Бакыттын түрү көп...
Биз адамдар болсо, бир гана түрүн тандап, ошо менен алек болуп калат экенбиз...
Бирок ал туура эмес, анткени, бакытты бир нерсеге же бир адамга байланганыбызда бакыттын өмүрү кыска болуп калышы мүмкүн, анткени, бул жашоодогу ар бир нерсе жана ар бир адам убактылуу...
Бир нерседен бакытты көрө албай жатсак, башка нерседен карап көрүү керек, ал да болбосо дагы башка нерседен бакытты издеп көрүү керек... Себеби Аллах бакытты адамдын ичине катып койгон, а адамдын жан дүйнөсүн бакытка бөлөй турган нерселерди Аллах адам үчүн жаратып койгон...
Бул сөздөрдүп окуп кою адам үчүн оңой , түшүнүү татаал, кабыл кылуу болсо кыйын😅🫀

Бүгүн аябай бактылуумун...
Балким жаңы билимди сиңирип бүтө албай жатканым үчүндүр😁

(Буюрса бөлүшөм🤍)

Адамдардын арасында, бирок, адамдардан алыс... Өлүүбү же тирүүбү? Белгисиз. Өлүү сымал өмүр сүрүп жатат.

Жалгыздык, жамгыр, кызыл гүлдөр жана китептер бул нерселерге жан дүйнөм ашык болуп калган, кайдан, кантип билбейм, бирок, ашык болуп калган...🤍

19-жаш кош келдиң❤️****

Азыркы учурда адам өзүндүгүн оңой эле жоготуп алат, кантип?

Жашоо азыр телефон аркылуу өтчү болду, телефондогу идеал адамдарды карап, алардын каалоолорун өзүбүзгө алып, " өздүгүбүздү" чынында эмне кааларыбызды, жана жашоодон эмне күтүп жатканыбызды унутуп калгандайбыз...

Аллах адамды ар кандай түстө жараткандай, ар бир адамдын жан дүйнөсү да ар кандай, эч кимдики бири-бирине окшобойт...

Эч кимдикине окшобогон жан дүйнөнү, аруу таза сактайлы...

ЖАН ДҮЙНӨҢДӨГҮ АРУУЛУКТУ-ЭЧ КИМ, ЭЧ НЕРСЕ БУЗУШУНА ЖОЛ БЕРБЕ, АНТКЕНИ, СЕНДЕГИ АРУУЛУК ДҮЙНӨГҮ БАЙЛЫКТАН ДА БААЛУУДУР.

деп өзүмө көп эскертүү берем:)

Мен өзүм бирөө сүйүп, ашык болгудай адам болгум келет...🤍

18 жашымдын акыркы күндөрүн жашап жатам, дагы канча жашайм билбейм, эч ким билбейт, канча жашашын.
Бир эле тилегим атам каалагандай бактылуу болуу, атам бул жашоодо бактылуу болуум үчүн өмүрүнүн аягына чейин аракет кылды, эми менин милдетим өмүрүмдүн аягына чейин бул жашооодо эле эмес, акырет жашоосунда да бактылуу болууга аракет кылуу. Жүрөгүмдө атамдын ишеними дагы деле турат, атам мага ишенгени үчүн бакыт деген сезимди сезе алдым окшойт, атам убагында берген ишеними үчүн атамды бейиш күтүп турушуна ишенем, ( мага окшогон 5 кызга да ишеним билдиргенда) .🕯
Жакшы адамдын кызы жаман дедирбей, атамдын атына жаман сөз тийгизбей өмүр бою аракет кылып жашоого даярмын...
Аллах бир адамга "атама" мени аябай жакын кылды, андан кийин алыс кылды, бирок, сезим деген алыс жакын карабай, дайыма бир калыпта жүрөт туура.
Аллахтын ыраазычылыгы үчүн жакшы көрүү деген балким ушулдур...

[ Күндөлүгүмдөн ]