Документ от SaRa Kodanova

Күніне тоқсан түрлі бәле жауса,
Сондада үміт үзбе бір Алладан.

Яссауи тобы хикметінен

Қыдыр атадан жеткен дұға

Пенделеріңнің сұрағанын шатаспай тыңдайтын я Раббым.
Құлдарыңның көп сұрауынан жаңылмаған я Раббым.
Құлдарыңның қарсы шыққанына әсерленбеген я Раббым.
Бізді мейіріміңнен мақрұм қыла көрмеші.
Бізді дұғасы қабыл болған құлдардан қылшы.

Әр намаздан соң осы дұғаны айтсаңыз Алла барлық күнәңізді кешеді деді*.

✍? Рамазан Әл Бути насихатынан үзінді*

Алланың сәлемі болсын! Жұма күні салауат көптеп айтайық! Жұма күнінің сүннеттері жоғарыда ⬆️

Неге ренжиміз?

Сен "маған" қалай-қалай сөйлейсің?
Неге "мені" ренжітесің?
"Мені" кім деп ойлайсың?

Бұл жерде "мен, мен" деп тәкаппарлық тұр. Яғни қалайша "маған" былай сөйлейді деп, адам бәлкім тәкаппармын деп ойламауы мүмкін, бірақ тәкаппарлық ішінде, өзінде сөз көтере алмайды, себебі менмендігі бар...
Ал адам топырақ мінезді болғанда, яғни құл екенін біліп, әр адамның сөйлеуінің артында Алланы көрсе, және топырақ мінезді болса яғни кішіпейіл болғанда ғана дәрежесі көтеріле береді... Әулиелік қасиет бәлкім...

Жәбірейіл періштенің үш дұғасы

Әнәс ибн Мәликтен (Алла одан разы болсын) жеткізілген мына бір хадисте: «Алла Елшісі (оған Алланың салауаты мен сәлемі болсын) мінбердің бірінші баспалдағына шығарда «әмин» деді. Екінші баспалдаққа шығарда тағы «әмин» деді. Үшінші баспалдаққа шығар кезде де «әмин» деді де,кейін мінбердің ең жоғарғысына шығып отырды. Сол кезде Муаз ибн Жәбәл (Алла одан разы болсын);

– «Уа Алланың Елшісі! Мінберге шығарда неге үш рет «әмин» дедіңіз?», – деп сұрады. Оған Алла Елшісі (оған Алланың салауаты мен сәлемі болсын):

– «Мінберге шығарда жаныма Жәбірейіл періште келді де: «Уа Мұхаммед! Кімде-кім Рамазан айына жетіп, сол айдың құрметі үшін кешірімге ие бола алмай өмірден өтіп тозаққа кетсе, Алла оны мейірімінен алыстатсын», – деді. Сол кезде мен де «әмин» дедім.

Екінші баспалдаққа шығарда, «Кімде-кім ата-анасының қартайған шағында олармен жақсы мәміледе болмай, қайтқанда тозаққа кетсе, Алла оны мейірімінен алыстатсын», – деді. Мен де «әмин» дедім.

Үшінші баспалдаққа шығарда, «Кімде-кім сенің есімің аталған кезде салауат айтпай, дүниеден өтіп тозаққа кетсе, Алланың рақыметі мен мейірімінен алыс болсын», – деді. Мен тағы да «әмин» дедім», – деп жауап берген екен.

Хадисте айтылған үш мәселеде маңызды мәселелерден. Қасиетті мәуліт айында көбірек салауат айтуымыз керек.

Ардақты пайғамбарымыз (оған Алланың салауаты мен сәлемі болсын) бір хадисінде: «Қиямет күнінде адамдардан маған ең жақын болатындар маған ең көп салауат айтқандар болады», – деді.

Пайғамбарымыздың «Мұхаммед» деп аты аталғанда ерекше әдептілік танытып құрметпен «оған Алланың салауаты мен сәлемі болсын», «Аллаһумма салли ала Мухаммед», «Саллаллаһу ала Мухаммед» немесе «Саллаллаһу аләйһи уә сәлләм», дейтін болсақ салауат айту міндетін орындаған боламыз.

"Что же касается суфизма в его подлинном и здравом значении, то он по своей сути является ядром Ислама и его истинной сущностью, покоящейся в глубинах сознания искренне верующего. Без данного ядра Ислам превращается лишь в ритуалы, внешние проявления приверженности Исламу и пустые обряды, посредством которых люди стараются предстать друг перед другом в выгодном свете".

Шейх Мухаммад Саид Рамадан аль-Буты