Ақырет дайындығы — адамның басындағы тәж іспетті. Сәл қисайып бастаса, қолындағыны тастап, тәжін туралай алатындай болу керек.

(с) ұстаздар тәлімі

#ғалымдар_өсиеті

Осылай кезек-кезек курстарымыз шыға береді енді, ин ша Алла. Әркім керегін алып үлгерсін деп тілейміз. Кері байланыспен оқушы алмағалы 1 жылға жуықтап қалды. Магистр оқимыз деп одан қол үздік. Енді кері байланысқа қайта оралып жатырмыз. Бұйырса жақсы қатысушылар, оқушылар шығады деп ниет етеміз, тілейміз.

Адамдық борышыңды атқару жолында тартқан азабың мен көрген қорлығың үшін біреуден мүсіркеу күтпеу керек, мақтау дәметпеу қажет.

(с) Өзбекәлі және мәдени майдан кітабынан

#ой_түймекке

Көреалмаушы адамның өмірінде ешқашан жақсылық болмайды. Айналадағы жандарға берілген артықшылықтарды көрсең, олар үшін қуанып, Алладан оларға арттыруын сұра. Сонда Жаратушы саған да тауфиқ есіктерін ашып, берекеңді арттырады.

Алланың өзге адамға берген ризығын қызғанба, себебі ол сенің ризық-несібіңнен бөліп алып бермейді. Әр адамның өз ризық-несібесі жазылған. Өзгенікін көреалмауда ешқандай пайда жоқ.

Алладан сұра, себебі Алланың қазынасы шексіз.

(с) Шейх Нәдир Әбу Омар (حفظه الله)#ғалымдар_өсиеті

— Ешқашан жалқауланбау үшін не істеуге болады?

— Ол мүмкін емес, себебі өмір - күрес алаңы, ал ол күрестің ішінде сол жалқаулықпен де күрес бар. ‘Baguvix’ секілді чит-код жазып, бүкіл мәселеңізді шешіп тастай салатын ойын ішінде емессіз. Жалқаулыққа қарсы Алладан жәрдем тілеңіз, бірақ диванда жатып емес, өзгеруге әрекет ете отырып сұраңыз.

(с) Darulfikr.ru порталынан

Әр мұсылманның басында біз бен сіз білмейтін сынағы бар. Сол себепті бауырларымызбен жұмсақ мәміле қылып, жағдайларын түсінуге тырысайық.

(с) Azan.ru порталынан

Қазақ діншіл болып кетті ме, әлде діншіл бола алмай жатыр ма?

Діншілдік - әсілі дұрыс емес. “Діншіл” типті -шіл, -шыл қосымшасы бар сөздердің көбінде фанатизм, шектен шығушылық бар (рушыл, ұлтшыл, міншіл, күншіл, сыншыл ж/е т.б.) [міншіл, күншіл, сыншыл - Сейіт Кенжеахметұлы, ‘Қазақ халқының тұрмысы мен мәдениеті’ кітабынан]

Туыс түрік тілінің құрылымында -çı, -çi жұрнақтарымен берілетін “milliyetçi, ırkçı” (ұлтшыл, расист) сөздерін көре аламыз.

Бұл аталған ұғымдардың бәрі дұрыс емес. “Ұлтшылықдық қазақты құтқарады, бізге ұлтшыл болу керек” деп жүргендер бар, мен онымен келіспеймін. Ұлтшылдық та, діншілдік те - құрдымға жол.

Дұрысы - діндарлық, ұлтжандылық.

Діндар - парсышадан “дінді сақтаушы, арқалап жүруші” мағынасына келеді. Дін - аманат, жауапкершілік. Діндардың қызметі - сол аманатты лайықты түрде арқалау, сақтау, жеткізу.

“Ұлтжандылық” сөзін қабылдағысы келмейтін әсіре ұлтшылдар шыққан. “Жан” сөзі парсышадан кірген. Парсы тілінде “адамның рухы” мағынасымен қатар “өмір, күш, тыныс” мағыналары бар (abadis.ir парсы порталынан). Яғни, ұлтжанды адам - сол өз ұлтының тыныс-тіршілігіне араласқан, қызметінде күш аямаған, тер төккен тұлға. Ұлтжандылық - аяулы ұғым. Ұлтшылдықта нәтиже жоқ, надандық бар.

Сол секілді діндарлық - аяулы ұғым. Діншілдікте нәтиже жоқ, надандық бар.

Ал енді сіздің сұраққа жауап:

Қазақ жаппай діндар да, діншіл де боп кетпеді. Діндар мен діншілді қатар шақсақ, екі санатқа жатпайтындардың қарасы одан көп.

Ұмтылатын биік жетерлік.

#сұрақ_жауап_айдары

Көп сөйлейтін адамның аузынан дуасы кетеді.

Өмірде кішкентай, болмашы нәрселермен қалып кетпей, үлкен, алып істер атқаруды, биік мақсаттар қоя білуді, соған ұмтылу жолында әрекет етуді жазсын.

Қысқа ғана ғұмырда қолдан келер қайратымызды танытпақ керек.

#ой_түймекке

?? Айт мерекесі құтты болсын!

?? Араб тілінде айтпен құттықтаудың бірнеше түрі бар:

عيد سعيد (бақытты айт тіледім)؛

عيدكم مبارك (айтыңыз мүбарак болсын)؛

كل عام وأنتم بخير (жылдан-жылға аман-есен жете беріңіз)؛

كل عام وأنتم إلى الله أقرب (жылдан-жылға Аллаға жақындай түсіңіз).

?? Ramazan bayramınız mübarek olsun!

?? Парсы тіліндегі кең таралған құттықтау түрі арабшадағыға ұқсайды:

عيد فطر سعيد ومباركـ باد؛

#айт_құтты_болсын