" إذا وقعت عليك ذُبابة فـ سل الله أن يرفعها "

للدرجة دي ؟!

أه، لأن ممكن قبل ما تمد ايدك علشان تبعد الدبانة دي عنك، لا قدر الله نقطة دم فقط تتخثر في دماغك فـ يحصلك جلطة متقدرش ترفع ايدك تبعد الدبانة دي عنك .

أنت ممكن تكون بتفكر في فكرة متلحقش تكملها في ذهنك حتى !

لما بنشرق بنشرب ماية، و في نفس الوقت في ناس بتموت بسبب شرقة و هو بيشرب الماية!

قمة الضعف، متقدرش تبعد عن نفسك دبانة ولا تقدر تكمل فكرة لولا المدد الرباني، المدد اللي بيخليك بتقرأ الكلام ده دلوقت، و تفكر، و تغمض و تفتح، و تنام و تقوم، و تتكلم،

أنت ممكن تصلي في يوم تلاقي نفسك نسيت أيات في الفاتحة ! مع إنك حافظها ..

إحنا لولا مدد ربنا هنضيع و هنهلك، متفرحش بخبرتك ولا شطارتك ولا شكلك ولا قوتك البدنية، أنت لا حول ليك ولا قوة حرفيًا إلا بالله، حتى الربع جنيه اللي في محفظتك هو اللي أهداه ليك، عن طريق كرمه و رزقه، بإختصار " أدرك عجزك " لأنك لما تدركه، لا هتخاف من حد، ولا هتشوف حد بيرزق غيره، ولا هتغرك نفسك مهما أداك، و الأهم :

هتعرف إن لا ملجأ لك في هذه الحياة ولا منجأ إلا اليه، اليه وحده.

لو سمحتم أي زجاج بيتكسر ف البيت مبيتحطش زي ما هو في باسكت الزبالة ..

النهارده شوفت واحد ايده اتفتحت عميق أوي من الموضوع دا ودا شغله وللأسف معرض لتلوث كبير جدا في الشغل دا هيعمله مصيبه في الجرح ..

بنلف الحاجه في ورق او قماش مش عايزينه او كذا كيس فوق بعض

الراحمون يرحمهم الرحمن .

-
‏"القرآن نعيمٌ معجَّلٌ، فتنعَّموا به"

السلام عليكم ورحمة الله وبركاته ?

أسبوع حافل بالأجور يقول اللَّه ﷻ إلا الصوم فإنه لي وأنا أجزي به?،والصوم صحةٌ للجسم،ويباعد الله به وجهك عن النار فاغتنم?♥️

أذكركم بصيام الأيام البيض من شهر ربيع الآخر??

_الأربعاء(13ربيع الآخر الموافق 16/10/2024)

_الخميس(14ربيع الآخر الموافق (17/10/2024)

_ الجمعة (15ربيع الثاني الموافق 18/10/2024)

#ذكر_غيرك?♥️

?
اللي شجعكم علي خراب بيوتكم .. هتلاقيهم عايشين حياتهم مع أزواجهم

اللي قالتلك زوجتك /زوجك سيئ ومينفعكيش .. هتلاقيها عايشه حياتها وسط ولادها .. وبرضو ممكن تكون سيئة مع زوجها ومستحملها بالعافية !!

خراب البيوت مش بالساهل .. اوعوا تسمعوا لأي حد يحرضكم علي بيوتكم مهما كان قريب منكم ..
اللي كانوا وقفين وبيدعموكم عشان تخربوا بيوتكم أول لما يتم الطلاق والبيت يتخرب هم أول ناس هيبعدوا عنكم ويتفرجوا عليكم من بعيد

الكل في النهاية هيكمل حياته وأنتم حياتكم اللي هتقف وهتخسروا بيت واستقرار وزوجة/زوج واولاد وسنين طويلة فاتت وعشرة حلوة هانت !!

حاجات لو راحت عمرها ماهترجع والتمن هتدفعوه لوحدكم
في ناس عشان هي تعيش كويس وتبقي احسن بترضي بخراب بيت اقرب الناس ليها بس اهم حاجه هي تبقي أحسن
البيوت مش بتتخرب وتتهدم بالمشاكل ولا بالمواقف الصعبة

!البيوت بتتخرب بشياطين الإنس و بالنفوس الخبيثة اللي بتتحشر وتدخل في اللي مالهاش فيه ويخببوا الازواج على بعضهم ويسلطوهم على الطرف التاني

فيه ناس كتير بتهد بدل ماتبني فيه ناس كتير بتبينلكم أنها خايفة عليكم وعايزة مصلحتكم وهي بتكون أكتر ناس بتضركم وعايزلكم الخراب

مش كل النفوس سوية ولا كل الناس بتحب الخير لبعض صدقوني فيه ناس بيكونوا عايشين سعداء جدا وحياتهم بتخرب أول ما يتدخل طرف تالت في العلاقة
ربنا يحفظنا جميعا من خرابين البيوت

الشياطين اللي على شكل ملايكة وف النهاية الخير والشر اللي بتعمله بيرجع لصاحبه ف أغلي ما عنده وكما تدين تدان ??
إتقوا الله في أزواجكم وفي بيوتكم وفي أولادكم?

بلاش تتنازل عن أصولك ودينك
عشان يبان إنك روش ، مفيش حد مُلفت قد البني آدم المحترم♡⁩.

? عايز تكون سبب في تغيير حقيقي؟ تطوع مع جمعية رسالة! ?
عمرك فكرت إزاي تقدر تساعد الناس وتكون ليك بصمة في مجتمعك؟ ?
دلوقتي فرصتك جات! ?
? ليه تطوع مع جمعية رسالة؟
تغيير حياة ناس حقيقي: بمجهودك الصغير، ممكن تفرق في حياة ناس كتير في مجالات زي التعليم، الصحة، والإغاثة. ?
اكتساب مهارات جديدة: التطوع مش بس هيساعد غيرك، ده كمان هيساعدك تطور نفسك وتكتسب خبرات جديدة ممكن تفيدك في شغلك ودراستك. ?
✨ كمان التطوع معانا ممكن يفتحلك أبواب جديدة زي:
المنح الدراسية: كتير من الجهات بتشوف في التطوع مؤشر على إن الشخص ده ملتزم وعنده رغبة في التطوير، وده بيساعدك في الحصول على منح تعليمية. ?
شبكة علاقات قوية: هتتعرف على ناس جديدة بنفس اهتماماتك، وده هيساعدك تفتح لنفسك مجالات وفرص أكبر. ?
مستني إيه؟ ? تعال انضم لينا في جمعية رسالة وابدأ رحلتك في تغيير حياتك وحياة الآخرين! ?
ف اللي حابب ينزل تطوع ف جمعيه رساله للاعمال الخيريه الي في الدقي أو فيصل يبعتلي
@Habiba22244

- دفعتلها ديونها وعملت حادثة؟
ايوه والله
- إزاي؟!

كُنت سايق العربية ورايح شغلي فشوفت ست قـاعدة قدام مستشفى وحرفيًا مش قادرة تتنفس من العياط!
فنزلت وقولتلها " مالك يا أمي خير؟ "

فقالتلي إنها مستنية ابنها بيعمل عملية خطيرة في رجله.
وفلوس العملية ٥٠ ألف جنيه!
لإنه بيلعب كورة ووقع، وهي استلفت الفلوس وملهاش مصدر دخل ثابت، وبعدين مسحت دموعها وقالت:
" بس أنا واثقة في ربنا "
فبصيتلها وقولتلها " واثقة في ربنا قد إيه؟ "
ردت وقالتلي:
" هو في أكتر من إني أثق إنه هيجبرني؟ "
ضحكت بصوت عالي وقولتلها وأنا بغمزلها بمداعبة:
" طيب تعالي معايا "
ردت وقالت بملامح غامضة:
" على فين؟ "
- هعزمك على أكلة ياستي لإنك أكيد جعانة، وبعدها اعزميني عندك في البيت ومش هقول لا.
وفعلاً جات معايا المطعم وبعدين خدتها ودفعتلها مبلغ علاج ابنها وتكاليف العملية، لإني مرتاح ماديًا بس لـما بعمل خير بعمله لحد شوفته صدفة وحاسس إن ربنا بيجيبهولي سبب في طريقي، قعدت تشكر فيا وعاوزة تبوس ايدي ورجلي!
رفعتها من الأرض وقولتلها:
" ادعيلي وبس "
فلاقيتها طبطبت على كتفي وقالت:
" ربنا يبعد عنك فواجع الأقدار وسوء الخفايا "
ولما سيبتها ومشيت عملت حادثة بالعربية، بقيت بصرخ من الوجع لحد ما الناس خدوني المستشفى ودخلت العمليات.

وبقيت أقول في نفسي طب أنا عملت لكل ده يارب؟
ورجعت استغفرت لحد ما بدأت أغيب عن الوعي بسبب البنج ولما فوقت لاقيت الممرضين والدكتور بيحوقلوا بتعجب!
فبصيت للدكتور وقولتله:
" خير يادكتور؟ "
رد وقالي:
" إيه اللي بينك وبين ربنا؟ "
- واثق فيه بس.
أنت ربنا نجاك من الموت، لما جيت أخيَّط الجرح الموجود في جنبك اليمين لاقيت ورم خبيث جدًا على الكلية، ولو مكنش اتشال الأيام دي كانت انتشر ولو كنت لحقت نفسك بعد فترة وخرجت بأقل الخساير كنت هتعيش بكلية واحدة.
ولولا الحادثة دي كان زمانك ميت دلوقتي•
لما كنت بعملك العملية كنت بقول " إيه اللي بينه وبين ربنا؟ "
بصيت وقولتله:
" ولا حاجة بس ربنا استجابلها دعوتها "
بصلي بتعجب وقال " مش فاهمك! "
ابتسمت برضا وقولتله:
" ربنا يبعد عنك فواجع الأقدار وسوء الخفايا يادكتور "

كل ما كنت بفكر نفسي بتكرَّم على الناس المحتاجة وإن ليا فصل عليهم ربنا كان بيمررني بتجارب ومواقف صغيرة لا تزيدني إلا تقزمًا أمام عظمة تدابيره! ♥

خرجت من المستشفى بعد ما أخويا جه وخدني وأنا بردد:

يَا مَلَاذَ المُستَغِيثِين نَسألُكَ النَّبضةَ الآمِنَة ?"

كم مرة نجاك!

كم مرة ربنا خلصك من مشاكل وابتلاءات كنت فاكر إن مافيش ليها مخرج!

خلّي عندك أمل وثقة في الله.

ربنا قادر يفرج همك ويحل كل مشاكلك.

قال تعالى: {قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ}.