Hadalka Gabyaaggan sidaad u aragtaa:?

( لَا تَحزن على الصبيانِ إن ضُرِبـوا
الضربُ يَـفنَى وَ يـبقَى العلمُ و الأدبُ )

الضَربُ يَنفعهم و العلمُ يرفـعـهُمُ
لَولا المـخَافـة مَا قَرأوا ولا كتبُوا

لَـولا المخـافـة كان النّاسُ كـــلهمُ
شِبهُ الجمـادِ فَلا عِـــلمٌ و لا أدبٌ

(Ha u murugoonnin Carruurta haddii la garaaco
Garaacu wuu baaba'ayaa, Cilmigii iyo Aadaabtuna way hadhaysaa)

(Garaacu wuu anfacayaa, Cilmiguna wuu sarraysiinayaa
Haddaanay cabsanayn waxna may akhriyeen, waxna may qoreen.

(Haddii aanay cabsi jirin, Dadkoo dhan waxa ay noqon lahaayeen Jamaadaatka oo kale, oo aan Cilmi iyo Aadaab midna lahayn).

@Diinteenna_Macaan

*Ⓜ️*➕Somali Promotion ➕*?️
━━━━━━━?*━━━━━━

?Somali Free Books ?
⌘⌘ JØł₦ ₦Ø₩ ⌘⌘ *?Somali Librarians ?⌘⌘ JØł₦ ₦Ø₩ ⌘⌘ ✨Xikmado iyo murti?⌘⌘ JØł₦ ₦Ø₩ ⌘⌘ ?Kobciye Books?⌘⌘ JØł₦ ₦Ø₩ ⌘⌘ ? Mucaashaq Jacayl?⌘⌘ JØł₦ ₦Ø₩ ⌘⌘ ?Dhiirigaliye nolol?⌘⌘ JØł₦ ₦Ø₩ ⌘⌘ ⚙️Hoyga Farsamda?⌘⌘ JØł₦ ₦Ø₩ ⌘⌘ ? Aqoon Kobciye ?⌘⌘ JØł₦ ₦Ø₩ ⌘⌘ ?‍? Hidaayatu Rabbi ?⌘⌘ JØł₦ ₦Ø₩ ⌘⌘ ?Quruxda islaamka?⌘⌘ JØł₦ ₦Ø₩ ⌘⌘ ➰xaqiiqada Nolosha?⌘⌘ JØł₦ ₦Ø₩ ⌘⌘ ? alxakiim channel ?⌘⌘ JØł₦ ₦Ø₩ ⌘⌘ ?Dareen Side channel?⌘⌘ JØł₦ ₦Ø₩ ⌘⌘ ? Aisha bin Ahmed?⌘⌘ JØł₦ ₦Ø₩ ⌘⌘ ? Hassan Caashaq ❇️⌘⌘ JØł₦ ₦Ø₩ ⌘⌘ ? Hogaan Dumar**?⌘⌘ JØł₦ ₦Ø₩ ⌘⌘ ?‍♂️ Dinteena suuban?⌘⌘ JØł₦ ₦Ø₩ ⌘⌘ ? Dhaqan Wanaag ⚖️⌘⌘ JØł₦ ₦Ø₩ ⌘⌘
✉️ Tamarsinta ruuxda ✨️
⌘⌘ JØł₦ ₦Ø₩ ⌘⌘ ? Guulaayso bet ?⌘⌘ JØł₦ ₦Ø₩ ⌘⌘ ♒️ Kalimat Kariim ♉️⌘⌘ JØł₦ ₦Ø₩ ⌘⌘ ? albaani channel**?⌘⌘ JØł₦ ₦Ø₩ ⌘⌘ ? Qoraalo kooban ?⌘⌘ JØł₦ ₦Ø₩ ⌘⌘ ? MaanHage School ?⌘⌘ JØł₦ ₦Ø₩ ⌘⌘ ? Ruuxda channel ?⌘⌘ JØł₦ ₦Ø₩ ⌘⌘
? Qalbi Dhaye ?
⌘⌘ JØł₦ ₦Ø₩ ⌘⌘
✨️Qalbiyadeena ❣️*?
⌘⌘ JØł₦ ₦Ø₩ ⌘⌘ ━━━━━━━━━━
⭐️JOIN ALL CHANNELS ━━━━━━━━━━
ku Sali nebiga SCW**

Dad badan ayaa marka ay ubad hore u dhali waayaan sameeya waxyaabo Allihii ubadka hayey ay kaga sii fogaanayaan, sida in ay u tagaan sixiroolayaal iyo fooxisooyin oo wayddiiyaan sababta ay u dhali waayeen! Arrimaha noocaas ah aadamuhu waxa uu ku cadho gelinayaa Alle-wayne oo ubadkuna uu gacantiisa ku jiro. Qisada waxa aynnu ka qaadanaynnaa oo kale in Alle ubad wanaagsan la wayddiisto ee aan ubad oo dhan la wayddiisan. Casharro iyo cibaarooyin badan ayaa ku duugan qisadan halkanna aynnaan kaga wada hoorin karin.

Taxanaha Dhibbane
Qormada 11aad
Nebi Sakariye CSW.

Qur’aanka waxa uu Alle inoogu sheegay Nebi Sakariye oo waayeelay, ubad iyo carruurna Alle aanu siinnin, dabadeedna u werweray mustaqbalka danbe iyo diinta cidda isaga ka danbaysaa in ay daryeeli waayaan, wuu halaanhalay oo cabasho ayaa uu u diray Alle-wayne, isaga oo cod hoose ku dhawaaqay sida uu All Qur’aanka inoogu sheegay:
{إِذْ نَادَىٰ رَبَّهُۥ نِدَآءً خَفِيًّا}

Dabadeedna waxa uu Rabbigii la wadaagay duruufo adag oo isu barkaday iyo cabsi mustaqbal oo soo waajahday, waxa uu ka cawday gabow, taagdarro, ubad la’aan, ooridiisii oo gaboowday oo dhalmo-days ah, iyo baahida daran ee uu haddana u qabo wiil wanaagsan oo uu Alle u hibeeyo:
{قَالَ رَبِّ إِنِّى وَهَنَ ٱلْعَظْمُ مِنِّى وَٱشْتَعَلَ ٱلرَّأْسُ شَيْبًا وَلَمْ أَكُنۢ بِدُعَآئِكَ رَبِّ شَقِيًّا}
“Waxa uu yidhi: Rabbiyoow, lafihii iyo laxaadkii waa ay taagdarreeyeen, madaxiina cirro ayaa uu la boosoobey, baryadaadana Rabbiyoow ma aanan ahaan jirin mid ku hungooba”
{وَإِنِّى خِفْتُ ٱلْمَوَٰلِىَ مِن وَرَآءِى وَكَانَتِ ٱمْرَأَتِى عَاقِرًا فَهَبْ لِى مِن لَّدُنكَ وَلِيًّا}
“Rabbiyoow waxa aan uga baqay xigtadayda iyo kuwa iga danbeeyaa in ay isu taagi waayaan diintaada, xaaskaygiina waxa ay noqotay dhalmo-days, Allahoow agtaada iiga hibee weled wanaagsan”.
{يَرِثُنِى وَيَرِثُ مِنْ ءَالِ يَعْقُوبَ ۖ وَٱجْعَلْهُ رَبِّ رَضِيًّا}
“Rabbiyoow ka yeel mid i dhaxla reer Yacquubna dhaxla, Rabbiyoow ka yeel mid raalli laga yahay”.

Markii uu Nebi Sakariye CSW rabbigii baaqaa ballaadhan u diray, duruufaha ku xeeranna uga hawaala-warramay, si degdeg ah ayaa looga soo jawaabay baaqiisii, wixii uu codsadayna Alle waa uu u fuliyey.

{يَٰزَكَرِيَّآ إِنَّا نُبَشِّرُكَ بِغُلَٰمٍ ٱسْمُهُۥ يَحْيَىٰ لَمْ نَجْعَل لَّهُۥ مِن قَبْلُ سَمِيًّا}
“Sakariyoow, waxa aannu kuugu bushaaraynaynnaa wiil magiciisu yahay Yaxye, wax la magac ah oo horena aanay jirin”.

???
Duruuf kasta iyo wax kasta oo filashadaada ka dhigaaya mid u dhow wax aan suuragal ahayn, Alle agtiisa waa mid ka fudud in uu sida ugu degdegga badan kuugu fuliyo isaga oo aan kuu eegayn filashada aad ka qabto arrinkaasi in uu dhici karo.

Bal u fiirso Nebi Sakariye duruufaha ku gadaaman codsigiisa marka aynnu ku eegno indho aadame, da’da uu ku codsanaayo ubad waa da’ abdo beel u dhow, waa nin gaboobey oo lud iyo lafba u tax dhigay, cirraduna tuurkiisa caddaysay, xaaska uu qabaana waa dhalmo-days oo waa islaan waynaatey, waxa uu codsadayna ubad qudha ma aha ee marka hore waa wiil, mar labaadka waa wiil weli ah oo wanaagsan ee wiil oo dhan ma aanu codsan, mar saddexaadka waxa uu rabaa weli dhaxla Sakariye, Yacquub, iyo ehelkoodii, waxa uu ka dhaxlayaa Nebinimada iyo cilmiga, waxana uu isu taagayaa ilaalinta xaqa iyo tawxiidka, mar afaraadka waxa uu codsaday wiilka uu codsanaayo in uu Alle ka dhigo mid raalli laga yahay.

Alle ma aanu odhannin Sakiriyoow waa ad gaboowdey, ma aanu odhannin Sakariyow xaaskaagu waa dhalmo-days, ma aanu odhannin Sakariyoow gabadh yar guurso, ma aanu odhannin Sakariyoow wax suuragal ah i wayddiiso, waayo Alle agtiisa wax waliba waa ka suuragal, warna waxaa loogu bilaabay Sakariye, bushaarayso Sakariyoow, waxa aannu kuugu bushaaraynaynnaa marka koowaad wiil, mar labaadka magacana annaga ayaa u bixinnay oo waa Yaxye, mar saddexaadka wax la magac ah oo hore adduunka u soo maray ma jiraan.

Wax Alle ku culus ma jiraan, wax aanu awoodinna ma jirto, wax kasta oo aad baahan tahay Alle wayddiiso si kasta oo ay u adag tahay filashada aad ka qabtaa.
Ubadka Alle wayddiiso, maalka Alle wayddiiso, oorida Alle wayddiiso, jannada Alle wayddiiso, aftahamada wanaagsan ee xaqa loogu hiilinaayo Alle wayddiiso, xikmadda Alle wayddiiso… wax walba Alle wayddiiso, laakiin shardigu waxa uu yahay, xidhiidhka adiga iyo Alle idinka dhexeeyaa ha wanaagsanaado.

Abaalgudkii Nebiga SCW.

Maalin maalmaha ka mid ah ayaa uu Nebigu SCW la gorgortamay nin reer baadiye ahaa oo uu kula heshiisay in uu ka iibsado faras sheegganaa oo loo yaqaannay Al-murtajiz, Faraskii markii iibka lagu heshiiyey ayaa uu Nebigu SCW kexeeyey ninkii reer baadiyaha ahaa; si uu lacagtiisa u soo siiyo. Intii jidka lasii hayey ayaa uu helay ninki dad raba faraska, waa ay la gorgortameen, qiima fiicanna way u gaadheen, markaasuu intuu Nebiga SCW la hadlay ku yidhi: faraska iibso ama waan iibinayaa, dabadeed waxa uu ku yidhi suubbanuhu: faraska miyaanan kaa iibsan? Ninkii odayga ahaa si aan habboonayn ayuu ugu jawaabay Nebiga SCW isaga oo leh: wallaahi baanan midh kaa iibin! waxana uu ka dalbaday Nebiga SCW in uu marag la yimaaddo, nin saxaabada ka mid ahaa ayaa si aan gabbasho iyo cabsi lahayn ugu jawaabay: anaa markhaati ka ah in uu Nebigu SCW faraska iibsaday. Markii halkaa ay maraysa ayaa uu Nebigu SCW soo jalleecay saxaabigii maragga furay oo uu waydiiyey: maxaad ogayd oo aad maragga u furtay? Waxa uu yidhi Khuzaymah ibnu Thaabid RC: Rasuulkii Alloow waxaan maragga u furay inaan ku rumeeyey oo aan waxyiga samada aad nooga keento aamminay. Maalinkas ninkaa saxaabiga ahi teetal wayn iyo darajo culus ayuu goobtaas kala hulleelay oo ahayd “Cidda uu marag u furo Khuzaymah isagaa ku filan” Yacnii maraggiisu waxa uu u dhigmaa laba markhaati. Bal eeg abaalgudka Nebiga SCW, iyo sida uu saxaabigaas qiimaha goonnida ah u siiyey.

Allaahumma salli wasallim wabaarik calaa nebiyinaa Muxammad.

Qormooyinka taxanaha Dhibbane haddii ay wax ku dhaafeen halkan ayaa aad ka soo jeedaalin kartaa idamka Alle.

https://www.facebook.com/profile.php?id=100093163912051&mibextid=LQQJ4d

Facebook

Log in or sign up to view

See posts, photos and more on Facebook.

Shakhsiyadda noocaas ah qofka ku eedeeyey fulaynnimo iyo in aanu duullaamada raacin, ee ku eedeeyey caddaalad-darro iyo in aanu dadka si siman wax ugu qaybin, ee ku eedeeyey eex iyo in aanu laba qof oo is-haya si caddaalad ah u kala saarin, ee ku eedeeyey salaad-xumo iyo in aanu faralka Alle saaray si sax ah u gudan, ee intaasba istusnimo iyo i arkaay i maqlaay u samaynaaya, waa qof aan cidhibtiisa danbe iyo noloshiisa wanaaggeeda ka talin, waa qof Alle si toos ah u gardarraystay! Haa, Alle ayaa uu galay seerihiisa, oo sow Alle xadiisal-qudsi kuma aanu odhan: “Qofkii igala collaytama Weli, waxa aan u muujiyaa dagaal”
Qof Alle dagaal kula jiraa Alle ma ka guulaysanayaa? Sacad waxa uu ahaa Weli Alle oo aan shaki ka taagnayn, markii uu dulmigii laga galay xagga Alle kula eertayna kuma aanu soo hungoobin ee waa loo dhabeeyey, ninkiina saddexdii uu ku habaarayba waa ay ku habsadeen!

Cimrigiisiina waa la dheereeyey waana la fitneeyey! Oo ma waxa aan fitnooyinka waawayn ka mid ahayn waayeel aan cimri u laabnayn oo haddana hablaha gaashaantimaha ah ugu il-jebinaaya mahwiga iyo madalaha dad-waynuhu gabraday? Waa maya.

Maxaa ka run badan dardaarankii Suubbanuhu uu u dardaarmaayey Mucaad markii uu Yaman u diray ee uu lahaa: “Mucaadoow, iska ilaali habaarka dulmanaha, maxaa yeelay waxba uma dhexeeyaan isaga iyo Alle”.

Dulmanuhu haddii uu samada u taago labadiisa gacmood, dabadeedna uu Alle kaga eerto daallimkii dulmiyey, ma jiro xijaab u dhxeeya oo kala teeda ducadiisa iyo Rabbigiisii uu u taagtey gacmaha, waa la aqbalayaa oo waa hubaal. ____________(1) Bukhaari ayaa soo saaray xadiiska.

Wixii camal wanaagsan ee Rabbi loogu dhaawaanayo waxa uu u baahan yahay laba arrimood:
- Dedaal جاهدوا
-Dar Alle in ay kaa tahay فينا
Labadaa arrimood waxa ka dhasha inaad gaadho guusha oo ah in Alle jidka toosan kugu hanuuniyo.

Dar Alliyo dedaal baa ku xidhan guusha kaa dedan.