**ابوذيه نعي للسيده زينب ع

اجيت احجيلك اعلى الصار ٠٠٠ بعداك
مــــن نــار الــخــيــام و نــار ٠٠٠ بعداك
الـذنـب مو بـالخيـول الذنب ٠٠٠ بعداك

اجــبــروها اتــرضرضك بــالغـاظــريــه#الشكرلله خادم الزهراء ع ملا علي#نسالكم_الدعاء375✍
🕊🎶🖤🎶🕊

جديد ان شاء الله

حال السيدة زينب عليها السلام

سهام الفرگة برسومي اتركن نيشان
ودموع عيوني من عدها الجفن غركان
الاجت وي عشيرة...صفت تالي اسيرة
.........
سهام الغربة والفرگة ...غيرن حالي وأحوالي
حيله من الحزن ينهد...اليفارگله شخص غالي
شحال انا شفت بالطف....اخواني مذبحه اگبالي

حگها الشافت يوم العاشر
بجسم حسين شسوه الحافر
اقرب ناسي ميعرفوني
من الضيم بحالي شصاير

يا موقف اشد يا صورة غيرتني
طلعتي من الخيم هي الي كبرتني
الچنت ذيج الاميرة...صفت تالي اسيرة
..........
تغير كلشي برسومي...من عباس ودعني
راح  وعني لمن راح....ما ادري شخذه مني
بكد ما كتله الله وياك....تغير هلكثر لوني

من عصر العاشر كبرانه
أمن سكينة. گالت عطشانه
من شال الجربة وودعنا
وظل خالي بالخيمة امچانه

بلحظه وحده من الطف كبرت اسنين
من اسمعته صاح ادركني خويه احسين
ولا ادري بمصيره...وصفت تالي اسيرة
.............
مشيت اهواي كبرت اهواي..بكل خطوة عمر اكبر
زينب وانتهى التوصيف ....أگبال ألعن بشر أعثر
الصاحو بأسمي ناس أجناب...شما حاچوني أتغير

بس اتخيل هذا المنظر
العاشت وي الزهرة وحيدر
حرگو خيمتها وخلوها
تصعد تل أكبال العكسر

گضى حيلي وبقيت اتسند بصبري
وشظل بيه؟ ما دري شبقى لگبري
المشي يم غربة حيرة...وصفت تالي اسيرة
.........
انا ام الستر زينب...بستري تنضرب أمثال
مو قران بچفوفي...بالشام بچفوفي احبال
اسمي نزله جبريل.... وسفة بالقصر ينگال

الزاد آلامي وكثّر همي
ووينه ووينه يحچي بأسمي
حگه محمد ما يعرفني
من ارجعله اتغير رسمي

اه الشام اه الشام شيبني
اخوي وابن ابوي وعني ينشدني
المشتهن ديرة ديرة....صفت تالي اسيرة

مرتضى الربيعي
/////

زينب بت علي طبت للولايه

///

من درب السبي يا خويه تعبانه
وراسك  عل  رمح  ويدور  ويانه
خلافك خويه صرنه بوليت عدانه
وكل ما نحجي خويه الشمر طكانه

ولف يا حيف طايح شايل الرايه
زينب بت علي طبت للولايه

///

يحسين بتلينه بطيحتك بلوه
يتئمر علينه الداني وليسوه
كامو عل هزل رجبونه بل كوه
وانه ابجي وحشم وين ابو النخوه

اجيتك يا اخو زينب خويه شجايه
زينب بت علي طبت للولايه

////

حرمه لوحدي وما عدي كل والي
وبس ذباح اخوي حسين يبرالي
يسب امي الزجيه ويوكف كبالي
كل حركه التمرني  يذوب  دلالي

شحجيلك وسولف والحجي هوايه
زينب بت علي طبت للولايه

////

جم طفله وطفل بذيالي محتاره
وكلبي يفور خويه وما طفت ناره
دخيلك ياابو فاضل شوفلي جاره
ولشامت يصدلي وتكتل انضاره

ولناس الغرب ما ترحم بهايه
زينب بت علي طبت للولايه

////

حركو خيمتي وطلعيت شجايه
وينك يا كفيلي وشايل الرايه
نايم عل نهر يم المسنايه
تكتل يا ابو فاضل تدري الحجايه

غم شط الفرات لعطشك مايه
زينب بت علي طبت للولايه

////

الشاعر سعيد العكيلي
2022\7\4\
يوم الاثنين