#جديد
#قصيدة_يمته_أتوب

لكل مذنب مقصر بما فيهم المتكلم

يمته أتوب كافي ذنوب

مـو ربـنـا بعـظـمتـه جـاي ينطيك
منو حضرت جنابك تمشي مگلوب
وحـفظ دفترك ابيض يـظـل كون
وتنـهيـها المسيره خـالـيـه  عيوب

يمته توب
بالك تنـسـى حـجمـك ذره بالكون
حسب كــل فعل عند الله مكتوب
ألسـانـك هـــذبه ولا تـعبر حـدود
وصبر عـلى الوگت وتأسـه بأيوب 

يمته توب

طبـع فــــلاح امـشـي وزرع الطيب
يـظـل باقـي الاثـر يـنـبـت بالكلوب
خلگك خله واسـع عـيــش انـسان
تـــره طبع التسامح حـيل محبوب

يمته توب

تاخـذلك درس لو شاهدت موت
عـَبـره لمــــعتبر بالاروقه تذوب
صـفـر ذمـتـك مـو حـملك  ثكيل
من تغمض عيونك كون مهيوب

يمته توب

بـيـت الاخـره مـحـتـاج الانـوار
اعـمـل طيب تـتفتـحـلك دروب
خليها على الله بـسـتر الـحـوال
يـغـشاك بـرحمـته وقت الـغـروب

يمته توب 
✍🏻 غازي الساعدي

ياصاحب الحب والحنان
وين انت هسه بيامكان
ياالحبيب احجيلي ••بُعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»
ليلي خلاص بنتظارك عيني تارسها السهر
ساعه واحسبه ثواني سيدي وانا انتظر
الفرج يمته يا بوصالح هـل علينه ياكـمـر
بكلبي حسرات ومواجع دمعي عالوجنه نهر

كل جـمعـة ادعي بالـفـرج
ضاكت علي ياابن الحجج
تبرد انت َ غليلي •• بُعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»

طالت الـمده وذنوبي تاكل بـروحي اكل
عمري يركض ماألحكه وانا كاتلني الخجل
والصبر يبدي بـفاذه والبعـد مـا ينـحـمل
يمته تشرق عالبرية وبيدك تزيح الحمل

بيدك تداويها الجراح
من الظلم هم نستراح
كمره وتضويلي •• بعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»

مقصر ومذنب وجيتك منك ارجو المعذره
مدنك وما ارفعه راسي عذري يُقبل يا تره
لخاطرك كون نتحمل حتى لو مهما جره
ادري بيك شكد تحبنه وحق سبع الگنطره

لعيوني شوفي والضوه
والـريـتـي انـت َ الهوه
أحساسك يناديلي ••بُعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»

تدري مولاي بغيابك حيل اذانه الزمن
نجرع المر ما نبالي حتى من تكثر محن
بالفرج عجل علينه سيدي يبن الحسن
تقيم دوله للعدالة نعيش وبأجمل وطن

يالقائد بطوعك نسير
يالساكن بنص الضمير
لجلك اسهر ليلي ••بُعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»

أظهر ورجع زمانك قيم بالطف محكمة 
صدر أحكامك وحاسب ال ميه الظالمة 
وأخذ ثار النحر والچف عيد هاي الملحمة 
وگيد عمتك والعليل بسيفك انت تحطمة 

منتظر تنشر رايتك
وتثلج كلبها عمتك
سيدي ادعيلي •• بُعدك ايهد حيلي
ياغريب وتارس الدنيا امان
«««»»»«««»»»«««•»»»«««»»»«««»»

الشاعر
غازي الساعدي

شاهد ابداع الشاعر كامل السعيدي

https://t.me/kamelAbdullah

(كروب خاص بالقرأن كذلك يوجد قناة خاصة بتعليم القرأن الكريم)
https://t.me/ayaaa2585

ملازم ورد جاهزة لجميع المواد للمعلميين والمدرسين.

https://t.me/ahmed_alziwar14

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.me/Alsaidyh

لسان حال زينب تشرح هضم واليها
علي السجاد عليه السلام

وحشه ظلت دارنه
بس عبينه ستارنه
والعليل ويانه
ظل يطفي بنارنه
٭ــــــــــــــــــــــــــــــــــ٭
نار شبـــــت بالخيم نار الشماته
وابد مـــا تبرد لحد ساعة مماته
احتار وبطف كربله يستر خواته
حسين گدامه نذبح شله بحياته
٭ــــــــــــــــــ※※※※ــــــــــــــــ٭
نحيل الله يـــعينه
يسيل دم من عينه
والعليل شحاله
والعده مـــگيدينه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
مــن صعدنه اعله الهزل صعبه علينه
وسفه وبوليت شمر احــــنه شبدينه
بس علي السجاد ظل يبره الضعينه
ويلي حتى الجامعة تـــذبح بــدينه
٭ـــــــــــــــ※※※※※ـــــــــــــــ٭
مـن تصب اعيونه
دم يجرح اچفونه
يگتل بوناته
بسوطهم ياذونه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
لا هلـــه بالـشـام أگـبـلنا عــــــلـه بـابه
مـن هــوان الــدنـيـا خـلـونه بـخــرابـه
حسين اسكت اطفاله لو أبجي لمصابه
يــا ألاهـي أحـفـظ علي واحـفظ شبابه
٭ـــــــــــــــ※※※※※ـــــــــــــــ٭
سفره حيل اطويله
شـــاب منهد حيله
والحزن منواله
مــــا يهود ليله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
دخــــل ثقل حسين للشام بـجراحه
والعليل اتــشوفه خـلصها نـــــياحه
صعبه طرت السوك عالخدر صراحه
ريت هـــــذا اليوم ما شفنه صباحه
٭ـــــــــــــــ※※※※※ـــــــــــــــ٭
مـــن يصد لعياله
بـولـيـــت الچتاله
للدعي گادونه
صعبه هاي الحاله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
طـر جموع الگوم كلها وصعد منبر
نســــب نـفسه للنبي ولجده حيدر
انا ابن مكه ومنى وهم منه جــعفر
انا ابــوي حـسين يالـــجسمه تـوذر
٭ـــــــــــــــ※※※※※ـــــــــــــــ٭
سحـــگته الخياله
وگطعتله اوصاله
ابد ما رحمونه
وهم سبوله عياله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
الخادم غازي الساعدي

مـحرم هـــــــــــــــ1446ـــــــــــــ
لسان فاطمة العليلة بعد فراق الاهل

شلون اعيشن وراهم من جفوني
وحـدي اظلـن ونادي مـا خذوني
ما احمل الفرگه
والروح مختگه
ما خذوني ما خذوني
٭«•»«•»«•»«•»«•»«•»«•»«•»«•»«•» ٭

المحامل من مشت ••ما اظل تصورت
وي خواتي اگعد بنص الضعينه
والدي صد وبچه •• كلمه وحده ما حچه
وعرفت معنى الرسالة بدمع عينه
فتح ذرعانه بألم •• وداعه صوبني بسهم
راح افكد منه ألحجاية الحنينه
ما طبگ ليه چفن••والدمع مثل المزن
ليلي يخلص اه والذكرى الحزينه

اه يروحي اصبري عالجرالي
عفيه گلبي يودع غالي غالي

وبناري محترگة
والروح مختنگه
ما خذوني ما خذوني
٭«•»«•»«•»«•»«•»«•»«•»«•»«•»«•» ٭
الباب لوهزه الهوه • عيني يدخلها الضوه
انسه مرضي وبالعجل ارگض عله الباب
خبر منهم اجه • نار بيه موهجه
ونشد الراح واجه ما شفت الاحباب
جرحي ابدماله دوه •اذكرت من جنه سوه
مارجع واحد عليه من الغياب
الفارگ اهله بالزغر • ابدما يهنه بعمر
هيج كلبي بعد ما يتحمل أمصاب

هـم تـردون يـظل هـذا سـؤالي
وأم البنين بألم تبچي عله حالي
چفني فلاطبگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭

ردت عبدالله يظل ••• بعُده لا مايُحتمل
هيج اشمنه وخليه علـه صدري
بحضني ما ينزل ابد• عطره احلى من الورد
شكد احبه الله شاهد هو يدري
امنيه بالي أخطرت• شلون اشوفه تصورت
يكبر ويمشي عله طوله بعد عمري
ودعته وانا بحسرتي •ياريت يملي وحدتي
ناري بفراگ الاخو بضلوعي تسري

مو كماطه لواءه بيده شايل
وي الحسين طلع اصغر مقاتل

غيرك فلا ألگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭

الليالي خيمن ••  عيوني عالراحو عمن
ليلي يخلص آه والحسره  ودمعتي
حيل مابيه انتظر • ويني وين السهر
شكد قسه وياي الزمن بايگ فرحتي
تخطر بالي الصور • بوني بجيت الصخر
زغيرة مو مالت هضم اغفه بعبرتي
منين اجيبك ياصبر • داخلي صاير جمر
كل غروب يمر عليه انه بحسرتي

حتى بحلامي يبوية گمت اشوفك
بالحقيقة ريـت هـيج ومـا اعوفك
ماظن بعد ملگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭
عيوني ظلت عالدرب • مشتعل نار الگلب
طالـت السفـرة ولا واحـد ذكرني
جا بعد ألمن اصد••بس صده صوتي يرد
بـداري اظلن وحـدي هـذا  قهرني
لا رقية ولا علي •• بيهم الهم ينجلي
فراگ اخوتي حيل اذاني وذبحني
منبچي يلجمني الدمع •• والحزن بيه نزرع
وكتي وبحلگ المصايب هيج ذبني

وحدي اظلن بعدهم كالغريبة
ما يردون علي هاي المصيبة

تكتل تره الشهكة
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭
#الخادم_غازي_االساعدي

جديد …✍… جديد محرم

الرباب والرضيع

انا الرباب الفاگده .. الموت بوليدي حده
سهم المنية حال بيني وبينك
فدوة اروح لنحرك و چــفينك

@@@@@@@@@@@@@@

عبدالله سباح الگلب شمعة بحياتي
أفرش ييمه بمهجتي تغطه بعباتي
تباريني لو خذني الكبر هاي امنياتي
ردتك يعبدالله ذخر تحظر مماتي
ء…………………………… .
عبدالله شمعه بدنيتي• مالي عليه غربتي
يا سـلوتـي وانـت عزيز حـسينـك
فـدوة أروح الـنـحـرك و چـفـيـنـك
ء@@@@@@@@@@@@

نسمة صبا بكيض الهجر محله عطرها
وسنينك الراحت تجي انا انتظرها
لمحت علامات الاجل واضح خطرها
بحجر المناية ترتمي اسمع خبرها
ء……………………………… .
محروم من شم الهوه • بعدك ظلام بلاضوه
بدلالي اغفه يمه غمض عينك
فدوة اروح النحرك و چـفـيـنـك

ء@@@@@@@@@@@@@

عبدالله عطشان وشرب كاس المنية
ما صـدكـت يـمـه الـولـد تـبـعد عليه
محروم ما ضاك العذب ضاك الاذية
حضني فرغ منك ردت تغفه اعله اديه
ء……………………… .. .........
الموت ما يعرف عمر • بغيابك يفوح الصبر
سهمك عماني وما اشوفن وينك
فـدوة اروح لنـحرك و چـفـيـنـك  
ء@@@@@@@@@@@@

للخيمة ارجع شاهدت مهد ابني خــالــي
وردة حــيـاتــي ودنيتي وروحي يالغالي
انـعـاك اظـل طـول الـزمـن مـا يـهده بالي
مـرسـوم بـعـيـوني رسـم تـارس خـيـالـي
ء...................................
محسوم يا يمه الأجل •••• مخطوف مني بالعجل
وين أرحلت يبني بعدها سنينك
فـدوة أروح لـنحرك و چـفـينك
ء@@@@@@@@@@@@@

لحظات يا يمه الولد عشت بحنينك
يا يمه ادري عله الخيم مشبوحه عينك
مشدوهه وصوابك كلف يا يمه وينك
سهم الگطع حبل الوصل كاطع وتينك
ء...................................................
عبدالله نايم عالثره• وخدوده وسفه معفره
بعمر الورد يا يمه ومسلبينك
فدوة اروح النحرك و چفينك
&&&&&&&&&&&&&&&&&&&&&

…✍… الخادم غازي الساعدي.