Бар адам барын айтса, жоқтың көңілі сынады. Инстаграмда мақтанудан аулақ болайық

Біреудің күнәсін көріп тәкаппарлық етіп, ОҒАН ашуланғанша, оны жақсы көріп, оның тура жолға келгенін қала. Ол сияқты болып кетпе, оны тарт Алланың рахымына

Бір сұрақ қойып, жауабын алғаннан кейін “рақмет” не болмаса “Аллаһ разы болсын” дей алмаған адамның екінші сұрағы қатты маңызды болмаса мүлдем жауап бермеймін….
⠀
Ол кісінің РАҚМЕТі маған ешқандай да пайда бермейді. Көңіл-күйімді бір граммдай көтермейді.
⠀⠀Алайда, өмірлік ұстанымым Пайғамбарымыздың (саллаллаһу алейһи уа саллам):
⠀
-“Адамдарға рақметі жоқтың - Аллаға рақметі жоқ” - деген хадисі. (Тирмизи)
⠀
⠀⠀Икрима (Аллаһ оған разы болсын):
⠀
“Ілімді тек қана құнын өтейтін кісілерге ғана үйретіңдер. Ал оның құны - алған іліміне амал етуі” - деген.
⠀
⠀⠀Шейх Фаууаз Намр (хафизаһулла):
⠀
- “Мешітте отырсам маған бір шәкірт келіп желкемнен ұстап “Сенің сабақтарыңа қатыссам маған ханафи фиқһынан иджаза бересің бе” - деген еді, мен:
⠀
- “Жоқ, уаллаһи саған иджаза бермеймін. Әдепсізге ілім үйрету - ертең өзіңе қарсы шабатын кісіге қылыш беру секілді” - деп жауап бердім деген еді.
⠀
Өзінің ұлын ілім алуға шығарып саларда:
⠀
“Ей, Ұлым! Амалың “тұз” секілді, әдебің “қамыр” секілді болсын” (нан жапқандағы екеуінің өлшемінің мысалындай) - деген имам Руаймнан Аллаһ разы болсын…..

"Адамдарға қалай қызмет қыла аламын?"

Үнемі осы сұрақты ойлап жүретін адам сыйлы, әрі көңілі тыныш

Кредитке келген әдемі өмірге емес, қарызсыз еркін өмірге қызығу керек

Жоғарыда комментарийде инвестиция тақырыбы қозғалып жатыр екен, бір ескерту жасап кетейін:

Инвестиция ол баюдың жолы емес, ол ақша сақтаудың жолы.

Әртүрлі пирамидалардан, сауатсыз ол мәселеге кіріп кетуден, форекс сынды шариғатқа сай келмейтін жолдардан сақтаныңыздар

Қанша жерден бизнесті романтизацияласақ та, кейбіреулерге айлық жұмыс жайлырақ екенін мойындау керек

Бағдарламалар көп уақытымды ала бастағанда, белгілі бір уақыттан соң ашылмайтын қылып блокировка қоямын.

Бұл жолғы блокировкадан түсінгенім:

біз үшін маңызды мәселелер басқа түрлі ҚЫЗЫҚТАРМЕН таласқа түседі. Мен назарымды қайсыбіріне бұрсам сол жеңіп кетеді.

Маған оқу керек кітаптар бар. Бос уақытымда соларды оқудың орнына, мен басқа нәрсемен айналысып кетемін.

Өзім үшін маңызды нәрселерге осы конкуренцияда көмектесу керек екеніне тағы бір көзім жетті.

Күрделі ой шығар. Бірақ маңызды

Біршама адам кіріп жатыр қайбір күні

Кейбір жұмыс тез бітпесе, еш бітпейді