من جرح الخيام (المهدي والعسكري) ع

من جرح الخيام كل كَلـــبك آلام
يالحاضر امصاب الحسن يالمهدي تاذيك المحن
كل كلبك آلام

الله يعينك عالحـــــــــزن واعله المصايب
يوميه كلبك منجـــــرح مــــــن النوايب
دنياك تتخير صــــــفت باغلــى الحبايب
شي بالذبح شي بالعطش شـــي بالخرايب
يوميه مفجوع واتهل الدموع
ياخاتم اجروح الزمن يالمهدي تاذيك المحن
كل كلبك آلام

هاليوم كلبــك من يون ونتــــــه ثجيله
والدك مسموم انجــتل واعلـــن رحيله
شيعوه لأرض المكبره وانتـــه التشيله
واتراب لحده ســــيدي بيــــدك تهيله
شيعته هاليوم واتطيح واتكوم
ولفيت جسمه بالجفن يالمهدي تاذيك المحن
كل كلبك آلام

بسامره كاعد تنتحــــب عينك جريه
ياوحشه والله وياحــزن هــاي المسيه
بالك سرح منك مشـــه بدمــع العـزيه
تذكر امصايب امـــــس بالغاضــريه
مسلوبه الاجساد خيمــــاتك ارماد
وادموعك بحركه جرن يالمهدي تاذيك المحن
كل كلبك آلام

تبجي وكعدت اعله الترب يــم المكابر
العسكري امصابه كلف يدمـي النواظر
بس صدره سالم ما وكع حـدر الحوافر
وماكسرت اخته بهظم كـــــل الخواطر
مسبيه عالنوك واطب على السوك
من جتفــو كل الضعن يالمهدي تاذيك المحن
كل كلبك آلام

ماعطش ريج العسكري بساعة وفاته
وماسلبوه اعمامتــــه و هدمه وعباته
ومافرهدو بيته وسبو كلـــــــهن بناته
ومارجبو فوك الهزل كَــــــوه خواته
راحن سبايه وابلايه رايه
متغربات امن الوطن يالمهدي تاذيك المحن
كل كلبك آلام

ابو علي الركابي

#نعي

اباوع عالجثث كلها مطاعين
كلها اعله الضهر نومت السبعين
هناك ولمح شوفي ابطارف العين
الوحيد اعله الوجه مگلوب الحسين
__
اباوع عالجثث وي هزت النوگ
ومثل حرگ المخيم كلبي محروگ
الجثث سبعين بس حسين مسحوگ
ونزل دوس الحوافر بي للعروگ
__
اباوع عالجثث والحادي شمتان
ومثل ناعور بينه افتر الميدان
كسر كلبي الوحيد حسين عريان
منيتي أوگف وستره ابيش ماجان
__
اباوع عالجثث وانه اعله اممشاي
وكل ساعه التفت لا حيل لا راي
بحلم مدري ابعلم ما گامو وياي
اطلع وي غرب ما حاسبه الهاي
__
اباوع عالجثث حيره اشباوع
معروفه الجثث وحسين ضايع
مجوم موذر مو عالترب واگع
ما سلمت وياه حتى الاصابع
__
اباوع عالجثث ومضيعه محبوب
ادور عن جفيلي حرت ياصوب
المثلك ما ينام وضعنه منهوب
يبعد الحيل گوم الحيلي متعوب

السيد بسام قابل الياسري

#اللهم_عجل_لوليك_الفرج

ديني و صلاتي _ حسين
حجي و زكاتي _ حسين
مالك وجودي _ حسين
واهس حياتي _ حسين

انت اول بشر يحسين احس ما ينشبع منه
وأنه أول بشر مولاي حافي اتعنه للجنه
واليسألني شتمنيت انه احجيله شتمنه
اتمنه بعزاء حسين اموت بحرگه وبونه

احبك واظل عاشگ _ اموتن إذا فارگ _ لكيتك عشك صادگ_ حسيناه
يبعد اهلي وسنيني _ يروحي ونظر عيني _ إذا اعوفك اعميني _ حسيناه

لبيك لبيك أبا عبدالله
........................
مولاي أريدك _ حسين
تلزمني بيدك _ حسين
تحسبني خادم _ حسين
بمجلس عبيدك _ حسين

كون بحرگه مال اخيام بالمجلس تجويني
خليني امشي اعمه وياك بس اوياك خليني
مزلاگه الدرب يحسين لا تتركني دليني
عيني اعميهه يا مولاي لو ما تبجي الك عيني

عليك بعلي الأكبر _ تكظ ايدي من اعثر _ أريد ابجي واتحسر _ حسيناه
عليك بستر زينب _ تخليني دوم انحب _ على الجسم المسلب _ حسيناه

لبيك لبيك أبا عبدالله

.................,.
كبرته صيتي _ حسين
بسمك هويتي _ حسين
لو نيتي تخرب _ حسين
صفيلي نيتي _ حسين

يمكبرني صيت وشيب يل بيك الكلب هايم
اكعد حالي حال الشيخ جي محسوبلك خادم
شني انه من افر ديوان اديني تبوسهه الوادم
ماريد انه كلشي وياك أريدنك تظل سالم

يغالي وتظل غالي _ ولا غيرك أبالي _ فداك اهلي وعيالي _ حسيناه
ضوه عيوني ودروبي _ يكشخت حزن ثوبي _ فخر انت محبوبي _ حسيناه

لبيك لبيك أبا عبدالله
.....................
حبك عجيبه _ حسين
قصه غريبه _ حسين
عمري بغرامك _ حسين
خلص مصيبه _ حسين

انه اول محب بالناس عاشگ زلمه ما شفته
سامع عنه عشر اخيول روحه و رده ساحكته
سامع ع الرمح مرفوع راسه ويمشي ويه اخته
كل هذا وترست العين محد بيهه بس انته

نحر دامي عرفيته _ عشك روحي حسيته _ ولا غيره حبيته _ حسيناه
ازعله وعلي راضي _ مسح مني كل ماضي _ على عيوبي متغاضي _ حسيناه

لبيك لبيك أبا عبدالله
..................
ادهه المصايب _ حسين
وحدك تحارب _ حسين
شعطلهه عنك _ حسين
هاي المواكب _ حسين

كون امحزمين وياك من ظليت بالعاشر
بعينك يمنه يسره اتدير ما ظلك ولا ناصر
جا فنه الشمر يدناك يكطع نحرك الطاهر
حاير وسفه يا مولاي يل بيك الفكر حاير

المواكب الك هايه _ تجيك بفرد رايه _ فرد فزعه مشايه _ حسيناه
درع كلنه جدامك _ عليك وعلى ايتامك _ حرس كلنه لخيامك
حسيناه

لبيك لبيك أبا عبدالله
...............

الخادم موسى البطلي

~~اللحن~~ ?

#الليلة_السابعة **فزاعيه

الخيل وصلت ياهو يحمي الثايه
گــــوم يـا عباس شـيـل الــرايــه

گوم ياكفال خدر اضـعـوني
خل اشـوفـن رايتك بعيوني
يبو فاضل راحو ايشوفوني

وبلسان الغربه اصير احجايه

گوم وحده احسين ضل بالساحه
يـدير عينـه وايده فوگ اصفاحه
والـعـدو يـرامــي عـلـي برماحه

وعله ذبح ابن امي شدو رايه

يالتخاف اعله الحُسين امن الهوه
گوم شوفه شحاله وحده ابنينوه
صـار جـسمه ويـه گـاع الله سوه

اهوايه شفت الخيل فوگه اهوايه

گوم ياخـويه الخيم وصــلـوها
والـحـدود الامــانــه عــبـروهـا
وطلعو زينب صــيحو. طلعوها

انطيني حل اشلون خويه بهايه

بالمـشاعل هــدو ورعـبـونه
انـضيـع بالـبر الظهر خلونه
وين ماننطي الوجه لاگونه

و ياهو يتلاگه بصدر غزايه

وين ياخويه الدرب مــاشوفه
ارد اجـيلك للـنهـر مــلهــوفــه
جاي اسمع حجي شام وكوفه

يمكن الهن باجر امودايه

گوم يالرابي اعله هاي اجفــوفي
راح حيلي اخـلافك وكل شوفي
تـرضـه يتــامــر علـيه الـكـوفـي

يطيح رايي وابقه امشي ابرايه

ويلي ياطيحة اجفـوفك والعـلـم
بيهه جم سن للعدو تالي ابتـسـم
وضعني هج بين الغرب من الخيم

وعله الشام اخذوه غصب مشايه

ابو حميدة الشويلي**#اللهم_عجل_لوليك_الفرج

ابو ذيات الليله الثالثه

نحيله اصبحت ما ينجرع .... ولماي
او علي بجفاك بس الموت ... ولماي
حضرت الچفن يحسين ..... والماي
تعال اسويعه بس صلي عليه ...

غلجت بوبها الدنيه ...           بنا اتهم
او بين اصفاحي واضلوعي .. بَنت هم
هلي عافوني ما چني .........    بنتهم
جفوني او شرگو للغاضريه ...

ابوي ابوجهه چان الفجر. ....  ينطر
مشه . او كل مغربيه الگلب .. ينطر
عليله المثلي وينه او وين .... ينطر
اتاني اشكثر واتدرون اليه ...

الدمع ما سوه كل چاره ...   ولا حل
او بعد لا عافيه ضلت .....  ولا حيل
وين الينغر اعليه ............. واليحل
هل شده او يرد احسين اليه ......

جزه وكت الگضيته اوياك ..... بسعود
صرت من المرض واجفاك ... بس عود
الخاطر دمعتي يحسين ...... بس عود
اشوفنك ردت گبل المنيه .....

ابو فاطمة الطائي

يوليدي بغيابك حرت
سالم تردلي اتأملت
ام البنين انه اوصحت
يحسين ياضنوة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يوليدي من يوم الرحت ضاعت عليه اخبارك
اتـمـنـيـت يـايـمـه تـرد سـالـم تـرد لـديـارك
يحسين وحشه بغيبتك ظلمه اوتريد انوارك
وأگـلـيبـي ظـل يـتأمـلك وأبشوفتك يتبارك
الروح عافتني اومشت
عالونه يمه اتعلمت
ام البنين انه اوصحت
يحسين ياضنوة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يـايمـه مـن اصـحه اصـبح اتـنطـرك يـاغالي
عيني أعلى دربـك تـرتجي بعدك تغير حالي
والـفرح فـاگـرني اومشه بس الحزن يبرالي
والـدنيه صـارت مـو ألي من غيبتك يالوالي
مهمومه يايمه اصبحت
واعيوني بفراگك عمت
ام البنين انه اوصحت
يحسين ياضنوة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انـطيتك بنيني الاربـعه يايمه بس سالم ترد
عباس واعدني اومشه اوعباس مايخلف وعد
گال انه اضحي للسبط چفيني واعيوني بعد
بـس لاوگـع يـم الـنهر وانته بقيت ابلا سند
خافن ييمه اتصوبت
مابين عدوانك طحت
ام البنين انه اوصحت
يحسين ياضنوة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بـس لا يـيمه اتسلبت والخيل فزعت للخيم
خافنهه زينب تنسبي واتلوع اطفال اوحرم
والـفرگتك ياضـنوتي ادريـهه سـكنه تنهظم
شلي ابحياتي اودينتي يوليدي منك انحرم
بالوعه والونه صرت
يحسين يمه اتعذبت
ام البنين انه اوصحت
يحسين ياضنوة علي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعر اهل البيت عليهم السلام
خـالـد عـامـر الـزيـادي

نار شبت اعله العايله
نار ذكرتني بكربله

عمري سبعين والنساوين ذكرتني بكربله

____
الصادق بشيباتي گاعد سید وبخت الله بیه
شبت النار اعله بیتي چنهه نار الغاضریة
ركضن اگبالي بناتي ووگفت ابعيني رقية
وچنهه زینب توها طلعت وآنه ماعندي سبية

چان الله شاهد عالسبي
چان خیم محترگه وعبي
شفت الحسین والنساوین ذکرتني بكربله
____
اليحترگ تفزعله وادم من یحشم الناس شیمه
وزینب المحترگه ادیهه تسمع اصیاح الیتیمه
عمه رکضي ماي ماكو بالرمل طفيلي خيمه
ذكريات حسين كلها تحترگ والله هضیمه

وین امن الخیم خدرچ طلع
وین اسمچ ابسوگ انسمع
والدواوین والنساوین ذکرتني بكربله
____
چلّبت نار ابعباتي وصارت اگبالي السباية
وآنه ادري خيال زينب ما طلع من العباية
عثرتي ابنص بيتي صارت وزينب ابنص الولاية
والهضمني ابلايه والي عمتي وماعدها راية

ليش ليش سلبوكم هلي
ليش ابناگه صعدت بت علي
عالهزل وين والنساوين ذكرتني بكربله
____
بيتي مو مثل المخيم والمخيم يا غلاته
آنه واگف یم بناتي حسين محتار ابّناته
شلون بالطايح اخوهن سلبوا اگباله خواته
وکلشي ما ضل منه سالم سلّبوا حتى عباته

راح خدر الحسين انسلب
راح ظهره مكسور وتعب
اخوانه ميتين والنساوين ذكرتني بكربله
____
الشيبتني آنه زلمه واحترگ البیت گوّه
لا بچیت اعله الجرالي ولا هضمني الصار فدوه
ابچي عالذبحوه بهيمه وعالرمل ضل ایتلوّه
وخیل معصوبه اعله صدره داست اضلوع المروّه

مات بالحوافر والسحگ
مات داسو ابصدره الشبگ
والنیاشین والنساوین ذکرتني بكربله
____

✍ سيد محمود الموسوي

تسري النار واطفالي ،،،،يلي عون
فزع ماواحد من اهلي ،،،يلي عون
اخوي اعله الرمل نايم ،،يلي عون
حرمه ومنهو الينغر اليه

✍نور الولايه الفاطميه

**دوارت الليل شكبرها وانا حرمه وماكو حيل
..................................................
دوريت الحومه عنك وانه حرمه وشيبي بأن
مطشرينك وصله وصله وخيل تسحك كل مجان
يابو لأكبر راح شوفي وسلبو اسمي الذاك جان
جنت اميره مدلله وهسه اسيره وكلشي حان

حان وكت موادعك رحنه سبايه
وكلشي ما ضل للعتب بس العبايه
طاح كلشي مخيمك طاحت الرايه

الرايه طاحت كلشي راح
اسياط وصهيل الخيول
بل مخيم حيلي طاح... يا هضميه
.......................................................
راح ندخل شام غربه ياذبيح وماكو حيل
مرمري فوك الثره ابن امي اخ يا لوعت اليل
عذباني اليل خويه وسهم فكدك هم ذليل
اسهام ورماح عل جسمك ما تبطل سحك خيل

داسن ابصدرك حوافر اعوجيه
وصاحو بشام النوايب خارجيه
صعبه يتورم متنهه الهاشميه

وكفوني كبال سوك
وعيني تربي تريد موت
صعبه ومجتفه بطوك.... حسين خويه
.......................................................
راح شوفي وضهري مايل ولدرب كلش بعيد
امشي خطوه وخطوه اعثر واحن لعيونك واريد
ماي اشرب حته اكولن ليش ما ساكينه جيد
رايده اعيونك يخويه وسفه ومطشر يحيد

مرمي مطشر وصل بل غاضريه
وراح شوفي وناطرت منك الجيه
سلبو اسمي وبكت جلمه هاشميه

سلبو اسمي الذاك جان
وشحلاته بل خيام
وأخ يا فكد الخوان... كسر ضهري
.......................................................
جنت أكول ابموتي كون اندفن بيدين اخوي
ومن هويت وفوك مهرك صحت اسم الله يخوي
طاح فوك الثره ابن امي وسكنه تثغبلك يبوي
بل مخيم كلها تصرخ وانه الطملك احوي

ردنه مهرك حيل مكسور
يربه علدربه وحيل مذعور
مشكور خويه احسين مشكور

مشكور من ردنه مهرك
ويابو علي سهمك كسرني
وتراب ودمه صك عله نحرك.. و روحي راحت

✍️حيدر صلال**