شعور الراحة لينزل علئ گلبي، بعد البكاء علئ سيد الشهداء، يارب لاتحرمني منه

اسمج هسه ب شباك الامام العباس عليه السلام

اسمج هسه ب شباك الامام العباس عليه السلام

وعليكم السلام والرحمة
ماكو اجمل من شعور الحب والاهتمام،
حبكم واهتمامكم بگلبي،
مرة، گلت الكم بالقناة، اذ اختفيت ايام من القناة، كثروا من الدعاء الي، لان اني مااختفي الا اكو اسباب عدة،
فـ شكراً لسوألكم عني، شكراً لاهتمامكم،
اطـلب منكم الدعاء، خصوصاً هل فترة، ادعولي بالخير، وراحة البال، وان ازداد ايمان وقوة، مرات الانسان يمر بظروف صـعبة يگول بيها
"انا مااستاهل كل هذا لصار"
لكن احنا مؤمنين برب العالمين، والامام الكاظم عليه السلام يگول
(لن تكونوا مؤمنين، حتئ تعدوا البلاء نعمة)
فـ الحمدلله علئ كل حال، مهما قست الحياة علينا، يبقئ ايمانا وثقتنا واملنا برب العالمين، يقيناً كله خير،
ويقيناً ان كل هل ابتلاءات بيها حكمة يعلمها الله، يقيناً كلنا بعين رب العالمين،
سيد الشهداء عليه السلام وروحي له الفداء يگول
"هون عليه مانزل انه بعين الله"
مدام رب العالمين راضـي، فـ الحمدلله،
رب العالمين مرات يخلينا باصعب الظروف وباصعب الابتلاءات، وممكن هل ابتلاءات تستمر لسنوات، لاشهر، الا ان يشاء الله ان يخلص هل ابتلاء،
اني انسانة تعودت علئ كل الابتلاءات، والحمد لله، ان شآء الله رب العالمين يشوفني كل مرة صابرة، متأكدة ان دموعنا علئ سجادة الصلاة، ماتروح هيج،
اكو عوض، اكو جزاء، لكن شوكت؟
هل شيء يم رب العالمين،
بفترة الابتلاءات، يحاول يوسوس الشيطان النا، ان احنا مطرودين من رحمة الله، وان رب العالمين مو ويانا، علئ مود يخلينا نضعف ومانقوي علاقتنا برب العالمين، وهذا لي يريده الشيطان، لكن احنا مؤمنين برب العالمين، وكل شيء من ربنا خير،
شكراً الكم، ولحبكم
كنتم ومازلتم خير الرفاق الي،
صدقاً شفت منكم حب ودعوات ماشفتها بغير مكان،وحبكم ودعواتكم الي، حسيت الدنيا بيها خير، علئ عكس لي نشوفه حالياً من الكره والحقد، والنفاق، بمواقع التواصل الاجتماعي،
فـ صدقاً ان بداخلي نفس المشاعر، لـ تحملونها الي،
اتمنئ تدعولي ان تعدي هل فترة، بشيء يجبر الخاطر، ان تدعولي،
ان ابقئ علئ ايماني برب العالمين ومايقل هل ايمان، ان تدعولي بالصبر والقوة، اتمنالكم كل السعادة
+لاتتعودون عليه😅🍀+مو بس اني،
بـ اي انسان لاتتعودون، لان ممكن بلحظة يختفي هل انسان، ان شآء الله ماتنتهي رحلتي بـ اثر،
﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾
لك الحمد علئ كل بلاء ونعمة،
ياحي ياقيوم برحمتك استغيث، ياغياث المستغيثين مالي رب سواك،

اثناء زيارتي لأحد الاطباء، فجاة دخل رجل كبير بالسن، علئ كرسي متحرك، وكانت هايه كلماته ويصرخ
"دكتور راح اموت، الليلة اموت الليلة، مع صرخات، حتئ لگلبه حجر هم تأثر بي هل صرخات،"
ماانكر ان عيوني دمعت، والحزن لبداخلي كان ابد مو طبيعي، تمنيت ان افعل اي شيء، في سبيل مااسمع صوت هل رجل وهو يتألم ويصرخ من شدة الالم،
المرافقين اله، اثنين من الشباب، اعتقد ابناءه، احد ابناءه، كان تعامله مو لطيف، الله يغفر ذنبه، مااعرف ليش هيج تصرف
والده جان يصرخ بصوت عالي، من شدة الالم، هو چان يگله
"اسكت، اسكت، فضحتنا"
ويگول لـ اخوه، المن دخلته للعيادة، لان هو چان بـمكان الانتظار،
بالواقع، ابد ماحبيت هل تصرف، الله يغفر ذنب هل شاب ويشافي والده، لان الوالدين اكبر نعمة بحياتنا، وكل شيء بحقهم قليل
دخل هل رجل المريض للدكتور، الدكتور اول ماشافه، حوله علئ التحليل،
المريض بصوت خايف بصوت شخص متمسك بعده بالحياة ومايريد يموت،
"دكتور، دكتور هذا التحليل خطر؟
وچان خايف،
"دكتور اريد اموت، خليلي مغذي"

اخذوله تحليل، للاسف الشديد ان هل مريض كان مصاب بـ لوكيميا(سرطان الدم)
الدم نازل نسبته الئ4،الطبيب تحدث وي ابن هل رجل، وگال له، حالته خطرة، لازم ندخله مستشفئ فوراً، وگال له ان مايتحمل ان ننطي جرع كيمياوي،
وكان الحزن واضح علئ وجه الشاب رغم اسلوبه لكان مو لطيف،
اني بداخل العيادة، واسمع صرخات هل رجل،
تعرفون شنو معنئ شخص يصرخ من الالم؟
مرات من يصير عدنا الم بـ السن، او الم بالراس، هل الم اذ مااخذنا علاج اله، ممكن ماننام، ممكن نبجي، نصرخ،
مرة من المرات بقيت ليلة كاملة مانمت بسبب الم بـسني، كان ملتهب، وهل ليلة ماانساها من عمري،
ان تبقئ متاذي وتتمنئ بس تنام،
فكيف بـ رجل كبير بالعمر ومصاب بهل مرض، عافاكم الله،
يوم بعد يوم رب العالمين يخليني اشوف حالات، ارجع اتندم بكل مرة نسيت مااشكر رب العالمين علئ نعمة الصحة والعافية، علئ هوايه نعم احنا بغفلة عنها، وللاسف مانشعر بيها الا نفقدها،
سامعين هل كلمة
"كون واحد يموت، ويلگله نفسه بوادي السلام"
لحظة بس! انت مستعد؟ لاجديات!
انت مستعد؟ الحياة لـ رب العالمين انعم بيها عليك، هي امنية شخص غيرك يگل للدكتور
"التحليل خطر"!
هل موقف، وغيره من المواقف خلتني اعرف شلون اتعامل مع كل ظروف الحياة،
ماكو حياة وردية، ماكو حياة ماتخلوا من الفقد والحزن، والمرض،
لكن خلينا نتوقف، ونبقئ بدائرة شكر النعم، وجودنا بالحياة نعمة، اذ عشنا صح
نعيش بحب وسلام، واعمال خير، علئ مود من نرحل، نكون مستعدين، لان اكو اموات، هسه يتمنون يرجعون، يعلمون اعمال خير،
فـ راحلون وباقي بس الأثـــ،،ر
النـاصـرية_الحـبوبي،

عادي نسمعها هسه، لان احنا كل ايامنا هي عاشوراء،
لحظة ماعاف الگـلب يحسين ذكرك،

الـهي الحبيب، انا هنا من جديد ،في مكان لايشبه روحـي ، ليس لدي الا انت ورحمتك، ودعاء اهل بيتك الطيبين الطاهرين، متمسكة بطرف عبائتي، في عزلة عن كل من حولي، انا وقصائدي، وعبائتي، ارجوا ان تربط علئ قلبي، الذي ليس لديه امل، الا فيك انت، ان لاتجعل لي باب…

الـهي الحبيب، انا هنا من جديد
،في مكان لايشبه روحـي
، ليس لدي الا انت ورحمتك، ودعاء اهل بيتك الطيبين الطاهرين، متمسكة بطرف عبائتي، في عزلة عن كل من حولي،
انا وقصائدي، وعبائتي،
ارجوا ان تربط علئ قلبي، الذي ليس لديه امل، الا فيك انت،
ان لاتجعل لي باب غير بابك
ياارحم الراحمين،
وان لاتعلق هذا الفوٌاد بتلك الملذات الموٌقتة، ان يتعلق الفوٌاد بك ياالله، يامولاي،
ان ترزقني اللذة في التمسك بديني،
ان انأل نظرة ودعاء من وليك، الامام المنتظر، وان ترزقني رضا سيدة العفاف الطاهرة الشهيدة، السيد فاطمة الزهراء عليها السلام، ان ابقئ متمسكة بنـهجها، وبعباءتها، وفاءً لها ولشهداءها،
_زهراء الموسوي/7شوال،

‏"سُبحانَك؛ لا عِلمَ لي بشَيء، ولكنِّي صَبور، أنتظِرُ النُّورَ والسَّلام، وشيئًا أنتَ بهِ أعلَم"

"وَجَاءت أجمَل ثلاثِين يَومًا".💜🌙