مسااااكم. بالخير
ومعانا. فقرره نناقشها. بهذه القناه @FkamhSnaane2
عباااره عن ضاهره اجتماعيه
مطروحه من احدى الاخوات صديقات القناه

?وفقرتنا تقووول✅

في اكثر المناطق عندنا المشايخ عملو ورقه ووقعو عليها مع المواطنين وتعهدوا بخصووص الاعراس
واتفقو ممنوع الزواج بأكثر من مليونين والذهب ممنوع اكثر من ثلاثين جرام
ممنوع الزفه تنفتح اكثر من ثلاث ايام
ممنوع الصاله السمرات للناس الا بيوم الحنا فقط إلا بحال يوم العرس يذبح ذبيحه مسموح يوم العرس
ممنوع خروج النساء من بعد اذان المغرب لبيت الجيران لوفي عرس
ممنوع الحفلات للعروس
ممنوع الزفه تنفتح اكثر من ثلاث ايام ببيت الروس او العروسه
والكسوه شنطه واحده فقط
واشياء كثير بس نسيتهن الان

واي مواطن ما يلتزم بالورقه ويستلم من العريس أكثر من مليونين ويخالف اي شرط فعليه الالتزام بالادب 200 ألف يدفعها لعند الشيخ

✿هل هذه العادات موجوده عندكم ⁉️
✿وهل هناك فوائد لهذه الشروط اذكروها
وهل الشروط هذه صحيحه ما فيها ظلم⁉️

و ازغفوا ارائكم لاهانا @ALFkamah

ولهانا مع نسخ اسماءكم @ALFkamah2_bot

والـنـشـر بهذه القناه @FkamhSnaane2

هاجر ماكانت انتبهت لوجودها في الباب شافت الممرضه دخلت وطلبت الكل يخرج من الغرفه طلبا لأوامر الطبيب..

هاجر ماصدقت تخرج وتتهرب من المسئوليه واهم شي وصلت لفاروق و نقلت له تصرفات ايه.

خرجت هي واخته

بعد عشر دقايق..

ايه دخلت الغرفه شافت أبوها

فاروق فتح عينه وبيتفرجها

ايه: انا سمعت كلامها لك وماحبيت اسوي مشاكل تصرفت بطريقتي وخليتهم يمنعو الزياره.

فاروق: ماشتيش اشوف صورتها

ايه: انا جيت والي خليتهم يسعفوك وكنت هنا وامد ماروحت البيت ابدل واصلي واتصلو لي من المستشفى انك خرجت غرفه

ابوها ببطئ ولسان ثقيله: الله يبارك فيش يابنتي انا داري بكل شي

ايه مستغربه من طريقه كلامه: خلاص لاتتكلم لاتتعب نفسك

مصطفى اتصل بها : يسمحوا بالزيارات لو جيت

ايه ماكانت تشتي تدي له عذر : ايوه يسمحوا

مصطفى: يالله شاكمل اوقع اوراق مهمه لمشتري واجي

ايه: طيب

اتصلت لها ام مصطفى وتسألها لو تحتاج شي..

كان نفسها لو اهتمام زوجها بقدر اهتمام امه بها.

وصلت رحاب تزورها وبتكلمها وتشكي لها من وجدان والمشاكل الي بتفعلها لهم.

في بيت فاروق..

ام سام : قال ابني عاد انتي تشتي محامي او ماشي

هاجر : ذلحين ماشي لكن شكلنا عنحتاجه بنته مش هي حق احترام.

بعد اسبوع بيت ابوها

ايه : ايوه شاجلس انتبه لابي

هاجر : قولي انش حانقه وبس لاعد تكابريش

ايه: حانقه افتهنتي تشتي اتطلق

هاجر: الله لاقال ماكرهن انقلعتي

ايه: انشالله الي يكرهوني ينقلعو من هنا

هاجر بترفع صوتها وتدور مشاكل معها

ايه خافت ابوها يسمع ويتأثر اتصلت لمصطفى : اسمع حتى لو مشغول او اي شي معاك هي نص ساعه جي وارجع براحتك شغلك اشتي اشل ابي البيت عندي

مصطفى حسها جادة ومعصبه لسبب: يلا الان جايي

ايه دخلت غرفه ابوها وجمعت له ملابس

هاجر معصبه: بطلي قله عقل ماعيرضاش يخرج من بيته بتسمعي

ايه: طنشتها وسارت جنب ابوها اقنعته يجي معها ووافق لانه كان ضابح من هاجر.

بعد خمسه شهور اهتمام بأبوها وعلاجه الطبيعي وتغذيته و أدويته.

رجع بيته يمشي ويتحرك ويتكلم

بس رجع رجعه غير ..

هاجر: مش مصدقه كيف بنتك قلبتك عليا هكذا؟ ؟

فاروق: محد قلبني ياريت وهي قلبتني صدق ماكنت ظلمتها وركنت عليها مع واحده مثلش كيف كنت مخدوع فيش

هاجر: ماقصدك؟

فاروق: اسمعي انتي ذلحين ام جهالي تشتي تجلسي في البيت تاكلي وتشربي وتربيهم جلستي ماتشتي الله معش

هاجر : يو يو منك صدق اتقي الله عادك الله افتهنت ناوي تظلمني وادعي الله ينتقم منك

فاروق: ادعيه ومن مسكش

هاجر: ياسعم ماعد تشتيني. ليش قلت لي هكذا؟ ؟

فاروق: عتبسري ليش.

خارجين من بيت جيران ام زوجها..

ام مصطفى: تشتي الصدق والله ان هذه البنت احسن واحده عرفتها من صغرها عاقله وحميش

ايه: اهم شي تحترم ابي وتنتبه له

ام مصطفى ضحكت: بس ماقد شفت واحده تزوج ابوها او انتي فارحه تنتقمي في خالتش

ايه : تشتي الصدق اول شي ابي واصل في مشاكل مع مرته وبعدا لازم حد جنبه ينتبه له ويهتم به ويلقى راحه وهدوء معها وثانيا لو وقعت سوا من صدق شافرح في مرته بس مشتيش اشمت فيها يرجع يعاقبني الله

ام مصطفى: مع ماعيعاقبش الله اولا لان مابش مثلش وابني محظوظ فيش وثانيا مصطفى الصدق ثاني

ايه بينها وبين نفسها: فعلا مصطفى رجع شخص ثاني ماتعرفه بس تخلص من موضوع ابوها وبعدين تفضى تفهم مصطفى وأسلوبه.

بعد أسبوع.

هاجر جالسه بتتكلم في التلفون: والله ان شكلها تطلقت او حانقه ، قدلها اسبوع تسير وتجي وتأثث ولو تبسري على غرفه نوم فخمه

اخت فاروق: ماله مايديلها بيت لو هي حق زنط وفشخره

هاجر: مدري ، اداها الله لايدي قدني منها ملان انا شاوريها ذلحين كل ماقد فعلته فيني وكيف غيرت ابوها.

و اليوم اكد لي ان مع بنته مشكله حين خرج مع زوج بنته بس مدري ليش لابس ومتعطر وحالق

فتح الباب ودخل هو وايه وعروسته بالفستان الأبيض. .

هاجر ماسكه سماعه التلفون ...!

توقعاتكم ؟؟

هاجر وقفت وناسيه اخت فاروق على الخط : من هذه؟

ايه ماسكه العروسه وبتمشي هي وياها لغرفتها دخلت معها وجلست : اسير ادي الشنط وارجع تمام

العروسه: طيب

ايه سارت تدعي مصطفى يدخل شنط العروسه: غطي شعرش زوجي عيدخل

هاجر : كيف يعني تزوجت

فاروق: ادخلي الغرفه الرجال عيدخل

هاجر بتبكي: ايش من رجال مالك بتخرف عادك كنت بتموت مريض

ايه واقفه في الباب ادخل يامصطفى

فاروق مسكها ودخلها الديوان وبصوت واطي : اسمعي قلتلش من يوم مارجعت تشتي تجلسي تربي جهالش جلستي ماتشتي مع السلامة بيتكم

هاجر: هكذا ؟

فاروق: هكذا مرضت ولا لقيت منش زياره وعاد حين اتطرحت ظنيتي خلاص مشلول معوق قبالش جالسه تنكدي وتتشمتي فيني هذا اخر الي يتشمت جا لش يوم رجعت لي صحتي وقوتي ادي فيه مره تسندني للعمر

هاجر : يمين بالله لاحرق لك البيت انت وهي

فاروق: وانتي يمين بالله وحرام وطلاق بالثلاث انش لو تفعلي مشكله ولا تدي حرف او كلمه وتهديد مره ثانيه ماتجلس و لاعد تبسري جهالش.. وخرج

مصطفى كان بيسحب الشنط للصاله

بلال : معاها لليوم؟

وجدان: ايوه بس اشتري نطرحه احتياط

بلال : انا تاعب الآن بعدا

وجدان: مالايه مابش تعب انا وبنتي تاعب وبعدا وبكره وبعده

بلال ضبح من تصرفها خرج تلفونه شاف منهت مكالمه مفقوده واتصل لايه: العفو يا ايه كان صامت طمنيني كيف الوالد ماقالو وانتي صحتش تمام

ايه: ايوه تسلم اتصلت اتشكرك لوما انت واتصالك لسام ماكنا درينا ان ابي عايش

وجدان معصبه وجالسه تدق اللوحة في الجدر عشان لايسمع

بلال وقف: انا شاخرج اكلمش سوا مابينسمع هنا

وجدان بتأشر له وين ؟

بلال سحب الشميز حقه من الدولاب وخرج.

قدام بيت فاروق..

عماد بعد ماسمع القصه : مانقدر نسوي شي ذلحين لوما ترفع القضيه هي

عماد بعد ماسمع القصه : مانقدر نسوي شي ذلحين لوما تقدم شكوى

هاجر: خلاص ابدأ انت قدم الشكوى !!

عماد : الان فكرو كيف يمكن بعد الصدمة وقعت المشكله عتهدأ بكره ويتغير الوضع

هاجر: المهم لو ناويه للمشاكل مابش معي شي فاضيه لها شاحاكيك

عماد : ان شاءالله خير ذلحين تطمنوا على سلامته وبعدا خير

مشيو سام وعماد من جنب بابها وبعدا جلس يستفسر منه ايش حصل وليش هكذا وقعت المشكله !

في المستشفى..

ايه : منصدمه في موقف مصطفى ليش تغير ! ليش بعيد منها ! ادت له اعذار كثيره عشان شغله بس في مواقف اخيره حصلت بينت لها انه الموضوع مش موضوع انشغال !! ايش غيره منها؟ معقول عرف شي عن مشاكلها وتغير ! حتى لو مايبرر له هذا الشي انه لايصارح ولايعاتب ويتغير!

طيب ليش ماغار عليها قامت تعوذت من إبليس وتفكيراتها وبتتمشى في المستشفى نزلت تشتري ماء رجعت وبلال واقف.

بلال : ظنيت ان انتي رجعتي البيت

ايه : لا

بلال: ذلحين ماعتسوي شي وممنوع الزياره لما يخرج غرفه لحاله روحي ارتاحي

ايه : ماتفرفش هنا تعب وقفه وهانك تعب تفكير

بلال : وين زوجش

ايه : روح منعوا المرافقين ماغير واحد

بلال : محد حاكاني دخلت عادي ومش هو وقت زياره

ايه غيرت الموضوع : اليوم تعبتكم معي انت ورحاب

بلال : الصدق اليوم الي حصل شي عجيب ولا في الخيال

ايه : الحمدلله الحمدلله

بلال : والله انه لش الفضل بعد الله ماشاءالله على ذكائش قد اليوم طننت وجدان حين قلتلها تصرفش

ايه واقفه ومربعه يداتها وبتتفرج لها نظرات تشكيك : وجدان تطنن (ضحكت ) قل امك شاصدق

بلال : امرضتني الصدق جننتني واصل مشاكل ودحس

ايه : الله يعين قدو هذا نصيب الواحد لازم نصبر..

بلال: لا....!

توقعاتكم؟ايش بيحصل بين بلال وايه!!

بلال : لا والله مايقع صبر مره تربي مره اوريها الغيره سوا

ذلحين اسمعي جيت أقلش سدي انتي وخالتش وتقرصين العافيه ابوش تاعب مش هو حق مدلحسه بينكن

ايه : وماوصل خبرها لاعندك ؟

بلال : سام اتصل بي وقد قيمت القيامه ومش انتو ناقصين مشاكل ومرض والرجال عايش

ايه : انا قد سكتت لها خيرات ماذلحين والله ماسكت

بلال: عشان أبوش ي ايه وانتي اخبر انا جيت وصلت الموضوع وانتي فكري بعقل

ماتشتي شي؟

ايه سارحه بتفكر في كلامه : تسلم الله يحفظك

بلال مشي .

ثاني يوم..

مصطفى وصل ومعه صبوح : هيا صبوح حبيبي

ايه : مشتيش هنا نروح البيت لانه ممنوع الزياره طرحت رقمي يتصلوا لو عيخرجوه وانا شاكون اتواصل معهم

مصطفى: عين العقل كان هيا روحنا البيت

ايه : وشغلك

مصطفى : اليوم مابش مزاج للشغل صراحة قلت اجلس ارتاح

ايه : يعني عادي تجلس !

مصطفى: مش عادي بس اليوم قلت افعل لي راحه

ايه جالسه تعاتبه داخل نفسها : امس رجع اخو رحاب يقلي خالتي تشتي تقدم شكوى ..جلست تحكي له ايش الي حصل..

بيت بلال..

بلال قام الصبح ومش موجوده وجدان..

كمل يلبس ويتجهز نزل فكرها سبقته تسوي صبوح

امه : مالها مرتك من صباح الصبح بكرت حانقه

بلال: هااه هي حانقه

امه: ايوه

بلال:خلاص خليها على راحتها تحنق لوماتعقل ترجع من نفسها

امه: يا ابني انت زيدت بها الصدق مايسبرش الي فعلته قد حاكتني

بلال : محد يحاكيني منها رجاء انا شاوريها كيف تتعلم العقل سوا

في المستشفى..

وصلت هاجر وناويه لايه تبهذلها قالت لها الممرضه انها روحت ..

اخت فاروق : يو على ملعنه في البنت فلتت ابوها وسارت

الممرضه: المريض فاق عننقله للغرفه بس يشتي هدوء رجاء وماتتعبوه بالكلام

هاجر تمام..

بعد مادخلت الغرفه وبتكلمه

هاجر: الحمدلله على سلامتك

فاروق ولسانه ثقيله وببطئ : الله لا سلمش ..جلطتيني افتهنتي..!

هاجر : طول عمرك ناكر النعمه وهذا عقاب الي ينكر مرته بعد العمر هذا كله

فاروق: حسبش وامرش الى الله

هاجر: مابلا تغير طباعك ماعد شارضاش انا بالبهذله واصل بنتك وهي بنتك فلتتك وانت هكذا وسارت لها مع زوجها !!

ايه دخلت من الباب على هذه الجمله !!

ايه سمعتها وخرجت تدور الدكتور وطلبت تتكلم معه

الدكتور : نعم تفضلي

ايه شرحت للدكتور خطوره تواجد هاجر ومشكلاتها وانها السبب في الي حصل لابوها ونسقت مع المستشفى يغيرو غرفته ويرفضو زيارات

مـَسّـِآء الـخّـيًــر عليكم??

فقرتنا اليوم ترفيهيه و تعريفية ..
شاركوا و جاوبوا?
عشان نتعرف عليكم وكذا ?

?الإسم :
?منين :
?دلعك :
?عمرك:
?طولك :
?مرتبط :
?مين سماك :
?عاجبك إسمك :
?رقمك المفضل :
?كثر لون تحبه :
?صيف أو شتاء :
?أكثر أكلة تحبها :
?تسامح احد ظلمك :
?ندمت ع معرفة شخص :
?اكتر emoji تحبه :

#لـلـمـشـاركه لهانا @ALFkamah

الـنشـر ڣې قناة الفقرات @FkamhSnaane2

وجدان قاطعتها بصدمه : بنت خالته ؟

رحاب مسكت يدها وبصوت واطي : مالش اهدأي ؟

وجدان: ماشاءالله عليها والبرود مابتغيرش دخلت تداعي مصطفى بينقل انها اخته

ايه بتوضح لها استغرابها : ماقد كلمتهن ان مصطفى اخوش من الرضاعه

ام مصطفى ملاحظه ردود فعل رحاب و وجدان بس ساكته

رحاب : مابلا انتي قليله عقل ماشاءالله عليها

البنت ضحكت : تغير مني

ايه  ماعد ردت عليهن كانت تسرح وتفكر كثير بمصطفى

رحاب فكرتها تضايقت من وجدان : هيا وجدان شرق علينا

ايه انتبهت لها فجأه قامت: ليش عاد انتي جيتي

رحاب: عاد معي مواعيد مع الخياطه

وجدان: لفتت لها عتسيري ذلحين؟

رحاب: ايوه رسلت لي هيا قومي البسي

بنتها :وانا اسير قبل اذان المغرب اجهز ابي للصلاه

امها: الله معش

بعد ماخرجين
مالش يا ايه ؟

ايه: ولاشي

ام مصطفى: لاتغثيش منهن هن كانين بيمزحين وبعدا قد تغيرتي يعني كانت هربه جهال !!!

ايه بملامح صدمه: ايش من هربه؟

ام مصطفى: حين كنتي تهربي بيتهم لاوقعت لش مشكله

ايه : من قال ؟

ام مصطفى: مرت اخو صحبتش هن بيتجابرين عادي بس مافهمت سالتهن

ايه: وايش قالين

ام مصطفى شكت تغير تصرفها وخوفها: مافهمت منهن شي قلت أسألش

ايه توترت وماعرفت ايش ترد امتلت عيونها دموع خوف بعد ماحست براحه معها خايفه تتغير عليها

ام مصطفى ضحكت: مالش يابنتي سهل تحصل تزوجت جاهله غاويه  اول ماتزوجت لاقد غثاني اشل نفسي واهرب لاعند امي وعشنا هكذا واصل تعب ومشاكل لاقد البنت تصرفت هذا التصرف يكرها زوجها ، انا داريه انش الان واعيه وماشاءالله قد انتين بتتزوجين سن مناسب ومتعلمات فرق عننا زمان

ايه ماقدرت تمسك نفسها كانت متضايقه بسبب سفر مصطفى ووفى كلامها وطيبتها : بتمسح دموعها

ام مصطفى قامت وحضنتها : يو مغلاش كيف انتي حساسه مابش شي ياحبيبتي

ايه حبت تكلمها عشان لاترجع تسمع من خالتها وتزعل منها انها كذبت كان اكثر موقف مخوفها يوصل لمصطفى الكلام من فؤاد او امه  وتوصل لها :

الصدق انا هربت صح حين وقعت مشكله وهي خالتي السبب حين كان ابي مسافر

ام مصطفى كانت ملاحظه تصرفات هاجر معها ماكأنها أم : انا داريه وماعليش شي انتي في عين ومصطفى في عين كلكم جهالي انا أمش انا.

ايه حضنتها وبعد ماهدأت وكملت تبكي مسحت دموعها : اتصل لمصطفى بينقلق عليه..

ام مصطفى : ايوه صدق المفروض انه قد وصل

ايه بتتصل محد بيرد !!

بيت بلال..

رحاب وصلت امها بتملي بلال الاسماء وبلال بيكتب الدعوات

رحاب بعدت عبايتها وجلست: اخر مره اخرج مع مرتك

وجدان : هو انتي واخوش حساسين قوي البنت مابش في حسها وعادي

بلال وامه سكتو ولفتو لهم :مالكن؟

رحاب: قلي لهم

وجدان بعفويه : وصلنا وبينقلها يو على بيت وكيف افتهنت ايه ودلع ماشاءالله سوا بيتهم او بيت زوجها من يصدق انها هربت

بلال بهرر : قلتي هكذا؟ ؟ مجنونه

وجدان: محد سمع انا وهي وحدنا

رحاب : ابسرتي عمتها كيف كانت في الصاله واقفه

وجدان: هي خرجت ماسمعت

رحاب: يو ياوجدان عتقرحي قلبي هذك سألتنا وعاد كنتي عتوضحي لها

بلال: قلنالكن بطلين قالت قلتي والله لاتوقعين حطب جهنم

وجدان : هيا ناهي لك انت واختك الموضوع كمل ولا وقع شي وانتو يعجبكم تجلسو تفعلوها قضيه هذه ايه.

بلال : ابسرتي شي عجبش قولي ماشاءالله وخلاص ليش عاد البعسسه

وجدان ضبحت منهم : شاطلع اصلي..

بيت مصطفى..

ايه بتصلي رن تلفونها

عمتها شافت رقم مصطفى قامت تجاوب بسرعه : الووو ... ؟؟!

مصطفى بيكلم الي جنبه ويتصايح معه: مساء الخير

امه : مساء النور وصلت؟

مصطفى مارد عليها بيكلم الي جنبه ويتهدده يوصلهم الكلام

امه : مالك يا ابني في شي؟

ايه خافت قطعت الصلاه وبتستغفر قربت منها:ماله ؟؟

مصطفى قام من عند الي جنبه : ها ياغاليه كيف انتي سامحيني كنت اصيح فوق الحمير هولا رفسوا الشغل رفس

ايه بخوف: ماله ؟؟

مصطفى سمعها ضحك: قد فجعتيها

امه: قوا يا ابي الله يحفظك يكفي المشاكل الي انت فيها بسببهم ماعد نشتيش هذا الشغل ارجع

مصطفى بيضحك: تطمني مابش شي  حق كل مره من قال لي اصيح وانتي في السماعه

امه: الله يخارجك ويستر عليك هيا كلم مرتك اسير أصلي  خاطرك.

ايه : مصطفى مالك؟

مصطفى : حيا بروحي وقلبي فقدتلش ياعيون مصطفى

ايه: يوه الحمدلله افتجعت

مصطفى: هي امي هكذا واصل الله يحفظها ، طمنيني عليش كيف انتي ؟ اكلتي ماسويتي

ايه: وحشتني قوي حسي عندك مراعيه تتصل بي

مصطفى: والله انشغلت يا عمري وصلت والعمل معجون عجن خليها على الله لخبطوا الشحنات وذلحين الاوراق الاصل مدري وين ضيعوهن

ايه: اهدأ انت وماعيقع الا كل خير

مصطفى: يلا اسير اكمل العمل وبعدا شاتصلش لما افضى

ايه: طيب ، اكلت؟

مصطفى: شاكل بعدين نخلص العمل

ايه: الله يعينك يارب

بيت بلال..

بلال طلع معصب بعدها فتح باب الغرفه : اشتي ادرا مابيقلبش هكذا

وجدان : خلاص تنذكر ايه في الموضوع تقوم القيامه

هاجر جالسه تاكل نفسها ماتشتي تدي لايه قيمه ونفسها تشوفخا وتشوف كيف تعامل زوجها معها وتعرف اين سارو واين جو ماقدرت تصبر اكثر فضولها قتلها دخلت..

هاجر بضبح ونرفزه منها ليش ماسلمت عليها : مسرع قد نسيتي الغرف عاد الناس يسلموا

مصطفى مستغرب دخلت تتكلم هذا الكلام ماقالت السلام عليكم حتى !!!

ايه : انا راكنه انس عتجي عشان تسلمي على مصطفى وبعدا ماينفعش افلت زوجي اول يوم له هنا.

مصطفى شافها وابتسم اتجمل منها

هاجر ضبحت منها طنشتها شافته: كيف انت

مصطفى: الله يسلمش ياعمه الحمدلله

هاجر : كيف السفره معك افتهنت؟؟

مصطفى استغرب كيف مابتسالها هي !! لفت لآيه: الله يحفظها الحمدلله الرحله جميله بوجود ايه الله يحفظها

فاروق كان مرتاح قوي لبنته ومعصب من اسلوب مرته.: هيا شرق اين الغدا

هاجر: الان ، ايه جي اشتي احاكيش

مصطفى شافها : سيري ياروحي البيت بيتي مش انا غريب

ايه قامت معها وخرجت ..

هاجر وصلت في المطبخ بتؤمر العامله تقرب : انا قدلي شهر ساكته قلت عيفهمو على نفسهم عيب عليهم ولا ادولي حق الأم الطرح(مبلغ من المال هدية الأم ) ولاشي !!

ايه: ايوه اصلا هو داري ان مابش معي أم انا قلتله مابش معي أم، دعيتيني عشان هذا الموضوع !!

هاجر: هااا كان الخبر هكذا ! تمام حاضر.

ايه بتتكلم مع اختها الصغيره وتبوسها

هاجر : سيري غرفتش يلا

ايه شافت اختها خافت ومشيت طنشت ورجعت للديوان.

هاجر: اعوذ بالله على وقاحه لو تزيد تموت ماعد افعل لها حساب.

ثاني يوم الظهر..

مصطفى قبل مايسافر: والان اوصيش على ايه وانتي يا ايه اوصيش عليها

امه: الله معك توصل بالسلامه..

ايه حست بزعل وشعور غريب تعلقت به بمده بسيطه لحقت بعده تودعه وعيونها ملان دموع

مصطفى على خرجته لمح عيونها ورجع ضحك : هذه القويه الي ماتدمعش !! حبها فوق راسها هيا هي الا يوم بكره وانا عندش اتغدا من يدش

ايه ضحكت: ان شاءالله مادمعتش هن رموشي مع الريح

مصطفى مسك خدودها: انا فدال الرموش هذه

الله معش انتبهي لنفسش

ايه: طيب ركز وسوق دلا وانتبه لنفسك ولما توصل طمني

مصطفى طلع السياره وقفل اشر لها مع السلامه

ايه دخلت وراحت جلست مع عمتها

جلست تجابرها وهن بيطبخين وتحكي لها عن مصطفى وطفولته وكيف ساعد ابوه واخوته من ابوه بيتنافسوا بينهم البين

ايه منسجمه معها وصل لها اتصال ردت عليها !!!

رحاب: فاقده لش قوي قد شاتزوج ولا شفتش ، انتي فاضيه امر ادي لش الدعوات ؟؟

ايه فرحت: ايوه اهلا وسهلا جي واجلسي عندي مصطفى سافر ومابلا انا وعمتي

رحاب: خلاص شاوزعهن واخليش اخر واحده اجلس معش شويه نتجابر ، ارسلي لي العنوان

ايه: تمام ، رسلت لها العنوان

كملت تتغدا ولبست وبخرت البيت

ام مصطفى دخلت تسوي شاي بالحليب وكيك

ايه خرجت وكل شي جاهز تشكرتها وبخرتها وعطرتها وبيتكلمين..

وصلين رحاب ووجدان وبعد السلام والكلام ..

واقفات قدام المرايا وايه في المطبخ بتجهز العصير

عمتها في الغرفه كانت بتتكلم في التلفون خرجت من الغرفة وسمعت هذه الجمله..

وجدان : من يصدق كيف تغيرت حياه ايه وتزوجت و عايشه هذه العيشه يعني كيف هربت من بيتهم والعز الي هي فيه وسكنت عندنا في غرفه وربي عوضها بهذا كله وام زوجها تبان طيبة قوي...!!

رحاب : واصل وانتي دايما في نفس هذا الموضوع عيب المره الاولى سمعتنا عمتها وجلست تفعل لنا مشاكل وتجي للبيت هي وخالتها هذه المره تقرصي العافيه

وجدان: مابش حد في البيت

رحاب: اصلا مابش داعي نتكلم في الموضوع هذا خلاص الله يسعدها

ام مصطفى خرجت : تحتاجين شي يابنات؟ فرشه مكياج ادخلين غرفه ايه

ايه خرجت بالعصير دخلته الديوان

رحاب شافت وجدان بضبح : شكرا يا خاله مابش داعي كل شي تمام

دخلين الديوان جلسين يتكلمين على السوق والكوافيرات والمكياج المناسب

ام مصطفى : ايه بنتي في الباب جت تدي لي الادويه قوا افتحي لها يابنتي

ايه قامت : حاضر من عيوني

رحاب مبتسمه بتشوفها وهي رايحه لبسها جمالها ردود وكلام وهدوء ايه متغيره قوي

ام مصطفى : العفو لو تطفلت او بالغلط سمعت بس عن اي هروب بتتكلمين ؟؟ ايه هربت !!

رحاب انحرجت وتوترت وسبقت وجدان لاتنسى وتتكلم على نياتها مثل كل مره( ضحكت تلطف الجو ) وبتحكيها على شكل قصه وشقاوه  : الله يهديها ايه ياخاله كانت حساسه وتشتي كلمتها لو حصل معها موقف حنقت وجت لاعندي

ام مصطفى ضحككت وارتاحت شويه : الله يهديش ي ايه الحمدلله انها قد عقلت

في الباب فتحت لها دخلت وبعد ماسلمت عليها  بمرح وضحك بتمازح ايه : يو لاغيبك يامصطفى ماشوع البيت بدونه ، فقدتلك يامصطفى شلتك ايه عليا

ايه ضحكت متعوده عليها ايام العرس ولما يجتمعو تمازحهم

وجدان بتدكم رحاب: من هذه ؟

ام مصطفى: سلمي عليهن صديقات ايه

بنتها سلمت عليهن:  حيا بكن لاتقلين مجنونه انا هكذا على طبيعتي ماقدرش اهدأ يمكن لو زوجوني أعقل

رحاب شافت ايه: مثل بعض الناس

وجدان : انتي اخت زوجها؟

البنت: بنت خالته ب..

اسعد مساء الحااااالي لحيث ماااا حل??

✿ وفقرة اليوم نغير جو. ونكسر الملل
اختر رقم احد الفناجين اللي يعجبك???

1 - ☕ 2 - ☕
3 - ☕ 4 - ☕
5 - ☕
✿ واستلم مني سؤال يحدد شخصيتك الايجابيه وانت وحظك???⁉️

للمشاركه لا هانا @ALFkamah

والنشر هانا بهذه القناه @FkamhSnaane2

( ماأسخاش عليك )
هذه الجملة المفروض صاحبها
يدخل الجنة غطوووووس??

وانا ما اسخاااااااش عليكم كلكم
ولأني مااسخاش عليكم حريص على اسعادكم
ولانكم بيتي الثاني والكبير سعادتكم تهمني

لذلك فديـتـكـم انظموا للقناه. @FkamhSnaane2
وشاانزل لكم فقره حااليه سعما انتو??
فكونو معنا. في تمام الساعه الثامنـه8,00 مساءً
على قناة. @FkamhSnaane2 دراما?

ام نديم ويسرا راحين بيت نديم ينظفين ويتفاقدين البيت..

يسرا : شم البيت سجااااير

ام نديم مسكتها ووقفين ف الباب: يووو اعوذ بالله صرفوا لاتفجعيني..

نديم سمع صوت تخيل له صوتها قام بسرعه خرج من باب غرفته شاف امه واخته ورجع للغرفه

يسرا نكزت : يمممه

امها شافت نديم: بسم الله ويحين خرررج اخوش؟؟
دخلت لاعنده وحالته مبهذله منهاررر ولحيته ملان وشه والهالات تحت عيونه الغارقه بسبب قلة النوم..
جلست تبكي وتعاتبه وتنصحه وتصحي ضميره في نادين الي زاد وجعه اوجااااع فيها ..

نادين بعد ماروحت فتحت السناب بتشوف حالاته كلها حب وشوق وكأنه بينادي شخص ..

يوم بعد يوم من متابعتها له عشقت كتاباته احاسيسه
الي بيكتبها وبتفكر من هذه الي عاشقها هكذا !!

حالات كثيره ومنها ( قهوتها المفضله : مثلي)

(فنانها المفضل : الي احب اسمع له !)
( تعشق السهر على ضوء القمر ولاتعلم انه انعكاس جمالها )

بدأت تغرق ف تفكيرها به ( بيقصدني او من ؟)

بعد حوالي اسبوع رجع وزارتها انتصار..

نادين : ايش قال الدكتور

لأحمد ؟

انتصار : قال له كل شي تمام له الحمد...

نادين بابتسامه : الحمدلله..
احس نفسيته متغيره هذه الفتره صح !

انتصار بضحكه : البركه فيش

نادين بخزا نزلت راسها وبتقلب التلفون : ايش دخلني انا !

انتصار : لو احكيلش قصه واحد وواحده لاتستغررربي ان عاد باقي حب وفي هذه الايام ..

نادين بنظرات فضول : ايش القصه ؟؟

نديم رسل لها رساله : نادين انا خرجت براءه طبعا تعرفيني مستحيل اقتل وامسك سلاح.. غلطت وتعلمت بقسوووه من غلطي وتغيرت ..
اديلي فرصه اعيش انا ميت بدونش جسم بلا روح... امنيتي الوحيده في الحياه اني ماعيش بدونش يوم اكتشفت انش الحياه بالنسبه لي ..سامحيني وخلينا نرجع لبعض واوعدش اعوضش على كل يوم عشتيه معي ... رجاء رجاء لاتدفنيني حي يانادين والله احبشششش!!!

نادين قريت الرساله وبتسمع انتصار ..سرحت شويه في كلام الرساله وبدأت تشدها احداث قصه انتصار حستها تشبهها تمامااا..

انتصار : حتى انها رغم رفضها له وتمسكها بالشخص الي حبته الا انه فضل سعادتها على سعادة نفسه اهم شي تكون سعيده وتكون مرتاحه ..ابوها رفضضض اعمامها رفضوااا وكان بينهم حاسس بها الوحيد رغم انه في صالحه وصالح سعادته الا انه حاسس قرارهم بيقهر اعز انسانه على قلبه حتى لو كانت لغيره..

نادين منسجمه : ايوه

انتصار:وافقوا وتمت خطبتها وعرسها وكان يتعذب بصمت رغم انه متزوج وحياته معها مشااااكل وبعيدين عن بعض كل البعد بس وفا لها رغم اي حد مكانه كان بيتجاوب مع اقرب بنت له كانت تتودد له وتحاول تتواصل معه وتراسله بس كان صاحب حق

نادين : وبعد ماتزوجت !

انتصار :كان يحاول يعرف اخبارها وكأنه عايش بس عشانها يعرف انها سعيده مرتاحه ينبسط لها ويرجع يتعذب بينه وبين نفسه بغيرته عليها..

نادين ملامح زعل ع وشها : يا بها ياعليها ياناسسس وفيه لابعد حدود ولا ناس خاينه ماتقدر الي معها..

انتصار :تخيلي عارف كل شي عنها ماعرفش كيف ادق تفاصيلها رغم اني انا اقرب لها بس معرفش كيف عايش وحاسس بها اكثر مني

نادين : وانتي ايش دخلش به تعرفيه ؟؟

انتصار بنظرات في عيون نادين هزت راسها : ايوه

نادين عقدت حواجبها : من ؟

انتصار : احمد مجنون بششش يا نادين من زمااااان انتظرش تكبري تخلصي المدرسه قالو تشتي جامعه انتظرش للجامعه

نادين تصنمت قدامها وتذكرت كلامها ورساله نديم... حست في فرق كبيررر كل شي تمنته في حبها لنديم لقيته ف احمد .. معقول احمد كان حامل كل هذا الحب والاهتمام لي في قلبه !
وليش نديم ماعرف الحب الا بعد ماكرهني فيه..

وهذا مازال يحبني رغم ان تصرفاتي وعدم احساسي به كان مفروض انه كرهني.. !

نديم رسل لها : لاتسمعي لاي حد يحرضش عليا تذكري حبنا والي بيننا .. اي حد ممكن يغلط وانا مش معصوم من الغلط وانتي الحنان والحب والطيبه فكرري وخذي وقتش اهم شي نرجع لبعض..

انتصار : فكري ف الموضوع يانادين احمد يحبش بجنون حب مختلف ونادر هذه الايام حبيت اختصرلش خطوات احمد لانه مش عارف كيف يبدء الموضوع معش وانتي في هذه المشاكل بس قلت اكلمش معش فترة العده تفكرري بهدوء..

نادين متأثره من القصه الي سمعتها وترجع تتذكر انها هي وبطل القصه الي عانى احمد الي لقيته جنبها ف اصعب المواقف اقرب لها من الكل..!

كانت رسايله لها المستمررره بتقطع تأثيرها بالقصه الي لامست قلبها ومشاعرها ...

حست انها ف دوامه وفي شتات تحتاج تكون لحالها مع نفسها تقرر القرار الصح هذه المره بعقلها مش بقلبها ..!!

نادين سارحه ف التلفون وكأنها منتظره رساله اعتذار ثانيه واتصال منه...

انتصار : مالش من اول بتفتحي التلفون !

نادين : مدري قلق خلاص تعودت اجلس ع اعصابي..

انتصار : فكري الان بنفسش وبسسس بجامعتش الي بتشغل وقتش وصحباتش وانسي كل الي حصل رغم انه صعب بس تقدري تتناسيه

الاهتمام يخلق فوق العشق عشقين، الاهتمام يخلى الروح فرحه انها عرفت تختار صح
الاهتمام أهم ألف مرة من الحب..
لأن كتير بيعرفوا يحبوا....
لكن نادرين اللى بيقدروا يهتموا وينشغلوا بك !!
لذلك اختار اللى يهتم بك مش اللى يحبك
اختار اللى يقدر يحتويك بقلبه وعقله وأفعاله و تصرفاته ووعوده الصادقة وبقاءه علي العهد !!
اختار شبيه لروحك يهمه تفاصيل ألمك قبل فرحك
اختار اللى يعرف في عز الزحمة يخطف بصيرتك و يكون مرايتك وسندك ونجاتك !!
اختار سـندك وعكازك بدقة وإتقان..!!

@ALFkamah