Անսահման սիրուն ❤️

Պետրոս Հոկտանյան

ՄԻ ՔԱՆԻ ՀԱԶԱՐ ՄՂՈՆ
#Հատված

...Ու եթե անգամ բոլորը գնան՝ դու արի...արի որ շնչեմ քեզ,որ թթվածինս չպակասի,որ ես չնվազեմ...
Ժամանակն է արդեն տեր կանգնել այն ամենին, ինչն աչքաթող ենք արել 1000 տարի, 300 տարի, 700 տարի...
Արի որ զատես իրարից հին ու նոր հիշողություններս,ինչպես աղոթք անելիս տերողորմյան են համրում...Որ դրամատիկ ամառն ինձ կապի նախախնամության իր անվակառքին, որ էլի լինեմ գերին անհոգ ջահելության։Արի որ գիշերներս չերկարեն առանց քեզ ցերեկներս էլ՝ կարճանան,որ մկրտես իմ վերածնունդն ու արթանացումը նոր, որ Երևանը չտխրի առանց քեզ, որ ես չմնամ մենակ...

Ես չեմ ծնվել մենակ մնալու համար, որովհետև իմ ճակատագիրը հենց երջանկությունն է եղել ու դու ես եղել այդ երջանկության թե սերմացուն և թե մշակը, անգամ անցյալ դարում՝ դեռ անհիշելի ժամանակներից...

Արի որ չմնամ կյանքի հատակում և տեսնեմ թուլությունն աշխարհի՝ նվիրաբերելով նրան պոռթկումներս։
Այս անգամ արի և ոչինչ էլ մի խոստացիր,որովհետև խոստումները ձևափոխվելու հատկություն ունեն՝ նույնը չեն մնում..բայց դու նույնն ես ու ես եմ նույնը՝ նույնանման ենք...

Արի,որ կատակով ամուսնանանք ու հղիանաս կատակով, իսկ կատակի հետևանքից ծնվածը ,անբաժան մասնիկն ու վկան թող դառնա մեր հետագա այն լուրջ տարիների, որոնք շարունակելու ենք ապրել կատակով...

...Մի խոսքով՝ արի, միայն թե արի...

5 ամիս կլինի` չէի գրել, ոնց որ թե մի քիչ բարի վերադարձ))

Երբ ուժերդ քեզ լքեն և ուռենու պես դու լացես Ես կգամ քեզ մոտ թե սպասես․․․
Երբ մի օր քո հեքիաթները ավարտվեն Ես կզգամ Թե անգամ մեր ճանփաները չհատվեն … Ես կգամ Թե արևդ ինչ-որ մեկը գողանա և դու մրսես Ես կգամ քեզ մոտ թե կանչես․․․  Թե ժպիտդ ինչ-որ մեկը գողանա և դու մթնես Ես կգամ քեզ մոտ թե սպասես․․․

Տաթև Ոսկանյան