But while we were busy preparing for lunch, I was suddenly
called by an older monk, who directed me to leave my team and
sweep the outside steps leading down from the kitchen.

Аммо бир куни кечки овқатга тайёрланаётганимизда, ёши катта роҳиб тўсатдан менга қараб, ошхонадан ҳовлига олиб борадиган зинапояларни супуришимни сўради.

Lunch қачондан кечки овқат бўлиб қолди? Ёки декретда ўтирган пайтим инглиз тилидаги ўзгаришлардан хабарсиз қолдиммикин?

@Shoshmasangchi...

Хатолар устида ишлаймизми?

Қуйийдаги таржимада қандай хатолар ўтганини аниқлаб, изоҳларда ўз вариантингизни қолдиринг. Зеро, амалиёт билимимизни мустаҳкамлайди.

But of course a greeting is not something that one does alone. If
you are parting from someone and she opens her arms to hug you,
holding out your hand for a handshake not only will make her
flustered, but also suggests that you want to keep some distance,
which could seem impolite.

Айтишларича, саломлашиш бир томонлама амалиёт эмас, албатта. Ва агар таниш бир қиз сизга қўлини силкитса ва сиз унга жавобан қўл узатсангиз, сиз уни нафақат хижолат қиласиз, балки одобси бўлиб кўринасиз. Қиз масофа сақлашни истаса, унинг хоҳишини ҳурмат қилинг.

#хатоларниТузатамиз

@Shoshmasangchi...

Despite oneself

Despite сўзининг inspite of ҳамда although каби "-га қарамай", "гарчи" деган маъноларини билардим. Despite oneself бўлса, бироз бошқача маънога эга экан.

- used to indicate that one didnʼt intend to do the thing mentioned.

Яъни ўзи бирор ишни/ҳатти-ҳаракатни қилмоқчи эмас эди, қилиш нияти йўқ эди.

Despite herself Frau Nordern laughed.
Шунда Нордерн хоним кулмоқчи эмас эди (лекин кулиб юборган).

#new vocab

@Shoshmasangchi...

Шунчаки "таржималар"

Children want to admire their parents.
You won’t win their admiration by being overprotective.

Болалар ота-оналарини қойил қолдиришни хоҳлашади. Болангизга ниманидир исботлаш шарт эмаслигини ўргатинг.

Ана сизга сурпризу, мана кир юватурғон мошина🥲

@Shoshmasangchi...

Сўзма-сўз таржима қилиб, ўзбек тилини сунъийлаштирмайлик.

If someone is unable to think beyond himself,
it could be because he didn’t get enough love growing up.

Агар инсон ўзидан бошқа ҳеч нарсани ўйлай олмаса, бунинг сабаби, эҳтимол, болалигида камроқ муҳаббатга эга бўлгани бўлиши мумкин.

Ўзбекчада ҳеч муҳаббатга эга бўлдим деб гапирмаймизку. Меҳр кўрдим деймиз. Шундай экан, юқоридаги гапни "етарлича меҳр кўрмай ўсгани сабаб" деб ўзгартирсак, анча ўзбекча бўлади.

@Shoshmasangchi...

Кечаги постда яна бир нарсани эсимдан чиқарибман. Магистратурада ўқиётган пайтим бир неча ой grantlar.uz сайтига ҳам кўнгилли таржимон сифатида ёрдам берганман. Буни эримга айтмадим ҳали😂

@Shoshmasangchi...

#маҳорат_мактаби

Таржимадаги яна бир катта янглиш
Русча “принимать” – энг кўп қўлланадиган, аммо ғиж-биж хато ўгириладиган сўзлардан бири. Ҳа, унинг илк маъноси – “қабул қилмоқ”дир. Аммо исталган ўринда эмас-да.

«Мы приняли решение» деган калима ўзбек тилида “Биз шундай қарорга келдик” бўлади, “Биз шундай қарор қабул қилдик” эмас. Ахир, қарорни кимдан қабул қилиб оламиз?

Шу тариқа “Парламент принял закон”ни тили бузилмаган ўзбек “Парламент қонун чиқарди” дейди, “Указ, принятый Президентом” жумласи “Президент чиқарган фармон” бўлади.

Чунки давлат раҳбари фармонни бировдан қабул қилиб олмайди. Акс ҳолда, фармон берган эмас, бажариш учун қабул қилган бўлиб қолади.

(З.Исомиддиновнинг "Тил ва таржима" мақоласидан олинди.)

@tahrir_uz

"Мен шаҳарлик боламан. Аҳолиси 3 миллион бўлган катта шаҳарда туғилиб-ўсганман. Қочиб юрган пайтларим узоқ йиллар омон қолганимнинг сабабларидан бири катта шаҳарларга бўлган муҳаббатимдир. Уларда ўзимни бағоят қулай ва хавфсиз ҳис қиламан. Янги соғилган сут тўла стаканни қўлимга олганимда шаҳарликларга хос бўлган қишлоқдан шубҳаланиш ва қўрқиш ҳислари юзага чиқди. Сут илиқ эди. Ундан сигирнинг ҳиди келаётган эди. Стаканнинг юзасида қандайдир нарсалар сузиб юргандай туюлди. Мен иккиландим. Назаримда, Луи Пастер* шундоққина орқамда туриб, елкам оша стаканга қараётган ва менга “Ўрнингизда бўлганимда, сутни аввал қайнатиб олган бўлардим, месье” деётгандек эди."

Шантарам, Грегори Дэвид Робертс

*Луи Пастер – (1822-1895) француз кимёгари ва микробиологи. Бижғиш жараёнини ўрганган ҳамда сут ва бошқа суюқликлардаги микробларни қайнатиш йўли билан ўлдириш мумкинлигини айтган олим.

Бугун мен ҳам биринчи марта кўз олдимда соғилган илиқ сутни ичарканман, ўзим таржима қилган асар – Шантарамдаги айнан шу парча эсимга келди.

@Shoshmasangchi...

Nutq shtamplari va kanselyarizmlar

4️⃣ Navbatdagi uslubiy xato turi nutq shtamplari va kanselyarizmlardir.

*? Kanselyarizm* – rasmiy uslubga xos soʻzlar, soʻz birikmalari va gap qurilishining boshqa uslublarda ishlatilishidir. Masalan:

Tinglovchilar maʼruzani maʼlumot uchun qabul qildilar. ❌

Keltirilgan noqulayliklar uchun uzr soʻraymiz. ❌**

Maʼruza rasmiy majlisdagi hisobot emas, u maʼlumot uchun qabul qilinmaydi. Noqulayliklar esa keltirilmaydi, yuqoridagi jumlada keltirilgan soʻzidan umuman voz kechish kerak.

Rasmiy uslubga xos nutq shtamplarini badiiy, publitsistik yoki axboriy matnlarda qoʻllash ularning hissiy-emotsional taʼsirini yoʻqqa chiqaradi, boʻyoqdorligini kamaytiradi.

*? Nutq shtamplari – eskirgan, boʻyoqdorligini yoʻqotgan soʻz, ibora va jumlalardir. Masalan, matnda bugunlik kunda, maqsadga muvofiq, shuni taʼkidlash oʻrinliki, shu oʻrinda aytib oʻtish joizki, sir emaski, tizimli ishlar, ob-havo noqulay kelganligi sababli kabi qolip iboralarni ishlatish uning taʼsirchanligini pasaytiradi, originalligiga zarar yetkazadi.*

Kalka tarjimalar, tilni yaxshi bilmaslik va uquvsizlik oqibatida yuzaga kelgan qolip ifodalar ham bor: toʻlovni amalga oshirdi, zarbani amalga oshirdi, qattiq qoʻnishni amalga oshirdi, boʻlib hisoblanadi, katta rol oʻynaydi, muhim rol bajaradi, dorini qabul qildi, vaksina qabul qildi, dush qabul qildi, doʻstingiz bilan ulashing.

Nutq shtampining yanglish qoʻllanishiga bir misol:

Oila jamiyatning asosiy boʻgʻini boʻlib hisoblanadi. ❌

Yuqoridagi gapda boʻlib hisoblanadi iborasi ortiqcha, hisoblanadi soʻzini qoldirish ham tahrir nuqtayi nazaridan maʼqullanmaydi. Jumlaning loʻnda va toʻgʻri shakli:

Oila – jamiyatning asosiy boʻgʻini. ✅ Oila jamiyatning asosiy boʻgʻinidir. ✅

❗️ Jumladagi jamiyatning asosiy boʻgʻini ifodasini ham bemalol nutq shtampi deyish mumkin. Qoʻllanaverib iyigʻi chiqqan, ohorini butkul yoʻqotgan.

@oriftolib