چواردە پەیام بۆ گەلەکەم (١٤).
پەیامی یەکەم...
دژی زۆرداری و گەندەڵی دەوەستم، پەیمان لە گەڵ خوداو میللەت ئەبەستین کە لە یاساکانی پەڕلەماندا دەرفەتی خزمەتی خەڵک بڕەخسێنین لە هەموو سێکتەرەکانداو نەیەڵین تەندەرەکان تەنها بۆ کۆمپانیاکانی حیزب ببن و ئەوانیش تەنها مەبەستیان دەوڵەمەند کردنی خۆیان بێت.
هەروەها لە هیچ نەترسین و ڕاستییەکان بۆ ئێوەی ئازیز ئاشکرا بکەین، بە پشتیوانی خوا بچینە هەر سێکتەرێکەوە دەزانین گەندەڵییەکان لە کوێن دەستی ئەخەینە سەر چونکە ئێمە بڕوانامەی باڵامان لە بواری (بەڕێوەبردن و کارگێڕی)دا بۆ ئەوە بە دەست هێناوە خزمەتی گەل و نیشتیمانی پێ بکەین....

ئێوارەی ڕۆژی ٢/ ٧/ ٢٠٢٤ احسان یاسین زەڵمی کارگێڕو هەڤاڵ قەرەداغی وەک لیژنەی پلانی مەڵبەند کۆبونەوە لە گەڵ ئەنجومەنی هەواری شار بە مەبەستی چاودێری جێبەجێکردنی پلانی ڕابردوو ڕێنمایی بۆ جێبەجێکردنی پلانی داهاتوو..

بە داخەوەم بۆ وتارەکەی سەرۆکی هەرێم..؟
نێچیرڤان بارزانی سەرۆکی هەرێمی کوردستان لەدیداری سلێمانی کە ئەمڕۆ بە بەشداری بەرپرسانی حکومی و حیزبی عراق و هەرێم و وڵاتانن بە ڕێوەچوو وتی:
ئێمە بە ئاشتی لەگەڵ دەوڵەتانی دراوسێ نمونەی جوانی هاوبەشی و پێشکەوتنی ئابوری و گەشەکردنی هاوبەشمان دروستکردوە، ئەوەش هیچ پێشکەوتنێکی هەرێم لە خۆی ناگرێ، تەنها سەردانی مەرزەکان بکەی و ڕێگاو بانەکەی ببینی ئەم ڕاستییەت بۆ ڕوون ئەبێتەوە...؟
لە قسەیەکی تردا وتی :
دەرفەتی زۆری کاری هاوبەشمان دروستکردوە، نازانم کامە دەرفەت، ئەوەی کە هاووڵاتیانی هەرێم تەنها شتی خراپ و ناتەندروست ئەبینن کە وڵاتانی دراوسێ ئەینێرنە بازاڕە بێخاوەنە بێ کۆنتڕۆڵەکەی هەرێم و ساغی ئەکەنەوە.
دواتر وتی:
بە پرۆژە گەورەکانی داهاتوو ئەو پێشکەوتنە زیاتر دەکەین ، نازانم کامە پڕۆژە، ڕۆژانە بە سەدان هەزار بەرمیل نەوتی دزراوی تەنکەرەکان یان هێلکە قاچاخەکانی داخڵ کراوی شەوە تاریکەکانی مەبەستە یان کارەبا و غازە بەردەمەکەی هەرێمی کوردستان..؟
پاشان ئاخافتنەکانی بەردەوام کردو وتی:
ڕێگە نادەین هەرێمی کوردستان ببێتە هۆی هێرش و هەرەشە بۆ هیچ وڵاتێک، بە چی ڕێگە نادەن ئەی  ئەگەر توانای ئەوەتان هەیە ئەی بۆچی ڕێگری لە دڕۆنەکانی ئێران و قەصف و ئاگر بارانەکەی تورکیا ناکەن کە ترس و بیم و تۆقاندنی لە دڵی هەموماندا دروست کردووە، هیچ کەس لە خۆی ئەمین نیە....؟
هەروەها وتی:
هەموو هەوڵێکمان ئەوەیە هاوبەشی ئابوری زیاتر بکەین، کامە بەرهەم تا هاوردە بکرێت، گەنمی جوتیاران یان کشتوکاڵی دەشتی شارەزوور ...هتد
ئەبوو بتوتایە هەموو هەوڵێکمان بۆ ئەوەیە مەرزەکان بە کراوەیی بهێڵینەوەو بە بێ کۆنتڕۆڵ هەرچی شتێکتان بۆ ساغ نەبویەوە بینێرن ئێمە بۆتان ئەکەین بە پارەی نەختینەو بەشی خۆمان وەک دوو بنەماڵەی باڵا دەست هەڵئەگرین بەشەکەی ئێوەش بە ڕێزەوە ئەنێرینەوە بۆتان؟ باجەکەشی بۆ هاووڵاتیانی هەرێمە بێ نازەکەمان.
لە کۆتاییدا بەڕێز سەرۆکی هەرێم ڕایگەیاند:
پەیوەندیی بازرگانی باشمان لەگەڵ میللەتانی دراوسێ دروستکردوە٫ کەئێمە بەهێزبووین هەمووعێراقیەکان بە هێز ئەبن، پەیوەندیێک نەتوانێ ڕێگری بکات لە قەصف و درۆن هەرکەسیان ویست بیکوژن و هەر شوێنێکیان ویست بۆردومانی بکەن بە کەڵکی چی دێت..؟

پێم خۆش بوو سەرۆکی هەرێم باسی کارەساتی ئەنفال و جینۆسایدی گەلی کوردو ئاڵاو خاکی داگیر کراوی کوردستان و زمانی بێ نازی کوردی لە عێراق و ئینتیمای لە بارچووی گەنجانی وڵات و ڕێگری لە داڕوخانی ئەخلاقی ڕۆڵەکان و دەرکردنی فکری نامۆی هاو ڕەگەز بازو تەبشیری و فکرە نامۆکانی بکردایە، چونکە میللەت  ئێست بە زۆری بە دەس فکرو بیری نامۆ سەرقاڵە کە پەروەردەی مناڵ و ڕۆڵەکانمان کەوتوەتە مەترسییەوە، نەوەک تانها بیری بە لای پڕ کردنی گیرفانی بەرپرسە نابەرپرسەکانی حکومەتەکایان و حیزبە فەرمان ڕەواکانی هەرێمی کوردستان.

احسان یاسین زەڵمی
١٧/ ٤/ ٢٠٢٤ز