صدَقَ وَعدَه
ونصَرَ عَبدَه
وأعَز جُندَه
وهزَمَ الأحزابَ وَحدَه
لا إله إلَا اللّٰه..
الله اكبر ..الله اكبر ...الله اكبر ..ولله الحمد ..
كل عام وانتم بخير❤

يوم العيد يا جميلتي .. ??

- مكياج قدام غير المحارم لا.
- عطور لا.
- لباس ضيق ماتتوفرش فيه شروط الحجاب لا.
- سلام باليد لا.

(وليد خالتك ولا خالك ولا عمتك ولا وعمك #مش_خوك
حتى لو تحسي فيه كيف خوك، بس عند ربي ليس محرم, وحتماً سلفك مش محرم، ف خليك حذرة ).

رمضان كنتي فيه تبذلي في جهدك وتبي تتقربي من الله، وبذلتي جهد عظيم، ما تخلي كل شيء ينهار أول يوم.

الحل شنو باهي ؟
الحل بسيط، البسي حجابك الشرعي فوق لبسة العيد، لما توصلي بيت الجد أو المكان اللي فيه شباب العيلة، من فم الباب من بعيد حطي يدك على صدرك وقولي السلام عليكم، كل عام وأنتم بخير، مع غض بصر هكي، وخلاص اجري جوا ?✌?

لما تدخلي مكان النساء، مكيجي، واقعدي بلبسة العيد، وحطي من عطرك وديري اللي خاطرك فيه كله.

لو العيلة فيها الشباب يخشو، ف هنا أنتِ مكانك الدار اللي جوا، بعيداً عن الأنظار ?✌?

عارفتها مش ساهلة، والبعض حينتقدك، بس طز، يحكو في الأول، بعدها يتعودوا على شخصيتك، وأهم شيء رضى الله ?

ومن منبري هذا، يا جميلات العالم اتحدوا ?
- يعني، أول شيء قولي لخوك يقعد في المربوعة، وما يخش للصبايا مهما كان السبب ( لو كان بالغ طبعاً).

-وكذلك لو هو من النوع اللي يخش، قولي له ما يمد يده ويسلم، حتى لو مش متدين ( مع تحفظي على اللفظ وأنه كلنا مسلمين)، بس في بنات واجد ينحرجن، ف قولي له خليك gentleman، وعيّد بدون ما تسلّم.

- ولو في بنت في عيلتك بدت شوي شوي تتمسك بدينها، كوني سند لها، ما تخلي حد يتنمر عليها، ولا يستهزأ بيها لو تحجبت، ولا ما تبيش تسلم، خليك سند لها حتى لو كنتي مقصرة، دافعي عنها، صدقيني مش حتنساها لك.

في بنت واجد خاطرهن في الحجاب الشرعي، ومعش يبن يسلمن باليد على غير المحارم، بس خايفات من ردة فعل العائلة.
ف عشان هكي، أنا وأنتِ وهي وكلنا حنكونوا دعم لبعضنا، وأي وحدة تبي تأخذ خطوة لله، ولرضى الله، حنكونوا سند لها، وداعم لها، ومش حنخلوا حد يخرب فرحتها في العيد ?

⁣السلام عليكم ?.

وكُلَّما ألحَحْت عليه في الدُّعاءِ أحبّكَ!

-ابن القيّم.

‏"- ثم ماذا ؟
‏-ثم إنه ما ألحَّ عبدٌ على اللهِ في حاجةٍ
‏إلا قضاها له
‏سبحانه لا يعجزه شيء" ❤️.

‏اللهم اجعلني ممن لا يفعل إلا خير ولا يقول إلا خير ولا يُذكر إلا بالخير .

لعلها ليلة القدر اكثرو من هذا الدعاء✨
اللهم انك عفو تحب العفو فاعف عنا”

"وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا".

أستغفر الله لي ولوالداي وللمؤمنين والمؤمنات الأحياء منهم والأموات.