#فضولی_اوخویاق

صبا لطف ائتدین اهل درده درمان دان خبر وئردین

شعر.حکیم ملا محمد فضولی

ایفا: #داوود_مهدی_پور

تار: #جلیل_شهناز

دستگاه ابوعطا

۱۴۰۳/۱۰/۱

@hekim_fuzuli

#چیلله_نی_فضولی_اوخویاق

ازل کاتب لری عشاق بختین قاره یازمیشلار

ایفا: #آصیف_زینال_زاده

@hekim_fuzuli

**ای کمان ابرو! رقیبه وئرمه
غمزندن نصیب

اوْخ آتارسان داشا، پیکانېن
گرکمزمی سنا؟**#حکیم‌ملا‌محمد‌فضولی

@hekim_fuzuli

**یئله وئرمه داغېدېب هریان،
آیاقلاردان گؤتۆر

ای پری! زلف پریشانېن
گرکمزمی سنا**#حکیم‌ملا‌محمد‌فضولی@hekim_fuzuli

**آتشین آهېملا ائیلر سن
بنه تکلیفِ باغ

باغبان! گلبرگ خندانېن
گرکمزمی سنا؟**#حکیم‌ملا‌محمد‌فضولی@hekim_fuzuli

جانېمېن جوهری اوْل
لعل گهربارا فدا

عمرۆمۆن حاصلی اوْل
شیوه ی رفتارا فدا

درد چکمیش باشېم ،
اوْل خال سیه قربانی

تاب گؤرمۆش تنیم، اوْل
طره ی طرارا فدا

گؤزلریمدن تؤکۆلن قطره ی
اشکیم گهری

لبلریندن ساچېلان طره ی
طرارا فدا

چاک سینه مده اوْلان
قانلې جگر پاره لری

مست چشمینده اوْلان
غمزه ی خونخوارا فدا

پاره _ پاره دل مجروح
پریشانېمدان

سر کویوندا گزن هر ایته
بیر پارا فدا

جان و دل قیدینی چکمکدن
اؤزۆم قورتاردېم

جانې جانانه یه ائتدیم، دلی
دلدارا فدا

ای فضولی نوْلا گر
ساخلارېسام جانی عزیز

وقت اوْلار کیم اوْلا بیر
شوخ ستمکارا فدا

#حکیم‌ملا‌محمد‌فضولی

ایفا: #داوود_مهدی_پور

#۱۵_نجی_غزل

@hekim_fuzuli

15 _ نجی غزل

?جانیمین جوهری اول لعل گوهرباره فدا،
عمرومون حاصلی اول شیوۀ رفتاره فدا

جوهر: ۱.هر شئیین عصاره و چکیده‌سی ۲.گوهر.
جانیمین جوهری: جانیمین عصاره سی
حقه لعل تو از جوهر جان ساخته‌اند
کام هر خسته در آن حقه نهان ساخته‌اند
جامی
گهربار: گهرریز/گؤهر تؤکن . بو مصرعده لعل لب آنلامیندا گلدییی ایچین شکربار کلمه سی  داها اویغوندور.  دوداق شیرین اولدوغونا شکربار و گؤز آغلار اولدوغو ایچین گؤهربار توصیفلری ایله گلر.
شیوه: مشی/ راه و روش
بیتین آنلامی: جانیمین جوهری سنین او شیرین و لعل کیمی قیرمیزی اولان دوداقلارینا، و عمرومون وار یوخو سنین او شیرین رفتارلارین فداسی اولسون.

?درد چکمیش باشیم اول خال سیه قربانی،
تاب گؤرموش تنیم اول طرۀ طراره فدا

تاب: ایهامی وار:۱. اذیت و چتینلیک چکمیش ۲.بورولماق. بوردا طره ایله بورولماغین تناسبی وار.
طره: توک
طرار: اوغرو
بیتین آنلامی: چیله چکمیش باشیم سنین قارا خالینا، و محنت گؤروموش بدنیم سنین اؤرک اوغورلایان زلفلرینه فدا اولسون.

?گؤزلریمدن تؤکولن قطرۀ اشکیم گوهری
لب لریندن ساچیلان  لؤلؤ شهواره فدا

ساچیلماق: داغیلماق، پراکنده اولماق
بیتین آنلامی: گوهر کیمی گؤزلریمدن  توکولن قطره لر،  مروارید توکن دوداقلارینا فدا اولسون.

?چاک سینمده اولان قانلی جگر پاره لری
مست چشمینده اولان غمزۀ خونخواره فدا

چاک: ییرتیق، شکاف
مست گؤز : خمار گؤز
بیتین آنلامی: سینه‌مین ییرتیقلاریندان دیشاری چیخان جگر تیکه‌لری، سنین مست گؤزلرینین قان آخدیران غمزه‌لرینه فدا اولسون.

?پاره پاره دل مجروح پریشانیمدن
سر کویینده اولان هر ایته بیر پاره فدا

کوی: کوچه
بیتین آنلامی:  مجروح اورییمین تیکه‌لریندن، سنین کویینده اولان ایتلرین هر بیرینه بیر تیکه پای اولسون .

?جان و دل قیدینی چکمک دن اؤزوم قورتاردیم،
جانی جانانه یه وئردیم، دلی دلداره فدا

قید: زنجیر، اسارت ، گرفتارلیق
اؤزوم قورتاردیم: اؤزومو قورتاردیم، خلاص ائیله‌دیم
بیتین آنلامی: منده امانت اولان جانی جانانا، و اؤره‌یی دلدارا باغیشلادیم و بئله‌لیکله اؤزومو اونلارین اسارتیندن قورتاردیم.

?ای فضولی، نولا گر ساخلارایسم جانی عزیز،
وقت اولا کیم، اولا اول شوخ ستمکاره فدا

نولا: نه اولار
شوخ: گؤزل
بیتین آنلامی: فضولی اگر جانی عزیز و دیرلی ساخلاسام ایراد یئری یوخدور، چون بیر گون گلجک کی اونو، او گؤزل و ستمکار یارا تقدیم ائده‌جگم.

#مولانا_حکیم_ملا_محمد_فضولی

#علی_موسی_زاده

**ای فضولی نوْلا گر
ساخلارېسام جانی عزیز

وقت اوْلار کیم اوْلا بیر
شوخ ستمکارا فدا**#حکیم‌ملا‌محمد‌فضولی@hekim_fuzuli

**جان و دل قیدینی چکمکدن
اؤزۆم قورتاردېم

جانې جانانه یه ائتدیم، دلی
دلدارا فدا**#حکیم‌ملا‌محمد‌فضولی@hekim_fuzuli