مجموعة قنوات لبابة آلـ ياسين
???????????

قصائد المنبر الحر

https://t.me/LOOBABA96

رسائل

https://t.me/AR_B_0

الشاعرة لبابة آلـ ياسين

https://t.me/Lobabaallyassin313

تراتيل
https://t.me/oo_Y13

الأهداء

https://t.me/AHi6i

لمحمد وآل محمد

Telegram

قصائد المنبر الحُر

ولقلمي حكاية عشق يرويها لصاحب الزمان #ملاحظة لا أحلل ولأي سبب نسب القصائد لأي أسم آخر للتواصل مع الشاعرة @LooBaa22bot

طــالت غيبتك مولاي كــون تـشــوف
يبو كلمة الحنينه أزكيني بس حروف

ــــــــــــ

أريــد أيـامــي بــَس يمـَّك أكـَضّيــهن
وكــومه دمــوع يــَم بـابـك تحاجيهن
ســنيني مـفرفــحة وتحــتاج راعيهن
أجــبِل سيــدي دونــك مِلاني الخوف
طــالت غيبتك مولاي كــون تـشــوف

لــ لبابة ال ياسين

https://t.me/oo_Y13

Telegram

سالوفة حٌسينية

كل مايٌكتب بقلم الشاعرة لبابة آلـ ياسين #ملاحظة لا أحلل مطلقا نسب القصائد لأي أسم آخر

طــالت غيبتك مولاي كــون تـشــوف
يبو كلمة الحنينه أزكيني بس حروف

ــــــــــــ

أريــد أيـامــي بــَس يمـَّك أكـَضّيــهن
وكـــومه دمــوع يــَم بــابــك أبدَّيهن
ســنيني مـفرفــحة وتحــتاج راعيهن
أجــبِل سيــدي دونــك مِلاني الخوف
طــالت غيبتك مولاي كــون تـشــوف

ــــــــــــ

يــِخنكني الـنِفس وانت الهوه وعِطرة
تعال أرجــوك .فــرِّح فاطـمة الــزهرة
تــِدور أفــلاك بــيـدك مـحــور الـعـتره
وبس بسـمك عـٌرفـنا الخير والمعروف
طــالت غـيبتك مولاي كــون تـشــوف

ـــــــــــــ

أريـد الـكاك واشـهك شـهـكة الــخـايف
أنه عيوني انـعمن بس كلشي ماشـايف
مثل غـركان فـوك الـروج جــن طـايـف
تعال وكحل عيوني بـجمال الـشـوف
طــالت غـيبتك مولاي كــون تـشــوف

ـــــــــــ

خليني أحـسـب أيــامي كـبـل لا أمـوت
أنه بــدونك قــصايد فاركـاها الــصوت
يونس مـن غِـرك تـابوته صــار الـحوت
ونَه أبجيلك دمه طيّب جروحي وروف
طـالت غــيبتك مولاي كـون تـشــوف

لٌبــابــة آلــ ياســـين
١٦ ايلول ٢٠٢٤

#لبابة_ال_ياسين
#المهدي
#قصائد_حسينية
#قصائد

https://t.me/Lobabaallyassin313

Telegram

الشاعرة لُبابة آل ياسين

قصائد منبرية حسينية ***✍️*** #ملاحظة لا أحلل مطلقا ولأي سبب نسب القصأئد لأي أسم آخر للتواصل مع ألشاعرة: لٌـــبَابَــة آلــ ياســـين آدمن @LooBaa22bot

طــالت غيبتك مولاي كــون تـشــوف
يبو كلمة الحنينه أزكيني بس حروف

لبابة ال يــٰس

يظل كل واحد ورزقة
لاحـقَّـك.... ولاحــقــَّه
هاي الدنيا كـوم تراب
لاتحسبها  بس صفـقه

أبد لــتعــيـل بــالـوادم
اذا أسمك صدك خادم
خلي مرجعك الحسـين
لازم مِــن تِـردله الديـن
كــون اتــعامِلـه بـدقـة
لاتحسبها  بَس صفـقـه

تعال احجيلك الـواجـب
شاب ولو جـنت شايـب
مـــيفيد العتب واللــوم
صفي النية تـِفلـح دوم
ماتــرهـم أبــد  قـلــقـة
لاتحسبها  بس صـفـقه

لاتــِسمع حـجي بكيفك
ويذبح ركــبتك سيفـك
تـِشيل الغيبة مـتـعـمـد
غَضبها حشاك ما يِـركد
زكـــاة الــيِكتل بـشنقه
لاتحسبها  بس صـفـقه

أعـذر لـــو تـريـد أعــذار
دنيا وبـيها بس خــطــار
مـــيـفيدك ولــد لا مــال
من هالـمال حـمل اجمال
تــالـي الوحَّــدَّك تــبـقــه
لاتحسبها  بس صـفـقه

عـيـش وانــتَ مِــطـمـِـن
لـــتــفـكـر ولا تـمـَـنْـــمِـن
رزقـك فــوك مـــتـقـسـم
علــيمـن جــاي مـــتحزم ؟
اذا ربــك نـِوى يــْمـحقه
لاتــحسبها  بس صـفـقه

ودٌور الـــدنـــيــــا دَواره
ومني انــطـرها البـشارة
بآلــ الـبيت بــس تِــفــلح
ونص دنـياك هم تـِنـجح
طريق الماعرف يِــشقــه
لاتــحسبها  بس صـفـقه

لٌــبابة آلــ ياسـين
وزن طويل
١٦ ايلول ٢٠٢٤

#لبابة_ال_ياسين
#قصائد

https://t.me/oo_Y13

Telegram

سالوفة حٌسينية

كل مايٌكتب بقلم الشاعرة لبابة آلـ ياسين #ملاحظة لا أحلل مطلقا نسب القصائد لأي أسم آخر

هـٰـذا مـو بس مـٌعتقد هذا المـَصير
أحــنه لو نــِنقــاد شـرطاً من أمـير
..........
احنه صوت حسينَّا  بدم الطــفوف
مانـهاب الموت .مَتردنه الــسـيوف
بيـنا شمس الدين منهاب الكـسوف
أول أحــنه ودوم مانــرهــم أخــير
هـٰـذا مـو بس مـٌعتقد هذا المـَصير
..........
احــنـه مــن عباسنا عِشــنا الوفــاء
بينا حوبة من الوحي وأهل الكساء
صاح لــجل الــدين طــفّج كــربلاء
كل وكـــت تاريخ معروفج جِـــبير
هـٰـذا مـو بس مـٌعتقد هذا المـَصير
...........
آنـه دمــعة النـِزلت بــعـين الـذبيـح
وآنه مـوقف عابس وجون الصريح
لو يطيح الكون صـــدّك ماأطـــيـح
كـلمة من قاموسنه التحيي الضـمير
هـٰذا مـو بـس مـٌعتقد هذا المـَصـير
............
صـار وجـه الكاع يـنبـض بالــخـلـود
انــت بــس نــاديـنا نـوصلك حشـود
عـدنـه بالأخـلاق قــانـون الــيـجــود
ينطي كلشي اليعشكه وخادم يصير
هـٰذا مـو بـس مـٌعـتقد هـٰذا المـَصـير
.............
كِــلنا بــيدك ســيّدي وقـت الـظـهـور
انتَ مــحـور ثــابت وأحــنه الــنِـدور
شرد اكــلك شَــرد أمـلّـــيها الـسطور
واحة خضرة وآنه جن بيها الأســيـر
هـٰذا مـو بـس مـٌعـتقد هــٰذا المـَصـير

لٌبــابة آلــ يــاسيــن
١٢ ايلول ٢٠٢٤
وزن: موشح مدور

#قصائد
#لبابة_ال_ياسين
#المهدي

https://t.me/oo_Y13

Telegram

سالوفة حٌسينية

كل مايٌكتب بقلم الشاعرة لبابة آلـ ياسين #ملاحظة لا أحلل مطلقا نسب القصائد لأي أسم آخر

الله الله....
كَلبــي ووالاه
نـورك  للـدوم
أبقى آنه وياه
الله الله......

بشمسك ضوَّت كلها سـنيني
ضــايــع آنــه تـريدك عــيني
رحـــمة وتــوصل كِل العالم
بأســم الرحمـٰن

الله الله.....
ربك وهداه

فـــارغ دونــك انـتَ امــليني
يَمـــك رايــد بــَس خـــلـيـني
وصــفك آيــه لــكل الكـوكب
وحي وقرآن

الله الله.....
ماشاء الله

انت الـما يِــصــدف تـِـتغــير
خــير يــطوف الناس وكوثر
نـــشـرب نـــبعك لو حــسينا
ابـكَلب العطشان

الله الله.....
رايد ملكاه

بـيك العالم شـاف الرحمـة
بيـك إتـسمينه أحسن أمـه
نهجك بيــنه كمر يِضَــوي
بكل إمجان

الله الله....
فدوة العيناه

احنه البيد وانت الغــيمه
فضلك رايد الله يديــمــه
انت الواحد ماكو الــمِنك
بالكون أنسان

الله الله....
كَدرك مــَعلاه

بمولد طــه الكــون يِـــغرِّد
بهاي النعمه واجب نـِسـجد
مــحبـوب الله يـأذِن بــينه
بأجمل آذآن

الله الله...
نورك شفناه

خير الناس بأيدك صاير
انت المتخلي أحد حاير
ننخاك أحنه وانـت تلبي
دعـوة ولــهان

الله الله....
عايش مــَعـناه

جودك ما يخلص يتجدد
انت النـور الــما يــتـحدد
واحد انت بس نحسك
تملي الأكوان

الله الله....
خيرك عـِشناه

لٌـــبابة آلــ ياســين

٨ ايلول ٢٠٢٤

#لبابة_ال_ياسين
#قصائد
#مولد_النبي

https://t.me/oo_Y13

Telegram

سالوفة حٌسينية

كل مايٌكتب بقلم الشاعرة لبابة آلـ ياسين #ملاحظة لا أحلل مطلقا نسب القصائد لأي أسم آخر