عودت نفسي ماتحسف على شيء
لان العمر مايحتمل الا الحسايف

بعيش لحظات الفرح دامني حي
وبزرع الضحكه بجرد الشفايف

ولا الحق الهقوات شيءٍ ماهو لي
ولا عدت انجزع من فراق الولايف

ان غاب غالي بالحزن باخذ شوي
ايام وتروح علومه طرايف

وموصياً قلبي لا شفت الخطاء عي
اما تعدلها او تصد عايف

#حمد سعيد

حنا كبار وكل دربً ندله
ولنا عقول تميز الحسن والسيّء

ودخولنا في بعض الاشياء اقله
ان ماخسرنا بشيء مانطلع بشيء

وتجاهلي بعض الاوادم من الله
ماهي بشوفة نفس ولا كبر فيّ

احب انزل كل شخص بمحله
ولا احب اجي لي في محلً مهو لي

#ماجد النصيف

وطرقت بك باب التغزل والنصايح والحماس
وطرقت بك باب المدايح بالرجال الطيبين

كم قست من غبه بحر واملك بحورٍ ماتقاس
وفرضت سيطرتي على الإشعار والمستشعرين

واذا دعا الموقف حفرت لقمّة الأشعار ساس
على الجبال الصم ابنيها على صمخه ودين

واقيسها في خاطري واحط للفكره قياس
وابدي وعالج لي قضايا عالمن متعددين

واخدم بفكري ماختلس من فكره الغير اختلاس
واصبر على كل المصايب يامعين الصابرين

#تركي الميزاني

كم لبثنا ؟?