#кундошлар ***49-қисм

БОНУУУС!

Муаллиф: Наргиза Усанбоева

Матлуба бир зум довдиради-да сўнг мижозига қаради. Қиз уни сўзсиз тушунди:
- Бемалол опа, бориб келаверинг.
Шундан сўнг Матлуба шошиб эшикка чиқди.
- Умид? – у ўғлига урилиб кетай деди.
- Ойи, мени уйғонмасдан ишга келиб олибсиз-а? – деди Умид гина билан.
- Шуни айтгани келдингми? – ҳайратланди Матлуба.
- Йўқ, дўхтирга боришимиз керак.
- Нега, болам? Бирор жойинг оғрияптими? – хавотирга тушди онаизор.
- Йўқ, сизнинг мазангиз йўқ-ку, ойи. Сизни дўхтирга олиб боргани келдим...
Матлуба ўғлининг кўзларига тикилиб қоларкан, ўзининг мижжаларига тўпланган ёшни тўхтата олмади.

🍃

Қадам босишга жой топиш мушкул бўлиб қолган бозор Аббоснинг кўзига кимсасиздек туюлаверди. Бир-бирини суриб, итариб бозор айланаётган одамлар орасида унинг дўконидан савдо қиладигани бўлмаса-я! Ит эгасини танимайди. Боласини етаклаган ким, сумка олган, кўйлак олган, туфли сўраган ким... Фақат Аббоснинг дўконига кирганлар бир кўз югуртиради-ю, чиқиб кетади. Охири тоқати тоқ бўлган Аббос дўконидан чиқди.
- Менам мактаб форма тиқсам бўларкан, дўконга, - деди у ёнида қўли-қўлига тегмай қиз болаларнинг оқ кофтасини сотаётган аёлга.
Аёл эса унга жавоб бергани ҳам фурсат топа олмади. Аббос секин дўконининг эшигини ёпди-ю, Севара савдо қиладиган томонга қараб йўл олди.
“Бугун Севараникига ўтсам бўлади, укаси келмаса керак. Укаси билан дардлашиб чиққан бўлса, кайфияти ҳам яхшидир? Балки укаси ота-онаси билан яраштираман, деб келгандир?” – хаёллар оғушида Аббос Севара савдо қиладиган жойга келганини сезмай ҳам қолди. Лекин Севаранинг жойи бўм-бўш.

Давоми бор

Ёндирмачоқ бу – меҳр! Босиб ўтинг!***

@usanboyeva

Бонусга ҳаракат борми? 3000 тага яқин киши ўқиган аммо реакциялар сони 500 тага ҳам етмайди... Не бўлди?

#кундошлар ***48-қисм

Муаллиф: Наргиза Усанбоева

- Сув тоширганмисиз, тоширгансиз! – шанғиллашда давом этди аёл. - Энди бу ёғига ҳам чиданг! Мен билмайман, судлашиб бўлса ҳам ундириб оламан. Ўзи ижарачиларининг ҳаммаси шунақа беўй бўлади. Ўйламайди, пастимда одам яшайди, дупирламай, сакрамай, сув тоширмай, демайди. Шу уйга сира яхши одам келмади, келмади. Мен куйганим-куйган!
- Майли опа, - Севаранинг қулоқлари эшитмайдиган даражада асабийлаша бошлаганди.
- Ҳозир ярим соатда уста чақираман, тушасиз! Қочиб кетманг!
- Хўп, хўп!
- Тўлашдан бош тортсангиз, судга бериб икки ҳисса урдираман! – Севаранинг орқасидан бақириб қолди аёл.

🍃

Иш вақти 9:00да бошланса-да, Матлубанинг биринчи мижози 8:50 да келиб ўтирган экан. Унинг бахтига Матлуба ҳам эртароқ борган эди, ёнига чақирди.
- Ўтиринг, - деди қабулига учинчи марта келаётган қизга қараб. – Нима ичасиз?
- Ҳеч нарса ичмайман.
- Тартибли инсон экансиз. Ҳар сафар вақтидан аввал келиб ўтирасиз.
- Аслида тартибли эмасман. Балки шунинг учун ҳаётим издан чиқиб кетгандир? Ҳаётимни тартибга солиш учун сизнинг олдингизга шошяпман...
Қиз сўзларини охирига етказа олмади. Ресепшнда ўтирадиган қиз эшикни тақиллатиб, бошини суққанча деди.
- Матлуба Музаффаровна, иш вақти бошланмагани учун безовта қилавердим, узр. Ўғлингиз келибди. Сизни сўраяпти. Телефонингиз ўчиқдиги учун боғлана олмабди.
- Нима? – ҳайрон бўлди Матлуба ва бирдан негадир юраги тез уриб кетди. - Тинчликмикан?

Давоми бор

Ёндирмачоқ бу – қувонч! Босиб ўтинг!***

@usanboyeva

#кундошлар ***10-қисм

БОНУУУС!

Муаллиф: Наргиза Усанбоева

- Тош бўлсаям ейман. Есам бўлди... – кулди Севара.
- Пулга ботиб қолдинг, сен, ботиб қолдинг...
- Ҳа, амаллаб пулнинг орасидан тортиб оларсан!
- Бир кунда қанча тушум бўляпти? – қизиқсинди Зарина.
- Зари, мени уйга бориб пул санашга ҳоли бўляпти, деб ўйлайсанми? Эшикдан кираман-у, ўзимни тўшакка отаман...
- Алдама, пул бўлади-ю, санамайсанми?
- Ҳар кун мол учун пул санаб олиб чиқяпман, аммо қолганини шу ҳолича сандиққа соляпман, - деди Севара.
- Сандиғинг ҳам уйдайми, дейман? – кулди Зарина. – Менга қара, лағмон айтаман.
- Йўқ! – бирдан қаршилик қилди Севара. – Мени лағмон еб ўтиришга вақтим йўқ. Менга лаваш айт. Еб савдо қилавераман.
- Хўп, ўзим ҳам лаваш ея қоламан, - деди Зарина дўкони томон юраркан.
Севаранинг эътиборини эса телефонига келган хабарнинг овози тортди. Лекин ҳозир смс ўқийдиган аҳволда эмасди. Харидор берган пулни санаётани учун аҳамият бермади. Ундан кейин яна битта харидор пул тутқазди, кейин кейингиси... Шу билан Севара смсни унутди. Аммо орадан сал вақт ўтмай яна смс келди. Бу пайтда эса Зарина унинг қўлига лаваш тутқазиб кетди. Севара бир қўлидаги таомини тишласа, бир харидорга кийим узатар, орада улар берган пулни санарди. Шундай қилиб у учинчи смсгача телефонини қўлига ололмади. Ниҳоят қараганида эса юраги пакка-пукка бўлиб кетди.

Давоми бор

Ёндирмачоқ бу – кайфият! Босиб ўтинг!***

@usanboyeva

#бола_тарбияси ***49-САБОҚ. “ҚИЗИМНИ ЎНТА ЎҒИЛГА АЛИШМАЙМАН”

Отам оддий деҳқон бўлиб, оиламиз юпунгина кун кечирган. Ота-онам узоқ йил фарзанд кўришмагани сабаб деҳқончилик қилиб топган даромадларига қаноат қилиб яшашган. Мен дунёга келганимда онамнинг ёшлари 40 да экан.
Узоқ кутилган фарзанд ўғилми, қизми одатда фарқи бўлмайди. Айниқса тирноққа зор бўлиб, одамларнинг гап-сўзларидан кўз очолмай қолганда Аллоҳдан битта бўлса ҳам фарзанд беришини сўрайди. Лекин кексаликка қараб кета бошлаган турадиган, ишларида отамга ёнларида деҳқончилик белларига мадор бўладиган фарзанднинг ўғил бўлиши ҳар жиҳатдан яхши эди. Балки отам қалбларининг бир четида кутилаётган фарзанд ўғил бўлишини сўраган бўлсалар ҳам ажаб эмас. Доя аёл менинг қиз эканимни бироз маҳзунлик ила айтган экан. Одатда оталар ўғил фарзандга суюнчи пулини кўпроқ қилиб беришади. Аммо отам доя аёлга суюнчини ўғил болаларга бериладигандан ҳам кўпроқ қилиб берган эканлар. Яна шуниси ажабланарлики, отам мени бағирларига босиб: "Ўғил бола бўлганда ҳам бунчалик хурсанд бўлмасдим" деганларида, доя аёл ҳайратдан карахт бўлаёзган экан.
Отам буни менга ҳар гал ўзгача ҳаяжон билан айтиб берар эдилар. Мен ҳам хурсанд бўлиб эшитардим. Лекин, кўпинча, отамнинг кўзларида ёш қалқиганига кўзим тушарди.
Онам ҳам кўзларида ёш, лекин нимтабассум билан эшитардилар. Мен оилада яккаю ёлғиз фарзанд бўлиб катта бўлдим. Ота-онам бошқа фарзанд кўрмасалар-да, менга тўғри тарбия беришди, ҳалол меҳнат билан катта қилишди. Мен ҳар бир қадамимда ота-онамнинг хизматларини қилишга, уларнинг қадрига етишга, айниқса, отамнинг белларига қувват бўлишга ҳаракат қилдим.
Аллоҳга шукрлар бўлсинки, ўз билимим билан университетда ўқидим. Имтиёзли диплом билан ўқишни тамомладим. Мени шу ерда ишга олиб қолишди. Ҳозирда университетда катта ўқитувчи сифатида ёшларга таълим бериб келяпман. Уч нафар фарзандим бор. Турмуш ўртоғим ҳам ўқиган, яхши инсон. Қўлимдан келганича ота-онамнинг розиликларини олишга, кўнгилларини кўтаришга ҳаракат қилиб келяпман. Отам “Қизимни ўнта ўғилга алишмайман”, дея бошларини баланд тутиб фахрланиб қўядилар.***

**Доктор Aбдуллоҳ Муҳаммад Aбдулмуътининг
"Фарзанд тарбиясида 700 та сабоқ" китобидан Ғиёсиддин Ҳабибуллох, Камронбек Ислом таржимаси

Эртага 18:40 да 50- сабоқни ўқийсиз. ИншаАллаҳ.**@usanboyeva

#кундошлар ***9-қисм

Муаллиф: Наргиза Усанбоева

- Ассалому алайкум! – деди Гулранг онасига қараб.
Матлуба эса унга қараб кутилмаганда қичқириб юборди:
- Ил-о-о-он!

🍃

Ёмғирдан олдин тўзғиган чумоли каби бозорда одам қайнарди. Севара қўли-қўлига тегмай савдо қилди. Яхшиям, мактаб форма савдосига ўтган экан. Кун бўйи тинмади. Ҳатто тушлик ҳам қила олмади. Шунчалар савдо зўр бўлганидан, баъзан улгурмай қолганидан хаёлига “Ёрдамга Маликни чақирсаммикан?” деган ўй ҳам келди. Шу даражада чарчаяптики, ўтирса ухлаб қолади. Ахир тонгги соат учда туриб, “оптом” бозорга югуради. Мол олиб, чакана бозорга – жойига келади. Харидорлар кўпайгунча олган молини жойлаб, осиб, савдога тайёр қилади. Ана кейин чала-чулпа нонушта қилишга улгуради, холос. Сўнг бозор “қайнаб” савдо бошланади, шу билан кечгача тиним йўқ. Бир томондан молни етказиб ҳам бўлмаяпти. Севаранинг чарчаётгани-ку, бир томон. Ўн кундан буён ўғилларини Рита холаникида тунда ҳам қолдиришга мажбур бўляпти. Албатта, икки ҳисса пул тўлаш эвазига.
Эсиз, мактаб бошланишига бор-йўғи тўрт кун қолди. Бу дегани тўрт кундан кейин савдо “ўлади”, дегани. Шунгача сотганича сотиб қолиши керак. Агар яна бир ойча шунақа ишласа, бемалол уйга тўлов қилса бўларди. Аббосга ҳам қараб ўтирмасди. Афсуски, тўрт кундан кейин яна ўзининг аёллар кийимига ўтади. Яна ўтган-кетганга “Кўйлаклар бор”, дейишига тўғри келади.
- Севара, тушликка нима еймиз? – унинг хаёлини қўшни дўкон эгаси Зарина бўлди.

Давоми бор

Ёндирмачоқ бу – бонус! Босиб ўтинг!***

@usanboyeva

#акция

***Жума кирди, алҳамдулиллаҳ! Етказганига шукр.

Эртага эрталаб бир ҳафта давомида асарни тўлиқ ўқиш учун тўлов қилган обуначилар номидан “Zinnurayn” жомеъ масжиди қурилишига эҳсон қиламиз, иншааллоҳ!

Аллоҳим ҳар биримизни, ҳар доим эҳсон қилгувчилар қаторида қилсин, риёсиз, кибрсиз фақат Ўзи учун қилмоқлик бахтини берсин!

Ҳали ҳам кеч эмас, сизда ушбу эҳсонга қўшилиш, масжид қуришдек бахтни қўлга киритиш имкони бор.

Одатимизга кўра, жума куни чегирмамиз бор. Демак, сиз ~~30.000~~ эмас, 20.000 тўлов қилиб, асарни тўлиқ ўқиш имкониятини қўлга киритишингиз ва масжид қурилишига ўз ҳиссангизни қўшишингиз мумкин.

Ҳам асар ўқимоқчи, ҳам масжид қурмоқчи бўлганлар учун манзил:
???***@adm_usanboyeva

@usanboyeva

??? "Ёруғ кунни соғиниб" асари сўраганлар учун тақдим қилинди.

***113-ҚИСМ

Аслида Алишернинг ўй-фикрларини шубҳа деб ҳам бўлмасди. Агар у ҳар нарсага шундай кўз билан қараганида Лайлонинг ўзгариб бораётганини пайқаган, ўзидан кетишига йўл қўймаган бўларди. У шунчаки қўрқоқ ва эзма. Ўз ўйлари билан ўралашиб қолади ва атрофидаги воқеаларни идрок этмайди. Натижада кўп нарса унга тўсатдан содир бўлгандек туюлиб, эсанкиратиб қўяди. То у ўзига келиб олгунича эса, бўлар иш бўлиб, бўёғи ҳам сингиб кетган бўлади.
Ҳатто Лайлога ўйланиши ҳам шундай бўлган. У болаликдан унга кўнгил қўйганди. Лайло билан боғлиқ ширин орзулар билан юрганида Жаҳонгир унинг Мажнунига айланганини эшитиб қолди. Бунга ишониб-ишонолмай, Лайлони унутиб-унутолмай тўрт-беш йилни ўтказди ва бирдан Жаҳонгирнинг бошқа қизга совчи юборгани маълум бўлди. Бу пайтда унинг онаси ҳам эшик қоқиб юрганди. Алишер эса онаси қидираётган бўлажак умр йўлдошининг қандай бўлиши тўғрисида ўйлаб, ташвишда эди. Буни онаси бошқа тушунди. — “Кўнгил қўйганим йўқ”, дейсан-у, совчиликка борганимдан буён ғамга ботиб қолгандексан. Яширмай тўғрисини айт. Мана, иккита жойга бориб, қуруқ қайтдим. Буям бекорга эмас. Ўшалар ҳам сенинг ичингда бирор гап борлигини билса керак-да! Бир умр пушаймон бўлиб ўтгандан, ҳозир айт. Кимнидир яхши кўрганмисан, ўзи? — сиқувга олди онаси ёнига ўтириб олиб.
—Қўйсангиз-чи? — деди Алишер ўзини бу ноқулайликдан қандай қутқаришни билмай.
—Сенинг дардинг бор. Кимнидир яхши кўрасан. Айт! Агар маъқул бўлса бораман.
—Ҳеч кимни яхши кўрмайман-э, — деди Алишер қўл силтаб.
—Ерга қарашингда ҳам бир гап бор. Йигит кишининг бирорта қизга эътибор қилмаслиги мумкин эмас. Сенам бирортасини кўз остингга олгандирсан? Кимни олгандинг?
—Бир пайтлар... Лайло... Энди уям... — минғирлади Алишер.
Бу билан у “Лайлога кўнгил қўймоқчи эдим, лекин у бошқа йигит билан севишиб кетди. Ундан кейин эса бирорта қиз ҳақида ўйлаб кўрганим йўқ. Ўзингизга ёққанини қидираверинг”, демоқчи эди.
—Қайси Лайло? — онасининг зўр қизиқиш билан берган саволи Алишернинг қолган гаплари ташқарига чиқишига йўл бермади.
—“Дўмқизи”... — “Бўлмайдиган қиз” деган оҳангда айтди Алишер.
Онаси эса ўйга толди:
—Лайло? “Дўмқизи”... Ҳа-а-а, ҳалиги чиройли қизми? Вой, ўша билан... Буни қара-я, шунинг учун мен борган қизларни хушламагандек бўлиб ғамга ботиб ўтирган экансан-да! У жуда чиройли-да! Бўлди, билдим, билдим...
“Ҳа, ростдан ҳам чиройли. Лекин у Жаҳонгирни яхши кўрарди. Жаҳонгир эса бошқа қизга совчи қўйибди. Тинчликмикан? Уришиб қолишган шекилли? Ё улар севишмаган эканми?”
Алишер ўз ўйлари билан бўлиб, онаси билан суҳбатни унутди ҳам. Орадан икки кун ўтгач, кечки пайт эшитган хабаридан ўзини йўқотиб қўяй деди.

Давоми бор***

@usanboyeva

ЛИФТДАГИ ДАРС.
(Бугунги гап)

?Каъбаи шарифда пешин намозини адо қилиб, мехмонхонага қайтдик.
Меҳмонхонанинг ошхона, таҳоратхоналарини тозалаб юрадиган хабаш йигит иш кийими билан лифтга чиқмоқчи бўлиб турган экан. Дарров салом берди. Алик олдим. ,,Осмондан келиб" қаерданлигини сўрадим. Африканинг ,,бир бурчагини" айтди. Мендан ҳам қаерданлигимни сўради. ,,Бухорийларданмиз" дедим. (Назаримда ,,Шум бола"филмидаги Эргаш Каримов ўйнаган образдек гапирдимов.)
?Фаррош йигитнинг кўзлари ўйнаб кетди...
,,Роваҳул Бухорий"" деб "ҳар бир сўзи далил, ҳужжат бўладиган Устознинг авлоди экансиз-да. Қуръонни ҳам яхши билсангиз керак..?" деди.
"Ҳа-да..!"(Паст келгим келмади)
У еттинчи қаватда тушар экан,
мен саккизинчи қаватга тушаман.
Лифтнинг тугмаларини босдик 7 ва 8. Кўринишда ёнма-ён тургани учун 78 га ўхшаб қолди.
  Фаррош йигит ,,78 бўлди" деб кулди.
Кутилмаганда мендан ,,Бақара сурасининг 78 - оятини айтиб беринг" деб қолди-ю...
Дарров ,,осмонимдан ерга тушдим". "Китобдан қарамасам айтолмайман" дедим.
  Бахтимга унинг қаватига етиб қолдик. У тушиб кетаётиб елкамга қоқиб, "Қуръонни яхшироқ ёдланг," деди. Эсанкираб хонага кирдим. Мусҳафни очиб Бақаранинг 78- оятини кўрдим-у, йиғлаб юбордим:

(وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ وَإِنْ هُمْ إِلَّا يَظُنُّونَ)

"..Уларнинг ичида китобдан бехабар, хомхаёлдан бошқани билмайдиган омилар бор. Улар фақат гумон қиладилар холос." (Бақара сураси 78 - оят)

Яхшиям фаррош йигит аҳволимни кўрмади.

Раҳимжон Нишонов

Ўқиб жуда таъсирландим.?

@usanboyeva