ДӀахаийта, шайн гӀуллакхаш АллахӀан кера дӀаделлачаьрга, уьш АллахӀа цкъа а Шен гӀо доцуш буьтург цахилар!

Хlора минот мехала ю! Вогlуш-воьдуш, вуьжуш-гlоттуш, массо а хьолехь - Аллахl хьехош хила!

«Субхьаналлахl» баха, кхин а соввала лаахь «субхьа́наллахIи вабихьамдихIи» баха, кхин а соввала лаахь «субхьа́наллáхIи вабихьамдихIи, субхьáналлáхlил-lазы́м» баха.

«Астагlфируллахl» баха, кхин а соввала лаахь «астагIфируллáхIи ва ату́бу илайхIи» баха.

«Алхьамдулиллахl» баха... «Аллахlу акбар» баха...

«СинпаргӀатонан къайле - буса деш долу тахӀаджуд ламазехь ю.»

(Ибн Хьаджар)

АллахIан Элчано (саллаллохIу IалайхIи ва саллам) аьлла:

«Къемат-дийнахь шен тептаро ша ирсе ван луучо алсам гечдар доьхийла.»

(сахьихь аль-жамиI 5955)

https://t.me/hadis_du

4 предложени бен яц цигахь, амма шена чохь доккха маьlан долуш ю-кх.
“Нагахь санна лай хилахь гlóпала шен Делан хьокъехь, Аллахlа зоь иза”. Ткъа хlунда? “Иза Шега юхаверзо”.

СубхьанаЛлахl, ойла йича, лай гlóпал хилар а, Аллахlа цуьна дикане дерзадо-кх, халонаш а, баланаш а боссабарца цуьна тlе. Ма чlоооогlа къинхетаме а, кlеда а, собаре ву-кх Иза.

Боккъалла а, хьан Дела доla хезаш Ву..

Убай ибн КаӀб велхар а,
"Салават дуьллу" бохарг хӀун ду?

Убай ибн КаӀб (АллахӀ реза хуьлда цунна) АллахӀа шен цӀе яьккхина аьлча хазахетта вилхина, шена АллахӀ дукха везаш хиларна, ша Цо хьахийна хазахетта. И сийлалла хьан ца езар вайна?

Делахь а, иштта кхоччуш сийлалле вай ца кхачахь а, АллахӀа вай хьахор долуш цхьа хӀума ду.

АллахӀан Элчано ﷺ аьлла:

«Суна цхьа салават диллинчунна АллахӀа иттуза дуьллур ду.»

(Муслим).

ХӀара хьадисан гочдар иштта кхоччуш маьӀна билгал деш дац. Кхетаме дац иза. Ойла ечуьнна хаттарш дуьсу, диса дезаш а ду уьш.
И хӀун бохург ду салават дуьллу? Вайх цхьама Элчанна ﷺ салават диллина бохарг вай: "АллохӀумма солли ва саллим Ӏала Мухьаммад" иштта доӀа дина бохарг хуьлу иза. Ткъа АллахӀа салават дуьллу бохарг хӀун маьӀна ду? Вай хьокъехь леларг санна дац цуьнан маьӀна АллахӀан хьокъехь лелийча, цхьаболчара АллахӀа салават диллина бохарг Цо къинхетам бина бохарг ду аьлла.
Ткъа кхечара, иза гӀолехь а ду, аьлларг, иза дуьххьара аьлларг табиӏинех волу Абул-Ӏа‌лийа ву, цо аьлла: "АллахӀа салават дуьллу бохарг Цо шен уллехь долчу маликашна хьалха Шен лай хаствар" - ду аьлла. АллахӀа иттуза салават дуьллу бохарг: АллахӀа Шен лай, Шен уллера малийкашна хьалха иттуза хаставар. Убай ша АллахӀа хьахвина аьлла хазахетта вилхира, хьан а бу хьо АллахӀе хастош хьехавайта аьтто.

Къаьсттина кху дийнахь!

)))))