حياكم الله وكل الهلا

سلامي الحار من شعرك لحد ليلك
وسلامي الكل تفاصيلك
هنيالك تسافر تنحضن وتنام
وانه بيتنه افتر واغنيلك
تضحكلي وصعوبات الحياه تخف
واحس الليل متفائل وطريق الصحره ميخوف
ومن تروح من عندي اعيشن دور واحد فقد ذاكرته وع اهله ستوه متعرف
بعد هذا الغزل خل نحجي بالموضوع
هذا اخر لقاء يجمعنه اني وياك
شجرة اشتعلت ومشعول يمهاا اشموع
من كتلي الفرق يبدي من البيوت
وعائلتك واحلامي شبعدها
واحنه نراقب اول هجره للطير
لحد ما يطلع من السرب كدهاا
القرار العاطفي شكد كلف السيف
بس نفسيته التحارب بعدهاا
اذا تفكير امك تشتري بتوت
امي عالجثث خلصت خدهاا
مشاعركم جذب وابيوتكم خوف
وحدايقكم شكد ميت وردهاا
واحنه بيوتنه تخبل بلهموم
من راس الفرع تشتم فكدهاا
اكو نضره طويلة تخلص الشوف
روحك تجمد ويثكل جلدهاا
هاي عيوني باخر كلمة وياك
عشت احساس النذبحو ولدهاا
وطلعت الصور من جوه الفراش
بليلة من الشته ويكتل بردهاا
بحيث تعصبت حته عالهدوم
لان عطرك لكيته يبات عدهاا
وحك اخر سلام ع التوابيت
اذا يصعد ابو الميت يشدهاا
كرهت الحب مثل توقيت العدام
من تستسلم وايدك تهدهاا

#علي_شاهين

صباحكم ورد

ردتك بأخر دقيقه
تگلي أحبج
تگلي عوفي الدنيا بس
ضميني يمج
رايد تلميني بأيدج
حلمي ضَلمة
وأكعد بنص ليلي أريدج
ابقي يمي تضيعين
مني شلون اجيبج؟
ايدي جانت تنتظر ايدَك تِضُمني
وسَكته مِنَك وسَكتَه مني
وهيج قصتنه گضت.

ويگول أفگدَك لو غبت
بَس وكتي مايكفيني
چذاب مايحچي الصدُگ
واللّٰـه العَظيم مِن أحترگ
يستنكِف يطَفيني .

عِدمن تِشتكي بهالليل الشطوله
و أنتَ اليوجعك ما تگدر تگوله!

ضمني بجيوبك قصيده
ولا تگلهم انته شاعر
خل اعيشن بس الك ..

وانه شمضيعني!
غير عيونك
الـ ما تدري عني
وانه شمضيعني
غير ضنوني اذا باجر عفتني
يمي انتَ وما تهنيت بوجودك
خفت لا تنباگ مني.

أحِلم بّيك وأنة ليّلي ما غَافي !

انَه وگلبي مَحد مِستعز بيّنه .