсидьиэнэ Михаил Ефимович Николаев аҕа суолтатын таба өйдөөн өрөспүүбүлүкэбитигэр бу бэлиэ күнү - Аҕа күнүн олохтообута.

Эр киһи оҕотугар бэйэтин холобурунан хорсун санааны, тус көрүүлээх, сатабыллаах үлэһит буола улаатарыгар туһаайан, саҥаны баһылыырга, үрдүк чыпчааллары дабайарга эрэли, дойдуга бэриниилээх буолууну иҥэрэр аналлаах.

Ытыктабыллаах улууспут аҕаларыгар
халбаҥнаабат хоһуун санааны, чэгиэн, бигэ туругу, уҕараабат эрчими, этэҥҥэ буолууну баҕарабын!

@dmitriytikhon0v

Барыгытын Саха сирин булчуттарын күнүнэн эҕэрдэлиибин!
Саха эр киһитин үгүс өттө булчут буолар, көлүөнэттэн-көлүөнэҕэ бэриллэн, булт биир сүрүн дьарыкпыт быһыытынан бүгүҥҥү күҥҥэ тиийэ бэриллэн кэллэ. Айылҕабытыгар, булчуттар айыыһыттарыгар Баай Байанайга сүгүрүйүү - бу хас биирдии булчут тутуһар үтүө үгэһэ.

Булт, бастатан туран, айылҕаны кытта ыкса ситим, эти-хааны, өйү-санааны чэбдигирдии уонна чэгиэн буолуу төрүтэ буолар. Өбүгэлэрбит үйэлэр тухары үтүө үгэстэрин муһан, аһынан-таҥаһынан хааччыйар, айылҕаны харыстыыр, чөл хаалларар санааны иитиэхтээн, сүрүн дьарык оҥостон, бу уустук идэни баһылыырга дьулуспуттара.

Биһиги ыччат дьоммутугар аҕаларбыт, эһэлэрбит хаалларбыт билиилэрин-көрүүлэрин, үөрүйэхтэрин тиэрдэр, айылҕаҕа, тыынар-тыыннаахха харыстабыллаахтык сыһыаннаһарга үөрэтиэх тустаахпыт.

Барыылаах Баай Байанайбытыгар махтаныаҕыҥ! Өҥ дьылы, бигэ туругу Аар айылҕабытыттан көрдөһүөҕүҥ! Этэҥҥэ буолуоҕуҥ!

Бүгүн Булчут күнүн көрсө ыытыллар өрөспүүбүлүкэтээҕи Аҕа күрэҕин кыттыылаахтарыгар ситиһиилэри баҕарабын, ким ордук бэлэмнээх - ол кыайдын!

@dmitriytikhon0v

Бүгүн, Дойдубут Бэрэсидьиэнэ Владимир Путин сорудаҕынан ылыллыбыт,
улууспутугар үс саҥа ПАЗ оптуобуһу Саха Өрөспүүбүлүкэтин Бырабыыталыстыбатын бэрэссэдээтэлин Кирилл Евгеньевич Бычков илиититтэн туттубут.

Улууспут дьонун-сэргэтин араас хайысханан таһарга ананар тупсаҕай оҥоһуулаах, киэҥ-куоҥ, биһиги тыйыс тымныыбытыгар сөптөөх оптуобустары "Техкоммунсервис" тэрилтэбит үлэлэтиэҕэ.

Улууспут олохтоохторо куттала суох, сынньалаҥнык айанныылларыгар оптуобустары тэрилтэ бастыҥ суоппардара сүүрдүөхтэрэ.

Ил Дархаммытыгар Айсен Сергеевич Николаевка, үрдүкү салалтабытыгар
тырааныспарынан хааччыйыыга тустаах болҕомтону ууралларыгар улууспут үлэһит дьонун аатыттан махталбын тиэрдэбин!
~
Сегодня, по поручению Президента страны Владимира Владимировича Путина, транспортный парк нашего улуса
пополнился на три автобуса ПАЗ.

Ключи от новых, современных автобусов вручил Председатель Правительства Республики Саха (Якутия) Кирилл Евгеньевич Бычков.

Это значительное событие для жителей нашего улуса. Отныне будут реализовываться новые межпоселковые маршруты, повысится качество и безопасность перевозки пассажиров.

Выражаю благодарность руководству нашей страны и республики!

@dmitriytikhon0v