وشملاه.
حب حسين أخذ عقلي
وتركله بكل جزء منّه
أگض بچفوفي شبّاچه
بي ريحة علي وأمّه الزّﺟيّه

الباري ساق عرشه 00 مَهدي الحسين
وكل رحمته الوسـعه  00 مُهدي لحسين
بنصف شـــعبان أقبل 00 مهدي الحسين
يشع عالكون بأنواره الزّهيّه

يشـــــــع نوره حظن نرجس 00مَهَد لاه
و اجيت أعلن الــــــه البيعه 00 مَهِد لاه
اهدعش معصـــــوم مهدينه 00 مَهّد لاه
والدولــــــــة العدل المَهدويّه

شاعر والشّعر يمشي ويه مسره الدّم
بعروگي وهواه شطيبه لو نسّم

مو شاعر غزل أدري الغزل مذموم
بس بحُب أبو السّجاد ماينذم
تتغزّل بحسين أشعاري

أسولف ويّه روحي من الهوى توبي
وتگلّي من الله هذا العشگ مكتوبي
طحت بحُب عزيز الدّنيا جنّت بيه
حبيب الكون كلّه حسين محبوبي
ويّه الدّم يمشي بشرياني

دعتلي أُمّي اعله مهدي وهاي عادتها
وي كل دلل لول أسمعها دعوتها
اعله فطرتها تسولف رايدتلي الخير
وهاي من الله چانت أُمّي طِلبتها
خادم لحسين يخلّيني

صرت لحسين خادم هيچ عالفطره
لا دوّرت صيت ولا ردت شُهره
الخِدَم لحسين أكيد حسين ماينساه
وبيوم الحشر تشفع اله الزّهره
هنياله الكلمن يرضونه

الشّاعر // أبو سجّاد الجعفري 12 شعبان 1446هـ

طَرَقتُ قوافي الشّعرِ في ألحانِ
في ثالثِ الأيّامِ من شَعبانِ
في يَومِ ميلادِ الحُسينِ ويالَها
مِن فَرحَةً غَنّتْ على الأغصانِ
فيها نُفوسُ العالَمينَ وأطرَبَتْ
بِقِدومِ سَيّدِها مِن آلِ عَدنانِ
حَبيبُ رَسولِ اللهِ لا بَل روحُهُ
أنعِمْ وأكرِمْ بالعَظيمِ الشّانِ
وَفي رابعِ الأيّامِ حَلَّ بِنورهِ
قَمرُ العَشيرةِ لا 0بَل0الأكوانِ
عَباسُ يارَمزَ الأُخوّةِ والوفا
ما جاءَتْ الدُّنيا بِمِثلِكَ ثاني
ونورٌ أتى ساجِداً في صُلبِ والِدهِ
زَينُ العِبادِ تَوأمَ القُرآنِ
وَنورُ شَبيهِ المُصطفى مِن بَعدهِ
فَذاكَ عَليٌّ زينَةُ الشُّبّانِ
وَخاتَمُ الاثنا عشر في طَلعَةٍ
عَلَويّةٍ تَزهو بِكُلِّ مَكانِ
القائِمُ المَهديُّ مِن آلِ أحمَدٍ
إمامُ الهُدى مِن سالِفِ الأزمانِ

الشّاعر // أبو سجّاد الجعفري 7 شعبان 1446هـ

**بين الگبور   دمعي منثور   وأنعه الأحباب

كسر ظهري مصابچ فاطــــمه الليله
وگلبي من الوداع انهــــد ركن حيله
العزيز المن هله لو  سار بيه الموت
   حگـــــــها أحباب گلبه العين تعميله 
والله اليعين   الدّافن اعزاز   حدر التراب

كل جرح بمرور أيّامــــــــــه يتشافه
وترجــــع بسمته الچّانت عله شفافه
بس اللي إله بين الگـــــــبور أحباب
لتظن جرحــــــــــه يبره ويوم يتعافه

   بثوب الأحزان  يگظي السنين  جرحه ماطاب

عله چتافي النّعش للمگـــــــبره شلته
وما بين الضّلوع مصــــــــابچ احملته 
او وجه گبرچ بديّه احفرته يأم حسين
ولحدچ يالعـــــــزيزه بدمعـــــــي بللته 
 بهدوة الليل   ودفنت بيه   طولچ وغاب

لو شــــــال العزيز وللمگــــــابر سار
يبقه  بكل كتر بالدّار الــــــــــــه تذكار
مشـــــيتي وذكرياتچ ظلّت اعله البال
ما بين الجـــــــدار وباب والبســــمار

 ودمّچ السّال   شفته مطبوع   بعتبة الباب

كل فاگـــــــــــــد بروحه تكتل الفرگه
بعد ويّه المشــــــوا مايحصل الملگه
تشوفه بكل وكت بخدوده دمعه تسيل
وبسم اعزازه يلهج ويّه كل شـــهگه
من بعدكُم   يالمبعدين   چم گلب ذاب

الشّاعر
 أبو سجّاد الجعفري
20 جمادى الأولى 1446هـ**

نعي شهادة الزهراء ع ودخول الحسنين على امهم فاطمه ع

**يخويه حسين من عدنه أُمنه راحت
و من كســـر الضّلع چنها استراحت
      زينب ســـمعته و للگــــــــاع طاحت   
وعله بچاها الشّداد السّــــبعه ناحت

راحت والأجل غمّض  جفـــــــــــــها
وأخذها الموت منّه وگطـــــــع ونها
چــــــنها ما ترد للــــــــدّار چــــــنها
أُمــــــــنّه الماشـــــــبعنه وداع منها

بظهر مكسور أهوى اعليها الحسين
يحاچيها ويقـــــــــــبل أجدامها بلين

شلون بســـــاع من عدنه تروحين
وتخلّينه يتامــــه ياضــــــوه العين

بعـــــــــدنه ازغار وبعازت حنانچ
يراحتنه المشت و نريد أمـــــــانچ
بعـــــد بالــــدّار ما نســــمع أذانچ
تروحـــــــين ويظل خالـــي مكانچ

من أعمارنه ريت اعلـــــه عُمرچ
و تگومين بسلامه و نشم عطرچ
يشـــــــــمعة بيتنه ويطيب كسرچ 
ولا عــــــــنّه يظمّـــــچ لحد گبرچ
الشّاعر // أبو سجّاد الجعفري 10 جمادى الأولى 1446هـ**

يالمهدي وينك   طالن سنينك   ويّاك اليّه عتاب  
        العصروا جنيني   سطرولي عيني
                وضلعي  انكسر  بالباب
                يالمنتظر   عندك خبر

  صوت أُمّك  يراعي الثّار  هـــذا الجاي يندهلك
  يالبين الذّبح والسّم گضوا كلهُم ضحايه أهلك
  فاتحـــــة الرّزايه الهُم مصايب راح تشرحلك
  وباب البيه  شــبّوا  نار  بعصره  ياضلع طگلك      
   بسماره حامي   حرّم  منامي   يايُمّــــه يلهب نار  
  الگلبي  بدفعته   وصلت نبلته   وينك يراعي الثّار
    ضلعي انكسر   عندك خبر   ويّاك اليّه عتاب

 يا ألم يُمّـــــــــــه اتحمّلت  من  باب داري المستعر
 بعـــــــمر الورد وتحـــــيّرت  ما بين  نيران وكسر
 ويّه الضلع طفلي انصرع بحشاي من كثر العصر
 وچفوف اديّه اتحرّگن  مو باب بيها أدفــــــع جمر
           وفوگ الوطيّه   مغشي علـــيّه 
               طحت  ويّه طفلي الطاح    
           أنده يفضّـــــه   بدمّي توضّـــه 
               ومن ايدي  مُحسن  راح
    مثلي انعصر   عندك خبر   ويّاك اليّه عتاب

 بعتاب بابي المحترگ  من ايدي راح أجــــمل حلم ما شافت عيونه ضوه  وعليه  طحت  وبنحره أشم
 يبني بغـــــلاتي أتوسّلك  فك عينك ولــــــيّه ابتسم
  و خلّيني أشــوفن ضحكتك وأندهلك بأعذب اسم
          مُحسن يروحـي   وبلسم  جروحي
                 حاچيني يُمّه شبيك
          جروح الشّفتهن   ياهو الأشــدهن
                 وأكـــــثرهن مأذّيك                    
     گلبي انفطر   عندك خبر   ويّاك اليّه عتاب

  دخان  بابي أنفاسي أخذ  منّه أحس شوفي انطفه
  وبسماره ذاك الملتهب بضلوعي نيرانه طـــــفه
  أهمس بچفّيني الثّره بياكتر  جفن ابني غـــــــفه
  يالمُنتظر ثاريه گضه نحبه وعليه مايه صـــــفه  
   مابين أديّه   ضاگ المنيّه   وبحضني مالوليت
     دللّو يجنّه    بمنامك تهنّه   يرويحتي تمنّيت
     تدير النظر   عندك خبر   ويّاك اليّه عتاب

    يالمهدي شمتاني بعد و الثّاري شنهو مصبُّرك
   شأكثر بعد  من هالجره و عن طلعتك شمأخُّرك
   الياوكت هايم بالحزن و   مصابي كاسر خاطرك
    بكل مغربيّه و كل مسه بالدّمــع غارگ ناظرك
        بمراري  و عذابي   بدموعي  و عتابي
                  يبني شكثر ناديت
          العجل بانتظارك   مصابي وفقارك  
                  بذمة الدّهر  خلّيت  
    موتي حضر   عندك خبر   ويّاك اليّه عتاب

    من يوم شيّعني علي المظلوم بدموع الصّبر
    بذاك الظّــلام الهالوكت يالمهدي مخفيّة گبر
    لا مرقـــــد الينزار الي  و لا زاير اليمّي يمر
    ولا باب لا گُــــــبّه ولا لأمّك  ضريح  وينذكر
         العلـــــيّه تمرّد   أثر چفّه عالخد 
               يبن الحسن مرسوم
          وياي المماتي   مشه بنايباتي
               وعيني التّهل ادموم
   بحيله سطر   عندك خبر   ويّاك اليّه عتاب
*

                       الشّاعر
                أبو سجّاد الجعفري

ياخاتمَ رُسُلِ الرّحمانِ

             يا والدَ فاطِمــــــه لولاكا
             ما خَلَقَ اللهُ الأفــــــــلاكا
             وَنَبيُّ الرّحـــــمَةِ أسماكا
             وأشـــــــارَ بِنَصِ القُرآنِ

             إنّا أرسَلناكَ ؛؛؛؛؛؛؛؛  بدينِ
             وَبِآيٍ للحَـــــــــــقِّ مُبينِ
             وَشَرَحنا صَـــدرَكَ بيقينِ    
             يا سَـــــــــيّدَ كُلِّ الأكوانِ


             جِئتَ بأمــــــــرِ اللهِ مؤيّدْ
             وَ بِكُلِّ الآياتِ ؛؛؛؛؛؛ مُسَدَدْ
             مَنْ عـــــاداكَ تَراهُ مُخَلّدْ
             بِجَهَنّمَ يصلى ؛؛؛؛؛؛ نيرانِ
  
             أرسَلَكَ الرّحــمانُ بشيرا
             هـــــادٍ لعـــــبادهِ وَنَذيرا
             وَعلى نَصرِكَ كانَ قَديرا   
             يومَ دَعَوتَ ؛ الى الإيمانِ

             بدرٌ أُحُـــــدٌ يَومَ الخَندقْ
             أعناقُ الكُفر يَمـينُكَ دَقْ

             مَنْ مثلُكَ ياأحمَدُ أصدَقْ
             قَولاً فعلاً في الوجداني

             ســــاعِدُكَ المُغوارُ فَتيّا
             في لَهَواتِ الحَربِ عَليّا
             مِنْ بَعـــــدِكَ هادٍ مهديّا
             قامِعُ عُبّادِ ؛؛؛؛؛؛ الأوثانِ
                       ***      

                                  الشّاعر
                           أبو سجّاد الجعفري       
                          24 صفر 1444هـ

أذّن آذان ؛؛؛؛ الأجل   للگبر نعشه انحمل
 ماتَ مسموماً وَمُجهَد   والد الزّهره مُحـــــمّد

    ياأوّل سهم نافذ المُهجـــــــة فاطــــــــمه ذوّب            
 فــــتح بيبانه للآهات والسّيل المصـــايب صب
 عله فراش الممات يلوج أبوهـا بالسّم مصوّب
 بروحه ينازع المختار و من أوجاعــه يتگلّب
 بكتر أبوها أم الضّلع   طاحت و تجري الدّمع
           اتشّوف بي حَر السّم اشتد
    والد الزّهره مُحمّد   للگبر نعشه انحمل

 بچفّه الفاطـــــمه اومه وهمس بآذانها و گلها
 انتي أوّل نعش من بيت أهل بيتي أشوف الها
 لحوقاً بيّه يازهراء وعالخد دمـــــــعه يهملها
 بابچ بويه راح بنار الحاقــد بعـــــدي يشعلها
  وفوگ ضلعچ ينچتل   بويه بحشـاچ الطّفل
             ويّه خدّچ عالثّره الخد
    والد الزّهره مُحمّد   للگبر نعشه انحمل

 يبويه وداعة الله أمشــــي وَ ودعنّچ يفاطمتي
 وأعوفچ للحزن والنّوح يأم الحسن راح انتي
 بعد عندي الچ مطلب أريد أوصيچ لو صحتي
 بالچ ياعلـــي اتصّيحين خلف الباب لو طحتي
  علي المامثلـــه وليد   بالصّبر متوصّي أكيد
             عن ولائه النّاس ترتد
    والد الزّهره مُحمّد   للگبر نعشه انحمل
بغـــــدرها أم الجمل قدمت و بالسّم قاربت زاده
او وصلت غــاية المطلوب وسمّت سـيد السّاده  
بتحريض من ابن حطاب البفعالــــه النّبي عاده
و أبوها الحلم أبو سفيان نالــــــه وحَقق مراده
  ضيّعوا جهد الرّسول   وحرگوا الدّار البتول
               البيها وصّاهُم وأكّد                      
    ولد الزّهره مُحمّد   للگبر نعشه انحمل

 شرار الأُمّـــــه مارعوا و لا حفظوله كل قُربه
 وضد شرع الله و الاسلام كل منهُم علن حربه
 ناس بلا شــرف لا دين زرعــــوا بالفتن دربه
 بحياته و بمماته شـــگد يعـــالم اوجعــوا گلبه
 العدّوا أنفسهُم صحاب   حــــرّفوا أقدس كتاب

                                    وخانوا الحق المؤيد
    والد الزّهره مُحمّد   للگبر نعشه انحمل

 معروفه اليموت الــــــــــها أبو الوادم يعزّوها
 وعلــــه فراگه يجون الها يصبروها ويسلّوها
 بس وديعــــــة المُختار بعـــده أصحابه آذوها
 تعـــــــــنّوا دارها بشرهُم وباب الدّار حرگوها
 وخلفه صارت تنعصر   فوگ خـدها المنسطر
              اعليها چم ظالم تمرّد 
    والد الزّهره مُحمّد   للگبر نعشه انحمل

          الشّاعر أبو سجّاد الجعفري
              27 صفر 1444هـ

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0

القصيده الرئيسيه

زينب بلوعة گلبها ودمعة العين
          ليلة التّوديع گام تودّع حسين
            يابقيّة جدّي وأُمّي و أبي

  شلون ليله اعله العقيله مرّت بذيچ المسيّه
  تعاين ابن أُمها وتسمعه ينعه أنفاسه الأبيّه
  بس سواد الليله يمّچ و  باچر بحظن المنيّه  
  يعني آخر لــــــــيله هايه وياچ يازينب اليّه
      مابقه من عُمر أخييچ غير ساعات
        وباچر تمسّن يبت حيدر غريبات
         وما يظل الچن بعد غير السّبي

  باچر إبحَر الظهــــيره كل هلچ موته يزينب
  ويا  خيامچ چنّي أشوفن كلها بيها النّار تلهب
  وبعد أعظمهن  مصيبه  گلبچ المجروح تشعب   
  من تشوفين اعله جسمي بالحوافر خيل تلعب     نوبه اليسحگن  يزينب فوگ صدري
       ونوبه اليردّن يدوسن فوگ ظهري
           يختي بالچ منّي لا تتگرُّبي   

  خل أسولفلچ يزينب عن مُصايب غاضريتي
  البيها دم نحري يتجاره وبيها أتلاگه بمنيتي
  ضامي وشفافي اتفطّر يختي  خافن مادريتي
  و  حرمله  بسهم  المُثلث باچر يشگگلي ريتي
      وعله وجه الگاع أطيحن من مُصابه
          بلايه حيل وخدّي يتوسّد ترابه
          والخيامي أنظر يشبها الأجنبي
  
  وفــــوگ تل النّوح لنّچ و أسمَعَنّچ تندَهيلي
  انچانّك حَي لختك الحگ وخلّه يلحگلي كفيلي
  من الألم مابيّه گومــه و السّهم مارد دليلي  
  الظّهري يازينب تعده ومن مصابه باد حيلي
         هذا حالي وما أريد تشاهديني
       وعينچ اتشّوف الشّمر لمّن يجيني
         وبطرف  سيفه يحز نحر الأبي
 
  نادته ولزمت گلبها والحزن بيّن علــــــــيها
  يابو الأكبر هايه زينب وانته زينب تدري بيها
  الشّمس ماشافت ظل الها من گبل يَمخدّريها
  شلون لو حرگوا خيمها ولا عدل منكُم يجيها
         وبنهار الدّنيا تركض چم يتيمه
        فوگ جمر النّار وتنادي الظّليمه 
                 والفواطمكُم يسلّب ناصبي     

  وبعد بيّه شلون خويه من تفر من بين اديّه
  أطفالك وتركض وراها بالسّياط أشرار أُميّه
  هذا التدّوســــه الحوافر وذاك البنار الرّزيّه
  يحترك وبصوته ينده لحگي يازينب علـــيّه
    المن أركض والمن الحگ المن أطفي
        والسّياط بكل قساوه فوگ چتفي
         رگّدت وي حيلنّه وجوه العبي
             يابقيّة جدّي وأُمّي وأبي
                      ***




                        الشّاعر
                 أبو سجّاد الجعفري     
             1 ذو الحُجّة 1445هـ