مرزها و برادری
فصل سوم :
انقلاب اسلامی و آذربایجانی ها
بخش اول
- تبریز انقلابی
- جمهوری اسلامی
- نسیم بهاری انقلاب اسلامی، توصیف ازلی از هویت آذربایجان

ورژن صوتی: مرزها و برادری‌ها
اجرا: #آیسان_فرجزاده
___
#اوخودال
@oxudal
@oxudal
____
#پاراگراف
@paragraph
@paragraph

سربست:

.

ناری ائله سویمازلار سئوگیلیم
پیچاغی جییه‌رینه ساپلاما لوطفن
قانی گؤزلریمده گزیر آمما ال‌لریمه باخ
اولای‌سیزلارین سون دایاسینی هاردان بیلیدیم؟
گون چیخانا بیر آددیم وار دئمک؛
ایندی نفسین‌دن بیر ایچیم وئر
سونرانی، سونرایا بوراخماق اولماز؛
گل بیراز قولاق ایچ اؤلوم سسینه
بیراز آراق دینله
بیرده سسله سسینه اؤلوم
سسینه اؤلوم، هه؛
اؤلوم سسینه
هله‌ده ناریم چاغیریر
ناری اینجیتمزلر کی آمما...

«ناری ائله سویمازلار» دئیه‌ردی آنام
«جییه‌رینی سؤکوب قانینی تؤکمه‌یین بالا»
شیدیرغی قان یاغیر گؤیوم‌دن،
"آنا"
چیغیردیم؛
یئریم‌دن اود قالخیر
چاغیردیم "آتا"
قورخو آخیر آرخلاردا آمما؛
قان یئرینه...
بو سؤزلری بوراخیب قان یئرینه
یئنه دؤنمیه‌جک یئرینه قان
قاییتمایاجاق قان یئرینه
سن دؤنملیسن،
اینان دؤنومه
بیرده کی اؤلوم
بوغازیما کندیر هؤرولوب
ایچییمده نم کیمسه گولله‌لنیر
بیر دووارلارا باخ
دولان شهری؛ بیلیرم
باخسان‌دا
گؤرسن‌ده بئله
یئنه هله‌هله قانمایاجاقسان؛
یورولوب بلکه‌ده،
گلدییین یوللاری قاییداجاقسان.‌‌...

#آتیلا_حاجیزاده

___
#پاراگراف
@paragraph
@paragraph
___
#آتیلا_حاجیزاده
@Atilla_hacizade
@Atilla_hacizade
___

‌‎‌‌‎‌‌‎‌

سن گئدرسن قاپینی هی چالاجاق سس‌سیزلیک
سن گئدرسن بو ائوه های سالاجاق سس‌سیزلیک

بیر چیراق‌سیز شهرین قارلی قارانلیق گئجه‌سین
بیر عؤمور بلکه قوناق ساخلایاجاق سس‌سیزلیک

سن گئدرسن سوساجاق دینمه‌یه‌جک تار بیرده
کامانین پرده‌لرینده قالاجاق سس‌سیزلیک

داها تاققیلداماییب، داش دوشه‌نک ده باشماق
شهرین دال بوجاغیندا دالاجاق سس‌سیزلیک

دالغا کؤسموش پازیلته‌ن ساریلان دان فرکانس
سنده گئتسن دئیه سن تام اولاجاق سس‌سیزلیک

سسلی کویلو آلیشیب دیر نئجه دام-داش، ائویمیز
ایللرین سانکی قیصاصین آلاجاق سس‌سیزلیک

یالواریش-قورخو ساریب دیر ائوی آه بیر بیلسن
سن گئدرسن بو ائوه های سالاجاق سس‌سیزلیک

#آتیلا_حاجیزاده

‌‎‌‌‌‌‌‎‌‌‎‌

.
آذربایجان دئموکرات فیرقه‌سی ایله آذربایجان میللی حؤکومت-نین دوشونجه‌لرینه ایدئولوژیک باخیش:

باغلی پارتی یوخسا قاپساییجی نهضت
دؤردونجو-سون بؤلوم
#آتیلا_حاجیزاده

ایللر بویونجا پهلوی رژیمی ایله قالینتیلاری «آذربایجان دئموکرات فیرقه‌سی»نین کوتله‌وی دسته‌یه مالیک اولمادیغینی پروپاگاندا ائدیب ائلجه میللی حؤکومتین ییخیلما طرزینی ایددیعالارینا سند اولاراق وورغولاییرلار؛ آنجاق دوغرو اولانی «دونیا چاپیندا سیاست شرطلرینین ده‌ییشمه‌سی ایله صفلرین نت‌لشمه‌سی» کوتله‌وی دستک‌دن داها چوخ ائتکیلی اولا بیلیر؛ «دئموکرات فیرقه‌سی»نین قورولوشو، متتفیق گوجلر آراسیندا «سویوق ساواش»ین باشلانیشی ایله عئینی زاماندا اولماسی، آذربایجانین دئموکراتیک نَهضتی ایله میللی حؤکومتین، قوربانگاها آپاردی همده ایکینجی دونیا ساواشینین ایتیفاغین‌دان سونرا آذربایجان «شوروی ایله آمئریکا» نین اوز-اوزه گلدیکلری ایلک نوقطه‌ اولموشدور.

آذربایجانین دئموکراتیک نَهضتی «سویوق ساواش»ین بیراینجی قوربانی اولدو ائلجه «آمریکا بیرلشمیش ایالتلری ایله بؤیوک بیریتانییا» منفعتلرینی اورتادا گؤره‌رک همده کومونیست پارتی ایله دئموکرات فیرقه آراسینداکی ایدئولوژیک تضاد، موباربزه‌نین میللی اعلان ائدیلدییی ایله بیرگه شورروی‌لرین جانینی آرتیقراق سیخمیشدی، سونوچدا اؤزلرینه بو سفره‌ده پای گؤرمدیکلرینده، «شیمال نفتین»، آوورپادا قییم‌لیک حاققی ایله بیرلیکده وجه‌المصالحه ائدیب، آزراق دسته‌یینی‌ده کسیبک آذربایجان خالقین فاشیسم ساللاخ‌خاناسینا گؤندررک، کوتله‌وی دیره‌نیشین سینماسی ایله مینلرین اعدام و سورگون اولونماسینا ندن اولدو.

«آذربایجان دئموکرات فیرقه‌سی»، سونرادا «آذربایجان میللی حؤکومتی» "شیخ محمد خییابانی"نین ایصلاحاتین وورغولایاراق رئفرم قاپیسینی آچمیشدیلار، آز سونرا اکینچی‌لره اکین یئری پایلاماق ایله کندلی‌لرین محرومیتلرینین بیر چوخسونا سون قویوب، گؤمروک‌لرین آچیلیشین ساغلاماق ایله بازارین دورومونو سهمانلاتدی، تورکجه‌ اؤیرتیم ایله ایللر تحقیر ایله تضییق تورپاغین آذربایجان خالقی‌نین اوزوندن سیلدی، کولتورل مرکزلری، کیتاب ائولری، آمفی تئاتر، فلارمونیا و... ایله کولتورل محرومیتلری آرادان قالدیرماغا چابا گؤستردی؛ اونیورسیته تأسیس ایله بیرگه تخصص صاحیبی کادرلار بئجرمک اوچون یولا دوشدو آردیجا ساغلیق مرکزلرینین آچیلیش ایله عیمومی ساغلیق اورانین آرتیریب، بوتونلوکجه عومرانی، ریفاهی عملیاتلارین حیاتا کئچیرمه‌سی ایله گلیشیم ایله تجددود-دن بوتوو بیر سیما سوندو.

«آذربایجان دئموکرات فیرقه‌سی» اصلینده آذربایجان خالقینین طلب‌لرین‌دن یارانمیش بیر پلاتفورم‌ایدی، همده پهلوی حؤکومتی ایله ریضاخان سونرادا محمدریضا پهلوی‌نین قوردوغو نیظاما تامامن هایقیری ائلجه اینقیلابی پلاتفورم‌ایدی؛ نیه‌کی سیستئمین باسقی ایله یوروتدویو «امیرلی مودئرلیک» قارشیسیندا، فیرقه «ایلیملی-داواملی» مودئرنیته‌نی اؤنریردی آنجاق قارشیسینداکی پهلوی رئژیمی مدئرنیته‌نین جان جؤوهره‌سین‌دن گؤز اؤرتوب، اوزده مودئرن ایچده بدوی بیر توپلومو سیمگه‌لییردی آنجاق فیرقه «مودئرنیته‌نی مودئرنیسم ایله برابر» یوروتمکده‌ایدی.

___
#آتیلا_حاجیزاده
@Atilla_hacizade
@Atilla_hacizade
____
#پاراگراف
@paragraph
@paragraph

تلسمه گئتمه یه بیر لحظه جه دایان قاداسی
دالینجا جان وئریر هر آن بیر آغلایان قاداسی

دا آغلاماق گوجو ده یوخدو گؤز یاشیم قورویوب
توتوبدو‌ گؤزلریمی لاختا لاختا قان قاداسی

باخیشلاریم قیزاریر سئوگیلیم یولا باخاراق
هر آددیمین دالیجا وار قان آغلایان قاداسی

بو آیریلیق ساعاتی هی منی ییخیر، داغیدیر
داغیتما، ییخما، تلسمه بیراز یوبان قاداسی

بیرازجا گل یاخینا سون دونه اؤپوب-ساریلاق
تلسمه آیریلغا واردی چوخ زامان قاداسی

ییخار منی گئدیشین دوزدو اؤلدورر آنجاق
تلسمه ایریلیغا یول دومان بوران قاداسی
.
تلسمه گئتمه یه بیر لحظه جه دایان قاداسی
تلسمه دور باشین اوسته توتوم قورآن قاداسی

#آتیلا_حاجیزاده???

https://t.me/secilmiseirler
@afraurmia

.
غزل مثنوی:

سن، من، گئجه، یاغیش، ساریلیردیق،
دایان دایان...
بیر دینله
یوخ،
یالان دئمیرم
آنلاماز اینان...

خیش-خیش سوپورگه ماهنی چالیر یارپاق اویناییر
هیق-هیق ایچین چکیر؛
بو شعیرلر بوتون یالان

اینسان دوشوندویو پارادوکسو یاشار دئدیم
دینسیزلیییم‌له آندا وئریریردیم سنی قوران

باخدیم،
بیر آندا قان دامیر اووجومدان؛
آخ منیم
آغزیم قان، اوز-گؤزوم قان، ائویم قان، بینالی قان

چیخدیم داما اوچانمادی، دیسکیندی گولله‌لر
آرتیق سؤزون، شیکنجه‌دی؛ قارقیشلارین چیبان

آرتیق کور اولموشام دئیه‌سن، قومدو گؤزلریم
مین بیر یاشیندا فحله‌دی، یورقوندو گؤزلریم

باخ بیر گئری ذکالی مرضلر چؤکوب دیزه
قر-قهبه آرخاسینجا سورونمک یئمز بیزه

کیم آرخاییندی؟
-ایستیرس آغزیمدا توپلانیب
ائولر آلوولانیر،
یئنه قوشلار توتوقلانیب

یولدا سویوقلوق اؤلدوره‌جک دیر یا قار منی
گئتسن داها گئری گتیرنمز باهار منی

بیر آن گؤزون ساتاشدی دئیه اسدی ال-قولو
یالقیزلیغین درین یئری دیر اینتیحار یولو

مندن سوروشمایین کی-کیمین بو-بو-بو  قا-قان
هر نه دئسم اینانمایین، هر بیر سؤزوم یالان

اؤلدوردو،
هانسی ایت قودوران یئرده قوت-قوشون-
بایرام پایین بوجور اؤدویردی آدام ساتان

تئز-تئز سوروشما هاردا جسد،
چوخدان اؤلموشم
بیلمم کیم آلدی نعشیمی؛
بوش وئر
راحات دولان...

#آتیلا_حاجیزاده ___
#پاراگراف
@paragraph
@paragraph ___
#آتیلا_حاجیزاده
@Atilla_hacizade
@Atilla_hacizade ___

قوخوز کسیلمیه‌جک

نقدر یالتاقلیق ائتسه‌نیزده سونوچ‌دا فاشیست‌لر اوچون لئش قوخویاجاقسیز؛ هئچ زامان «اؤز» ساییلمایاجاقسیز.

کافکانین آکادئمییایا حئسابات آدلی حیکاسینده اوولانیب سرت بیز شیددت آلتیندا اینسان تربیتی گؤتورمک مجبوریتینده ساخلاناراق، تماما چاغداش اینسان کیمی داورانماغا قرار وئریر.

آنجاق تماما اینسان تربیتی گؤتوردویونو گؤرمزدن کئچه‌رک؛ گؤروشونه گلنلره، شالوارینی سیییریب اومبباسیندا مرمی یاراسینی گؤستردیی اوچون، قزئته‌لرده حاققیندا « مئیمون خصییتی هله‌‌ده اؤزونو گؤستریرمیش» دئیه یازیلمیشدی.

پ.ن: دوهتور ریضا براهنی‌نین فرقلی دیل ایجراسی اوچون، عبدالعلی دستغیب کیمینلر «براهنی ادبیات فارسی را بلد نبود» دئیه توتدورموشلار.

حیکایه حاققیندا داها آرتیق معلومات:

https://t.me/Paragraph/210

https://t.me/Paragraph/211

ـــــــــــــــــــــــــــــــــ
#پاراگراف

@paragraph
@paragraph
@Atilla_hacizade

قرار درنه‌یینین ۱۰۸-اینجی نؤوبه‌سین‌دن قیسسا راپور/ایکینجی بؤلوم

حبیب ساهیر حاققیندا قورولان اوتوروم‌دا/محمد صوبحدئل:
ساهیر تئوریک آلقیلارینی آذربایجانلاشدیریب، یئره‌ل ورژن سونوردو.
#آتیلاـحاجیزاده

راپورون آردی: نیه‌کی ساهیر، آذربایجانین آز تانینمیش شاعیر-تئوریسیینی «میرزا تقی رفعت»-ین چئوره‌سینده قورولان «فارسجا و تورکجه یئنی شئعر» قاورامینی داشایان پلاتفورم‌‌دا، ائییتیلمیشدیر‌.

میرزا رفعت-ین ائتگیسینده اولان حبیب ساهیر سونرالار ایستانبول‌دا تحصیل آلیب، تورکجه ادبیاتین آنادولو حیصصه‌سینی‌ده، آذربایجانین، هم دیوان ادبیاتی همده آشیق ادبیاتینی درین‌دن اوخودوغو کیمین موطالیعه ائتده‌رک، تورکیه ائله‌جه دونیا ادبیاتیندان گتیردییی دیل ایجراسین، سؤزجوک آلانی، فورم ایله تکنیک‌لری «آذربایجانلاشدیریب» اثرلرینده سونموشدور.

میللی حؤکومت سونراسی اونون میراثینی منیمسه‌یه‌ن حبیب ساهیرین یارادیجیلیغینا «حسرت» پرسوناژی آرتیلیب، داهاجا آذربایجانلاشماغی وورغولادی؛ ائله‌جه دیل قاورامی باره‌سینده فرقلی جیددییت گؤستریب، ۱۹۷۹-اونجو ایلده آنا دیلی حاققیندا چاپ اولان اثری، آذربایجان ادبیاتینا درین باخیشی همده «شعر دن حیکایه‌یه، تئوری دن پراتیک ایجرایا» قدر یارادیب سوندوغو اثرلرین کناریندا  اونون آذربایجانین دیل، کولتور، مدنیتینه قارشی اوره‌تیلن دهشت آتموسفئرده پئشه‌کار آرتیست قامتینده هونه‌ر یارادیب، آذربایجانلی مودئرن ادبیاتی سیمگه‌لییب ساووندوغو، ساهیری داها یئترلی تانیماق اوچون سایقین اؤرنکلر ساییلیرلار.

حبیب ساهیر دوشونجه آلانین‌دا‌ مودئرنلشمه‌نی اؤنریب، مشروطیت‌ دن میللی حؤکومته قدر دوام ائدن موجادیله‌ ائتگیسین‌ آنلاییب، آکتیو  تاریخین باشلانیشینی راکئد ادبیاتین سونو آلقیلاییب وورغولاییردی.

سون سؤز اولاراق یئنی گنج دئکلمه‌تور «یاسمین بخشی»-نین حبیب ساهیردن ایفا ائتدییی شعرین سون بئیتی تکرارلایاراق راپورو بیتیریرم:
یالتاق شاعیر یولون آزسین
تکجه فارسی غزل یازسین

۱) حبیب ساهر (۱۹۰۳/۱۲۸۲ - ۱۳۶۴-۱۹۸۵) تباری میانالی، تبریزده دونیایا گلمیش شاعیر، یازیچی و چئویرن. حبیب ساهر آذربایجان تۆرکجه‌سینین یئنی شعری‌نین آتاسیدیر . اوْ بوتون ایراندا اوْلان دیللرینده‌ده یئنی شعر آتاسی کیمی ساییلیر.

پ.ن: حبیب ساهیرین اؤلومون‌دن ۴۴-۴۵ ایل کئچدیینه رغما آدی، اثری همده دوشونجه‌سی آذربایجان میللتلشمسینده درین ائتگی بوراخدیغی اوچون سلطنت طلب‌لرین فرقلی چئشیدلرینین (ایرانشهری، پان فارس، پان ایرانیست، نایاک ایله ساییر...) آراسیندا اؤرگوتله‌شن فاشیست‌لر هله‌ده ساهیرین آدین دویدوقدا قاشینما توتوب، گؤتلرین میخ ده‌لیرمیش کیمی صاندال‌دا ویرنیخمالارینا ندن اولور؛ بو لمپن پوروواکاتورلار اوتوروم سونراسی سوسیال مئدیا‌دا اوشاقلیق عوقده‌لرین بوشالتماغا جهد ائدیرلر؛ یازیقلار..‌.

ـــــــــــــــــــــــــــــــــــــــــــــــــــــــــ
@Atilla_hacizade
@Atilla_hacizade
#پاراگراف
@paragraph
@paragraph

قرار درنه‌یی
@gharar
@gharar

تحکیه درنه‌یی
@tahkie
@tahkie

.

قرار درنه‌یینین ۱۰۸-اینجی نؤوبه‌سین‌دن قیسسا راپور/بیراینجی بؤلوم

حبیب ساهیر حاققیندا قورولان اوتوروم‌دا/محمد صوبحدئل:
ساهیر تئوریک آلقیلارینی آذربایجانلاشدیریب، یئره‌ل ورژن سونوردو.
#آتیلاـحاجیزاده

قرار درنه‌یینده، آذربایجان دیوان ادبیاتی‌، چاغداش میفولوژی، آذربایجان شعرین‌ده تجددود و... کیمی قونولار محوریتی ایله حکیم محمد فضولی، ماللا پناه واقیف ایله بولود قاراچؤرلو-یا حصر اولان اوتوروملار سونراسی بوگون سیرا حبیب ساهیره چاتدی. آذربایجان مودئرئن ادبیاتین سیمکه‌سی اولموش ساهیر، آذربایجان، تورکیه ادبییاتی، عوثمانلی ادبییاتی، عرب همده فرانسیز ادبییاتین درین‌دن اوخویوب ائتگی گؤتوره‌رک، «عوریان واردات» ایله یوخ بلکه آذربایجانلاشدیریب، یئره‌ل ورژن سونماقلا، سننت ایله مدرنیته‌نی تلفیق ائدیردی ائله‌کی بو اکت بیر پست مودئرن خصیصه و داورانیش ساییلیر.(البته بو بیر اثر یا شاعیر «پست مودئرئن» دیر دئمک آنلامینا گلمیر آنجاق ایستر عمد اوزرین‌دن ایستر «آلت بیلینج» ائتگیسینده، یو قاورامین اونون خصیصه‌لرینی داشییر.)

علاقه‌دن دولایی معللیم‌لییه اوز توتان ساهیر، داها بیر دئموراتیک سوسیالیست کیمی اورتایا چیخدی ائلجه تکجه اؤز خالقینی یوخ بلکه ایران‌دا یاشایان «غئیر-ی فارس» ائتنیک‌لره قارشی اولوسال باسقیلاری تانییب ائلئشدیریردی؛ «عشیرت، قوم-قبیله‌، ارباب-رعییت» کیمیی موناسیبت‌لرین ایستیتمار آرتی‌سی صینیفسال همده سوسیال عداالتسیزلیک‌لره ندن اولوب؛ همان سبب‌دن آیدینلاتمانی میللی حاقلار ایله صینیفسال «طبقاتی» کیملیک حاققیندا آیدینلیق یاراتماغی ان موثثیر ائلجه درین آکتیویته اولدوغونو ساوونوردو، بو طارز اؤزللیکجه «تالانچی‌لار» حیکایه توپلوسوندا آیدینجا گؤزه ده‌ییر.

قرار-دا آذربایجان محور قونولارین توپلانتیسیندا سونوم زحمتینی قبول ائدیب صؤحبتین‌دن جیددی بیلگی‌لر ساچان جناب محمد صوبحدئل، حبیب ساهیرین هانسی ادبی توپلوما عایید اولوب، و تمثیل ائتدیینی آچیقلادی، آردیجا شهریار، سهند و ساهیری بیر آرایا گتیره‌رک، شهریارین فارس شعری  و مذهبی دوشونجه مئحورییتینده، سهندین صمد وورغون و واقیف عنعنه‌سی  و آشیق ادبیاتی ایله اوسطوره‌لردن تأثیر آلماسی؛ ائله‌جه ساهیری مودئرن تورکییه ادبیاتیندان، فرانسیز ادبیاتیندان و دؤنم‌ده یارانان آوانگارد ادبیات بیچیمین‌دن ائتگیلندییینی وورغولادی و مشروطه چاغلاری و اینقیلاب سونراسی یارانان یئنیچیلی‌یه چاتان یولون دوغال سونوچو اولدوغونو آچیقلادی.

راپورون دوامی، بیر آشاغی تئکست‌ده پایلاشیلیب
ـــــــــــــــــــــــــــــــــــــــــــــــــــــــــ
@Atilla_hacizade
@Atilla_hacizade
#پاراگراف
@paragraph
@paragraph

قرار درنه‌یی
@gharar
@gharar

تحکیه درنه‌یی
@tahkie
@tahkie

.
صاباح تحکیه درنه‌ییمیزده (سعادت آختاریشیندا) آدلی یئنی حیکایه‌م جمعی اوخونوش سونراسی صؤحبته قویولاجاق، بو ائلان واسیطه‌سی ایله یولداشلاریم‌دان دعوت ائدیرم بو اوتوروم‌دا ایشتیراک ائتمک ایله باخیشلار و تنقیدلرینی اسیرگه‌مییب، یاردیما گتیرسینلر.

_

?تحکییه ادبی درنه‌یی(473-جو جلسه)
?اوخونان اثر:
? سعادت آختاریشیندا – آتیلا حاجی‌زاده
?ایران(تورک) ادبییاتی
?اورمیه-چهارراه آپادانا- مجتمع فرهنگی هنری اورمیه
?سه شنبه- 27 شهریورماه 1403
?ساعت:17-19:30

#ادبییات #آذربایجان_تورکجه_سی #آذربایجان_چاغداش_نثری #داستان #مودئرن_نثر #تحکییه #اورمو #آتیلا_حاجیزاده #ایران_تورک_نثری #حئکایه #تورک_نثری
__
@Atilla_hacizade
@paragraph
@tahkie