Luteni Allahun me emrat e Tij!

Mos u zemëro!

Ebu Hurejra (Allahu qoftë i kënaqur me të!) përcjell se një njeri i tha Profetit ﷺ: "Më këshillo!" Profeti i tha: "Mos u zemëro!" Ky rikërkonte disa herë, porse Profeti gjithnjë i thoshte: "Mos u zemëro!" (E shënon Buhariu)

Shpjegimi i hadithit:

Një nga sahabët (Allahu qoftë i kënaqur me ta!) i kërkoi Profetit ﷺ ta urdhërojë atë të bëjë diçka që do t'i bënte dobi, kështu që ai e urdhëroi që të mos zemërohej. Kjo do të thotë se ai duhet t'i shmangë arsyet që e çojnë drejt zemërimit dhe ta kontrollojë veten nëse i ndodh zemërimi, në mënyrë që të mos zgjatet zemërimi i tij e kjo të çojë drejt vrasjes, rrahjes, sharjes e të ngjashme.

Ky njeri e rikërkoi porosinë disa herë, por Profeti ﷺ nuk shtoi në porosi më shumë se: "Mos u zemëro!"

Mësime nga hadithi:

🌱 Paralajmërimi ndaj zemërimit, sepse ai është tubuesi i të gjitha të këqijave dhe largimi nga ai është tubuesi i çdo të mire.

🌱 Zemërimi për Allahun është kur zemërohemi kur nëpërkëmben ndalesat e Tij, e ky është zemërim i lavdëruar.

🌱 Bën të përsëritet fjala kur është e nevojshme, derisa dëgjuesi të jetë i vetëdijshëm për të dhe ta kuptojë rëndësinë e saj.

🌱 Vlera e kërkimit të këshillës nga dijetari.

Përktheu: Hoxhë Burim Koçinaj

https://t.me/hoxheburimkocinaj

Shpërndaje me të tjerët!

Po fillojmë pas pak inshaallah

Pesë këshilla me rëndësi, për atë që ndjek rrugën për të kërkuar dituri

1. Syno me kërkimin e diturisë largimin e paditurisë nga vetja dhe nga të tjerët.

2. Fillo me mësimin e çështje bazë të fesë, e pastaj çështjeve të tjera.

3. Mos mungo në ligjëratat e hoxhallarëve; ji i vëmendshëm e mos u angazho me asgjë tjetër gjatë ligjëratës, se privohesh nga dituria.

4. Dobitë që i përfiton, shkruaji, sepse dituria që nuk shkruhet dhe nuk përsëritet, harrohet.

5. Atë që e mëson, praktikoje dhe mësoja të tjerëve!

https://t.me/hoxheburimkocinaj

Harami mbetet haram, edhe nëse të gjithë e veprojnë,
Harami mbetet haram, edhe nëse emrin ia ndryshojnë.

https://t.me/hoxheburimkocinaj

Po fillojmë inshaallah

Ndër faktorët që ndihmojnë për faljen e namazin të sabahut në kohë, janë:

1. Nijeti i sinqertë dhe dëshira për të kryer namazin për hir të Allahut të Madhërishëm.

2. Lutja drejtuar Allahut të Madhëruar të të ndihmojë të ngrihesh për namazin e sabahut.

3. Të shkosh për të fjetur herët pas namazit të jacisë. Fjetja pas jacisë është një porosi profetike.

4. Në vazhdimësi të thuhet dhikri para gjumit.

5. Braktisja e mëkateve.

Përkthim

https://t.me/hoxheburimkocinaj

Imam Ahmedi ka thënë:
"Bazat e Islamit vërtiten rreth tre haditheve:

1. Hadithit që përcillet nga Omeri: "Vërtet veprat vlerësohen sipas qëllimeve."
2. Hadithit që përcillet nga Aisheja: "Atij që shpik në fenë tonë diçka që nuk është prej saj, do t'i refuzohet."
3. Hadithit që përcillet nga Numan ibn Beshiri: "Vërtet hallalli është i qartë dhe harami është i qartë."

Ibn Raxhebi, "Xhamiul ulumi uel hikem", 1/61.
Përkthim
https://t.me/hoxheburimkocinaj

Mëkatet e çojnë robin në përfundim të keq. Ibn Dekik el Idi e ka përmendur se: Ngrënia e kamatës është provuar se është shenjë e përfundimit të keq, e po ashtu edhe përgojimi, thashethemet dhe gjurmimi i gabimeve të njerëzve. Ata që i qortojnë e i fyejnë këta njerëz, do të sprovohen me përfundim të keq.

Përkthim
https://t.me/hoxheburimkocinaj