O'Reilly Media: Жаҳон илмларини ўзингизга яқин қилинг

Бир неча йил олдин китоб дўконларида IT, сунъий интеллект ёки дастурлаш бўйича ҳақиқатан фойдали манба топиш қийин эди. Кўплаб адабиётлар ё шунчаки асосий тушунчаларни такрорлар, ёки эскирган маълумотларни таклиф қиларди. Бироқ, саноатга ҳақиқий инновацияларни олиб кирган нашриёт бор эди – O’Reilly Media.

O’Reilly – бу шунчаки китоблар эмас. Бу – дунё бўйлаб миллионлаб мутахассислар ва янги ўрганувчилар учун асосий билим манбаи. Агар сиз дастурлаш, DevOps, сунъий интеллект, маълумотлар таҳлили ёки киберхавфсизлик соҳасида ишлаётган бўлсангиз, сиз O’Reilly китобларини албатта учратгансиз.

Айни дамда O’Reilly дунёнинг кўплаб мамлакатларида муаллифлик ҳуқуқлари асосида ишлайди. Ҳар йили ўнлаб янги китоблар нашр этилади ва дунёнинг энг зўр мутахассислари ўз билимларини айнан шу платформада баҳам кўради. Бу китобларни ҳозирда жаҳоннинг етакчи нашриётлари ўз тилларига таржима қилиб, минглаб ўқувчиларга етказмоқда.

Энг муҳим савол: нега бу китоблар ҳали Ўзбекистонда чоп этилмаган?

Бизда профессионал муҳаррирлар, кучли таржимонлар ва саводли ўқувчилар бор. Нега дунёда IT ва технология бўйича энг нуфузли адабиётлардан бири ўзбек тилида йўқ?

Мен айнан шу йўналишда иш бошладим. Ҳозирда O’Reilly ва бошқа етакчи нашриётлар билан муаллифлик ҳуқуқлари бўйича келишувлар тузиш ва улардан мавжуд ва яқинда нашр қилинадиган китоблар рўйхатини доимий олиб бориш жараёнидаман. Бу китобларни ўзбек тилида нашр этиш ва бу йўналишда кучли ҳамкорлик ўрнатиш – асосий мақсадим.

Агар сиз ҳам юқори сифатли IT ва технология адабиётларини ўзбек тилида нашр этишни қўллаб-қувватласангиз, ёки бу жараёнда ҳамкор бўлишни хоҳласангиз – ҳозироқ боғланинг. O’Reilly китоблари ўзбек тилида – бу бир лойиҳа эмас, бу Ўзбекистондаги IT маданиятининг янги босқичидир.

@Shoshmasangchi...

Яқин 1-2 ойда таржимасини тугатган китобимнинг бош қаҳрамонини сунъий интеллект шундай кўринишда чизиб берди. Кучли, қатъиятли, ақлли аёл. Замонавий темир йўл фонида. Қайси асар деб ўйлайсиз?

@Shoshmasangchi...

But while we were busy preparing for lunch, I was suddenly
called by an older monk, who directed me to leave my team and
sweep the outside steps leading down from the kitchen.

Аммо бир куни кечки овқатга тайёрланаётганимизда, ёши катта роҳиб тўсатдан менга қараб, ошхонадан ҳовлига олиб борадиган зинапояларни супуришимни сўради.

Lunch қачондан кечки овқат бўлиб қолди? Ёки декретда ўтирган пайтим инглиз тилидаги ўзгаришлардан хабарсиз қолдиммикин?

@Shoshmasangchi...

Хатолар устида ишлаймизми?

Қуйийдаги таржимада қандай хатолар ўтганини аниқлаб, изоҳларда ўз вариантингизни қолдиринг. Зеро, амалиёт билимимизни мустаҳкамлайди.

But of course a greeting is not something that one does alone. If
you are parting from someone and she opens her arms to hug you,
holding out your hand for a handshake not only will make her
flustered, but also suggests that you want to keep some distance,
which could seem impolite.

Айтишларича, саломлашиш бир томонлама амалиёт эмас, албатта. Ва агар таниш бир қиз сизга қўлини силкитса ва сиз унга жавобан қўл узатсангиз, сиз уни нафақат хижолат қиласиз, балки одобси бўлиб кўринасиз. Қиз масофа сақлашни истаса, унинг хоҳишини ҳурмат қилинг.

#хатоларниТузатамиз

@Shoshmasangchi...

Despite oneself

Despite сўзининг inspite of ҳамда although каби "-га қарамай", "гарчи" деган маъноларини билардим. Despite oneself бўлса, бироз бошқача маънога эга экан.

- used to indicate that one didnʼt intend to do the thing mentioned.

Яъни ўзи бирор ишни/ҳатти-ҳаракатни қилмоқчи эмас эди, қилиш нияти йўқ эди.

Despite herself Frau Nordern laughed.
Шунда Нордерн хоним кулмоқчи эмас эди (лекин кулиб юборган).

#new vocab

@Shoshmasangchi...

Шунчаки "таржималар"

Children want to admire their parents.
You won’t win their admiration by being overprotective.

Болалар ота-оналарини қойил қолдиришни хоҳлашади. Болангизга ниманидир исботлаш шарт эмаслигини ўргатинг.

Ана сизга сурпризу, мана кир юватурғон мошина?

@Shoshmasangchi...

Сўзма-сўз таржима қилиб, ўзбек тилини сунъийлаштирмайлик.

If someone is unable to think beyond himself,
it could be because he didn’t get enough love growing up.

Агар инсон ўзидан бошқа ҳеч нарсани ўйлай олмаса, бунинг сабаби, эҳтимол, болалигида камроқ муҳаббатга эга бўлгани бўлиши мумкин.

Ўзбекчада ҳеч муҳаббатга эга бўлдим деб гапирмаймизку. Меҳр кўрдим деймиз. Шундай экан, юқоридаги гапни "етарлича меҳр кўрмай ўсгани сабаб" деб ўзгартирсак, анча ўзбекча бўлади.

@Shoshmasangchi...

Кечаги постда яна бир нарсани эсимдан чиқарибман. Магистратурада ўқиётган пайтим бир неча ой grantlar.uz сайтига ҳам кўнгилли таржимон сифатида ёрдам берганман. Буни эримга айтмадим ҳали?

@Shoshmasangchi...

#маҳорат_мактаби

Таржимадаги яна бир катта янглиш
Русча “принимать” – энг кўп қўлланадиган, аммо ғиж-биж хато ўгириладиган сўзлардан бири. Ҳа, унинг илк маъноси – “қабул қилмоқ”дир. Аммо исталган ўринда эмас-да.

«Мы приняли решение» деган калима ўзбек тилида “Биз шундай қарорга келдик” бўлади, “Биз шундай қарор қабул қилдик” эмас. Ахир, қарорни кимдан қабул қилиб оламиз?

Шу тариқа “Парламент принял закон”ни тили бузилмаган ўзбек “Парламент қонун чиқарди” дейди, “Указ, принятый Президентом” жумласи “Президент чиқарган фармон” бўлади.

Чунки давлат раҳбари фармонни бировдан қабул қилиб олмайди. Акс ҳолда, фармон берган эмас, бажариш учун қабул қилган бўлиб қолади.

(З.Исомиддиновнинг "Тил ва таржима" мақоласидан олинди.)

@tahrir_uz