نزال لصاحب الزمان عج

بااذن الله باجر. تعله المناير
وللزهره رايح تنبني گبه اومناره

كلها لظهورك سيدي منتظره الانصار
بس أشر أمن الخارطه نمحيها الاشرار
يمته لضريح الزهره تمشي افواج زوار
ونعاين لكبة الذهب تذهلها الانظار

ابصحن الفواطم. نحيي المأتم
كل شيعي يلعن قاتل الزهره بشعاره

مهدينا باجر لوطلع يكتب على الواه
فتحاً قريباً فاطمه اونصراً من الله
يطالب يجي بثار الظلع وايد الله وياه
الله ينصره الناصره وعاده الي عاداه
الكل ينصره. لوعجل امره
يملي الارض قسط اوعدل رايح فقاره

ليهسه ظلع ام الحسن ينزف
ولا طاب
شيب وشباب اتلوعت من عملة الباب
عالمحسن وخد فاطمه حتى الكلب ذاب
يالمهدي تطلع ياوكت وتصفي الحساب

ابياساعة تظهر. جيشك تحضر
كل شيعي يحسب سيدي وطال انتظاره

اليا وكت يل منتظر تبقه انت غايب
ابثار الغريب المنذبح ليمت تطالب
مهدينا جا ليمت تجي اذل النواصب
موت اوقتل سلب ونهب شفنا العجايب

شاهد وضعنه. كلش تعبنه
عبدالله ياهوه اليجي وياخذله ثاره

حگك يبو صالح تضل كل عمرك تنوح
عندك شهيد أمن الگفه بالسيف مذبوح
يادم مثل دم السبط عالغبره مسفوح
وابلا دفن جسمه ثلث تيام مطروح

عالغبره عاري. ابنص الصحاري
والرمضه تلهب والرمل يجوي ابحراره

عمك لهسه أعلى النهر وابلايه جفين
والجبهه مضروبه ابعمد والسهم بالعين
ليهسه ابو فاضل يحس ماوفه لحسين
مو مره مات أمن الخجل عباس مرتين

صابوو جربته . ودنگ رگبته
شيكلها زينب لو رجع صعبه اعتذاره

عل هزله صعدت عمتك اكبر مصيبه
واعليها شمات اشرو هاي
الغريبه
اولها تالي اميسره الجان الها هيبه
حرمه ويكيدوها بحبل والله عجيبه

تقبل شيمكم . انطگن حرمكم
ما تقبل بهذا الفعل كل الغياره

الشاعر ابو أسد البزوني

للسيدة الزهراء عليها السلام

ياعلي وصيتي *** لودنت منيتي
خلي عينك عل اميره
اتيتمت زينب ازغيره
ياعلي وصيتي

موش تبجي امدللتنه ياعلي عينك عليها
رايح افراگ الغوالي ابنيتي شيسوي بيها
تعيش خل دورالاميره لاتعيشها ابسبيها
گلها مو وكت البواجي لكربله خضم بجيها

هون أعلى زينب*** رايحه اتعذب
باجر ايگودوها اسيره
اتيتمت زينب ازغيره
ياعلي وصيتي

هواي گدام العقيله لا تكثر بالدمع
گلها خل اضم بجيها موتخلصه أعلى الظلع
باجر بحلگ الحوافر اظلوع رايح تنشلع
وعود من اضل وحيده خلها زينب تنفجع

ابلا اخو وكرايب *تسكن الخرايب
تنذبح كل العشيره
اتيتمت زينب ازغيره
ياعلي وصيتي

ياعلي هون عليها كلشي بالطف يختلف
زينب اليوم اوي اهلها وباجر الكل موعرف
شلون حال امدللتنه ياعلي ماينوصف
باجر الماطلع ضلها اتشوفها السبعين الف
تركب الهزيله***والدمع تسيله
مدنگه تمشي وكسيره
اتيتمت زينب ازغيره
ياعلي وصيتي

الله راح ايعين زينب باجر بذاك الصباح
رايح بسبعين راس يفاولوها أعلى الرماح
الف راح وسبع ميه أشاهد بجسمه الجراح
ياعلي ومن الرزايه شوكت زينب تستراح

ياكبر صبرها***الراحه ماتمرها
بالصبر والهم جبيره
اتيتمت زينب ازغيره
ياعلي وصيتي

شلون باجر حال زينب من تطب قصر اللعين
اگبالها ابسوطه الخبيث اويضرب ابثغر الحسين
اه ياسوگ الشماته الماتغض انظاره عين
أصعب احجايه أعلى زينب كافلج يالحره وين

ماهوه كفيلج***ليمته يجيلج
حيرة المسبيه حيره
اتيتمت زينب ازغيره
ياعلي وصيتي

لكربله شمحلاها تمشي وتكسر الخاطر ترد
التعطش لشوفت أخيها تذبل شلون الورد
الشافها ما جنها زينب يكثر اعليها النشد
شامخه رغم النوايب لوحجت لاماترد

ذلت العساكر***لوحجت خناجر
حرمه وتكمل المسيره
اتيتمت زينب ازغيره
ياعلي وصيتي

ابو أسد البزوني

قصيدة الاستشهاد السيده الزهراء عليها السلام

شيهود هالليله اجروحي
وانه الدافن روحي بروحي
ابجي الحالي مدري الحالج
انشالت روحي بنعش الشالج
شيهود هالليله اجروحي
+++++++++++

شلون حاله الليله حيدر ياخلگ ماينوصف
ابكثر ماعالزهره باجي ارسومه ضل ماتنعرف
اتخوصر وكض بيده ظهره مصابه موهين كلف
عملة البسمار عمله والظلع كلش ترف

ضل يصفك جفه ويتحسر
ظلع الزهره يصيح اتكسر
ريت اظلوعي اتروح ابدالج
انشالت روحي بنعش الشالج
شيهود هالليله اجروحي
+++++++++++

بين ماحيدر يغسل فاطمه عل مغتسل
صاح اخ بصوت عالي والدمع عالخد همل
عاين البسمار الاكشر للكب شافاه وصل
وفوگ كل هاي الرزايه الظلع نصين انفصل

مايتصوف حيدر حاله
الباب الذوب كل دلاله
ابدمع اوحسره ضل يناعلج
انشالت روحي بنعش الشالج
شيهود هالليله اجروحي
+++++++++++

آه ياباب النوايب جم جرح هيجته الي
المامدنگ راسه مره منكسر شفناه علي
عملة الباب الفجيعه ابكل دهر ماتنجلي
اثمنطعش هستوها طبت ياهو يقبل تنولي

بالباب وحايط عصروها
موعيب النعمه ايرفسوها
اليوم انكتلج خلي ابالج
انشالت روحي بنعش الشالج
شيهود هالليله اجروحي
+++++++++++

ابلايه رحمه ولاحميه الهجمو بعز النهار
علم عدهم بالوصيه مايجر حيدر فقار
ابكل حقد لمو حطبهم واضرمو بالحضره نار
الكافر البالباب يدفع خله دمها أعلى الجدار

يافضه اتصيح العلويه
مات أوليدي ابين ايديه
طاح المحسن دامي اگبالج
انشالت روحي بنعش الشالج
شيهود هالليله اجروحي
+++++++++++

ربع ابوي المارعوني وجازور العشره ابكسر
يدري نية ربعه شنهي لهسبب وصه اشكثر
كالهم من بعدي حيدر خافن ايكضكم عذر
اذيابه طلعو ياوسافه وطبع الذيابه الغدر

ماخلو للصحبه احجايه
كلمة صاحب حيل هوايه
يادنيه الموت اتهنالج
انشالت روحي بنعش الشالج
شيهود هالليله اجروحي
+++++++++++

ابو أسد البزوني

ياخواني خل اترفرف الرايه
مشايه وي ام عون مشايه
خلونه نمشي وياها
درب اليسر اذاها
مشايه وي ام عون مشايه
+---+---+---+--+
شدو حزمكم يالله يهل الغيره
لاكوها اخت عباس تمشي بحيره
وي روس أهلها اعالهزل ويسيره

متعوبه حيل مبين هوايه
مشايه وي ام عون مشايه
أمبينه من ممشاها
درب اليسر اذاها
مشايه وي ام عون مشايه
+---+---+---+--+
تعبان حيل أمن السبي تعبانه
عطشانه اكيد ام الخدر عطشانه
وشتلگه حاله الي ذبحو خوانه

اتشوفه يمشي متيه رايه
مشايه وي ام عون مشايه
خل نمشي نتلگاها
درب اليسر اذاها
مشايه وي ام عون مشايه
+---+---+---+--+
عل عرجه وبلا هودج ولا كله
فشله العقيله تروح كلش فشله
مهيوبه اخت عباس لا للذله

شحده اليذلها الحره بحجابه
مشايه وي ام عون مشايه
يخسا الشمر طگاها
درب اليسر اذاها
مشايه وي ام عون مشايه
+---+---+---+--+
وي روس أهلها الحادي طوح بيها
يدريها زينب بت على يدريها
ياوسفه اخت عباس ومجتفيها

روحتها جانت لليسر غايه
مشايه وي ام عون مشايه
هيج العلي راداها
درب اليسر اذاها
مشايه وي ام عون مشايه
+---+---+---+--+

الشاعر ابو أسد البزوني

قصيدة للمشايه

البصره طلعت. من واحد صفر
لكربله ازحوف
تمشي أمن البحر

طلعت اورايه الي تتبع رايه
گصدت لراعي الشيم مشايه
تنوح كلها عليكم الوفايه
تلكو الحره بلطم وقرايه

اجو يامحله ممشاهم. الكاع تميل جواهم. تصيح الزهره حياهم. هلا ومية هلا
مشاي النگل جدمه. اسجل بالخدم اسمه. هلا بزوار ابواليمه.هلا ومية هلا

يمي مكتوب . كل زايد اجه
دمعه مذخور
ياهوه البجه

أمن البحر متعنيه كلها ازوره
شايب بعوجيته راسم صوره
برد ماكضها الزلم وحروره
الك حتى البل مهد منذوره

الكره الارضيه اهتزت. شباب وشيبه التعنت.تموت بدربك اتمنت. يفدوه لهل درب
الدول متعنيه مشايه.تهب رايات مورايه. اجتلك شيعه وفايه.يفدوه لهل درب

أقصى الاقطار. تزحفلك زحف
وتلكه رايات. بكل كوكب ترف

الخدم عالخدمه اوعلي تتسارع
موكب بصف موكب أعلى الشارع
معجزه تشاهدها روح وباوع
بهل زحف ماتلكه زاير جايع

ولا واحد يضل حاير. ينام ويشبع الزاير. المعزب علي ناطر. لحد طگت الفجر

المعاجز عدنا موسبعه. بطريقك وصلن التسعه.قبل ادم الك سمعه. لحد طگت الفجر

عالعرش صار. طلسم هل اسم
وياهو عاداك. ما ضلهم رسم

يالله كومو لزينب انواسها
وخل نعيش الجره وصار عليها
براضه وي ام عون خنماشيها
مورمه من حرك الخيم رجليها

اجت عالهزله تعبانه. على العباس عطشانه. شلونه الفاكد اخوانه. يبين أمن المشي

على المطروح عالغبره.تكوم وتعثر الحره. اخوها الهشمو صدره. يبين أمن المشي

جنها عباس من فوگ الهزل
التقهر شلون. مشدوده ابحبل

مبينه حمالة تعب بجفوفها
هيه اميره وياهو جان يشوفها
الجانت املاك الغدير اضيوفها
وسفه هسا وبس شماته اطوفها

القبل ماشهدو ضلها. تروح اويالغرب شلها.اهي العباس كافلها. اجت وي الضعن

اجانب تحدي وياها. وكت مقهوره خلاها. الگبل ياوسفه محلاها. اجت وي الضعن

تحدي ابروس. كل العايله
كاصده تروح. اخوتها بكربله

ابو أسد البزوني

قصيدة للمشايه

يل گاصدين لكربله
اهلا وسهلا بيكم
?????

كل الاراضي توسمت.فوكاها مشايه اطلعت. لحسين بدموع اعتنت. تتفاخر
شيب وشباب الكصدته. متعنيه توصل كبته. هنيال حضها الزارته تتفاخر

لاقطار كلها اتعتنه وعله الجدم مشايه
هذا الي ناصب موكبه وذاك الي رافع رايه
من البيشه زوار اطلعت كلهم زلم وفايه

سدوها البيوت الخدم
زلم او نسه تحيكم
?????
الزاير والمعزب اجو. بالخدمه يالحسين التقو. واسوها زينب وطلعو. لعتابك

مانشعر بحر اوتعب. ماندري شنهوه السبب. كل همنه نوصل للكبب. لعتابك
ياحسين ماندري السبب ليش ابتعبكم راحه
من الله حبكم هم رزق صوجه اوعلي المالاحه
واشيزرع ايحصده البشر زود الزرع فلاحه

واليگصدلكم معتني
يرد يتفاخر بيكم
?????
جيوش اطلعت متحضره. لزمت على اعتابك سره. اتواسي العقيله الطاهره. بمصابك

هجرو أهلهم والوطن.شلون الحراير ينسبن. كل واحد يواسي الضعن.بمصابك

يمشون ويسيل الدمع والكلب تلهب ناره
شدو حزمهم وطلعو وين التشيم اخباره
متأخر انحسبه بصفر كل واحد السد داره

باارواحنه ومانمتلك
والله اوعلي نفديكم
?????
بالموكب تحيي الخدم. زاير ملك واحنا الحشم. أجمل عبارات ارسم. بالخدمه

الزاير يتجوله التعب. يستقبلونه بكل ادب. من عدهم اتشوفه انحسب. بالخدمه

اخوان كل هاي الاجت لاتفرقه ولامنه
كردي ومسيحي وصابئي ماعدنا شيعه وسنه
نطشر ودرب المشي ابكل عام جاي يلمنه

اطفالنه اتكض الدرب
وبيا هلا اتلاگيكم
?????
أجمل عبارات العشگ. بالممشه نلگاه الصدگ. حتا الگلب لمن يدگ. عالفطره

حسين ويمحلات الاسم.اتنفسك گمت امنشم. يحروفك اندگن وشم. عالفطره

بالروح تسري اوي الدمه وانت الملكت انفاسنه
بنص الضماير بيت الك عايش ملك بحساسنه
يحسين مانسوه اوعلي الخدمه الي رفعت راسنه

ياحسين باجر بالحشر
رايح تضل اعليكم
?????

ابو أسد البزوني

قصيده للمشايه

شايلين الرايه طلعو المشايه

زاير ايحشم بزاير گامو الجنهم مناير
معتنين الكربله
شفت واحد شال رايه رايد يواسي السبايه
يمشي وي القافله
وانه صحت بصوت اهلا ياهلا بيكم وسهلا
ماتكفي ادري الهله
خنتشرف فدوه بيكم من رحت فدوه لمشيكم
والله كلكم مرجله

نحسب احنه الهايه طلعو المشايه

صار شهرين ونحضر ليمت المشايه تعبر
ونتشرف بيها
رزق هذا امن الله عدنا كلمن احنه يبات يمنا
ابخدمتة انگضيها
اطلب وشتريد تامر احنه خدامك يزاير
التصعب انسويها
ادخل وشرف الموكب ياملك شتريد تطلب
ذبها لتخليها

انزلت بيكم ايه طلعو المشايه بيكم من رحت فدوه
حسين عدنا الي يخدمه الزهره راح اسجل اسمه
ابدفتر اوي انصاره
كل تجاره وبيها تخسر بس تجاره ابو الاكبر
ربح موش اخساره
شتنطي باجر راح ضعفه الله ينطيك ويشرفه
ايحطله كومه اصفاره
استغنم الفرصه يخادم حتا ترجع منها غانم
الدنيه شو دواره

اصعد اول بايه طلعو المشايه شيكم
والله كلكم مرجل
شراح باجر منها تاخذ ضل ببو السجاد لايذ
جلب ابخاجيته
حاشه مايتركله خادم والمعاون كمر هاشم
صار من حاشيته
اخلص ورايح تشوفه اي بشر لا مايعوفه
يدخله راح ابيته
العنده والماعنده رايح مايضل بلعوز طايح
من يمد صينيته

يالله افهمو الغايه طلعو المشايه رحت فدوه لمشيكم
وال
الخدم والمشايه باجر مايضل بيهم الحاير
كللها تتوج ذهب
شما اله الشيطان وسوس استبرق الرادود يلبس
وينحط ابرتبة وهب
وراح كل شاعر اليكتب مايضل بالجنه يعتب
اصلاً يشيل العتب
شكثر كل خادم يعاني وزع او شال الصواني
الله يجزيه التعب

ينال خير اهوايه طلعو المشايه كم
والله كلكم مرجله

الشاعر ابو اسد البزوني

شور سماعي

يعباس الحگ تصيح سكينه
يعباس چوه الجمر رجلينه

هجمو علينه ابلا رحم ولاذره عدهم غيره
طكوها عمتي ابكل حقد موهيه حرمه اچبيره
صاحو اطلعن بل عجل وضلينه احنه بحيره
كل وحد بينه اتروعت المن وجهنه انديره

يعباس خويه وعلي احتارينه
يعباس چوه الجمر رجلينه

خوله تصيح امن الفزع يابويه الحگ لينه
نار الخيم يابو علي وصلت ترى الرجلينه
ماعدنا والي ولا حمي اتگبعنه بس بعبينه
لو ماتجي من الرجس ياهوه چا يحمينه

يعباس انطفي الخيم بيدينه
يعباس چوه الجمر رجلينه

ام الرضيع امن البچي ليليه يغمى
اعليها
تگعد تلولي اعلى المهد كل ضنها ويناغيها
ما منذبح ضنها الولد كل ساعه ويحاجيها
وهوه السهم يابو الفضل امن الرگبه طالع بيها

يعباس كلش ترى اتتاذينه
يعباس چوه الجمر رجلينه

هم تدري بالصار وجره لوانه ازيد احزانها
رد المهر خالي الظهر وهيه اسعرت نيرانها
فرهود صاحو عل خيم وهوه اشتغل شيطانها
ترجيه بذن اختي شفت جروها من اذانها

يعباس كافلنه صاحت وينه
يعباس چوه الجمر رجلينه

عل عرجه تصعد عمتي ياعمي اول تالي
الماشاهدت ضلها الشمس صعدت ضهرها العالي
الجانت امير ام الخدر الوحدها وبلا والي
وتشوف راس اعلى الرمح مذبوح اخيها الغالي

يعباس حسينك تره مسلبينه
يعباس چوه الجمر رجلينه

ابو اسد البزوني

موشح ولائي

حسين ندريها تفشل افعالنه
نريد منك كون تصلح حالنه
*___*
نظرك منك ردنا يالكلك نظر
وندري بالجلب ابهدمك ماخسر
خلنه دوم بخدمتك موبس شهر
اتشوف ماينطلع بيها اعمالنه
نريد منك كون تصلح حالنه
___
حسين وفقنا لخدمتك يالنفل
وردنا يامولاي الك خافن نزل
يشهد الله انحبك وقول وفعل
بس ناذيك احنه مدري اشمالنه
نريد منك كون تصلح حالنه
*___*
انلوذ بسمك من مضلات الفتن
والله يعمي عيوني الك لومابجن
اعليك يحسين اقسم بجبد الحسن
غير خدمتكم شنو اشنسوالنه
نريد منك كون تصلح حالنه
___
بشر مامعصوم نخطه احنه ونصب
وانت بابك باب الله وتستجيب
على هاي اذنوبنه اقبلنا الحبيب
غير عفوك امل كلش مالنه
نريد منك كون تصلح حالنه
*___*
شما شربنا الماي تتهاوه الدموع
وبالطم لظلعوك انكسر الظلوع
الوع مثلك سيدي بيوم التلوع
وريت كون الشال راسك شالنه
نريد منك كون تصلح حالنه
___
نعاهدك ياسيدي وذمه العهد
ما نعوفك لوالف طاغي الي رد
كل عمرنه انادي ياحيدر مدد
لو تغطي الكاع تبقا اوصالنه
نريد منك كون تصلح حالنه
**___

ابو أسد البزوني

نزال لمولاي ابو الفظل العباس ع

يبو فاضل يعباس

يعكال ابوي الزود.
احلام اترسه الجود
طفهم يريد ازنود
بيمينك الماي

من رجله حد الراس
ينكط خجل واحساس
الله على العباس
بيمينك الماي

كدما كريم السهم ضاف بعينه
ياهوه مثله العزب ابجفينه
ماخذها شمره من الحسن وحسينه

الضوه يسمونه
شحلاة عيونه
يبو فاضل يعباس

تشهدله بالطف روس
بجفوفه كلها اتبوس
شحدها الرجال تحوس
كدامه عباس

زينب حجتله احجايه
والطف نشف من مايه
خله الزلم تجايه
كدامه عباس

فوك الشوارب داس اخو العلويه
والعطوه كالاها الكمر منفيه
ياهوه اخو أخيه اليكض ترجيه

سمعنا اعلومه
خلسها الحومه
يبو فاضل يعباس

عالشط ملاحم صار
رد صولته الكرار
خله الزلم طشار
يشهد فقاره

هد وعبالك ريح
خله الثكال اطيح
گام الفرات يصيح
يشهد فقاره

ما يختلف عن حيدر بصولاته
شايل ترافه اوسيف يامحلاته
فوگ الجرف ليهسه ضل جلماته

رفعها الرايه
اعلى المسنايه
يبو فاضل يعباس

صاح بعلاة الصوت
عدنه شحلاتة الموت
عالموزمه احنه نفوت
ونشگ حلكها

شحدها ولسنها اطول
زينب علي شدكول
سيفي ابيمنتي ايصول
ونشگ حلكها

اني انا العباس كافل زينب
جوله بزلمكم راح اطبن ولعب
انه الابوي اثنين شاطر مرحب

الحرب تشهدله
اليميل ايعدله
يبو فاضل يعباس

لحد يجرب احذاي
سكنه اوعدتها بماي
اني انا الرواي
حامي الشريعه

يسولف فقاري اليوم
اكسرها راح اخشوم
زينب تحشم كوم
حامي الشريعه

راح الطفوف اليوم تحجي افعالي
وزينب تصيح اونعم من كفالي
ولجلك يخويه حسين ارخص الغالي

لخو العلويه
ارخص ايديه
يبو فاضل يعباس

ابو أسد البزوني