#ГЎЗАЛ_АЗОН👆👆

📝         ДУО

AZON

Allohu akbar!
Allohu akbar!
Allohu akbar!
Allohu akbar!

Ashhadu alla ilaha illalloh!
Ashhadu alla ilaha illalloh!

Ashhadu anna Muhammadar rasululloh!
Ashhadu anna Muhammadar rasululloh!

Hayya 'alas-solah!
Hayya 'alas-solah!

Hayya 'alal falah!
Hayya 'alal falah!*

Allohu akbar!
Allohu akbar!

La ilaha illalloh.
👇👇👇👇
T.me/AZAN_UZZ

Шамшод ҳижолат бўлиб бир нарсани баҳона қилиб ташқарига чиқиб кетгач Омина ловуллаётган юзини ушлаганча қолди..Муқаддам хола хонага кириб ётоққа ва атрофга бир қур қаради..
-қизим тушунаман ҳали ёшсизлар..бир бирингизга тўймайсиз лекин бўйингда бўлиб қолса ҳадеб яқинлик болага зиён етқизиши мумкин..
Омина бу гаплардан ер ёрилмади ерга кирмади..нима деярини билмай лабларини тишлади.

Бугунги кун.

Ишхона лифтига шошиб чиққан Омина лифтдаги собиқ эрини кўриб бир зум шошди..
-яхшимисан?-деди Шамшод жиддий қиёфада.Паст овозда берилган салом йигит қулоғига кирмади..
Лифтдаги сукутда фақат иккисининг нафаси сезилар..Омина кўз қирида эрини кузатарди..
-бу ерда анчадан бери ишлаябсанми?
Шамшод Оминага қарамай савол берди..
-ҳа..ўз кунимни кўришим керакку!-деди аёл кўзлари намланганини билдирмасликка уруниб.Шамшод бу жавобга ҳайрон қаради..
-ўз кунимни?

Ўтмиш.

Омина Шамшод хизмат сафарига кетгани учун анчадан бери бир ўзи хонасига кириб эрининг кийимларини хидлаб овунарди..негадир иситма қиляптими ухлагиси келяпти фақат..
-Омина!
Қайнонасини чақириғига Омина базўр жавоб берди.Ичкарига кирган Муқаддам ранги сўлғин ўтирган келинини кўриб пешонасини ушлади..демак иситмаси бор!
-қалин кийиниб юр деса юрмайсан! Шамшодга айтма хавотир олади ўзим дори олиб келаман..
Омина қайнонаси ортидан маъюс боқди..келин касал бўлса қайнонага ёқмайди эканда.Ўз онанг барибир ўз онанг эканда..ёдига онаси урушсада ётқизиб қўйиб бошини силагани тушди.Анча вақт ўтиб дори ва чой билан кириб келган Муқаддам келинини кўриб бироз ранжиди..ўзи келинлик пайти тиши ишиб кетиб азоб берса ҳам тинмасди..ҳозирги қизлар гулдан ҳам нозик!
-менга қара ё онангникига қидириб келасанми икки уч кунга!
Омина ранжисада билдирмади..
-онамга ёқармикин касал ҳолимда борсам?

Омина ишга бориш учун кўзгу қаршисига турди..бир вақтлар Шамшодга чиройли кўриниш учун жонини берарди..эндичи? Ким учун бўянсин? Шу вақтгача неча бора қўлини сўрашган бўлса ҳеч бири Шамшоддек эмасди.Кимгадир болаларига она керак,кимдир қари дадасига қаровчи излаган,кимдир мерос умидида туғмас хотин қидирган отасига..турфа дунё! Олдингда оққан сувни қадри йўқ деганлари ростмикин? Калта сочларини таради..Шамшодга унинг соч ёйиши ёқмасди..кўп бора баҳслашган бу борада..йигитнинг қайноқ қўл тафти ҳамон сочлари орасида..Омина чуқур ҳўрсинди.

Ўтмиш.

-кирларни бу тоғорага соласиз!
Райёна Оминага тушунтира бошлади.
-биз дастурхонларни алоҳида ичкийимларни алоҳида ва оқ,қора кийимларни алоҳида ювамиз!
Янги келин бўлган Омина ҳайрон бўлди.Нега керак шунча тоғора? Биттасида ювса нима бўлибди?
Камига бу ерда бутун қўшнилар янги келинни ювган кирларини кузатаркан..Омина минг ҳаяжонда ювди..Дорга ҳам силкитиб ёйишни қайнсинглиси ўргатди..
Райёна ўтаётиб ён қўшниси Муниса опани кўриб қолди
-яхшимисан Райёна? Келин танлашга Муқаддам опа сал шошдида..аканг қанақанги чиройли! Бу келинойингни қоши ҳам ясамами? Доим бўялган туради..
Райёна қўшнисини феълини билгани учун индамай қўя қолди.

Хонасига кирган Омина ҳориб дўпписини ечди.Янги келинга уйқу орзу деб бекорга айтишмаган экан..ойнада келинлик нуқси уриб чирой очган юзи товланди..азалдан ранги оппоқ унча бунчага қораймайди..шу пайт эшик очилиб Шамшод кўриниш берди.
-дўстларингизни ёнига кетмадингизми?-деди Омина спортивкада янаям кўркам кўринаётган эрига боқиб..Шамшод жилмайиб хотинини бағрига босди..
-шундай гўзал хотиним туриб кўчада нима бор?
Пешонасига теккан лаб пастлай бошлагач хона шарт очилди..ёшлар шошиб қолди..
-Шамшод келибсан мени ёнимга кирмайсанми?-деди Муқаддам хола ўғлини қилиғига ғаши келиб..

Шамшод хонага кириб Оминани топа олмай ҳайрон бўлди..Хонтаҳта тагига ётиб олган Омина Шамшодни оёқларини кўриб нафасини ичга ютди.Шамшод ҳоналарни қидириб бир пайт секин хонтаҳта остига қаради..
-Омина!
Омина қўлга тушганини сезиб секин сирғалиб чиқди.
-ҳалиги..мен..-деди тутулиб.Шамшод ҳўш дегандек кулди.
-Омина баъзан худди ёш боладексан!
Омина ҳамон ишонқирамай қаради..
-мени урмайсиза?
Шамшод кўпинча бериладиган бу саволдан ҳайрон бўларди.
-нега доим шундай дейсан? Сабаби борми?
Омина ҳадиксираб боқди..Шамшод Оминани оиласи қандай эканлигини билмаса..ҳозир айтса ундан кўнгли совуб кетсачи?
Йигит эса унга секин яқинлашди.
-Омина..умрим бино бўлиб хотинни эркак уруши ҳақида эшитмаганман десам ишонасанми? Қандай қилиб бундай ўйга борасан? Сени нега ураман..
Омина ҳиқиллаб йиғлай бошлагач Шамшод уни ўзига қаратди.
-сени ичинг дардга тўла..мен буни сени илк кўрганимдаёқ сезганман..қиз бола бўлсангда ўзингни ўғил боладек тутиш..айт не сабаб бунча қўрқув? Ичингда икки хил инсон ин қургандек..бири исёнкор..бири меҳру муҳаббатга тўла содда қиз..
Омина кўз ёшларини артиб йигитни кўзларига боқди..унда кўз қорачиғи бошқача..атрофи тиниқ порлаб турган юлдуздек..сезади эри уни ёнида буткул ўзга инсонга айланади..
-сизга қайси бири ёқади?
Шамшод кулиб хотинини қучди.
-ҳали кўп фарзандларимиз бўлади..уни энг каттаси ўзинг бўласан!
Омина кулганча эрини кенг елкасига юзини босди..
-нега доим учинчи синф қизим дейсиз?
-чунки учинчи синф қизчалардек содда ва беғуборсан..
Омина дунёларни унутиб куларди эрини ёнида..
-Шамшод ака..бояги суҳбатни..
-эшитдингми?-деди Шамшод юз қиёфаси ўзгариб.
-ҳа! Ахир иссиқку..
-сен учун иссиқ лекин ёши катта инсон учун ҳаво салқин туюлади..бошинг шамолламасин дейди..боз устига уйда дадам ва укаларим ёнида ҳам бундай юришинг яхши эмас!
Омина Шамшодни бағрига юзини боссада қайнонасидан илк бора қаттиқ ҳафа бўлганди.ахир ўзига айтса ўрамасмиди? Наҳот Одина ҳақ! Ҳамма қайнона бир гўрми?

Омина анчадан бери алламаҳалгача Шамшод ҳақида ҳаёл суриб ётарди..секингина Одинадан сўради.
-Оди..сени Баҳром аканг ҳеч ўпганми?
Баҳром билан хабар ёзишиб ётган Одина опасига қарамай тилга кирди
-нега сўраб қолдинг?
-ўзим!-деди Омина ийманиб.
-нима поччам сенга яқинлашмаяптими?-деди Одина кулиб.
-борее..сенга айтган мен аҳмоқ!
Омина бу томонига ўгирилиб телефонда йигитнинг расмини берилиб томоша қила бошлади.Йигит ҳам уни севармикин? Севса нега ҳеч тўйиб бағрига босмайди..хатто хабарларда ҳам ҳаддан ошмайди! Нега керак бу чегара..ахир шундоқ ҳам хотини бўладику..йигитнинг ҳаракатларини нимага йўйишни билмасди.Расмни катталаштирди энди йигитнинг кўзлари шундоқ унинг қўли остида турарди.
-нега бунчалик уни васлини истайман..худди тўйни унданда кўп мен ҳоҳлаётгандекман..
Хаёлан йигитни қучиб бутун дунёни кезиб чиқди..

🌺🌺🌺🌺🌺

-тўйни шу куз қиламиз!
Раъно Одинани ҳозирни ўзида солиб кетишадигандек қўрқув ичра қолди
-ҳали опасини тўйини қилайлик!
Зебохон қош чимирди.Бунча ялинтирмаса булар..лекин ўғлини қўллаб юборадиган бақувват жой экан.
-опаси ўқишга кирди..қачон узатасизлар уни? Унаштирилганку опаси ҳам қилаверасизда кейинроқ!-деди кескин.
Қизининг ихтиёри қўлдан кетганини сезган Раъно ҳўрсиниб қўйди.Шуни ўрнига ўқиса эди бу қиз тушмагури! Негадир шу жойга кўнгли чопмай турибди..янаям Аллоҳ билгувчи...

-дастурхонни зўр қилиб кутиб олдим!
Одина телефонда Баҳромга мақтанди.Дастурхонда килоси палон сўм турадиган писталар,шоколадлар ва мевалар кўзни қувнатиб турарди..
Кечаги қолган овқатга буҳонка нон ботириб еб ўтирган Баҳром мамнун жилмайди
-миттигина бўлсанг ҳам балосанда Оди!
Уёқдан қизнинг эркаланган товуши келди.

Шамшод қизни кутиб ён атрофга қаради..ўз иши билан банд шошиб юрган одамлар,ҳамма ниманидир ғамида..
-Ассалому алейкум!
Қизни қўнғироқдек овози эшитилди.Шамшод аввалига обдон бўянган Оминани кўриб бир зум таний олмай шошиб қолди.
-Омина!

🌺🌺🌺🌺🌺🌺

-нима айтамиз?
Йигит боядан бери узун киприк қўйиб олган Оминани диққат билан жилмайиб кузатарди.
-билмасам..ҳоҳлаганингизни айтақолинг!-деди Омина одоб билан.Официант чиқиб кетгач Шамшод секин бориб қизни ёнига ўтирди.Йигитнинг атири кўркам юз қиёфаси Оминани юрак урушини тезлаштириб юборди.
-Омина..-деди йигит қизни юзига яқиндан боқиб-бу киприк ўзингникими?
Омина уялиб жилмайиб қўйди.
-бировники!
Шамшод ҳам Оминага монанд жилмайди.
-бу нима керак? Ахир ўзинг шундоқ ҳам чиройлисанку!
-ҳеч ҳам чиройли эмасман!-деди Омина ҳўрсиниб.Шамшод қизни қошларини тўсиб турган кокилини четга олмоқчи бўлди аммо қўли теккач ҳайрон бўлди
-қотиб қолганми?
-лак сепилганда!-деди қиз кулиб.
-оббо!-деди Шамшод жилмайиб.
-наҳот сизга ёқмади?-деди қиз ўзига яқин ўтирган йигитнинг кўзларини ичига боқиб.
-менга биринчи учратганимдаги қиёфанг ёқади!-деди йигит хаёлга берилиб-кийиминг ҳам сочларинг ҳам ниҳоятда ўзингга ярашиб турарди..бир кўрдиму кета олмай қолгандим..
Омина яқин турган йигитнинг юзига секин қўлини теккизди.
-ҳеч бирор қизни севмагансизми?
Йигит қизни қўлини секин тутди.
-менимча ҳаёти давомида инсон кўп бора севдим деб ўйлайдиган инсонларни учратади..фақат биттасиники ҳақиқий муҳаббат бўлади! Кўп бора Аллоҳдан сўрардим севганим менинг бутун умрлик ёрим бўлсин..шундай ишқ берки ҳалолим муҳаббати оиламнинг гултожи бўлсин..
Омина секин йигитнинг кўксига бош қўйди.У ерда бир оташин юрак кўксидан чиққудек урар ҳар депинишида Оминанинг исми бор эди..
Шамшод тизгинсиз ҳисларини жиловлашга ҳаракат қилар..қизнинг майин ифори,сочлари уни оҳанграбодек ўзига тортар шайтон ҳийласига алданишни истамас ҳалоли бўладиган қизни ўзидан ҳам қизғонарди.Қиз эса буни билмай йигитнинг ҳисларини синовдан ўтқизаётгандек йигитни маҳкам қучди..Шамшод вужудида илиқлик ҳис этди..қандайдир таърифлаб бўлмас ҳис оғушида қолди.Йигит бўлиб шу ёшгача аёл вужудини ҳис этмаган фикру дарди иш бўлган Шамшод қизни қучишни ҳам қучмасликни ҳам билмасди..Омина эса ҳаммасига қўл силтаб фақат ҳозирги дақиқаларда яшамоқда эди..унинг учун Шамшоднинг бағри сокинлик маскани эди..ич ичидан Шамшодни ҳисларини эркин қўйишини истар ақалли бир марта қизни қучиб бўса олса нима қиларкин?
Ҳислари билан анча курашган Шамшод қизни секин бағридан бўшатиб жойига ўтириб олди.Омина ҳафа бўлганини сездиришга урунмасада барибир юз ифодаси сездириб қўйди.
-нимадир бўлдими?-деди йигит ҳайрон бўлиб.
-ҳеч нарса!-деди Омина кайфияти тушиб.Шамшод жилмайиб қўйдию овқат олиб кирган официантни қўлидагиларини олди.Омина йигитни ҳар бир ҳаракатини диққат билан кузатарди.Қандай қилиб инсон ўзини бошқара олади бунчалик ҳисларни жиловлаш шартмикин?

Чиқиб кетаётганлар Донохолнинг ботекс қилинган лабларига татуаж қилинган қош кўзига боқарди.
-янга роса бўяниб олганга ўхшаяпманми?-деди Донохол ўнғайсизланиб.
Раъно нима деярини билмай аъзага эмас тўйга келгандек турган юзга қараб елка қисди
-рўмолни тушуриб қошингизни ёпинг сал бўлса ҳам оддийроқ кўринасиз!

🌺🌺🌺🌺

-Оди ўқишга кирмайсанми?-деди Омина телефон титиб ётган синглисига боқиб.
-э ўқиганни қайси бири катта ойлик олиб ётибди? Мен бировга бўйсуниб ишлаб юрмайман менга бўйсунишсин ундан кўра..
Омина энса қотириб қўйди.

🌺🌺🌺🌺🌺🌺

-бу пулга кўйлак ол бунисига эса салонга кирасан сал тузукроқ кийим ол куёвим чиройли ёнида ажинанг чиқиб юрмасин!-деди Раъно Оминани жеркиб.
Омина бобосини ўлимидан кейин тўй сурулгач Шамшодни далдаси билан қайта ўқишга тайёрлана бошлаганди.Одинани унаштириб қўйишгач қуда тараф тўйни тезлаштиришга тушган катта қиздан олдин кичигини узатгиси келмаган Раъно аъзани баҳона қилиб унамаётганди.
Омина илиқ қуёш нурларига юзини тутди.Қуёш ҳам худди Шамшодга ўхшайди..ҳарорати билан илитади,вужудингга сокинлик бахш этади..
Бозор кезиб қип қизил рангли кўйлакни ёқтириб танлади.Йигит яқинда хизмат сафаридан қайтган келасолиб учрашайликка тушганди.
"Соат 11да бораман Оминам"..хабарни кўриб қиз шошиб қолди.Тезроқ салонга ҳам бориши керак.
🌺🌺🌺🌺🌺

-тўй борми?-деди салончи киприк ёпиштираркан Оминага
-йўқ учрашув!-деди қиз жилмайиб.
-қойиле..учрашув учун салонга кириш?-деди салончи кўзлари катта катта бўлиб-нима йигит сизни шундай кўришидан уяласизми?

-Ассалому алейкум..
Омина телефонни қулоғига маҳкам босди.
-ваниҳоят сизни рози қилдика?
-ҳали ухламадингизми?-Оминани тилига жўяли гап келмади.
-бундай бахт билан кўзга уйқу ҳам келмаяпти..
Омина жимгина йигитни тинглашни истарди..
-ахир кеч бўлди..
-унаштирилмагунча сизга қўнғироқ қилишга ҳаддим сиғмаётганди..ҳозир ҳам гўё тушдаману уйғониб кетадигандекман?
Оминани юзлари ҳаяжондан алвонранг тусга кирди.
-сизни гулим деб эркалагим келади..ёдимда илк кўрганим..
-қачон кўриб эдингиз?-деди Омина қизиқиб.
-ниқобли йигит ёдингиздами? Бозорда сочингиздан тортишганичи? Дўстим сочингизга қизиқиб тортганда оғриқ билан ортга ўгирилиб бизни қидирганингизда..юрагимга ўт тушганига анча бўлган гулим!
Омина йигитни ҳеч ҳам бундай романтик деб ўйламаганди..доим жиддий қиёфада кўринган йигит биринчи бора дил ёриб уни ишқ ҳароратида эритмоқда эди..
-бор меҳримни бўлажак ёримга ҳалолимга бўлишини истардим..барча изҳорларим дил тубида асраган,ҳақиқий эгасига аталган сўзларим бугун тизгинсиз тилимдан чиқиб кетяпти..
-сизни мен ким деб чақирай?-деди Омина юраги ҳаяжондан гупурлаб.
-ихтиёрингиз!..-деди йигит ..уёқдан унинг кайфиятини пайқаш қийин эмас эди..юлдузга бенарвон чиқадиган шижоати бор Шамшод ҳозирги лаҳзаларда яшаётган эди..-жоним десангиз ҳам ёрим десангиз ҳам биз рози!
-нима?-деди Омина жилмайиб-даррова...
-нима қилибди? Ҳозирдан ўрганиб борганингиз яхшими дейманда..-деди Шамшод кулиб.
-уяламан!-деди Омина деворга суяниб.
-биласизми? Жуда кўп шеърлар ёд олганман севган ёримга айтиб бераман деб..лекин ҳеч тақдиримга битилганимни топа олмасдим..ҳозир эса..-деди йигит чуқур нафас олиб..-айни вақти..
-севган ёримга денг..-деди Омина ҳаяжон билан.
-Уйда бўғилдиму чиқдим эшикка,
Ер устига чўккан оқшомги туман,
Гўё кўзларимга боққандай тикка
Яшнарди бир юлдуз худди сенсимон.
Худди сендай узоқ ва сендай ёрқин,
Авжи чақнаганда сўнади у ҳам,
Бир юпанч: севгимнинг осмонидан
Ўчмасдан ёнасан, эй гўзал ҳамдам!
Йигитни шеърни ҳар бир сатрини юракдан айтиб бериши Оминани ўзга дунёга олиб киргандек бўлди..ёдида адабиёт оламида энг ҳавас қилган жуфтлиги Ҳамид Олимжон ва Зулфияхоним эди..бир марта мактабда Зулфияхоним ролини ижро этганда унинг оташин мужаббатига ҳавас этганди..
-Омина...-деди йигит сукутдан ҳавотирланиб..-эшитяпсизми?
Қизнинг нозик овози эшитилгач уни биринчи кундан қийнаб қўймаслик учун хайрли тун тилашга ҳаракат қилди..
-сизга ҳам ҳайрли тун..Шамшод ака..-деди қиз биринчи бора..
Шамшод юраги гупиллаб гўшакни тутганча қолиб кетди..қачон келиб кўзларимга қараб кўксимга бошингни қўйиб шу сўзларни айтаркинсан Омина..

🌺🌺🌺🌺🌺🌺

-бошқа жойдан уйлантир!
Донохол онасига қовоқ уйиб қаради
-ҳамма ажрашган деб қиз бергиси келмайдида..
-мен сенга нима девдим? Ажрашма шу бир коса овқатни итга бердинг нима эрингга бердинг нима эди?
Энақиз ҳарсиллаб нафас олганча зўрға гапирди.
-Ботир билан яшай олмасдим барибир..ҳали кўрасиз акам уёқни қанақалигини ҳали билмайдида..Оминани куйганини куёв ҳам билмаса керак!