تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.me/Alsaidyh

لسان حال زينب تشرح هضم واليها
علي السجاد عليه السلام

وحشه ظلت دارنه
بس عبينه ستارنه
والعليل ويانه
ظل يطفي بنارنه
٭ــــــــــــــــــــــــــــــــــ٭
نار شبـــــت بالخيم نار الشماته
وابد مـــا تبرد لحد ساعة مماته
احتار وبطف كربله يستر خواته
حسين گدامه نذبح شله بحياته
٭ــــــــــــــــــ※※※※ــــــــــــــــ٭
نحيل الله يـــعينه
يسيل دم من عينه
والعليل شحاله
والعده مـــگيدينه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
مــن صعدنه اعله الهزل صعبه علينه
وسفه وبوليت شمر احــــنه شبدينه
بس علي السجاد ظل يبره الضعينه
ويلي حتى الجامعة تـــذبح بــدينه
٭ـــــــــــــــ※※※※※ـــــــــــــــ٭
مـن تصب اعيونه
دم يجرح اچفونه
يگتل بوناته
بسوطهم ياذونه
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
لا هلـــه بالـشـام أگـبـلنا عــــــلـه بـابه
مـن هــوان الــدنـيـا خـلـونه بـخــرابـه
حسين اسكت اطفاله لو أبجي لمصابه
يــا ألاهـي أحـفـظ علي واحـفظ شبابه
٭ـــــــــــــــ※※※※※ـــــــــــــــ٭
سفره حيل اطويله
شـــاب منهد حيله
والحزن منواله
مــــا يهود ليله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
دخــــل ثقل حسين للشام بـجراحه
والعليل اتــشوفه خـلصها نـــــياحه
صعبه طرت السوك عالخدر صراحه
ريت هـــــذا اليوم ما شفنه صباحه
٭ـــــــــــــــ※※※※※ـــــــــــــــ٭
مـــن يصد لعياله
بـولـيـــت الچتاله
للدعي گادونه
صعبه هاي الحاله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
طـر جموع الگوم كلها وصعد منبر
نســــب نـفسه للنبي ولجده حيدر
انا ابن مكه ومنى وهم منه جــعفر
انا ابــوي حـسين يالـــجسمه تـوذر
٭ـــــــــــــــ※※※※※ـــــــــــــــ٭
سحـــگته الخياله
وگطعتله اوصاله
ابد ما رحمونه
وهم سبوله عياله
٭  ٭  ٭  ٭  ٭  ٭  ٭  ٭  ٭  ٭  ٭  ٭  ٭
الخادم غازي الساعدي

مـحرم هـــــــــــــــ1446ـــــــــــــ
لسان فاطمة العليلة بعد فراق الاهل

شلون اعيشن وراهم من جفوني
وحـدي اظلـن ونادي مـا خذوني
ما احمل الفرگه
والروح مختگه
ما خذوني ما خذوني
٭«•»«•»«•»«•»«•»«•»«•»«•»«•»«•» ٭

المحامل من مشت ••ما اظل تصورت
وي خواتي اگعد بنص الضعينه
والدي صد وبچه •• كلمه وحده ما حچه
وعرفت معنى الرسالة بدمع عينه
فتح ذرعانه بألم •• وداعه صوبني بسهم
راح افكد منه ألحجاية الحنينه
ما طبگ ليه چفن••والدمع مثل المزن
ليلي يخلص اه والذكرى الحزينه

اه يروحي اصبري عالجرالي
عفيه گلبي يودع غالي غالي

وبناري محترگة
والروح مختنگه
ما خذوني ما خذوني
٭«•»«•»«•»«•»«•»«•»«•»«•»«•»«•» ٭
الباب لوهزه الهوه • عيني يدخلها الضوه
انسه مرضي وبالعجل ارگض عله الباب
خبر منهم اجه • نار بيه موهجه
ونشد الراح واجه ما شفت الاحباب
جرحي ابدماله دوه •اذكرت من جنه سوه
مارجع واحد عليه من الغياب
الفارگ اهله بالزغر • ابدما يهنه بعمر
هيج كلبي بعد ما يتحمل أمصاب

هـم تـردون يـظل هـذا سـؤالي
وأم البنين بألم تبچي عله حالي
چفني فلاطبگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭

ردت عبدالله يظل ••• بعُده لا مايُحتمل
هيج اشمنه وخليه علـه صدري
بحضني ما ينزل ابد• عطره احلى من الورد
شكد احبه الله شاهد هو يدري
امنيه بالي أخطرت• شلون اشوفه تصورت
يكبر ويمشي عله طوله بعد عمري
ودعته وانا بحسرتي •ياريت يملي وحدتي
ناري بفراگ الاخو بضلوعي تسري

مو كماطه لواءه بيده شايل
وي الحسين طلع اصغر مقاتل

غيرك فلا ألگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭

الليالي خيمن ••  عيوني عالراحو عمن
ليلي يخلص آه والحسره  ودمعتي
حيل مابيه انتظر • ويني وين السهر
شكد قسه وياي الزمن بايگ فرحتي
تخطر بالي الصور • بوني بجيت الصخر
زغيرة مو مالت هضم اغفه بعبرتي
منين اجيبك ياصبر • داخلي صاير جمر
كل غروب يمر عليه انه بحسرتي

حتى بحلامي يبوية گمت اشوفك
بالحقيقة ريـت هـيج ومـا اعوفك
ماظن بعد ملگه
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭
عيوني ظلت عالدرب • مشتعل نار الگلب
طالـت السفـرة ولا واحـد ذكرني
جا بعد ألمن اصد••بس صده صوتي يرد
بـداري اظلن وحـدي هـذا  قهرني
لا رقية ولا علي •• بيهم الهم ينجلي
فراگ اخوتي حيل اذاني وذبحني
منبچي يلجمني الدمع •• والحزن بيه نزرع
وكتي وبحلگ المصايب هيج ذبني

وحدي اظلن بعدهم كالغريبة
ما يردون علي هاي المصيبة

تكتل تره الشهكة
والروح مختنگه
ما خذوني ما خذوني

٭«•»«•»«•»«•»«•»«•»«•»«•»«•»«•» ٭
#الخادم_غازي_االساعدي

جديد …✍… جديد محرم

الرباب والرضيع

انا الرباب الفاگده .. الموت بوليدي حده
سهم المنية حال بيني وبينك
فدوة اروح لنحرك و چــفينك

@@@@@@@@@@@@@@

عبدالله سباح الگلب شمعة بحياتي
أفرش ييمه بمهجتي تغطه بعباتي
تباريني لو خذني الكبر هاي امنياتي
ردتك يعبدالله ذخر تحظر مماتي
ء…………………………… .
عبدالله شمعه بدنيتي• مالي عليه غربتي
يا سـلوتـي وانـت عزيز حـسينـك
فـدوة أروح الـنـحـرك و چـفـيـنـك
ء@@@@@@@@@@@@

نسمة صبا بكيض الهجر محله عطرها
وسنينك الراحت تجي انا انتظرها
لمحت علامات الاجل واضح خطرها
بحجر المناية ترتمي اسمع خبرها
ء……………………………… .
محروم من شم الهوه • بعدك ظلام بلاضوه
بدلالي اغفه يمه غمض عينك
فدوة اروح النحرك و چـفـيـنـك

ء@@@@@@@@@@@@@

عبدالله عطشان وشرب كاس المنية
ما صـدكـت يـمـه الـولـد تـبـعد عليه
محروم ما ضاك العذب ضاك الاذية
حضني فرغ منك ردت تغفه اعله اديه
ء……………………… .. .........
الموت ما يعرف عمر • بغيابك يفوح الصبر
سهمك عماني وما اشوفن وينك
فـدوة اروح لنـحرك و چـفـيـنـك  
ء@@@@@@@@@@@@

للخيمة ارجع شاهدت مهد ابني خــالــي
وردة حــيـاتــي ودنيتي وروحي يالغالي
انـعـاك اظـل طـول الـزمـن مـا يـهده بالي
مـرسـوم بـعـيـوني رسـم تـارس خـيـالـي
ء...................................
محسوم يا يمه الأجل •••• مخطوف مني بالعجل
وين أرحلت يبني بعدها سنينك
فـدوة أروح لـنحرك و چـفـينك
ء@@@@@@@@@@@@@

لحظات يا يمه الولد عشت بحنينك
يا يمه ادري عله الخيم مشبوحه عينك
مشدوهه وصوابك كلف يا يمه وينك
سهم الگطع حبل الوصل كاطع وتينك
ء...................................................
عبدالله نايم عالثره• وخدوده وسفه معفره
بعمر الورد يا يمه ومسلبينك
فدوة اروح النحرك و چفينك
&&&&&&&&&&&&&&&&&&&&&

…✍… الخادم غازي الساعدي.

حوار بين العباس وزينب عليهما السلام

نضرت وداع •• بينهم صارت
راح عـباس •• زينب أحـتارت

اتــفاركو كلـشي انـتـهى
هــوه بـجه و هيه بـجه
راح عباس •• زينب احتارت

٭ ٭ ٭ ❀ ❀ ❀ ❀ ❀ ❀ ٭ ٭
خويه وجهك ديره ليه قبل لا تمشي وتروح
عمري كله عشت يمك اشم عطرك من يفوح
العشرة ويلي خاف تخلص والنهايه بس أنوح
انه اختك موحيدة وتكثر بگلبي الجروح

طال العتاب •• وزادت الحرگه
عكبك شلون ••احــــمل الفرگه

چف القلم ماظل امل
اشبع هظم دمعي يهل
راح عباس •• زينب احتارت

٭ ٭ ٭ ❀ ❀ ❀ ❀ ❀ ❀ ٭ ٭ ٭

خويه حاجيني عله بختك يابعد روح الحسين
لا تعوف اخــتـــك وحيدة أوصيه من ام البنين
بكربله من بعد عينك حيره وجهي انطيه وين
ديره غربه وموش اهله وبيها وسفه تبچي عين

هــــا يعباس •• منهو اشكيله
البُعد ضيم •• من يشد حيله
فراگك يخي تدري كلف
هذا الزمن كلش صلف
راح عباس •• زينب أحتارت

٭ ٭ ٭ ❀ ❀ ❀ ❀ ❀ ❀ ٭ ٭ ٭
والله خويه حيرتني من عزمت عله الرحيل
نعصر گلبي ونار دمعي عله الوجه لمن يسيل
لو عفتني واليتامه حملي مـو يصبح ثگيل
حزني زاد بلايه واهس خويه بعدك يالكفيل

هـــا يخويه •• زايـد ونـيـنـي
خويه ارحم •• دمعة حسيني

لمخيمك كونك ترد
دربـك لـزرعنه ورد
راح عباس •• زينب أحتارت

٭ ٭ ٭ ❀ ❀ ❀ ❀ ❀ ❀ ٭ ٭ ٭
لوطحت عالغبره خويه تدري ينشت الشمل
وي رحيلك تاه فكري وأيـســـت مــن الامل
تعوفني وما جنت اظنن يا بقيه مــن اهل
لخاطر اختك گمر هاشم سالم وترجع عدل

بنومتك هاي •• طايح لوانه
عگب عيناك ••كثرت اعدانه
تلوعني كل صرخة طفل
تدري العطش ما ينحمل
راح عباس •• زينب احتارت
٭ ٭ ٭ ❀ ❀ ❀ ❀ ❀ ٭ ٭ ٭
سامحيني وهاي هيه اخر حروف الگمر
الجربه يمه اسهام بيها وطايح بصف النهر
عمت عيني عله الشريعة نايم وصاير وذر
صوت عالي حسين ناده ظهري يا خويه نكسر

مات عطشان •• ماشرب كطره
مگطع جفوف •• توسد الغبره
بالعين ظل نابت سهم
مـــــن البواتر ما سلم
راح عباس •• زينب احتارت
٭ ٭ ٭ ❀ ❀ ❀ ❀ ❀ ٭ ٭ ٭

الشاعر غازي الساعدي.

دفن الاجساد لسان حال السجاد

احتاراحضنك بيدي ادفنك والله حيره
شلون ألمك خـاف ألچـمك بالحصيره

والله حيره  ٭ ٭ ٭ والله حيره
٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭

شلت أديك وعاشر اصبع ما لكيته
كثرة اسـهـام عـلـه گلـبگ ضيعيته
وذره وذره بويه جسمك جمعيته
ريت ابو فاضل يحضرك جا نخيته

حيلي ناكض جني راكـض الك ديره
شلون ألمك خـاف ألچمك بالحصيره

والله حيره  ٭ ٭ ٭ والله حيره
٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭
فراگ ابوي يهد تره حيل الرواسي
وهل المصيبة الراتبة موشاب راسي
ويلي وبطف كربله عفت اغله ناسي
ما شفت بعيوني بس ضيم ومئاسي

بعيني هظمه الدنيا ظلمه شكد زغيره
شلون ألمك خاف ألچمك بالحصيره

والله حيره  ٭ ٭ ٭ والله حيره

٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭
عاري جسم حسين بالميدان وحده
تطحن الخيل بضـلوعه روحـه رده 
عـمـري راح ويـاه چـن مـاي وتبده
لا هـنه العيش وحـلـه بالدنيا بعده

ريـت موتي  ويـه اخـوتي ويالعشيره
شلون ألمك خـاف ألچـمك بالحصيره

والله حيره  ٭ ٭ ٭ والله حيره
٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭

ربي صبر ايوب ربـي منين اجيبه
حيلي ينهد من اسولف عـالمصيبه
ضلع لا ضل جثت حسين السليبه
محب ما صارت گبل يدفن حبيبه

ويـن اصـدن وجـهي ألـمـن بعد اديره
شلون ألمك خـاف ألچـمك بالحصيره

والله حيره  ٭ ٭ ٭ والله حيره
٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭

بـيـد احـفـرلك لـحد يا ريته ليه
بويه جسمك من أنزله يعز عليه
تراب وسفه يضمك وانه شبديه
كـون تنهد السماء عـلـه الوطيه

اه احــمـلك  وانـا انـــزلك   بالحفيره
شلون ألمك خـاف ألچـمك بالحصيره

والله حيره  ٭ ٭ ٭ والله حيره

٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭

صوت من منحر ابوي هيز كياني
جيب عبدالله أرد اضمنه بحنانـي 
وسده  بويه عله صدر ولا تتـاني
ألـمـاني الموقف وضلـيت اعـاني

وسفه رايح مني ياحصتي الجبيره
شلون ألمك خـاف ألچـمك بالحصيره

والله حيره  ٭ ٭ ٭ والله حيره
٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭

الشاعر غازي الساعدي

لسان حال ام القاسم عليه السلام

عــريس وبعمر الورد ••• رايـــح شبابه
والحنه من دم رگبته •• صارت خضابه
يا زفــــت القاسم دمـــه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
ربيتك بـــدمعي اليصب انتظرك تباريني
واحسبهن ايام العمر ماخذهن من سنيني
ضميتك الطف كربله يوليدي قرت عيني
وي عمك اوكف بالحرب حق الربه جازيني

يوليدي ضميتك ذخر •• للغاضريه
وتقدم الاغلى ردت ••لأبن الزجيه
وتســـــجل اسمك فاطمه
يا نجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

ابن الحسن كلش كلف يشبه علي بشمراته
عريس وبنص الـــحرب ياطولك شمحلاته
داس المناية بــكل عـزم وي عمه ناكر ذاته
مــا همته سيوف الـــعده قاتل فـده لعماته

نشمي واعرفنك كلف •• ماتعرف الخوف
گلبگ صخر ماينكسر •• لو كثرت صفوف
تربات ابن حامي الحمه
يانجمه طاحت من سمه
رايـــح شبابه ••• رايـــح شبابه

٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

بعيونه لو هد الغضب خل الزلم طشاره
جاسم شبيه لحيدره جـده ويشن الغاره
يگطع على الحومه الهوه لـــو لوح بتاره
ما توكف بصدره الزلم حار وشعلهه بناره

تربات ابن عقد الوله •• وبكل خصاله
حگ العليه بـــــكربله •• اده الرساله
دارت رحـــــاها الملحمه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
لمن طحت بالمعركة بـعدك تغـيـر لـوني
وسط المعارة تكطعت هيج وتشوف عيوني
شفت البواتر عالجسم منك تخيب ضنوني
مـا بطلت ون وبـچي ذبـلن ييـمـه چفوني

وشلون اجيبك للخيم •• محتاره ألمك
جـاسم يسباح الكلب •• يابـــعد امك
مـــتوذر و مـيـت ضـمـه
يا نجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

حـزني لجيمه للأبـد مـابطلت صرخاتي
ومـنـين أجيبك ياصـبر اتصبر بدمعاتي
مـنظر رهيـب بـكربله زيـد عَلي لوعاتي
بعيوني اشوفنك وذر يمه وتحز بذاتي

باريتك ورحــــت مندي •• مــاي وتبده
شيخلصه ليلي لو يچن •• يوليدي شده
دمـــــــعي يصب متألمه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

ودعتك الله يالولد يبني وثمر دلالي
تمنيت اعجن حنتك ماحسبت لتالي
ضميتك الاخر عمر وابني عليك امالي
انه بخلافك انهضم ردتك تعاين حالي

بالظيم واهات وحزن ••• اكضي حياتي
وردتك تشيل جنازتي ••• ساعة مماتي
روحــــــــي تضل متألمه
يانجمه طاحت من سمه
رايح شبابه ••• رايح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

وصعبه يمه فركتك بس فدوه لجل حسينك
لو شفت عمك وحده افديه ييمه بعينك
هذا الوعد وبكربله يبني وتوفي بدينك
تمنيت اقدم اربعه ويتكطعن جفينك

شـلــــون بينه باليسر ••• وبلايه عـباس
نمشي سبايه ويلغرب ••• وتتفرج الناس
وتالينه نبــــقى بلا حمه
يانجمه طاحت من سمه
رايح شبابه ••• رايح شبابه

٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
الخادم غازي الساعدي

نزال شجاعة لقمر العشيرة

ابوفاضل هـذا سبع الكنطرة
عالمنايه الجيش لزمهم سره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الحومه صنته وتسمع بطك الضرس
الجيش من الخوف خـالسهم خلس
طگته تـوجع حـــيل وتكطع النفس
واليلوحه السيف شاف الاخره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

والله اخلاها الـزلم تبچي الـزلم 
يفضها ساعه المعركة وساعه يلم
شحده واحد يوصل لحد الخيم
يعتبر دمه يصب من منحره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الفرس رحـــى وحيله بشد الرسن
جيمه جيمه گــــام يطحنهم طحن 
والله خـــلاههم چثث بالطف تون
تشوف هيج تلول صارت عالثره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

ابـــــــد ما همه الجمع وشما وصل
يركض الجيش عله ايده بتك رجل
بسيفه اوزعــهــا المناية ابن الفحل
الزلم من الخوف ترجع ليورى

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

شـــــبه حــماي الحمه لمن يـهـد
توسط الجيش وبده بيهم حصد
قــــسـم يفنيها الكتايب مـا يرد
صاحت الوادم أضنه حيدره
٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

بكيفه صـــــار ايدير هاي الملحه
واخله بيها الروس توصل للسمه
الحومه خــــلاها نهر يجري دمه
ما يهاب الجمع يوم الزمجره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

هد عله الماي وكشفها المشرعة
راسـه حـار ونـزل يقره القارعة
بعزمــه تـرجمها رمـــوز الواقعة
ابن حامي الجار ياهو اليگدره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

سيفه ملك الموت بس تسمعله طگ
الغوث صاح الجيش لو بيهم وهگ
الشرد ســـالم والتلاكه وياه شهگ
الخير البيهم لبس شيلت مره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الخادم غازي الساعدي

مقدمه للعليلة ١٤٤٧ هـــــــــــ

ابعثلك سلام •••• وي طير الحمام
بويه يحسين ••••• بويه يحسين 
«» •»«•»«•»«•»«•»«•»«•»«•»«

بويه دزيت الحمامة وگلبي مشتاگ
والرساله بيها دمـعـة وتحمل اشواگ
من مشيت الدنيا خنگه والنفس ضاگ
روحـي عـذبها الـبعـد عـذبـها الفراگ

يا سيد الانام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

عيني مشبوح لدربكم انطر جواب
اسأل الراح واجه ما شفت الاحباب
خبر منكم ما أجاني وعيني عالباب
بويه كل ساعة يفززني الهوى الهاب

يا ابن الكرام•••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭
بابا حتى الطير ظل يبجي عله حالي
شـحـت اخـبـارك عـلـيه رد سؤالي
يملي عطرك بيتي بس هوه البقالي
بـعـد عـيـنك ماشـفت عـزي ودلالي

والدنيا ظلام •••• ابعثلك سلام
بويه يحسين ••••  بويه يحسين

٭«•»«•»«•»«•»«•»«•»«•»«•»«•»«•»٭
ساعة ساعة الليل احسبه وانا اتاني
انـتـظـر رد الـرسـالة بـكـل امـانـي
وبدلـيلـي سـهـم هـجـر صـوبـانـي
والـزمــــن ويـاي قـاسـي عـذبانـي 

محرومه المنام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

ايسـت منـك يـبوية وماكو رجعه
عيـوني عذبـها السهر وياها دمعه
لا خـبر مـنكم اجاني فـرد گـطعه 
عـددت وام البـنيـن بـشجن تنعه

هذا اخر كلام •••• ابعثلك سلام
بويه يحسين ••••  بويه يحسين

الخادم غازي الساعدي

على بركة الله نبدء بتنزيل قصائد محرم ١٤٤٧هـ تبعاً