سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0

ترويج( تيك توك)  حقيقي عراقي
1-مشاهدة
2-لايكات
3-متابعين
للتواصل واتساب ?
07732320742
تلجرام ?
@ahmed_alziwar0

يالزهرة ثارج ما نسيناه
يالزهرة ثارج ما نسيناه

هيهـــات ننســـه هذا المصاب
ضلعچ يزهرة وحَركَة البـــاب
بكَلـــوبنه لليــــوم المصــــاب
ويلــــي علــى محسن أويــلاه

الحـركَــــو يزهـرة الباب بالنـار
نلعنـــهم احنـــه ليـــل ونهــــار
وصَـــه الرسول بآلـــه الأطهــار
والثانـــي خــوش ابنتـهَ جــازاه

لا مـو بشــــر زمــرة ملاعـين
مــن آلَ محمـــد مـوت ميتــين
منهم تســـلب ضَـعن الحســين
مـن ذولـــة كل الصـــار ويـــاه

چــان الرســول ستــوة مدفون
رَدو علـــى الزهــرة يركضــون
الخــانو محمــد هم يخجـــلون؟
مــا يستحـــــون بيــــــوم والله

لــو مؤمنين بيـــوم الحســاب؟
ما صـــارو بمـــوت النبي ذياب
الله يلعنــــه الَســـن الأرهـــــاب
الكسَـــر ظلوعـــچ هوه سنــــاه

مــن ذاك ظلعچ صـــار عاشــور
مـن أولادچ شكَد كَطـــعو نحـور
ألكــــم يزهرة مهدمــــه كَبــــور
المهــدي كَبــــرچ يمتـه يبنــاه

الزهـرة العمــرها ثمنــطش عــام
مبيــن قتلــها حـــادث أجــــرام؟
موتتــــهم المفــــروض أعـــدام
والحــركَ بابـــــچ الله أخـــــــزاه

الميخـــاف الله منـــچ يخـــاف؟
كافـــر يعرفــه اليمــلك أنصـاف
بكــل المعــــارك چـــان خــواف
عجبـــه الجبـــان اطــول يمنـــاه

بعـده الظلــــع ياذيـــچ لليــــوم
نبچــي المصــابچ حتى بالنــوم
للثـــار يمتـــه القـــائم يكَــــوم
ونشــــوفه يمچ شـــايل ألــــوآه

حيدر حسين الكرعاوي

قصيدة بحق الزهراء على طور (شيعوا نعش الطاهرة المظلومة)

يلله ياشـــــــيعة بحــــزن شــــيعوها
الهادي واهل البيت هالحظروها
_____
فوكَ نعش الطاهرة الهادي ارتمة
مـــــفرع الراس ويصــــيح فاطمة
وللنعش وكَفت خديجة لاطمة
لفاطمة الزهرة الدموع اجروها
______
يلله كثروا النوح واجروه الدمع
حـــــــــيدر الكــــرار حاظر منفـــجع
ايصــــيح وايلاه ياكســـر الضـــلع
الزهرة من شم الهوة حرموها
_____
الحسن عالراس يلطم والصدر
آه يا يمه صـــــرخ بـــــيها شكـــــثر
حافي الرجلـــين مذهول الفكر
امهم بغفلة وغدر فكَدوها
_____
يعــــــثر ابمــمشاه ويكَوم ويطيح
هذا حال حــسين يا يمه يصيح
وزينــــــــــب تناديها دلالي جريح
وصاح ابو فاضل سوة حاطوها
______
يلله ياشـيعة علي لبسوا الـسواد
والمنادي ايصيح ويصير الحداد
خل نعـــــــزي بفاطـــــمة زين العباد
وي ملائكة السما شيلوها
______
الامام الباقــــــر اعله امه حـــــــزن
تقدم التابوت ويصـــــيح بشجن
هاي روح الهادي ملفوفة بچفن
العين حمرة والضلع كسروها
_______
دم على الوجنات تجري دمعتة
جعـــفر الصادق ينـــوح لجــــــدتة
وي المعـــــزين يلــــطم هامـــــــــتة
صدورهم من اللطم ادموها
______
تعـــــنه من بغـــــداد مكــــسور الكَلب
شايل التابـــــوت وعــــيونه تصــــــب
يندب الكاظم على الماتت غصب
انشلت چفوف الذي عصروها
______
الرضا ابنعش امه يشتم ريحتة
شاهد الهادي ونزعها اعمامـــــتة
واجت معصومة تنادي تبعـــــتة
ويالنعش طلعوا ولا عافوها
_____
اقروا الها الفاتحة صوت ارتفع
الجواد ايصـــــــــيح وبكَلبه وَجَع
وصل حزنه لفاطمة حد الجزع
بزهرة سنين العمر كتلوها
______
فوكَ متن ابنه علي الهادي اتنچة
نوب فــــوكَ الهام عشــــــرة شابچة
ونوب لازم صفحتة اعليها وبچة
ساعد الله كَلوبهم واسوها
_______
عاف سامرا واجه محمل الم
الامام العــــسكري وناح ولطم
السيدة نرجس اجت وي الحرم
الفاتحة وسط الكَلب نصبوها
_______
يحظر التشييع ودموعة مطر
يمـــــشي ويانه الامام المنتظر
اطلــب الها الثار امك تنــــــتظر
كَبة امكم ياوكت تبنوها
_______
أسالكم الدعاء رائد الاسدي

گلبي...ينحب
لمصيبچ يافاطمه الزهره

لا ما يمر امصاب يشبه مصابچ
چف الحقد والجور سبب عذابچ
ويلاه أصيح ابصوت محروگه بابچ
مو دمعه أهدي اسنين عمري ابثوابچ
گلبي...ينحب
لمصيبتچ يافاطمه الزهره

ماچنچ امن ازمان رحتي امن اديه
إي والله چن اليوم ميته الزچيه
ما چنه جرح اسنين مال المسيه
بگليبي احس نيران ملتهبه بيه
گلبي...ينحب
لمصيبتچ يافاطمه الزهره

يم الحسن وحسين دمعي الجريته
للزهره ما أنلام لو دم بچيته
گلبي إلچ كل يوم ناصب عزيته
كسر الضلع متهون صعبه قضيته
گلبي...ينحب
لمصيبتچ يافاطمه الزهره

أنحب وون اعليچ يافتشة العين
للخدمه يازهراء منذوره الاسنين
عشت واموت اوياچ يا أم الحسين
آخره ودنيه ابخير لو عني ترضين
گلبي...ينحب
لمصيبتچ يافاطمه الزهره

وفقيني يازهراء اجري عبرتي
بالگبر چن اشموع تصبح دمعتي
ابهاي المجالس ريت ينگضي وكتي
والناعي لو ينعاچ زيديهه ونتي
گلبي...ينحب
لمصيبتچ يافاطمه الزهره

سيد علي الموسوي

والله حيدر لو شهر فقـــاره
ما تفيد ابن السقيفة اعذاره
يا زهراء يا زهراء
ــــــــــــــــــــــــــــــــــــــــــــــــــ
شلون بيهم من يشــد احزامه
وبيده يشهر للحرب صمصامه
يخلي حيدر هامه تردم هامه
يسحگ اجيوش الخصم بجدامه

فاطمه ثار الله هيه وثاره
والله حيدر لو شهر فـقاره
ــــــــــــــــــــــــــــــــــــــــــــــــــ
ساحت الميدان عد حيدر فرض
من يهز صـمصامه تهــــتز الارض
ياخذ اجيوش الكفر طول وعرض
ولرجـــــوله بساع عدهم تنقرض

عالــــمنيه غاره تتبع غاره
والله حيدر لو شهر فقاره
ــــــــــــــــــــــــــــــــــــــــــــــــــ
غيض تجدح بالنزال اعيونه
بطل خيبر فنهم ايلاگــــونه
لو نزل آلاف ميــــگــــدونه
اسد غالب والقتال فنـــونه

ولرسول لكل مهمّه اختاره
والله حيدر لو شهر فقاره
ــــــــــــــــــــــــــــــــــــــــــــــــــ
قائد ومعروف لو كض سيـفه
كرّه وحده بجفه ياخذ حيفه
وين الـ يريده يشطره بكيفه
وليضده من بعيد ايخــــيفه

شحال ولعدوان وصلت داره
والله حيدر لو شهر فقاره
ــــــــــــــــــــــــــــــــــــــــــــــــــ
هذا صگار الزلم ولـحـــومه
تشهد اشيوخ العرب بعلومه
اول اول حيدر وجيدومه
رقم واحد ما تراجع دومه

علي تخوف بالمعاره اخباره
والله حيدر لو شهر فقاره
ــــــــــــــــــــــــــــــــــــــــــــــــــ
بخت عدكم بالوصيه الحاكمه
جان صارت بيكم اكبر ملحمه
ولمدينه تفيض من سيل الدمه
والله جِا صحتو دخيلج فاطمه

من علي حامي الحمه وبتاره
والله حيدر لو شهر فقاره

✍️ علي كاظم المنصوري

⚫️الربينه بخيره ⚫️
? جديد محرم ?
1446 / 2024
⚫️ أداء | علي الشبلي
⚫️ كلمات | سيد زيد الفحام
⚫️ التوزيع | فاضل الزيادي
⚫️مكس وماستر | علي نور
⚫️ إخراج | نشوان النصراوي

https://youtu.be/m5A39dkla4k?si=m5MTYPllvW_-cz_L

________
? يا حسين ع ?

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0