Алла үшін жақсы көру деген не?

Оның саған жасаған жаманшылықтарына қарамастан жақсы көру.

Осы жайлы видео

Алла дәл мұның садақасына мұқтаж емес шығар?

Алладан садақа туралы аят түскенде сахабалар жүгіріп садақа бере бастайды. Олар Алладан не елшісінен бір бұйрық келсе, жүгіре кететін. Қалтамда жоқ, не істе дейсің?!, - демеген. Айтқанын орындауға бар күшін салған. Қолында жоқтары арнайы садақа беру үшін жұмыс тауып, базарға барып өз арқасында зат тасып, тапқанын салуға тырысқан.

Абдурахман ибн Ауф келіп көп қылып садақа бергенде, екіжүзділер "рия қылды" деп тиісіпті.

Сахабалардың бірі ортаға әкеліп аз ғана дүние салғанда, оның да артынан күліпті.

Сонда Алла өзі араласып, аят түсіріп, оларды нағыз мазаққа да, азапқа да душар ететінін хабарлаған.

Жалпы екіжүзділер сырттай мұсылман көрініп, жаны ашыған көрініп, мұсылмандарға тиісіп, зиян жасап жүретін болған.

Садақада жарысқан адамдар ақшаның көлемімен жарыспау керек. Долямен жарысу керек.

Мен ақшаның пәленбай пайызын бердім деп. Айтып мақтанбайды. Бірақ біреу белгілі бір пайызын береді деп естіп қалса, одан да көп беруге тырысу керек.

Бар адам барын айтса, жоқтың көңілі сынады. Инстаграмда мақтанудан аулақ болайық

Біреудің күнәсін көріп тәкаппарлық етіп, ОҒАН ашуланғанша, оны жақсы көріп, оның тура жолға келгенін қала. Ол сияқты болып кетпе, оны тарт Алланың рахымына

Бір сұрақ қойып, жауабын алғаннан кейін “рақмет” не болмаса “Аллаһ разы болсын” дей алмаған адамның екінші сұрағы қатты маңызды болмаса мүлдем жауап бермеймін….
⠀
Ол кісінің РАҚМЕТі маған ешқандай да пайда бермейді. Көңіл-күйімді бір граммдай көтермейді.
⠀⠀Алайда, өмірлік ұстанымым Пайғамбарымыздың (саллаллаһу алейһи уа саллам):
⠀
-“Адамдарға рақметі жоқтың - Аллаға рақметі жоқ” - деген хадисі. (Тирмизи)
⠀
⠀⠀Икрима (Аллаһ оған разы болсын):
⠀
“Ілімді тек қана құнын өтейтін кісілерге ғана үйретіңдер. Ал оның құны - алған іліміне амал етуі” - деген.
⠀
⠀⠀Шейх Фаууаз Намр (хафизаһулла):
⠀
- “Мешітте отырсам маған бір шәкірт келіп желкемнен ұстап “Сенің сабақтарыңа қатыссам маған ханафи фиқһынан иджаза бересің бе” - деген еді, мен:
⠀
- “Жоқ, уаллаһи саған иджаза бермеймін. Әдепсізге ілім үйрету - ертең өзіңе қарсы шабатын кісіге қылыш беру секілді” - деп жауап бердім деген еді.
⠀
Өзінің ұлын ілім алуға шығарып саларда:
⠀
“Ей, Ұлым! Амалың “тұз” секілді, әдебің “қамыр” секілді болсын” (нан жапқандағы екеуінің өлшемінің мысалындай) - деген имам Руаймнан Аллаһ разы болсын…..

"Адамдарға қалай қызмет қыла аламын?"

Үнемі осы сұрақты ойлап жүретін адам сыйлы, әрі көңілі тыныш

Кредитке келген әдемі өмірге емес, қарызсыз еркін өмірге қызығу керек

Жоғарыда комментарийде инвестиция тақырыбы қозғалып жатыр екен, бір ескерту жасап кетейін:

Инвестиция ол баюдың жолы емес, ол ақша сақтаудың жолы.

Әртүрлі пирамидалардан, сауатсыз ол мәселеге кіріп кетуден, форекс сынды шариғатқа сай келмейтін жолдардан сақтаныңыздар

Қанша жерден бизнесті романтизацияласақ та, кейбіреулерге айлық жұмыс жайлырақ екенін мойындау керек