Супрацьдзеянне спробам Расеі паглынуць Беларусь, спыненне ўдзелу Беларусі ў вайне, супрацоўніцтва на міжнароднай арэне, візавыя пытанні
Распачалася працоўная паездка намесніка кіраўніцы Кабінета, прадстаўніка ў замежных справах Валера Кавалеўскага ў сталіцу ЗША.

На парадку дня:

▪️ Супрацьдзеянне агрэсіўным дзеям у дачыненні да Беларусі, нашага суверэнітэту, незалежнасці і практычныя крокі па змяншэнню ўплыву «рускага свету» на Беларусь;

▪️ Спыненне ўдзелу Беларусі ў вайне: стратэгія, практычныя крокі, эфект для рэгіёну;

▪️ Новая версія Акта аб дэмакратыі ў Беларусі

▪️ Візавыя пытанні беларусаў;

▪️ Дапамога беларускаму дэмакратычнаму руху і грамадзянскай супольнасці Беларусі.

На бліжэйшыя некалькі дзён у Валера Кавалеўскага запланаваныя сустрэчы ў Белым Доме, Кангрэсе ЗША, Дзяржаўным дэпартаменце, іншых установах:

«АПК працягвае працу па інфармаванні аб падзеях у Беларусі і па выпрацоўцы супольных дзеянняў з нашымі партнёрамі па выкананні нашых галоўных задач – захавання незалежнасці і аднаўлення дэмакратыі. Беларускі парадак дня ў Вашынгтоне заўсёды запатрабаваны, і сярод структур выканаўчай улады, і ў Кангрэсе ЗША»
@BelarusiSvet

«Беларусь не трэба разглядаць як сатэліта Расіі, гэта – еўрапейская нацыя»
Намеснік кіраўніцы, прадстаўнік па замежных справах Кабінета Валер Кавалеўскі ўзяў удзел у панэльнай дыскусіі «Яшчэ адна анексія: паступовае паглынанне Беларусі Расіяй» у Цэнтры Дэвіса Гарвардскага ўніверсітэта.

Дыскусія пачалася з відэазвароту кіраўніцы Кабінета Святланы Ціханоўскай. Яна нагадала, што ў 1991 годзе, калі наша краіна аднавіла дзяржаўнасць, ЗША запэўнівалі ў адданасці суверэнітэту і дэмакратычнаму выбару Беларусі:

«Мы жывём зараз у такой складанай сітуацыі, што гэтае абяцанне стала абсалютна актуальным. Мы мусім знайсці спосабы цалкам яго выканаць».
Ціханоўская заклікала не ўспрымаць паглынанне Беларусі Расіяй як нешта адасобленае ад бяспекі ў рэгіёне, бо гэта «распальвае апетыты Пуціна да падпарадкавання іншых краін».

Валер Кавалеўскі адзначыў: тое, ува што Лукашэнка пераўтварае Беларусь, – дасканалая мадэль для Пуціна, але вельмі благі сігнал для іншых суседзяў Расіі:

«Беларусь пад рэжымам Лукашэнкі – пагроза не толькі для Беларусі, але і для нашых суседзяў і ўсёй еўраатлантычнай супольнасці».
Удзельнікі дыскусіі абмеркавалі еўрапейскі выбар Беларусі і практычную дапамогу, якую могуць аказаць заходнія партнёры беларускаму народу на шляху да дэмакратыі. Кавалеўскі падкрэсліў:

«Беларускі народ хацеў б, каб яго пакінулі ў спакоі, хацеў б мець магчымасць жыць нармальным жыццём. Але зараз гэта немагчыма праз інтарэсы Расіі, якія агрэсіўна ўрываюцца ў жыццё беларусаў».
Намеснік кіраўніцы Кабінета заклікаў дапамагаць дэмакратычнаму руху ў змаганні за вольную Беларусь ужо зараз, што дапаможа і Украіне, а таксама можа справакаваць змены ў Расіі.

У дыскусіі ўзялі ўдзел намеснік памочніка дзяржсакратара ЗША Крыстафер Сміт, былы амбасадар ЗША ў Беларусі Джордж Крол, прафесар Гарвардскага ўніверсітэта Аксана Шэвель. Мадэратарам выступіла былая памочніца дзяржсакратара ЗША Карэн Донфрыд.

Валер Кавалеўскі працягне візіт у ЗША дыпламатычнымі кансультацыямі ў ААН і серыяй перамоў з амерыканскім урадам.

@CabinetBelarus

«Чэхія – прыклад паспяховай еўраінтэграцыі для беларусаў»
Намеснік кіраўніцы, прадстаўнік па замежных справах Кабінета Валер Кавалеўскі правёў працоўную сустрэчу з паслом Чэшскай Рэспублікі ў Польшчы Бржэціславам Данчакам і палітычным дарадцам пасольства Пэтрам Марышкам.

Прадстаўнік прыгадаў, што Чэхія была першай краінай, якая прыняла параненых беларусаў пасля падзей 9 жніўня 2020 года, і падзякаваў за тую падтрымку, якую Чэшская Рэспубліка працягвае аказваць беларускаму дэмакратычнаму руху, у прыватнасці Офісу дэмакратычных сіл Беларусі ў Чэхіі.

Валер Кавалеўскі зазначыў, што пасля пачатку поўнамаштабнага ўварвання ва Украіну, у тым ліку, і з тэрыторыі Беларусі, сітуацыя з візамі для беларусаў моцна змянілася. Бакі абмеркавалі магчымасць пошуку рашэння гэтай праблемы на ўзроўні Міністэрства замежных спраў, а таксама каардынацыю пазіцый у міжнародных арганізацыях.

Удзельнікі сустрэчы абмеркавалі праект новага нацыянальнага пашпарта Беларусі і тэму еўрапейскай перспектывы для Беларусі – шлях, які ў свой час прайшла і Чэхія.

«Прыклад вашай краіны – гэта гісторыя поспеху на шляху еўраінтэграцыі. І гэта важны прыклад для беларусаў», – зазначыў прадстаўнік па замежных справах Кабінета.
Бакі абмеркавалі магчымыя крокі партнёраў дзеля абароны незалежнасці і суверэнітэту нашай краіны і дапамогу Украіне з боку дэмакратычнай Беларусі ў перамозе.

@CabinetBelarus

Праграма ІІІ Канферэнцыі беларусаў і беларусак свету

Офіс Святланы Ціханоўскай, Аб’яднаны Пераходны Кабінет, Офіс дэмакратычных сілаў Беларусі ў Чэшскай Рэспубліцы і Народныя амбасады працягваюць падрыхтоўку да ІІІ Канферэнцыі беларусаў і беларусак свету, якая пройдзе 23-24 сакавіка ў Празе. Арганізацыйная каманда, да якой далучыўся прадстаўнік Каардынацыйнай Рады, ужо сфармавала праграму і хутка аб’явіць імёны спікераў.

Падчас канферэнцыі беларусы і беларускі будуць разглядаць і вырашаць актуальныя пытанні і праблемы нашай супольнасці. У гэтым годзе панэльныя дыскусіі прысвечаныя наступным тэмам:

⚪️ Стратэгічная візія беларускай дэмакратычнай супольнасці і роля беларусаў(-ак) замежжа на 2024-2025 гады;

🔴 Роля беларусаў(-ак) замежжа ў беларуска-ўкраінскіх адносінах;

⚪️ Узмацненне патэнцыялу супольнасці беларусаў(-ак) замежжа.

Адзначым, што беларуска-ўкраінская панэль з’явіцца на канферэнцыі ўпершыню. Удзельнікі змогуць абмеркаваць адносіны краінаў і іх будучыню, а ў якасці key-note спікера да панэлі далучыцца амбасадар Украіны па асаблівых даручэннях у Беларусі Ігар Кізім.

Акрамя таго, на канферэнцыі будзе прадстаўлены кірмаш грамадзянскіх праектаў – блок, дзе дыяспары змогуць прэзентаваць свае ініцыятывы на 2024-2025 гады. Атрымаць падрабязную інфармацыю пра кірмаш грамадзянскіх праектаў, а таксама пакінуць сваю заяўку можна па гэтай спасылцы да 17 сакавіка.

Нагадваем, што зарэгістравацца на канферэнцыю можна па спасылцы, а азнаёміцца з праграмай – тут.

Рэжымная знешняя палітыка ў тупіку, а Народныя Амбасады працуюць усё больш актыўна

Намеснік прадстаўніка па замежных справах Кабінета Уладзімір Астапенка пракаментаваў для Белсату навіну пра звальненне Лукашэнкам сваіх паслоў у Швецыі, Фінляндыі, Нямеччыне і Кыргызстане:

«Сёння відавочна, што пасланцаў Лукашэнкі нідзе ў цывілізаваным свеце не чакаюць і нідзе не вітаюць. Таму ім нічога іншага не застаецца, як толькі звальняць амбасадараў без прызначэння новых. І гэта сведчыць пра тупіковасць беларускай знешняй палітыкі»
Як падкрэсліў Уладзімір Астапенка, тэарэтычна пасол можа быць прызначаны пазней, але для гэтага трэба атрымаць згоду краіны яго знаходжання.

*«Рэжымныя амбасады сядзяць у ізаляцыі і ні з кім не камунікуюць. На гэтым фоне ўсё больш і больш актыўна працуюць Народныя Амбасады Беларусі – і ў той жа Швецыі, і ў той жа Нямеччыне – і прадстаўніцтва Кабінета па замежных справах.

Мы ізалюем Лукашэнку на міжнароднай арэне і адбіраем у яго павестку», – адзначыў намеснік прадстаўніка па замежных справах Аб'яднанага Пераходнага Кабінета Беларусі.*
Крыніца / @BelarusiSvet