Ёшлар, тил ўрганинг, давлат ссуда ва грантлар беради.

Президент ташаббуси билан хорижий тилларни ўрганишни қўллаб-қувватлаш мақсадида қуйидаги имкониятлар яратилмоқда:

120 миллион сўмгача фоизсиз ссуда:
Агар сиз “С-1 даражаси” билан чет тилини мукаммал ўзлаштирган бўлсангиз ва олис ҳудудларда ўқув маркази очмоқчи бўлсангиз, давлат сизни қўллаб-қувватлайди. Бу маблағ махсус жамғарма орқали ажратилади.

Чет тилини ўрганмоқчи бўлган ёшларга грант

Энди хусусий ўқув марказларида тил ўрганаётган ёшлар учун янги тизим жорий этилмоқда:
2+6 тизими – дастлабки 2 ой ёшлар ўз ҳисобидан, кейинги 6 ой харажатларини давлат қоплаб беради.

100 минг нафар ёшга “B-2 даражаси”да ўқиш имконияти.
Ушбу янги дастур орқали 100 минг ёш хорижий тилларни мукаммал ўзлаштириб, келажагига йўл очади.

Давлат раҳбари ташаббуси билан ёшларнинг дунёга чиқиши, билимли ва рақобатбардош бўлиши учун тарихий қадам ташланмоқдa. Ташаббуслардан фойдаланиб қолинг. Тил билган киши кўчада қолмайди.

@shahnozxon

*🚀 96 000 dan ortiq ayollar TBC Bank ko‘magida o‘z biznesini rivojlantirmoqda*

2024-yilda O‘zbekistonda 96 mingdan ortiq ayollar TBC Bank kreditlari yordamida o‘z bizneslarini rivojlantirish uchun mablag‘ jalb qildilar.

Ayollar kichik do‘konlar va novvoyxonalardan tortib ishlab chiqarish tsexlari va IT-startaplargacha bo‘lgan turli xil loyihalarni ochmoqda va kengaytirmoqda. Tadbirkorlikka qiziqish ortib bormoqda va moliyalashtirish imkoniyati yangi g‘oyalarni ishga tushirish hamda mavjud biznesni mustahkamlashga yordam bermoqda. 💪🏻

Siz-chi, biznesingizni rivojlantirishga tayyormisiz?

Tafsilotlar havola orqali:
https://app.tbcbank.uz/SfqR/ebhsaejn
Reklama

USAID тугатилиши ортидан грантлар назорати кучаядими?

АҚШ Ҳукумати самарадорлик департаменти раҳбари Илон Маск USAID агентлиги тугатилишини ва уни қайта тиклаш режаси йўқлигини маълум қилганди. Билишимча, агентлик неча йиллардан буён Ўзбекистонда ҳам таълим, соғлиқни сақлаш, тадбиркорлик ва иқтисодий ривожланиш каби соҳаларга 500 миллион долларга яқин грант ажратиб келарди. Энди унинг йўқолиши бу соҳаларга қандай таъсир қилади, деган савол туғилиши турган гап.

USAID билан боғлиқ вазият фонида Қонунчилик палатаси депутати Нодир Тилаволдиев хорижий грантлар устидан назоратни кучайтириш таклифини илгари суряпти. Унинг фикрича, бу орқали жамиятга ёт мафкура ва ғоялар кириб келишининг олди олинади.

Шу билан бирга, грантлар шаффофлиги таъминланиб, уларнинг қандай ва қайси мақсадда ишлатилаётгани устидан ҳам аниқ назорат ўрнатиларкан. Бунда, грантлар шаффофлиги ва назоратнинг қай даражада ва қандай механизмлар орқали амалга оширилиши муҳим деб ўйлайман.

@shahnozxon

Қизим билан суҳбатдан:
– Ойи, кимга ишониш керак?

– Қизим, мен ҳаётда жуда кўп одамга ишондим, ишончимни оқлаганлар ҳам бўлди, оқламаганлар ҳам. Аммо ҳеч қачон панд бермаган, доим ишонсам уялтирмаган биттагина одам бор – бу ўзим! Одамларга ишон, майли, қизим, аммо ўзингга ҳаммадан кўпроқ ишон.

#shaxsiyfalsafa

@shahnozxon

Ноқонуний тамаки маҳсулотлари ҳақида anhor.uz сайтида яхши мақола чиқибди.

Сўнгги йилларда Ўзбекистон тамаки бозорида жиддий ўзгаришлар кузатилмоқда. 2021-2023 йилларда мамлакатимизда ноқонуний тамаки маҳсулотлари савдоси кескин ошиб, 2020 йил сентябрдаги 4,3 фоиздан 2023 йил июлига келиб 24,8 фоизгача кўтарилди. Бу маҳсулотларнинг асосий қисми Дубай орқали келтирилган контрабанда ҳисобланади.

БОЗОРДАГИ ҲОЗИРГИ ҲОЛАТ:
2024 йилга келиб вазият бирмунча яхшиланиб, ноқонуний савдо улуши 10,8 фоизгача тушди. Бу ижобий ўзгаришнинг асосий сабаблари:

1. Солиқ сиёсатидаги ўзгаришлар:
   - акциз солиғи ошиши секинлаштирилди;
   - қўшилган қиймат солиғи 15 фоиздан 12 фоизга туширилди;
   - импорт тамаки маҳсулотларига акциз солиғи камайтирилди.

2. Давлат назоратининг кучайтирилиши:
   - бош прокуратура қошида хуфёна иқтисодиётга қарши курашиш бошқармаси ташкил этилди;
   - ҳуқуқни муҳофаза органлари томонидан назорат кучайтирилди;
   - рақамли маркировкани текшириш тизими жорий этилди;
   - транзит юкларга депозит тўлови талаби қайта тикланди.

ХУФЁНА САВДОНИНГ САЛБИЙ ТАЪСИРЛАРИ:
1. Давлат бюджетига зарар:
- 2023 йилда фақатгина акциз ва ҚҚС нинг ўзи билан 1 триллион сўм йўқотилган;
- 2024 йилда бу тахминан 700 миллиард сўм бўлиши кутилмоқда.

1. Иқтисодий зарарлар:
   - маҳаллий ишлаб чиқарувчилар ишлаб чиқариш ҳажмини кенгайтира олмаяпти;
   - иш ўринлари қисқариш хавфи мавжуд;
   - соҳага инвестициялар камайиши кузатилмоқда;
   - ишлаб чиқариш қувватларидан тўлиқ фойдаланилмаяпти.

2. Истеъмолчилар учун хавф:
   - ноқонуний маҳсулотлар сифати назоратдан ташқарида
   - никотин ва смола миқдори рухсат этилганидан бир неча баробар юқори
   - маҳсулотнинг келиб чиқиши ва таркиби номаълум

ЭҲТИМОЛИЙ ХАВФЛАР:
2025 йилда режалаштирилаётган акциз солиғининг кескин ошиши қуйидаги оқибатларга олиб келиши мумкин:
- ноқонуний савдонинг яна кўпайиши;
- қонуний ва ноқонуний маҳсулотлар нархлари ўртасидаги фарқнинг ошиши;
- истеъмолчиларнинг арзон, аммо хавфли ноқонуний маҳсулотларга ўтиши;
- давлат бюджетига тушумларнинг камайиши.

ХУЛОСА:
Тамаки бозоридаги хуфёна савдони камайтириш учун мувозанатли солиқ сиёсати, самарали назорат чоралари ва узоқ муддатли стратегия зарур. Акциз солиғини кескин ошириш эса вазиятни янада мураккаблаштириши мумкин.

@shahnozxon

Депутатлар болалар манфаатлари ҳимоясида

Андижонда мактаб ўқувчиларини уч кунлик ҳарбий хизматга жалб қилиш ҳақидаги гаплар ижтимоий тармоқларда кенг муҳокамага сабаб бўлганди. Масала бўйича Қонунчилик палатаси депутати Шерзод Қулматов ўз муносабатини билдириб, бундай ташаббусларнинг қонунийлиги ва мақсадга мувофиқлигини қайта кўриб чиқишни таклиф қилди.

Депутат аралашганидан кейин мактабдаги бу ҳолат бекор қилинди. Энди болалар мактаб дарсликларидан чалғимай, ҳарбий хизматга ўз вақтида, 18 ёшдан борадиган бўлишди.

Ўқувчиларга ватанпарварлик руҳида тарбия бериш муҳим, буни инкор қилмайман. Лекин бу жараён ўқувчиларнинг таълим сифатига, соғлиғи ва хавфсизлигига салбий таъсир кўрсатмаслиги керак. Депутатларнинг болалар манфаатлари учун бундай жонкуярлиги давом этади деб умид қиламан.

@shahnozxon

Д И Қ Қ А Т Э Ъ Л О Н !

Божхона қўмитаси ҳудудий бошқармалар божхона постларидаги бўш лавозимларга хизматга қабул қилиш бўйича танлов эълон қилади.

Мазкур лавозимларга танлов асосида Ўзбекистон Республикаси фуқаролари, ёши ўн еттидан кам бўлмаган ва ўттиздан ошмаган,
ўзининг шахсий, ишчанлик ва ахлоқий сифатлари, соғлиги ва жисмоний тайёргарлиги даражасига кўра божхона органи ходимининг хизмат вазифаларини бажаришга қодир, бўйи 165 см.дан кам бўлмаган олий маълумотга эга ЭРКАКЛАР (20 нафаргача) ҳамда бўйи 160 см.дан кам бўлмаган олий маълумотга эга ХОТИН-ҚИЗЛАР қабул қилинади.

Танловда иштирок этмоқчи бўлган хотин-қизлар Андижон, Наманган, Фарғона, Сирдарё ва Сурхондарё вилоятларида доимий яшашлари, эркак номзодлар эса муддатли ҳарбий хизматни ўтаган ёки сафарбарлик чақируви резервида хизмат қилган ёхуд олий таълим муассасаларида ҳарбий тайёргарликдан ўтган бўлишлари лозим.

Номзодлар чет тилларидан бирини мукаммал билиши лозим.

Ўзбекистон Республикасининг “Давлат божхона хизмати тўғрисида”ги Қонунининг 13-моддасига кўра, муомалага лаёқатсиз ёки муомала лаёқати чекланган деб топилган, хизматни ўташга монелик қиладиган касаллиги ёки жисмоний нуқсонлари бўлган, бошқа давлат органларидан салбий сабабларга кўра бўшатилган, содир этган жинояти учун илгари ҳукм қилинганлар, қўлланилган жазо туридан, судланганлик ҳолати тугатилганлигидан ёки олиб ташланганлигидан ва ўзига нисбатан амнистия акти ёки афв этиш қўлланилганлигидан қатъи назар ёхуд ярашув муносабати билан жиноий жавобгарликдан озод қилинган фуқаролар хизматга қабул қилинмайди.

Юқоридаги талабларга мос келмаган, саралаш босқичларидан ўта олмаган ёки ўзи ва яқин қариндошлари тўғрисида била туриб нотўғри маълумотлар берган, шунингдек белгиланган ҳужжатларни белгиланган муддатда тақдим этмаган номзодларни хизматга қабул қилиш рад этилади.

Танловда иштирок этиш аризалар жорий йилнинг 13 декабрига (шу куни ҳам) қадар https://customs.uz/uz/services/vacancy ҳаволаси орқали онлайн қабул қилинади.

Танлов бўйича қўшимча маълумотлар билан танишиш ҳаволаси: https://new.customs.uz/uz/services/vacancy/questions

Қўшимча маълумотлар учун ҳудудий бошқармаларнинг телефон рақамлари: https://new.customs.uz/public/docfiles/1690367527.pdf

Бугун қорақалпоқ тилига давлат тили мақоми берилган кун

1989 йил 1 декабрда қорақалпоқ тили “давлат тили” мақомига эга бўлди

Қорақалпоқ тили туркий тиллар оиласининг қипчоқ гуруҳига киради. У қозоқ ҳамда нўғой тилларига яқин. Тилда шимоли-шарқий ва жануби-ғарбий лаҳжалар бор.

Бу улкан фольклор хазинасига эга тил. Дунёга Бердақ, Ажиниёз, Ибройим Юсупов, Тўлепберген Қайипберганов, Муратбай Низанов каби оташқалб, айни дамда инжа дидли адиблар қалами билан буюк асарлар тақдим этган тил. Бугунги кунда Холилла Давлатназаров, Набийра Торешова каби яна қатор адиблар асарларида товланиб яшнаетган тил. Гўзал тил!

Байрам муборак бўлсин, азиз Қорақалпоқ эли, қардошлар.@shahnozxon

Парклар ва хиёбонларни хусусийлаштириш тақиқланиши мумкин

Охирги пайтларда парклар ва дарахтзорларни хусусийлаштириш, уларнинг ҳудудини қисқартириш ва бошқа мақсадда фойдаланишга уринишлар кўпайди. Бунинг олдини олиш учун қатъий чоралар етарли эмас эди.

Хиёбонларни хусусийлаштиришни тақиқлаш бўйича ташаббус бугун Парламентда қонун лойиҳаси сифатида муҳокама қилинмоқда.

Қонун лойиҳасига кўра, маданий ҳордиқ масканларини, уларнинг ерларини ҳамда ушбу ерлардаги бино-иншоотни бегоналаштириш, маданий ҳордиқ масканлари ҳудудини қисқартириш, уларда бино-иншоот қуриш ёки мавжуд бино-иншоотни қурилиш ости майдонини кенгайтириш тақиқланади.

Бу турдаги ҳуқуқбузарликларни содир этганлик учун жиноий жавобгарлигам кучайтириларкан.

Нафақат биз, балки келажак авлод учун ҳам манфаатли лойиҳа экан. Қабул қилинсин ва шу йўлдаги ишлар давомли бўлсин деймиз.