"ဒီဘုရားက ဒီဘုရားပါပဲ"

နာမည်ကြီးဘုရားလည်းဒီဘုရားပဲ နာမည်မထင်ရှားတဲ့ဘုရားလည်းဒီဘုရားပဲ
ဆုတောင်းပြည့်ဘုရားလို့ အမည်ပေးထားလည်း ဒီဘုရားပါပဲ၊တန်ခိုးကြီးဘုရားလို့အမည်တပ်ထားလည်း ဒီဘုရားပါပဲ..

တစ်ချို့နော် ဟိုဘုရားက လာဘ်ကောင်းတယ်
ဒီအသားနဲ့ ထုထားတဲ့ဘုရားကိုးကွယ်ရင် စီးပွားတက်မယ် ကျန်းမာရေးကောင်းမယ်ဒီဘုရားပုံတော်က လာဘ်ကောင်းတယ်နဲ့အမျိုးမျိုးပါပဲ..

နာမည်ကြီးတယ် တန်ခိုးကြီးတယ် ဆုတောင်းပြည့်တယ် လာဘ်ကောင်းတယ်ဆိုတဲ့ ဘုရားကိုပဲကိုးကွယ်ချင်ကြတဲ့သဘောဖြစ်နေတယ်လာဘ်မကောင်းတဲ့ဘုရားကိုဆို အိမ်မှာတောင်ထားချင်မှထားမယ် အဲဒီလိုကိုဖြစ်နေတယ် အဲဒီလိုမဖြစ်ပါစေနဲ့နော်..

#ဘယ်ဘုရားပဲဖြစ်ဖြစ်
#မြတ်စွာဘုရားရဲ့ကိုယ်စားတော်အနေနဲ့
#တည်ထားပူဇော်ကြတာ..

ဒါကြောင့် ရုပ်ပုံတော်ကို ကြည့်ရှုဖူးမြင်ပြီးတဲ့အခါမှာမြတ်စွာဘုရားရဲ့"အရဟံ"
စသော ဂုဏ်တော်တွေကို အာရုံပြုထိုအာရုံပြုခြင်းအားဖြင့်မိမိရဲ့သန္တာန်မှာ အာရုံပြုနေတဲ့အခိုက်လောဘငြိမ်းတယ် ဒေါသငြိမ်းတယ် မောဟငြိမ်းတယ်
#ထိုအငြိမ်းဓာတ်သည်သာလျှင်အနှစ်သာရ

#ဘုရားကိုအာရုံပြုပြီးတော့စိတ်ငြိမ်းချမ်းမှုရနေတာ
ဒါဟာ ရနေတာကို ရမှန်းမသိဘူးဟို ဘာမဟုတ်တဲ့
ပိုက်ဆံရချင်တာ စီးပွားတွေတက်ချင်နေတာဆိုတဲ့ လောဘတွေပဲဖြစ်နေတာမဟုတ်လား..
#ဘုရားကိုကိုးကွယ်ရင်းလောဘတွေတိုးနေကြတယ်

မြတ်စွာဘုရားကို ကိုးကွယ်တယ်လို့ဆိုတဲ့အခါမှာ
အသိဉာဏ်ရဖို့ ကိုးကွယ်တာ..
မသိသေးတာသိဖို့ ကိုးကွယ်တာ..

လုပ်သင့်တာနဲ့ မလုပ်သင့်တာ ခွဲခြားသိဖို့
ဒါကလုပ်သင့်တယ် ဒါကမလုပ်သင့်ဘူး
ဒါသွားသင့်တဲ့လမ်း
မသွားသင့်တဲ့လမ်း ခွဲခြားသိဖို့
ဘုရားက ဆုံးမမယ် သြဝါဒပေးမယ်
ဒီမျှော်လင့်ချက်နဲ့ ဘုရားဆီကိုသွားတာ..
#ဘုရားကိုကိုးကွယ်တယ်ဆိုတာအဲဒီမျှော်လင့်ချက်နဲ့..

#ဘုရားကဒီ့ထက်ပိုပြီးတော့
#ဘာလုပ်ပေးနိုင်တုန်းဆိုတော့
#ဘာမှလုပ်မပေးနိုင်ဘူး
#လုပ်တာကကိုယ့်ဟာကိုယ်ပဲလုပ်ရမှာနော်..

ဒေါက်တာနန္ဒမာလာဘိဝံသ
🙏🙏🙏🙏🙏🙏🙏🙏🙏

မနက်ဖြန်မှာ မြဝတီ ဘက်က နေရာ ၅ ခု ကို ထိုင်းက မီးပေးထားတာတွေ စပြီး ဖြတ်တောက်တော့မယ်။ ဒါ့ကြောင့် ဧရာဝတီက သတင်းလုပ်သွားတဲ့ အထဲမှာ မီးမဖြတ်ခင်မြင်ရတဲ့ ရွှေကုက္ကိုလ်ညမြင်ကွင်းဆိုပြီး လုပ်သွားခဲ့တာ။

ဒီနေရာမှာ ထိုင်းရွှေ့သွားတဲ့ အကွက် သိပ်လှတယ်။ တကယ်ဆို ဒီစီမံကိန်းက ဘာတွေ လုပ်နေတယ်ဆိုတာ ဗဟိုက အတိအကျမသိရင်တောင် နယ်စပ်ဒေသ အာဏာပိုင်တွေက မသိစရာ အကြောင်းမရှိဘူး။ သိလို့၊အကျိုးအမြတ်တွေ နင့်နေအောင်ရလို မီးလည်း ရောင်းထားတယ်။ အင်တာနက်လည်း ရောင်းထားတယ်။ မီးဖြတ်ဖို့ကိုတောင် လွှတ်တော် တင်သွင်းရတဲ့အထိ ဝေစားမျှစား စနစ်ကွန်ရက်က အားကြီးလွန်းတယ်။

တရုတ်နာမည်ကြီး မော်ဒယ်လွတ်လာပြီးတဲ့နောက်မှာ ခပ်စိတ်စိတ် လူပျောက်သတင်းတွေ ထွက်လာတယ်။ တရုတ်ဘက်က လုံခြုံရေးတာဝန်ရှိသူတွေကို ဖိတ်ခေါ်ပြီး မြဝတီဘက်ကို လက်ညိုးထိုးရင်းနဲ့ နာမည်လှလှ ယူသွားတယ်။ ဒီကြားထဲ ပြည်ပက အထူးသဖြင့် တရုတ်ခရီးသွားတွေ ထိုင်းကို မလာတော့မှာစိုးလို့ လုံခြုံရေး Save ဖြစ်ပါတယ်ဆိုတဲ့ ကမ့်ပိန်းတွေ လုပ်ပြတယ်။ ယုတ်စွ အဆုံး ဝန်ကြီးချုပ်ကိုယ်တောင် ကျားဖြန့် ဂိုဏ်းက ဖုန်းဆက် ငွေ ညှစ်ပါတယ်ဆိုပြီး လုပ်ပြတယ်။

ခုလည်း တရုတ်ဘက်က ထိပ်ပိုင်းခေါင်းဆောင်နဲ့ ဝန်ကြီးချုပ် မတွေ့ခင်မှာ မြဝတီဘက်ကို မီးပေးတာတွေ ရပ်မယ်ဆိုပြီး ပုံကြီးချဲ့ပြတယ်။ ဗမာလိုပြောရရင် နေရာ ဝင်ယူတယ်လို့ ဆိုရမလားပဲ။ ဒီကြားထဲ KNU က စောကွယ်ထူးဝင်းရဲ့ ကျားဖြန့်ပစ္စည်းတွေကို ထိုင်းရဲတပ်ဖွဲ့က ကြားဖြတ် ဖမ်းဆီးထားတဲ့ ကိစ္စလည်း ဖြစ်ထားတယ်။

အကုန်လုံးခြုံကြည့်ရင် တိုင်းရင်းသား အရည်ခြုံထားပြီး NCA လက်မှတ်ထိုးထားတဲ့ ကရင်လူထု ကိုယ်စားပြု KNU လည်း သောက်ရှက်ကွဲတာပဲ။ မြေငှား စာချုပ်မှာ လက်မှတ်ထိုးထားတဲ့ အဖိုးအခတွေကို ဘယ်နေရာမှာ သုံးသလဲ ဆိုတဲ့ မေးခွန်းတွေရှိလာတယ်။ အဖိုး စောစေးမူးတူး လက်ထပ်မှာ ဒေသဖွံ့ဖြိုးရေးအတွက် နိုင်ငံတော်က ခွင့်ပြုခဲ့တာက ကရင်လူမျိုးတွေ အလုပ်လက်မဲ့ မဖြစ်စေတဲ့ SME အခြေခံ အဆောက်အဦ တွေ ဖြစ်စေချင်ခဲ့တာ။ ဒါပေမယ့် သိတဲ့အတိုင်း ဘိန်းမစိုက်ရင် ဒူးစရိုက်ပေါင်းစုံ လုပ်တတ်တဲ့ ငတိတွေက ပိုက်ဆံ ဘယ်လို လွယ်လွယ် ရမလဲ ဆိုပြီး ဖြတ်လမ်းနည်း တွေးမိခဲ့ပုံပဲ။

ခုတော့ မြဝတီက ကျားဖြန့်တွေ အသိုက်ပြောင်းတယ်လို့ ကြားမိတယ်။ တကယ်ဆိုရင် ဒီလို ဖြစ်စဉ်မျိုးမှာ ထိုင်းထက် ကိုယ်တွေကတောင် လုပ်တတ်ရင် လုပ်ကွက် ထွက်မယ့်အခြေအနေမျိုး။ ခက်တာက ကရင်လက်နက်ကိုင်တွေကြားက ပတ်သက်ဆက်နွယ်မှုက ဘာရှိနေမှန်းမှမသိဘဲ။ ကံကောင်းပါစေပေါ့။

(နရီမိုး)

Stress ဆိုတာ အားလုံးသိတဲ့အတိုင်း လူတိုင်းမှာ ရှိတယ်။

စိတ်ဖိစီးမှုတွေဟာ လူတိုင်းမှာရှိတယ်။အဆင်ပြေ တဲ့လူမှာ မရှိဘူး ထင်ကြတယ်။

လူတိုင်းအဆင်ပြေတာလည်း မဟုတ်ဘူး။ အဆင် ပြေတယ်၊ချမ်းသာတယ်ဆိုတဲ့ လူတွေမှာလည်း stress ရှိတာပဲနော်။ပိုတောင်များသေးတယ်။

သူတောင်းစားမှာတော့ stress သိပ်မရှိဘူး၊သူက ခွက်ပျောက်သွားမှာလည်း မကြောက်ရဘူး။

သူက လွယ်လွယ်နဲ့ တောင်းစားလို့ရနေတဲ့ နေရာ မျိုးဆိုရင် သူ့မှာ stress ရှိချင်မှရှိတာနော်။

Stressဖယ်ရှားပစ်တယ် ဆိုတဲ့နေရာမှာ နည်း လမ်း ဆိုတာရှိတယ်။

အဲဒီနည်းလမ်းက ဘာလဲလို့ဆိုရင် သဘာဝတရား တစ်ခုခုပေါ်မှာ အာရုံစိုက်မှု သမ္မာသတိ နောက်က လာတယ်။

စိတ်ကလေးကို အာရုံတစ်ခုခုအပေါ်မှာ ငြိမ်အောင် ထားမှု-သမ္မာသမာဓိ ဒီနှစ်ခုနဲ့ ဖြစ်ပေါ်လာတဲ့ stress ကို လျှော့ချပေးမယ်။

နောက်ဆုံးမှာ ဖယ်ရှားပေးမယ်။

ဆိုပါစို့ stress ဆိုတာတွေးမိလို့ဖြစ်တာကို၊ stress ဖြစ်ဖို့အကြောင်းအရာတစ်ခုကို ကိုယ်က တွေးတယ်။

အဆင်မပြေတာတွေတွေးပြီး စိတ်ပူနေတယ်၊အဲဒီ

အဆင်မပြေတာတွေကိုမတွေး နဲ့၊သူ့ရဲ့အစား နောက်ထပ် တွေးစရာလေးတစ်ခုရှာလိုက်မယ်။

ဆိုပါစို့၊တခြား မတွေးချင်ဘူးဆိုရင် ကိုယ့် နှာခေါင်း က လေထွက်နေတာ၊ဝင်နေတာ၊ ထွက် လေ ဝင်လေလေးကို စိတ်စိုက်ထားလိုက်မယ်။

ကျန်တာတွေကို မေ့ပစ်ထားလိုက်တယ်၊ ထွက် လေဝင်လေလေးပဲ အာရုံစိုက်ပြီး ထွက်လေ ဝင်လေလေးပေါ်မှာ သတိနဲ့နေမယ်။

ထွက်လေ ဝင်လေလေးပေါ်မှာ စိတ်ငြိမ်အောင် ထားမယ်။
ကြိုးစားတယ်-သမ္မာဝါယာမ၊

ထွက်လေ ဝင်လေ လေးရဲ့ သဘောကိုသာ စဉ်းစားတယ်-သမ္မာသင်္ကပ္ပ။
ထွက်လေ ဝင်လေလေးရဲ့ သဘာဝကိုသိလာတယ်
-သမ္မာဒိဋ္ဌိ။

ဆိုတော့ဒီငါးခုပဲ။ ဒီငါးခုက ပေါင်းစုပြီးတော့ အလုပ်လုပ်နေပြီ။

ထွက်လေ ဝင်လေလေးနဲ့ ကိုယ့်မှာ နေတတ်လာ
ပြီ။

ကျန်တာတွေကို မေ့ထားလိုက်ပြီဆိုရင် stress
ပျောက်သွားပြန်ရော။

ပြန်သတိရရင် ပြန်ပေါ်လာဦးမှာပဲ။

အဲဒီတော့ ပြန်သတိမရအောင် အဖြေကို ကိုယ်က ထုတ်နိုင်မယ်၊မဖိစီးနိုင်တော့ဘူးပေါ့။

အဲဒီတော့ ဖိစီးလာပြီ ဆိုတဲ့အခါမှာ ဆင်ခြင် စဉ်း စားမှု ဆိုတဲ့ သမ္မာသင်္ကပ္ပ က အများကြီး အရေး ပါ တယ်။

ဘယ်လိုတွေးရမလဲ?

တစ်စုံတစ်ခုကြောင့် စိတ် ဖိစီးမှုဖြစ်နေရင်...
ကဲ-ဒီစိတ်ဖိစီးမှုဟာ ဒီအကြောင်း၊ ဒီအကြောင်း ကြောင့်ဖြစ်တာ။

“ဒီအကြောင်း၊ဒီအကြောင်း ငါလုပ်သင့်တာ ကို လုပ်တယ်၊လုပ်သင့်တာကိုလုပ်တယ်၊ ငါလုပ်နိုင် တာတွေကို အားလုံးလုပ်ပြီးပြီ၊သူ့အတွက် ငါပူ နေလို့ ဘာအကျိုးရှိဦးမှာတုန်း၊မပူဘူး၊တခြား ငါလုပ်စရာရှိတာလုပ်တော့မယ်” ဟော၊ ဒီလို စဉ်းစား တာ ဒါသမ္မာသင်္ကပ္ပ။

ထွက်ပေါက်ရှာလိုက်တာပေါ့နော်၊ Exit ဆိုတာ
ရှိတယ်။

ဘယ်နေရာပဲဖြစ်ဖြစ်၊ဒီဘက်သွားနေရင်၊ စိတ်ပူ ရင် ဒီဘက်မသွားနဲ့ ၊ဟိုဘက်ကို ထွက်ပေါက်ရှာ
လိုက်တယ်။

ထွက်ပေါက်ရှာပြီးတော့ ထွက်ပေါက်နဲ့ ပြန်ပြီး လေ့ကျင့်တာ။ဒါ Exit ပဲ။

စိတ်၏ထွက်ပေါက်များဆိုတာ ရှိတယ်ပေါ့နော်။

မြတ်စွာဘုရားဟောထားတာ။

ဒေါသ ဖြစ်နေတယ်ဆိုရင် စိတ်ရဲ့ထွက်ပေါက်ဟာ
မတျတောပဲ။

လူတစ်ယောက်အပေါ်မှာ မေတ္တာထားလိုက်ရင် စိတ်ရဲ့ ထွက်ပေါက်ရသွားတယ်။

နောက်ဆုံး မေတ္တာနဲ့ ဒေါသမပျောက်ဘူးဆိုရင် ကရုဏာထား။

ကရုဏာနဲ့မပျောက်ဘူးဆိုလို့ ရှိရင် ကံတရားကို ဆင်ခြင်စဉ်းစား၊“ဪ၊ သူ့ကံနဲ့သူ၊ ငါ့ကံနဲ့ငါ ၊ငါ စိတ်ဆိုးနေလို့ ဘာဖြစ်မှာတုန်း” ထွက်ပေါက်ပဲနော်။

နောက်ဆုံး ဘယ်လိုလုပ်လို့မှ မရဘူးဆိုရင် မေ့ ထားလိုက်။

မေ့နေတဲ့အချိန်မှာတော့ ဘာမှမဖြစ်တော့ဘူး။ ဒါ က သေချာတယ်။

သတိရမှ ဖြစ်တာကိုး။

အေး stress မှန်သမျှ အကြောင်းတစ်ခုခုရှိတယ်။

အဲဒီ အကြောင်းတစ်ခုခုကို ရှောင်တိမ်းပြီး မှန်ကန် တဲ့အာရုံတစ်ခုခုပေါ်မှာ စိတ်ကို လေ့ကျင့်ပြီး...

သမ္မာသတိ၊သမ္မာသမာဓိ၊ သမ္မာဝါယာမတို့နဲ့ ကြိုး စားအားထုတ် မယ် ဆိုလို့ရှိရင် စိတ် ၏ ထွက် ပေါက် ရပြီးတော့ ခုနကကို stress လျှော့ချ နိုင်တဲ့ အနေအထားမျိုး ဖြစ်ပါတယ်တဲ့။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

? ယနေ့ဓမ္မမှတ်စု

▪️ကုသိုလ်မှန်သမျှဟာ မှန်ကန်ကောင်းမွန်စွာနှလုံးသွင်းမှုဆိုတဲ့ ယောနိသော မနသိကာရကိုအခြေခံတယ်။

▪️မနာလိုစိတ်မမွေးနဲ့၊ သာဓုမခေါ်နိုင်တဲ့ ဘဝ ရောက်တတ်တယ်။

ဘဝဆိုတာ…
အဆင်ပြေတဲ့အခါ ရှိတယ်။
အဆင်မပြေတဲ့အခါ ရှိတယ်။

▪️အဆင်ပြေတဲ့အခါ…
မမော်မကြွား ကုသိုလ်လုပ်ဖြစ်အောင် ကြိုးစားပါ။

▪️အဆင်မပြေတဲ့အခါ… စိတ်ဓာတ်မကျဘဲ
သည်းခံစိတ်ဖြင့် ကောင်းတာလုပ်ပြီး ကျော်ဖြတ်ပါ။

ပါမောက္ခချုပ်ဆရာတော်ဘုရားကြီး
#ဒေါက်တာဘဒ္ဒန္တနန္ဒမာလာဘိဝံသ
???

လောကလူအများစုဟာ အပြင်ပန်းသဏ္ဌာန်ကိုယ်ကာယကြီးကိုပဲ လှသထက်လှအောင်ပြင်ကြတယ်။

ပြင်ရင်း ပြင်ရင်းနဲ့ ပိုပြီးနုပျိုလာသလားဆိုတော့……

မဟုတ်ဘူး။

သူ့သဘာဝအတိုင်း အိုအိုလာတာပဲ။

တကယ်ပြုပြင်သင့်တဲ့အရာကတော့ “စိတ်ထား”

စိတ်ကိုပြင်လေ အထက်တန်းရောက်လေ...

စိတ်ကိုပြင်လေ အသိဉာဏ်တွေကြွယ်ဝလာလေ...

စိတ်ကိုပြင်လေ မိမိဘဝ တန်ဖိုးရှိလာလေ...

စိတ်ကိုပြင်လေ စိုးရိမ်မှုတွေနည်းလာလေ...

စိတ်ကိုပြင်လေ စဉ်းစားတတ်လေလေ...

ဆင်ခြင်တတ်လေလေ၊ သိမ်မွေ့လာလေလေ...

ဒီလိုဖြစ်လာတာ...

ဒါကြောင့်မို့ စိတ်ကိုလွှတ်မထားပဲ ကောင်းတဲ့အာရုံ ကုသိုလ်ဖြစ်စေမည့်အရာတွေနဲ့ ကိုယ့်သန္တာန်မှာနေနိုင်အောင် ပြုပြင်ကြဖို့ ပေါ့ နော်။

ကျေးဇူးတော်ရှင်ပါမောက္ခချုပ်ဆရာတော်ဘုရားကြီး
#ဒေါက်တာဘဒ္ဒန္တနန္ဒမာလာဘိဝံသ
???

တရုတ်-မြန်မာ နှစ်နိုင်ငံ လုံခြုံရေး ကုမ္ပဏီ ပူးတွဲတည်ထောင်တာဟာ ၂၀၀၈ ဖွဲ့စည်းပုံမှာပါတဲ့ မည်သည့်နိုင်ငံခြားတပ်ကိုမဆို ခြေချခွင့်မပြုဆိုတဲ့အချက်ကို ဖောက်ဖျက် တာ ဖြစ်တယ်။ MNDAA ခေါင်းဆောင်ကို အကျယ်ချုပ်ထားတယ်ဆိုတာကလည်း မြန်မာ့ပြည်တွင်းရေးကို တရုတ်အနေနဲ့ ထဲထဲဝင်ဝင် ပါဝင်ပတ်သက်နေတာ ဖြစ်လို့ ဘယ်လိုနည်းနဲ့မှ လက်သင့်မခံဘူး။ ဘလာ ဘလာ။ ???

ပုံ/

၂၀၀၈ ခြေဥအရ သမ္မတအထက်တွင် ရှိသော နိုင်ငံတော်အတိုင်ပင်ခံဘွဲ့ ဖန်တီးရယူသူများနှင့် လက်ရှိတသမ္မတ တာဝန်ထမ်းဆောင်နေတဲ့သူက ရွေးကောက်ပွဲ ကိုယ်စားလှယ်လောင်းအဖြစ် မဲဆွယ်စည်းရုံးတာက ဖွဲ့စည်းပုံ ဖောက်ဖျက်တာ မဟုတ်ဘူးဟု ထင်ကြသူများ။

မြတ်စွာဘုရားရဲ့ နဂါးရုံဘုရားလုပ်တဲ့အခါကျတော့
ဗမာပြည်က ပန်းချီဆရာ ပန်းပုဆရာတွေက
နဂါးပေါ် မြွေခေါင်းပေါ်မှာ
အမှောက်တပ်လိုက်တဲ့အခါကတော့
နဂါးနဲ့ မြွေနဲ့က တစ်ခြားစီလိုဖြစ်နေတယ်။

အေး … အိန္ဒိယကလူတွေတို့
သီဟိုဠ်ကလူတွေတို့ဟာ
နဂါးရုံဘုရားကြည့်လိုက်ရင်လည်း
မြွေဟောက်ကြီးတွေက မြတ်စွာဘုရားကို
မိုးထားတဲ့ပုံပဲလုပ်တယ်။အချွန်အတက်မပါဘူး။
အဲဒါသတိထားစရာပေါနော်။အချွန်အတက်မပါဘူး။

မုစလိန္ဒအိုင်ထဲမှာ
နဂါးရုံဘုရားဆိုပြီးတော့လုပ်တယ်
တကယ်ကတော့ နဂါးက အဲ့ဒီအိုင်ထဲမှာနေတာ
ဘုရားက အိုင်အလယ်ကောင်မှာမဟုတ်ဘူး
ကျည်းပင်အောက်က မြတ်စွာဘုရားက သီတင်းသုံးတာ
အိုင်ထဲက( ရေကန်ထဲက )နဂါးက တက်လာပြီးသော
မြတ်စွာဘုရားကို နေမပူအောင် မိုးလုံအောင်
ဆိုပြီးတော ခန္ဓာကိုယ်ကို ပတ်ရံပြီး
အပေါ်ကဘတ်ပြင်းအုပ်ပေးထားတာ အဲဒါကို
ရေလယ်ခေါင်သွားပြီးတော
နဂါးရုံဘုရားလုပ်တယ် သဘာဝမကျဘူး။

မြတ်စွာဘုရားက
ဘယ်လိုလုပ်ကူးသွားလဲ ရေထဲကို။
တကယ်ကတော့ ကုန်းပေါ်မှာလုပ်ရမှာဖြစ်တယ်ပေါ့။
အခု ဗုဒ္ဓဂယာမှာလည်းပဲ ထို့အတူပဲ။
ဗမာပြည်ကသွားလုပ်ထားတဲ့ မုစလိန္ဒအိုင်ထဲမှာ
နဂါးရုံဘုရား အိုင်လယ်ကောင်တည့်တည့်မှာ
သွားလုပ်ထားတာ။တကယ်ကတော့ စာထဲမှာပါတာ
အဲလိုမဟုတ်ဘူး။အိုင်ထဲက နဂါးကထွက်လာတယ်။
ထွက်လာပြီးတော ဘုရားက ကျည်းပင်အောက်မှာ
ထိုင်နေတယ်။အဲဒီ ကျည်းပင်အောက်ထိုင်နေတဲ့ ဘုရား
မိုးတွေဆွေးနေလို့ မိုးကခုနှစ်ရက်ဆွေတာ။
အဲ့ဒီမိုးရေတွေ မထိအောင်လို့ဆိုပြီးတော့
မြတ်စွာဘုရားအပေါ်ကနေ လာပြီးသော နဂါးကြီးက
အုပ်မိုးပြီးတော့နေတာဖြစ်တယ်။

ပြီးတော့ နဂါးရုံဘုရားတွေလုပ်တဲ့အခါ
နဂါးအခွေပေါ်မှာ ဘုရားထိုင်နေတာလည်း
သဘာဝမကျဘူးနော်။နဂါးကလှုပ်လိုက်ရင်
ပြုတ်မကျနေဘူးလား။နဂါးဆိုတာ လှုပ်မှာပဲလေ။
သူ့ခွေကြီး အဲတော့ အဲဒီလိုလည်းမဟုတ်ဘူး။

မြတ်စွာဘုရားကို
နဂါးက သူ့ရဲ့ကိုယ်နဲ့ထိတာ မဟုတ်ဘူး။
ဘေးကနေ ပတ်ပြီးသော ဒီတိုက်ခန်းသဘောမျိုး။
အကာအကွယ်ဖြစ်အောင် လုပ်ပြီးတော့
လေမတိုက်အောင် မိုးမထိအောင် နေမပူအောင်ဆိုတဲ့
ရည်ရွယ်ချက်နဲ့ နဂါးက ဖန်ဆင်းပြီးတော့
အပေါ်က သူ့ဘတ်ပြင်းကြီးအုပ်ထားတော့
မိုးလုံလေလုံဖြစ်နေတယ်။
အဲ့ဒီလိုပုံမျိုးလုပ်ရမှာ အမှန်ပေါနော်။

နဂါးရုံဘုရား နဂါးရုံဘုရားနဲ့
တစ်ချို့လည်း နဂါးကတစ်ကောင်ထဲ အားမရတော့
နဂါးခြောက်ကောင်တို့ သုံးကောင်တို့ ကိုးကောင်တို့
ကိုယ့်စိတ်ကူးရှိရာ ကိုယ်လုပ်ကြတာပေါနော်။

တကယ်အစစ်အမှန်ကတော့
မုစလိန္ဒအိုင်ထဲမှာ နဂါးတစ်ကောင်ထဲပါပဲ။
နဂါးဆိုသည်မှာ မြွေဟောက်ကြီးတွေကိုခေါ်တာပါပဲ။
ဘတ်ပြင်းကြီးနဲ့ အုပ်နေတဲ့မြွေဟောက်
ခေါင်းပေါ်မှာလည်း အချွန်အတက်မရှိပါဘူး။
နို့မို့ဆိုရင် အချွန်တက်နဲ့ တောင်ထိုးမြှောက်ထိုး
ထိုးကုန်မှာပေါ့။နဂါးက အချွန်အတက်မရှိဘူး။

ကျေးဇူးတော်ရှင် ပါမောက္ခချုပ်ဆရာတော် ဒေါက်တာ အရှင်နန္ဒမာလာဘိဝံသ
???

ဒီနေ့ ကျလန် ထိုးထားတဲ့ ရဲကင်း တခုကို တွေ့ရင်း ပြုံးမိတယ်။

ခေတ်က မတူတော့ဘူး။ တိုက်ပွဲ ပုံစံ စနစ်က အစ ပြောင်းလဲလာတယ်။ ခံစစ်ကျင်းကို ဘယ်လောက် ကျင်းနက်နက်တူးတူး ဒရုန်း ဒဏ်ကို မခံနိုင်တော့ဘူး။ ကိုယ်တွေ နည်းနာခံခဲ့ရတဲ့ ခံစစ်က ကျလန် ၃ ထပ်နဲ့ မိုင်း ကွင်းပဲ ရှိခဲ့တယ်။ ဘယ်ရှေ့တန်းတပ်မှာမှ ကွန်ကရစ် ဘန်ကာ မရှိဘူး။ ဒါကြောင့်လည်း ခေတ်သစ် နည်းပညာကို မယှဉ်နိုင်တာတွေ့ရတယ်။ ဒါတောင် ရန်သူက ဘက်ဟိုးသုံးပြီး ခံစစ်ကျင်း တူးနေချိန်မှာ ကိုယ်က ပေါက်ပြား‌နဲ့တူးနေတုန်းဆိုရင် စဉ်းစားသာကြည့်တော့။

ပိုဆိုးတာက အတွေးဟောင်းနေတဲ့ အယူအဆတွေပဲ။ တခါလာလည်း .... ငါတို့တုန်းက ဆိုပြီး ရိက္ခာ ၂ ပတ်စာ ကျောပေါ်တင်ပြီး ၆ လုံးပေး မောင်းချင်နေကြတုန်း။ ရန်သူက 4 Wheel နဲ့။ ဆိုင်ကယ်နဲ့။ ကိုယ်တွေက ခြင်းကြားနဲ့ရိက္ခာနဲ့။ နည်းပညာခေတ်မှာ ဂြိုလ်တုသုံးပြီး အကဲကြည့်နေချိန်မှာ လှုပ်ရှားထွက်မှ နယ်မြေထိန်းနိုင်မယ်လို့ ယူဆနေကြတုန်း။ တကယ်တော့ လှုပ်ရှားထွက်တာကို အပြစ်ဆိုလိုချင်တာ မဟုတ်ဘူး။ နည်းပညာသာ အားသာရင် အခြေအနေဖန်တီးနိုင်ခွင့် ပိုများတာကို နှိုင်းယှဉ်ပြချင်တာမျိုး။

ကိုယ်က မပည ပေးပြီး အမြှောက် ၁၀ ချက်ထုမှ တလုံး မှန်မယ့်အခြေအနေမှာ...ရန်သူက Drone ၅ စီးတက်ပြီး တစီးကို ဗုံးသီး ၅ လုံးလောက် ချိတ်ဆွဲထားတဲ့ အခြေအနေမျိုးကို ဒီဘက်ခေတ်မှာ မြင်ရတယ်။ .ပေါင် ၅၀၀ ဗုံးသုံးဖို့ ၅ မိုင်လောက်ကတည်းက လေယာဉ်သံကြားလို့ ကြိုပြေးပုန်းဖို့ အချိန်ရှိနေတဲ့ ရန်သူဟာ ....ကိုယ်တွေထက်တော့ တပမ်းသာနေတာအမှန်ပဲ။ ဒါတောင် စစ်သားစိတ်ပီသတဲ့ ကိုယ့်စစ်သည်တွေဟာ လူပေါင်း ရာချီ ဝင်လုံးတာတောင် ကြံ့ကြံ့ခံနေတာမျိူး။ ဥပမာ ဖာပွန်နဲ့ လက်ရှိတောင်ခမ်း အခြေအနေမျိုး။

ကျလန်တွေ အသုံးဝင်ခဲ့ကြပါ့လိမ့်မယ်။ ဒီ‌ဘက်ခေတ်မှာတော့ ပိုပြင်းထန်တဲ့ စိန်ခေါ်မှုတွေကို ရင်ဆိုင်ဖို့ အသင့်ရှိရပါတော့မယ်ဆိုတာ မြေကြီး လက်ခတ် မလွဲတော့ပါဘူး။ အတွေးဟောင်းတွေ စွန့်လွှတ်ချိန် တန်ပါပြီ။

(နရီမိုး)

အင်အားအမြန်ရပြီး ဒေသကာကွယ်ရေးအတွက် အကျိုးဖြစ်ထွန်းစေချင်ရင်-

၁။ ဩဂုတ် ၁၆ မှာ ပြဌာန်ထားတဲ့ ဥပဒေကိုသုံးပြီး ဒေသကာကွယ်ရေးတပ်တွေ အမြန်ဖွဲ့။ အဲ့ဒီတပ်ဖွဲ့ဝင်တွေကို ဖွဲ့စည်းထားတဲ့ တိုင်းဒေသကြီးနဲ့ပြည်နယ်ကလွဲရင် ဘယ်မှ စေလွှတ်ခြင်း မပြုပါဘူးလို့ ကတိတ်ကဝတ်ပြု။

၂။ လိုအပ်တဲ့ စစ်သင်တန်းတွေကို နယ်မြေခံ တိုင်းစစ်ဌာနချုပ်၊ တပ်နဲ့ သင်တန်းကျောင်းကပေး။ အုပ်ချုပ်ထောက်ပံ့မှုနဲ့ ရိက္ခာ၊ လစာနဲ့ ခံစားခွင့် အထွေ‌ ထွေကို နိုင်ငံတော်က ဥပဒေပြဌာန်းပြီး အပြည့်အဝတာဝန်ယူ။ အကြမ်းဖက်တွေကို ဘယ်နှစ်နှစ်အတွင်း အပြတ်ရှင်းမယ်ဆိုတဲ့ စီမံချက်ရှိရင် သူတို့ကိုပါ နှစ်အတိအကျနဲ့ အမှုထမ်းခိုင်း။ သတ်မှတ်ထားတဲ့ ကာလနှစ်ပြည့်ရင် တရားဝင် အမှုထမ်း ပြီးကြောင်း သက်သေခံလက်မှတ် တခါတည်းထုတ်ပေး။ စစ်မှုထမ်းက စစ်မှုထမ်းဥပဒေအတိုင်း သပ်သပ် သွားပါစေ။

၃။။ EAO ထဲ ရောက်နေတဲ့ ကျောင်းသား၊ လူငယ်တွေကို ချွင်းချက်မရှိ ပြစ်ဒဏ်ကင်းလွှတ်ခွင့်ပေးပြီး အရင် ၈၈ ဖြစ်စဉ်လိုပဲ တရားဝင် ဖိတ်ခေါ်‌‌ ပေး။ ပြစ်မှုကျူးလွန်ခဲ့ရင်တောင် လူသတ်ခဲ့တဲ့ ပြစ်မှု မဟုတ်ရင် ခံဝန်ကတိနဲ့ ပြစ်ဒဏ်ဖြေလျော့ပေးမယ်ဆိုပြီး နိုင်ငံတော်ဘက်က ဖိတ်ခေါ်ပေး။ နေရာအနှံ့က လက်နက်ကိုင် ခေါင်းဆောင်တွေကို နိုင်ငံတော်အဆင့် ဆုကြေးထုတ်ပြန်ပြီး ဖမ်းဝရမ်းထုတ်။ ဒေသခံ ပသစ တွေကို လက်နက်ခဲယမ်း အပြည့်အဝ တပ်ဆင်ပေး။ ဥပမာ KIA ကို ဗျင်းချင်ရင် ရှမ်းနီကို တပ်ဆင်ပေးသလိုမျိုး။ ရှမ်းတောင်ကို ကာချင်ရင် ပအိုဝ်တွေကို တပ်ဆင်ပေးသင့်တာမျိုး။

၄။ NCA သွားနေတဲ့ အဖွဲ့တွေနဲ့ သဘောတူညီချက်တွေကို အကောင်အထည်ဖော်နိုင်ဖို့ စဉ်ဆက်မပြတ်ထိတွေ့မှုယူ။ လွှတ်တော်ပေါ်ပေါက်တာနဲ့ ချက်ခြင်း ပြင်ဆင်ပေးနိုင်ဖို့ ကတိကဝတ်တွေယူထားကြ။ NCA မပါတဲ့သူတွေကိုလည်း ပါဝင်နိုင်ဖို့ တရားဝင် ဖိတ်ခေါ်။ မလာတဲ့သူကို နောင်မှာ အပြတ်ရှင်းမယ်ဆိုတဲ့ ရာဇသံပေး။ လက်မှတ်ထိုးပြီးသားသူတွေကို မထိုးရသေးတဲ့သူတွေကြောင့် စိတ်ပျက်မသွားရအောင် သဘောတူထားတဲ့ ရလာဒ်ပိုင်း ဆိုင်ရာကို အကောင်အထည်ဖော်ပေး။

၅။ သန်းကောင်စာရင်း ပြီးရင် ရွေးကောက်ပွဲ ရည်မှန်းချက် Process ကို ပြည်သူကို အတိအကျ ထုတ်ပြန်ပေး။ တရုတ်ကလွဲလို့ တခြားရွေးချယ်ခွင့် မရှိဘူးဆိုရင်တောင် အိမ်နီးချင်း ထိုင်းနိုင်ငံသွားနေတဲ့ နိုင်ငံခြားရေးမူဝါဒမျိုးကို နမူနာယူသင့်။ တရုတ် အကျိုးစီးပွားကို ကာကွယ်မယ်၊ စီမံကိန်းတွေကို အကောင်အထည်ဖော်ဖို့ ကတိကဝတ်ပြု ပေးရရင်၊ အပြန်အလှန်အားဖြင့် လက်နက်ကိုင်ပဋိပက္ခ တွေ အမြန်ချုပ်ငြိမ်းဖို့ ဗပက ပုံစံမျိုး ဖြစ်အောင် လုပ်ပေးဖို့ တောင်းဆိုသင့်။

၆။ တပ်အင်အားကို ရနိုင်သမျှ တိုးချဲ့။ လက်နက်ခဲယမ်းကို ဖြစ်နိုင်သမျှ အဆင့်မြှင့်တင်။ အခွင့်အရေးနဲ့ ရပိုင်ခွင့်ကို လူမြင်အောင်ပါ တိုးမြှင့်ပေး။ စိတ်ဓာတ်ခွန်အားတွေ ရအောင် အောက်ခြေအထိပါ ထိတွေ့မှု ယူ။ မိခင်လို ချစ်ပြ။ ဖခင်လို မချစ်နဲ့။

(နရီမိုး)

ခုတလော One Championship Thailand ပွဲက အတွေးရသ မျိုးစုံပေးနေတယ်။ သွေးသစ် ရှုံးခဲ့တဲ့ ထိုင်းလက်ဝှေ့ကစားသမား ခွန်ဆုက ရုရှားဖိုက်တာကို အပြတ်အသတ် ရှုံးပြန်တယ်။ တချို့ ကိုယ်တွေမြန်မာတွေက ဒီဖြစ်စဉ်ကိုကြည့်ပြီး ခွန်ဆုကို နှိမ်ပြီး ရုရှားဖိုက်တာကို တခုတ်တရ ချီးကျူးနေကြတယ်။ ချီးကျူးတာက ပြဿနာ မဟုတ်ပေမယ့် ခွန်ဆု မင်းအခု ဘာတတ်နိုင်သလဲ ဆိုသလိုမျိုး မန့်တွေပါ တွေ့ရတယ်။

ဒါနဲ့ပတ်သက်ပြီး နိုင်ငံရေးဘက်နဲ့ ချိန်ထိုးကြည့်လိုက်ရင် တချို့က တရုတ်နိုင်ငံခြားရေးဝန်ကြီးလာတဲ့အပေါ်မှာ အရမ်းမျှော်လင့်ထားကြတယ်ဆိုတဲ့ စကားလုံးတွေလည်း တွေ့ရတယ်။ ကိုယ်တွေ အတွေးကတော့ ရှင်းပါတယ်။ ရှမ်းမြောက်စစ်ပွဲက တရုတ်ဗဟိုအစိုးရ မပါရင်တောင် ယူနန်အစိုးရလောက်ကတော့ မကင်းနိုင်ပါဘူး။ Drone လက်နက်တွေဆိုတာ ပြည်ပတနိုင်ငံကနေ အကောင်လိုက် ဝယ်လို့မရတဲ့ ပစ္စည်းပါ။ ဒီပစ္စည်းတွေဆိုတာ လွယ်လင့်တကူလည်း ဝယ်လို့မရသလို နည်းပညာအရလည်း အဆင့်မြှင့် ဂျန်ဘာတွေကို ရှောင်ကွင်းဖြတ်ကျော်နိုင်တဲ့အဆင့်မြှင့်တင်ထားကြတာပါ။

ကဲ ဒီတော့ ရှမ်းမြောက်စစ်မှာ တရုတ်ပါပါပြီထား။ ဘယ်လို ဘက်ကန်ကြမလဲ။ အမေရိကန်ဆိုတာ သူအဆင်မပြေတော့ရင် အာဖကန်တောင် ဒီတိုင်း ခွေးစားစား၊ ကျီးထိုးထိုး ထားခဲ့တာပဲ မဟုတ်ဘူးလား။ ခုက တရုတ်ဆိုတာ အိမ်နီးချင်း နိုင်ငံတခု။ သမ္မတ ထရန့် က်ထက်မှာ Trade War ကိုယ်တောင်အကြီးအကျယ် နွှဲခဲ့ကြတာ။ ဒီလို အင်အားကြီးနိုင်ငံကို မျိုးချစ်စိတ်နဲ့ မကြောက်တဲ့စိတ်တခုတည်းနဲ့တော့ တွန်းလှန်ဖို့ အခွင့်အရေးနည်းတယ်။

ဒီတော့ ဒီပလိုမက်တစ်အရဆိုရင် တရုတ်ဆီက တောင်းဆိုနိုင်တဲ့အချက်တွေရှိတယ်။ BRI လမ်းကြောင်းပွင့်ဖို့နဲ့ ပြည်ပနိုင်ငံ စွက်ဖက်မှု ကင်းဖို့အတွက်ဆိုရင် ရှမ်းမြောက်ဒေသဟာ နဂိုအတိုင်း ဖြစ်ဖို့လိုတယ်။ တရုတ်အနေနဲ့ ဘယ်လိုပဲ ကူညီမယ်လို့ ဆိုဆို တကယ်တမ်း တည်ငြိမ်အေးချမ်းအောင် လုပ်ရမှာက ကိုယ်တွေ အစိုးရနဲ့ တပ်မတော်ပဲ။

အပေါ်က One Championship အကြောင်းကို ပြန်ဆက်ရရင် ခွန်ဆုကို သွေးသစ်မနိုင်တာက တကဏ္ဍ၊ ခွန်ဆုက ရုရှားဖိုက်တာကို ရှုံးတာက တကဏ္ဍ။ အကုန်လုံးဟာ သပ်သပ်စီပါပဲ။ ရှမ်းမြောက် စစ်ပွဲရဲ့ နောက်ကွယ်မှာ တရုတ် ပါပါ၊ မပါပါ၊ တရုတ် ကူညီသည်ဖြစ်စေ ၊ မကူညီသည်ဖြစ်စေ ဒီနယ်မြေတွေ ပြန်ရဖို့အတွက် အားထုတ်ရမှာက အစိုးရနဲ့ တပ်မတော်ပါပဲ။ တကယ်လို့ EAO တွေရဲ့ လုပ်ရပ်အပေါ် လက်မခံလို့ တပ်မတော်ကို ကူညီမယ်ဆိုရင်တော့ Anti China ပြဿနာကို ရှောင်ပြီးသား ဖြစ်မှာပေါ့။ ပြည်ပ အထောက်အပံ့ပါတဲ့ ကျူးကျော်စစ်ဟာ အတော်လေးရှင်းရခက်ပါတယ်။ အထူးသဖြင့် ဗကပ တွေ ချုပ်ငြိမ်းသွားခဲ့ရတယ်ဆိုတာ တရုတ်ပြည်ရဲ့ မူဝါဒအချိန်းအပြောင်းကလည်း အရေးပါခဲ့သလို မြေပြင်မှာလည်း တပ်မတော်က ထိုးစစ်ပြန်ပြီး အဆင့်ဆင့် လုပ်ခဲ့ရတယ်ဆိုတာ မမေ့သင့်ပါဘူး။

တကယ်က ခွန်ဆုက ရုရှားဖိုက်တာကိုရှုံးတာ အဓိက စိတ်ဝင်စားရမှာ မဟုတ်ပါဘူး။ သွေးသစ်က ခွန်ဆုကို ဘယ်လို နိုင်အောင် ပြန်ထိုးမလဲ ဆိုတာ အဓိက ပိုကျပါတယ်။

(နရီမိုး)